رواية العشق والقدر الفصل الثاني والعشرون 22 بقلم ليلى هشام
رواية العشق والقدر الجزء الثاني والعشرون
رواية العشق والقدر البارت الثاني والعشرون
رواية العشق والقدر الحلقة الثانية والعشرون
خرجت حياة وجاكلين من الاسانسير وراحوا عند المطعم ودخلوا رعد اول ما شاف حياة.
رعد:اهدي اهدي وأثبت اي يا حياة ده يخربيت حلاوتك يا شيخه ده انتي لو قاصده تجنيني مش هتعملي كده افففف طبعا الدريس كان شكله عادي إلا أن حياة كانت ايه في الجمال فيه راحوا عند طرابزتهم وقعدو حياة قعدت مكانها جنب رعد وفي لمحه كده بتبصله لقته بيبصلها وقام غمزلها بطرف عينه منغير ما حد ياخد باله حياة ارتبكت وقلبها دق وبصت قدامها بس عينيها تلقائي بتروح عليه وكإن مفيش غيرهم قاعد الغدا جه وكلوا ورجعوا يشتغلوا تاني الاجتماع خلص الساعه 7 كانوا اتفقوا علي كل حاجه رعد وحياة قاموا علشان يمشوا ومارك وجاكلين قاموا معاهم يوصلوهم لحد بره الاوتيل.
مارك:فرصه سعيده جدا سيد رعد.
رعد:انا اسعد سيد مارك وانشاء الله هيكون في تعاون كتير بينا.
مارك وهو بيقلده بالعربي:انشالله.
حياة سلمت علي جاكلين ومارك مد أيده وسلم عليها وباس أيدها وحياة اتفاجأت من تصرفه ده.
مارك:فرصة سعيده جدا انسه حياة وتسمحيلي اسجل اعجابي بكي.
حياة سحبت أيدها بارتباك:شكرا.
رعد مسك ايد حياة بقوه:عن اذنكم.
مشي رعد وهو ماسك ايد حياة وضغط عليها جامد وحياة ماشيه وراه وصلوا عند العربيه فتحلها الباب وركبها وركب ومشي.
رعد وصلها البيت وطول الطريق كان ساكت اول ما وقف قدام البيت.
رعد بوجه خالي من التعبير:وصلنا.
حياة لسه هتفتح الباب رجعت تاني:هو حضرتك متدايق من حاجه؟
رعد:لا مش متدايق.
حياة:امال ليه من ساعة ما مشينا من الفندق وانته شكلك متدايق؟
رعد بنرفزه:يوووه يا ستي مش متدايق.
حياة انصدمت من طريقته واتدايقت جدا وهي بتنزل:انا اسفه أن كنت أدخلت اذنك.
حياة طلعت تجري من العربيه ودخلت بيتهم رعد بعصبيه:اي الي انا عملته ده غبي وهي ذنبها أي اصلا تتعصب عليها كده غبي غبي.
رعد قعد يضرب علي الدريكسيون بقوه وغضب وبعدين حس أنه اتدايق ومكانش عاوز يروح فضل يلف في الشوارع.
في ڤيلا السيوفي كانت ملك قاعده في اوضتها وبتقرا كتاب تليفونها رن بصت كان احمد استغربت شويه وبعدين ردت فضلت ساكته وهو ساكت بس صوت أنفاسهم كانت مسموعه لغاية ما احمد قرر يقطع الصمت ده
احمد:حبيت اكون اول واحد يقولك كل سنه وانتي طيبه.
ملك حست ضربات قلبها زادت وفضلت ساكته.
احمد: مش طول عمرك نفسك حد يكلمك قبل ما الساعه تدق 12ويقولك كل سنه وانتي طيبه؟
ملك اخيرا اتكلمت:حد.
احمد ابتسم:حد مميز يعني.
ملك:ههو أنته لسه فاكر عيد ميلادي وفاكر اني بحب حد يكلمني يقولي كل سنه وانتي طيبه؟
احمد بحب ظاهر:قصدك برضو حد مميز واه يا ملك لسه فاكر عيد ميلادك وفاكر كمان الحجات الي كنتي بتحبيها والي مبتحبيهاش انا ممكن انسي اي حاجه في حياتي انسي روحي ودنيتي ولا انساكي يا ملك ولا انسي حاجه بتحبيها.
ملك دموعها اتجمعت في عينيها:طب أنته عاوزه اي دلوقتي.
احمد اخد نفس:انا مش عاوز حاجه يا ملك فاضل 30ثانيه والساعه تدق 12 ممكن بس تطلعي البلكونه.
ملك قامت من سكات وطلعت البلكونه.
ملك:طلعت.
احمد:بصي للسما واتمني امنيه.
