رواية عودة بعد غياب الفصل العاشر 10 بقلم حنين الماضي
رواية عودة بعد غياب الجزء العاشر
رواية عودة بعد غياب البارت العاشر
رواية عودة بعد غياب الحلقة العاشرة
اكرم : عاوز اقولك على حاجه يا ماما
ميرفت : شكلك مش مبسوط
اكرم : والله ما عارف انا مبسوط ولا لا
ميرفت : مالك حصل حاجة
اكرم : الأستاذة أميرة
ميرفت : الأستاذة أميرة !! مرات ابوك
اكرم : اة
ميرفت : مالها
اكرم : اتجوزت خلاص فالشقة اللى اشترتها جديد
ميرفت : دة بجد بقى
اكرم : بقولك اتجوزت خلاص وكمان هى اللى اشترت شقة الزوجية
ميرفت : 🙂🙂 الله يسامحة ربطنا بيها مدى الحياة ،طيب والتانية متجوزتش هى كمان
اكرم : تخيلى بقى لأة ولما جمعت اخبار عنها لقيتها مكتفية ببنتها وقاعدة فالبيت اللى اتبنى وخلاص كدة ورافضة الجواز خالص
ميرفت : وهى هتلاقى جوازة زى اللى حصلت فين تانى
اكرم : لا انا مستغرب أن واحدة عندها ٣ اولاد وتتجوز عادى والتانية اصغر منها ومعاها طفلة صغيرة وترفض الجواز
ميرفت : سيبك منهم كل واحدة عرفت تستغل ابوك كويس اوى ،المهم خلينا فى منى هى اتخرجت دلوقتى وزميلها عاوز يجى يتقدم وانا بقالى كتير مفرحتش وعاوزة افرح بيها
اكرم : حاضر يا ماما شوفى عاوزانى اعمل ايه وانا من العين دى للعين دى
ميرفت : يا منى يا منى
منى : نعم يا ماما
ميرفت : تعالى حبيبتى انا قولت لاخوكى على زميلك وهو موافق ومرحب وانا كمان لانى واثقة فى اختيارك وانتوا الاتنين دكاترة اكيد هتبنوا مستقبل حلو مع بعض
اكرم : الف مبروك يا منمون هههه كبرتى اهو وهتلبسى الفستان الابيض زى اى عروسة
منى : هههههه تخيل
ميرفت : ربنا يفرحنى بيكوا ويعوضكوا خير عن اللى اتحرمتوا منة
اكرم : ربنا يخليكى لينا يا ست الكل ياللى من غيرك الحياة ولا تسوى والله
منى : ربنا يخليكى لينا يا ماما انتى صاحبتى الوحيدة فى الدنيا دى كلها
ميرفت : وانت كمان يا اكرم نفسى اطمن عليك يا حبيبى
اكرم : نخلص بس منمون ونفرح وبعدها هفرحك بيا متقلقيش
منى : ههههه شكلة واقع يا ماما
اكرم : ههههه واقع بس استحالة أبين كدة أنا مش اى حد لازم ابقى تقيل هههه
ميرفت : هههههههه
________________
مراد :خلاص هتتجوزى وتسافرى
منى : اممم هو مظبط أمورة كلها فالسعودية وعاوز يستقر هناك
مراد : يعنى كدة هنشوفك فى الإجازات وكل سنة مرة
منى : انا هفضل اكلمكوا على طول متخافش بس انت خلى بالك من ماما ومن مى
مراد : واهو صحيح اكرم كمان هيخطب وكلها كام شهر ويتجوز وانتوا الاتنين هتمشوا من البيت والدنيا هتفضى عليا أنا وماما ومى وتيتة
