رواية قضية طلاق في المجتمع المصري الفصل الخامس 5 بقلم تسنيم حسن
رواية قضية طلاق في المجتمع المصري الجزء الخامس
رواية قضية طلاق في المجتمع المصري البارت الخامس
رواية قضية طلاق في المجتمع المصري الحلقة الخامسة
= ليه مش هتقدر تساعدنى؟ انا جايبلك مكالمه مسجله بصوته فيها كل الادله
– التسجيل دليل غير قانوني ولو قدمناه للمحكمه ممكن يقدم فيكى بلاغ انك مسجله بدون اذنه .. احنا هنرفع قضيه خلع من غير ذكر الدليل ده … هنكتب بس اسبابك المنطقيه … الموضوع هيطول شوية بس ان شاء الله يتحكملك بالخلع
= طب انا جوزي المفروض مستنيني فالبيت عشان ارجع معاه ومش عارفه اعمل ايه
– لا دي مشكلتك حاولى تحليها انتى بقا
= طب لو رجعت معاه .. دا هيأثر على الاجراءات؟ وايه المطلوب؟
– لا مش هيأثر على الاجراءات وف الغالب احنا مبنجتاجش لأدله احنا هنرفع قضية خلع ونقول في الصحيفة الدعوية استحالة العيشة معاه وانه اصلا كان رافع دعوة بطلبك ف بيت الطاعة بأدلة غير حقيقية … وان شاء الله يتحكملك بالخلع
= ان شاء الله … عن اذنك
“في البيت”
& اتاخرتي كدا ليه ياختى
$ معلش يا ماما يا دوب جيت علطول اهو والله
& طيب شوفي يلا هتعملى ايه
$ حاضر … ماما
& نعم عايزة ايه
$ انا اسفه
& على ايه هو حصل ايه بالضبط عشان تتأسفى عليه
$ على اخر مره لما كلمتك … انا عارفه اني غلطانه ومهما حصل ميحقليش اكلمك بالطريقة دى … سامحينى يا ماما انا بس كانت نفسيتى تعبانه ومكنتش واعية للى بقوله
& انتي مغلطتيش يا نيرة … انتى قولتى الحقيقة انا مكانش ينفع اكمل مع ابوكى على امل اني اوفرلك حياة فيها اب وام مع بعض … مكنتش اعرف ان كل دا هيحصلك كنت فاكرة انى كدا بحافظ عالبيت وعليكى
$ طب وليه هترجعينى لجوزى غصب عنى طيب؟
& مش معني اني معترفه اني غلطت انك كدا مغلطتيش لما سيبتى بيت جوزك من وراه وأهملتيه واضطرتية يطلبك في بيت الطاعه
$ يا ماما انا بنتك اللى ربتيها على ايدك، انتي تصدقى اني عملت كدا ؟ وحتى لو دا حقيقى مكلمكيش ليه سواء أنتى او بابا الاول يشتكيله ويشوف حل !
& مش هيفرق اصدق ولا لا .. ابوكى مصدق، وبعدين دا رفع عليكى دعوة ف بيت الطاعة، وانا مش عايزة اعملك واعمل لينا فضايح فالمنطقه … الطلاق مش سهل يا بنتى هو انا يعنى مفكرتش قبل كدا فالطلاق بس احنا ملنش حد وملناش ضهر …. ارجعى لبيت جوزك يابنتى واخزى الشيطان وبلاش مشاكل
$ يعنى دا اخر كلام عندك يا ماما
& انا داخله المطبخ اشوف الغدا
مفيش خمس دقايق كان الجرس بيرن
راحت ماما فتحت :
= أحمد … أزيك يا حبيبى اتفضل .. اتفضل
– ازيك يا حاجة، اومال فين نيره
= ف اوضتها بتجهز شنطتها عشان ترجع معاك … ربنا يهدى سركوا يارب
– ااااه … طب قوليلها فالانجاز كدا عشان عايز اروح
= طب اقعد بس استريح كدا وخليكوا اتدغوا معانا النهارده
– لا مش هينفع انا تعبان عايز اروح ارتاح ف بيتى وهي موجوده تعمل الاكل ف بيتها
= طيب هندهالك اهو حاضر
دخلت امها الاوضه عليها
= بت يا نيرة يلا جوزك جه
$ حاضر يا ماما انا جاهزة اهو
$ ازيك يا احمد
– اهلا بالهانم … مش يلا ولا ايه
$ اه حاضر … مع السلامه يا ماما مش عاوزة حاجة
– مش هنخلص بقا عايز اروح ارتاح دا اي الهم دا
= يلا يا بنتى امشي مع جوزك
$ حاضر يا ماما سلام …
شدها من ايدها جامد وخدها بعنف نزلت معاه
وركبت العربيه …
براحه شويه مش كدا … منا جاية معاك اهو
هو دا اسلوبي وان شالله ما عجبك …
وصلوا البيت … مستناش تاخد نفسها
قدامك ساعه الاقي الغدا جاهز والشقة متروقه وزي الفل … انا هخش اريح على ما يجهز الغدا عشان نازل
ايوة بس انا لسه مستريحتش من المشوار
مليش فيه … ولا شكلك وحشتك علقة كل مره
لا وعلى وايه انا داخله اغير هدومى وراحه عالمطبخ
كانت مرهقة وتعبانه جدا … بس مفيش اي وقت تستريح لازم تلحق تجهز الغدا … البيت كان مترب ومبهدل ومليان سجاير وزباله .. وكان محتاج وقت ومجهود ف تنضيفه
فات ساعه ونص يا دوب كانت خلصت الغدا ونضفت الريسبشن … دخلت صحته عشان ياكل كانت تعبانه جدا
(بقلمى تسنيم حسن)
احمد اصحي يلا الاكل جهز
صحيت …. انتى راحه فين مش هتاكلى معايا ولا ايه
لا مليش نفس وتعبانه اوي عايزة ارتاح ف السرير
عنك ما كلتي ريحتينى من وشك العكر دا
الايام كانت بتمر ببطء لسه موصلتش لحاجة فالقضية … ولسه جوزي موصلوش ورقه من المحكمه بالقضية اللى انا رافعاها
كل يوم بحس بتعب اكبر من اليوم اللى قبله … تعب جسدي ونفسي وارهاق شديد … مبقدرش اقف خمس دقايق على بعض … وعايزة انام طول الوقت
النهارده انا قولتله اني نازلة اجيب طلبات للبيت … بس فالحقيقة اني كنت راحه المحكمه اتابع الاجراءات، غيرت هدومي ونزلت من البيت وانا عندي هبوط شديد ودوخه ووقعت من طولى وكان السبب إنى …… !!!!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قضية طلاق في المجتمع المصري)