ملك رفعت راسها وبصت للسما واتمنت اتمنت أن احمد يكون بيحبها زي ما بتحبه هي حاسه بحبه بس محتاجه تسمع منه واتمنت أن اخواتها يفضلوا جنبها علي طول.
احمد:اتمنيتي.
ملك:اتمنيت.
احمد:عدي بقي معايا 10 9 8
ملك:7 6 5
احمد:4 3 2 1.
فجاه الالعاب الناريه والصواريخ ضربت في السما وكان شكلها وهمي وجميله جدا ملك دموعها نزلوا بس كانت بتضحك ومبسوطه لأنها بتحب الحاجات دي جدا فضلت تتفرج عليهم لغاية خلصت دخلت وقعدت علي السرير شويه تفكر وبعد كده النوم غلبها ونامت.
رعد دخل البيت كان كل واحد من اخواته في اوضته ونايم دخل اوضته وقعد بهدومه وهو عمال يفكر في حياة ويفكر هايصالحها ازاي لغاية لما نام وهو في نص السرير وبهدومه.
في الناحيه التانيه حياة كانت واقفه عند الشباك وسرحانه وكانت شايفه الالعاب الناريه والصواريخ وفضلت واقفه تتفرج لأن هي كمان بتحبهم دموعها نزلوا واتدايقت أن رعد اننرفز عليها وكده وبعدين تعبت من عند اليوم ونامت.
تاني يوم رعد صحي لقي نفسه نايم بهدومه اخد شاور ونزل راح الشركه.
أما حياة صحيت بكسل وقامت اخدت شاور ولبست وراحت الشركه وقالت إنها مش هتتكلم مع رعد.
حياة وصلت عند الشركه ودخلت وكانت هتركب الاسانسير لأنها حست انها اتعودت لسه الباب هيتقفل في حد فتحه واتفاجأت أن الحد ده رعد ورعد اول ما فتح الباب وشافها اتفاجئ بس دخل وداس علي الازرار والاسانسير اتحرك هما الاتنين واقفين جنب بعد بس ساكتين حياة مش عاوزه تتكلم معاه ورعد مش عارف يقولها اي او يعتذرلها ازاي.
اول ما الاسانسير وقف حياة اتحركت وطلعت ورعد اخد نفس وطلع وراها حياة وقفت دخلت عند مكتب رضوي رعد وصل وصل لحياة وقال:حياة اعمليلي قهوه.
حياة منغير ما تبصله:حاضر
مشيت حياة ورعد دخل بعد شويه حياة جابت القهوه ودخلت وحطت القهوه علي المكتب من سكات خالص.
حياة:عن اذنك.
رعد:استني يا حياة……. رعد وقف وراحلها وقف قدامها.
رعد:حياة انا اسف اني اتنرفزت عليكي امبارح بس انا والله كنت اتخنقت من ضغط الشغل وكده وفصلت خالص وفي حاجه كده ضايقتني متزعليش مني.
حياة وهي باصه في الأرض:مش زعلانه.
رعد:طب ارفعي وشك علشان اتاكد أن انتي مش زعلانه.
حياة رفعت وشها وبصتله وهو ابتسم لها ابتسامه جذابه وطلع حاجه من جيبه.
رعد:ممكن بقي تاخدي دي مني.
حياة بصت لقتها شوكولاته انفلتت منها ضحكه غصب عنها ورعد انبسط جدا لما لقاها ضحكت كده.
رعد:انا لو كنت اعرف أن الشوكولا هتخليكي مبسوطه كده كنت هجيبلك دسته شوكولا.
حياة اخدت الشوكولاته ورفعت راسها ليه:شكرا
رعد:ممكن بقي اطلب منك طلب؟
حياة:اتفضل.
رعد:ممكن تحضري حفلة عيد ميلاد ملك اختي النهارده انتي واسيل اختك.
حياة:اشمعني يعني.
رعد:انا كده كده عازم الشركه كلها بس حبيت اعزمك انتي واسيل بصفه خصوصيه شويه
ها هتيجي؟
حياة سكتت شويه ونزلت راسها لتحت بس رفعتها تاني وقالت:هاجي.
في مكان تاني كان في واحد قاعد علي كرسي وكان مدينا ضهره وبيتكلم.
شخص١:امم عملت اي؟
شخص٢:سايبها تستوي علي نار هاديه.
شخص١:امم ما انا شوفت الصواريخ الي ضربت في السما.
شخص٢:النهارده في عيد ميلادها هطلب منها الجواز.
شخص١:طب روح أنته دلوقتي.
مشي الراجل والشخص الي كان قاعد علي الكرسي شرب الخمر وعنيه كلها شرار.
شخص١:نهايتك قربت يا ابن السيوفي.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