منى : ما انت بكرة تتجوز انت كمان بس عمرنا ما هنبعد عن ماما ولازم من وقت للتانى حد يسأل عليها عشان منسيبهاش لوحدها
مراد :لا انا واخد قرار مش هتجوز دلوقتى وهقعد مع ماما اكبر وقت عشان متزعلش
منى : ماما عمرها ما هتزعل اننا اتجوزنا بالعكس هى فرحانة ،يكفى انها ست قوية قدرت تحافظ علينا لوحدها وانا واخداها قدوة فى عينى واتعلمت منها دروس كتير جدا واكييييد هتنفعنى فى حياتى
مراد : المهم تبعدى عن دماغك اى حاجة مش تمام حصلت فالبيت هنا لان خطيبك راجل محترم وابن ناس فعلا وشاريكى
منى : وانا مش عبيطة عشان اهد كل دة بسبب غيرى لكن ميمنعش انى هفضل مركزة ولا أية هههههههه
مراد : هو على رأيك مهما كنا واثقين بس الدرس اللى خدناة يخلينا لازم نركز هههههههه
_________________
بعد فرح منى
_____________
دخلت ميرفت اوضتها وقفلت على نفسها وطلعت صور عز الدين الله يرحمه وبدأت تكلمة
( 🙂🙂🙂 فرح منى بنتنا كان النهاردة وكانت زى القمر وعريسها كمان ابن ناس وراجل محترم ، الناس النهاردة وهى بتباركلى وتقولى مبروك للعروسة دكتورة منى ،كان قلبى بيرقص من الفرحة ،كنت فخورة بيها جدا كنت فرحانة انى وصلتها لبر الامان ، ياترى لو كنت موجود كنت هتزود فرحتها ولا كنت هتفاجئنا بحاجة تانية عملتها ، عارف يا عز انا يوم طلاقى منك خدتة تحدى بينى وبينك وبين الدنيا وقولت هفضل اعافر غصب عن الكل لحد ما اعمل منهم حاجة ومسمحش لحد يقول إن ولادها فشلوا بسبب طلب امهم الطلاق من ابوهم والحمد لله منى بقت دكتورة قد الدنيا واكرم شاف مستقبلة فى منصب مهم فالبلد حتى مراد بقى هو كمان شغلة مستنية ومش اى شغل دة مع أهم ناس كمان وبالرغم من كدة لكن حتى مى فضلت وراها لحد ما دخلتها كلية اعلام وبتفوق .
يااااااااة لو كنت شوفتنى وانا واقفة فالنص بينهم وهما حواليا ،كنت خايفة عليهم من العين وفخورة فى نفس الوقت وعاوز أعلى صوتى واقول للناس بصوا دة تعب سنين وعمرى اللى راح شوفتة انا طلعتهم ازاى ،بصوا انا كنت بحارب ازاى 😭😭😭🥹 بصوا انا موت نفسى ازااااى ومفكرتش فى نفسى عشان اخليهم هما يعيشوا مستريحين .. ساعات اقول ياريتك كنت موجود تمسك ايد بنتك منى وتقدمها لعريسها 😭 وساعات اقول هو انت تعبت فى تربيتها عشان تقدمها ،مش من حقك تاخد عالجاهز لان انا اللى تعبت واتبهدلت وسهرت عليهم الأربعة 😭😭
كلها كام شهر واكرم كمان اتعرف على اخت زميل لية فى كليتة والبنت أهلها مستواهم عالى ومراكز أهلها محدش يقدر يعيب فيهم وابنك وابنى واقف راجل طول بعرض كان كل الفرح عينهم علية وكنت واخدة بالى بس عاوزة اقولهم خلااااااص راح لبنت الحلال اللى فضلت ادعيلة بيها وقلبى حبها اول ما شافها ..
يااااااة شوفت يا عز انت حرمت نفسك من اييييية حرمت نفسك من اجمل احساس ممكن اى اب يعيشة ، انا طلعت ولادك سند لبعض وعلى قلب بعض حتى مع إخواتهم اللى انت كافئتنا بيهم قبل ما تموت بس هما بيراعوا ربنا وبيزوروهم وانا عمرى ما هغضب ربنا واقطعهم من بعض حتى لو كان دة غصب عنى لكن غصب عنى عمرى ما هخليهم يحبوا إخواتهم اكتر ما يحبوا بعض هنا لان هما هنا لبعض وانت لازم تفهم دة كويس ، يمكن اول مرة احط راسى على المخدة النهاردة وانا قلبى مطمن وفرحان واكيد انت حاسس وفاهم كل كلمة بقولها وغصب عنى فرحانة لأن انا ربنا عوضنى النهاردة بأحساس لو كنت قعدت فكرت فية هيحصل ازاى ولا كان جه فى بالى زى ترتيب ربنا .. سامع اسمع كدة صوت ولادك برة سامع الضحك على اللى حصل فالفرح سامع ضحكة ولادك وجمالها ، بذمتك ضحكة زى دى مش تروى اى قلب أم صبرت طووول السنين دى 😭 ربنا يفرح قلبكوا يا ولادى ويعوضكوا عن اى حاجة مقدرتش اعملها معاكوا ،انا عملت اللى اقدر علية والله ولو كان فى ايدى حاجة اكتر كنت عملت بس للأسف مكنش عندى اكتر من كدة والحمدلله يارب أنا راضية بكرمك اووى والله ونفسى افضل حياتى كلها افضل ساجدة فى طاعتك ورضاك 😭)
__________________
بعد تخرج اكرم بحوالى ٣ شهور
_______________________
ميرفت : بقيت ملازم اول فى السويس واستلمت شغلك كدة نقدر نتقدم لعروستك يا حبيبى وربنا يوفقك فى حياتك
اكرم : تسلميلى يا ست الكل وهى هتموت عشان نروح ههههه
ميرفت : ههههه حطها فى عينيك وخلى بالك منها ،ودايما تخيل أن اللى تحبة لأختك يبقى لازم تحبة لمراتك لان هى ابقالك منى وهى إللى هتعملك العزوة تحترمها وتقدرها وتساعدها فى كل حاجة اوعى تتخلى عنها وتخليها تعيش دور الراجل وخليك دايما راجل فى بيتك مش بالصوت العالى زى ابوك ما كان بيعمل لالا يا ابنى ,راجل انك تخليها متقدرش تستغنى عنك وتبقى تايهة وانت بعيد .
اكرم : كلامك معايا عكس كلامك مع منى
ميرفت : لان منى بنت وعاوزاها للظروف بعد الشر تقدر تعتمد على. نفسها لان جوزها انا عارفة ابن حلال ربنا يحفظة لكن مش ابن بطنى اللى جابتة ومعرفش الزمن هيغيرة ولا لاة عشان كدة هى لازم تكون واعية لبيتها ولجوزها لكن هنا انت الراجل والبيت مسئوليتك وانا امك وبقولك الصح اللى يخليك كبير فى نظر مراتك واهلها وقبل كدة دة ولادك كمان وحافظ على بيتك وأوعى مهما زعلت من مراتك تسيبها تنام غضبانة دى امانة عندك وعلى قد ما هتراعيها هى هتراعيك
اكرم : انتى حما بذمتك هههه دة انتى بلسم والله
ميرفت : ربنا يهدى سركوا ويتمملك على خير يارب
______________
اتقدم مراد وتمت الخطوبة على اخت صاحبة فى نفس دفعتة وبعدها بفترة تم الزفاف الحمد لله
_______________
مراد : ههههه البيت عمال يفضى يا ماما
مى : انا بقيت انام فى اوضتى لوحدى وانت كمان هتنام فى اوضتك لوحدك هههه
ميرفت : بكرة يجى يوم والملازم مراد هو كمان يتجوز ويسيب البيت والمذيعة مى تتجوز وتبقى كل الاوض فاضية واقعد انا وتيتة بقى وشنا فى وش بعض ههههه
مراد : انا مش هتجوز ومش هسيبك ابدا
مى : وانا كمان يا ماما
ميرفت : هههههههه اهو كلام بس لما تختاروا زى اخواتكوا كدة هتجروا وهتبقوا مستعجلين
كلهم : ههههههههه
____________
قبل تخرج مراد بشهر وكان وقت التدريب الخارجى
————
مى : مراد انت كل شوية نازل طالع وانا مش عارفة اذاكر
مراد : انتى بتتلككى عشان متذاكريش
مى : انت على فكرة رخم وهقول لماما عليك
مراد بصوت عالى : اقعدى ساكتة بقى انا مش عاوز كلام
ميرفت : انت بتزعقلها كدة لية اوعى تزعقلها كدة تانى واياك حد يجى جنبها طول ما انا عايشة ومتكلمش معايا ومش مسمحاك عشان زعقت لأختك
مراد بغضب : 😡 انتى على طول بتحاميلها انا داخل اوضتى
مى : هى تيتة مش ناوية تيجى بقى ،بقالها كتير عند اختها
ميرفت : اسبوع وترجع اهى بتغير جو
________________
بعد حوالى ساعتين من خناقة مراد ومامتة ..
مراد قعد على السرير وهو مضايق جدا ومتنرفز وبدون شعور راح فالنوم لكن نص عقلة بيفكر ومضايق ونص التانى راح فالنوم …
مراد شاف ميرفت داخلة علية مبتسمة وبطبطب علية وباستة من راسة وقالتلة متزعلش منى انا مش قصدى ازعلك وانا مسمحاك يا حبيبى وطبطبت على راسة تانى ..
مراد فتح عينة يدور على ميرفت ومبقاش عارف هو دة حلم ولا رؤية ولا فعلا هو سمعها وهو نايم وقلبة قام بسرعة جررى يدور على مامتة فالشقة يسألها هى فعلا سامحتة ولا لاة وان دى اول واخر مرة يزعق لاختة لانة بيحبها جدا لكن هو كان متوتر شوية …
مراد : ماما ماما انتى نايمة
ميرفت بتشهق
مراد :مامااااا ماماااااااا مالك
مى : ماما بسرعة يا مراد هات ماية
مراد بسرعة البرق : حاضر ،خدى يا ماما اشربى خدى نفسك مالك يا حبيبتى
ميرفت :
مى : ماماااااااا فتحى عينك عشان خاطرى رددددى علينا
مراد : ماما مالك انا هروح انادى الدكتور اللى قدامنا
مى : ونبى يا ماما تقومى تردى علينا عشان خاطرنا ونبى 😭😭
مراد : الدكتور جة اتفضل طمنا ونبى
الدكتور بعد ثوانى لما فتح عين ميرفت : 🥹 ربنا يصبركم البقاء لله
مراد ومى : لااااااا ماماااااا متسيبيناش ملناش غيرك قوووومى عشان خاطرنا
مى : ماماااااااا يا مراد مامااااا راحت
مراد : قومى يا مامااااا انا مش زعلان منك والله قومى يا حبيبتى وحقك عليا واعملى فيا اللى عاوزاة
الدكتور : ربنا يصبركم
مى : لاااااا متقولش كدة انت اكيد غلطان اكييييد يا مراد لازم ننقل ماما المستشفى
مراد : 😩😩😩😩
الدكتور فالمشتشفى : البقاء لله هبوط حاد فالدورة الدموية بسبب عضلة القلب ضعيفة
مراد : ماماااااااااااا اعمل ايه من غيرك دلوقتى طيب مين هيسمعنا
مى : 😭😭😭😭😩😩😩
______________
ماتت ميرفت الأم والبطلة الحقيقية للرواية ..ماتت الأم إللى قدرت تتحدى كل الصعاب عشان خاطر اربع اطفال لا حول ليهم ولا قوة ،ماتت الست الصبورة والمكافحة اللى كلنا حبيناها وكانت تستاهل الحب والاحترام والتقدير من الكبير قبل الصغير …
صدمة وكسرة قلب جااامدة لكل اولادها اللى كانت سند وأمان ليهم فالحياة وصديقتهم قبل ما تكون امهم وتستاهل فعلا الحزن عليها … ربنا يرحمك ويغفر لك ويجعل مثواكى الجنة اللهم امين … كنتى رمز للقوة والصلابة والام المثالية اللى اكييييد كلنا هنتعلم منك .. فى جنة الخلد يا حبيبتنا كلنا 🙈🤲🤲🤲🤲🤲🤲🤲
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عودة بعد غياب)
