رواية منقذي الفصل الرابع 4 بقلم مروان فرج
رواية منقذي البارت الرابع
رواية منقذي الجزء الرابع
رواية منقذي الحلقة الرابعة
رجع ابراهيم للمربوعه وجي معز وبعد ساعه وصل سالم وجي الشيخ وادن الظهر صلووو وتغدوو وكان في شوي ناس هكي ع الفاتحه وقعمزو علي عشان يقروو الفاتحه وهكي جي الشيخ كيف بيبدا يتكلم
علي خشت امير للمربوعه وقال السلام عليكم🔥🔥
ردو عليه الناس وقالو وعليكم السلام وجي امير وقعمز وكان يشوف لي ابراهيم وسالم بنظره 🔥🙂
ابراهيم…مباش يدور امير بكل وفي نفس الوقت حس بانه امير مش رح يمشي الأمور علي خير وعلي طول كلم الشيخ وقاله خلينا نبدوو
الشيخ …بسم الله وجي بيتكلم
امير….لحظه من فضلك ي ياشيخ نا عندي كلمتين ونبي نقولهم
ابراهيم….شن تبي انتا مش وقتك توا بعدين
امير….وقف وقال بنتي خالتي اني نبيها ومافيش حد رح يقرا فاتحها غيري🔥
الكل يلي كانو داخل انصدمو من كلام امير مافيش حد توقع يصير هكي بكل ابراهيم ومعز وسالم كانو كلهم مصدومين😨🔥
ابراهيم….شن تحكي انتا ي امير
امير…..زي ي سمعته
ابراهيم …عن ادنكم شوي وخدي امير من يديه وطلع هوا وياه ومعز برااا وقعدوو يحكو
ابراهيم….اطلع منه الموضوع ي امير انا عارفك انك بتخطب الايام الجايه وموضوعه هدا مش ليك بكل خلي الامور تمشي اليوم خير ماتصير مشاكل وارجوك معاش تدخل ف امور ماتخصكش🔥😐
امير… كلمتي قوتهلك ومش رح نتراجع فيها بكل قولي شن عندك انتا ..🔥
انا راهو فهمت انا بعت اختك ع خاطر فلوس بس عيب والله ماتجيش اللقطه هادي وعارف انك كل يوم تضرب فيها عشان تجبرها تتزوجه
ابراهيم …..يلي نبيه انا مش رح يكون عندك
امير ….. قولي كم تبي فلوس ونا نعطيهاك وامشي كلم الشيخ قولهم ماصارش من الفاتحه ولزه الشيباني هدا تبي اضحك علينا الناس توا راهو كلهم يحكو عليك وعلي افعالك
ابراهيم…..امشي ي امير مانبيش ندير مشاكل توا معاك خلي اليوم هدا يمشي ع خير 🔥😐
امبر….قمسبالله ماتمشي توا تكلم الشيخ رح يصير شي مش كويس بكل انا نبيها اختك ورح نتزوجها ورح نعطيك فلوس ولو تبي شركه عقارات تخدم فيها انا عندي شن تبي تاني ومن غضوا نقرو الفاتحه
معز ….خدي خوه ابراهيم ع جنب وكلم وقاله قوله تمام هكي خير عارف انا امير مش رح يمشي الأمور ع خير
ابراهيم…. باهي تمام تعال معاي وخش هوا وامير للمربوعه وكلمو الشيخ وقاله انا عطيت اختي لولد خالتي 🔥
سالم…اول ماسمع الكلمه هادي نااض وهوا معصب بكل وطلع ركب ف سيارته وكان راقيله بكل من يلي صارر 🔥🔥
وناس طلعو كلهم يلي جاايين معاه قعدو العيله بس
انا ..كنت مقعمزه داخل معا بنات خالتي وكانت دمعتي ع خدي كنت نبكي 😥لانا نبيش نتزوج واحد شيباني وكانت ساندرا ومرام ورواسي وكل العيله بحداي هك يحاولو يغيرولي جوي بس كنت زعلانه وفجاه خشت بنت خالتي ريان وقالت سمعتهم شن صار…..😨🔥
انا ….قعدت نشوف وكنت مستغربه شن في والعيله كلهم قعدووو يسالو شن في وشن يلي صار برااا
ريان….سمعت توا من خوي كان معا الرجاله برا انا الخطبه ماصارش منها والراجل توا روح
انا ….كنت نسمع ومش مصدقه يلي صار
خالتي سعاد….كيف صار هكي بس 🔥
ريان …خوي قالي امير وقف قدام الناس وقال نبي رتاج ونبيها ليااا وابراهيم وافق…🔥
انا …كنت نسمع ومش مستوعبه الكلام هدا
ساندراا …..فرحت هلبااا وجت جضنتني وكانت فرحانه هلبااا ليااا❤️
سعاد …كيف يعني وخدت تلفونها ورنت علي امير عشان تفهم منه شن يلي صار
سعاد….امير وينك انتا😐
امير …انا براا توا قدام حوش خالتي
سعاد….خليك جايتك
امير…هي تلقيني براااا
سعاد…خلوكم شوي نمشي نفهم القصه ونجي نقولكم وطلعت سعاد ونا قعدت انا وساندرا وتقولي دارها امير دارها
انا….شن هيا ي ساندرا مش فاهمه شي ني من يلي صار😐
ساندرا….انا حكيت معاها وقوتلا بس هوا دارها وخطبك
انا… قصدك قوتليه يخطبني
ساندرا….اي الحمد لله ياربي خلي ماما تمشي وتجي واطمنا
انا….به وقعدت ساكته ونحس فيه زي الحلم يعني كيف ابراهيم وافق هكي طول ☹️
سعاد….طلعت ولقت امير برا يستني فيها جت وقالته شن هدا يلي سمعته توا
امير …اي ي امي نا خطبتها رتاج من خوها وهوا وافق وخلاص الموضوع عندي انتهي🔥
سعاد….بس ي امير انا عارفتك انك تبي بنت تانيه كيف رح ادير
امير.. رح نتفاهم معا رتاج هيا مش ماتبيش تتزوج الشيباني خلي موضوع هدا شوري بس ❤️
سعاد….بس ي امير هدا موضوع كبير راهو زواج رح تظلم روحك فيه
أمير…. إنشاء الله تمشي لامور ❤️ خلي الموضوع شوري اني خشيت فيه ورح نكمله
سعاد… باهي ي ولدي وخشت سعاد داخل وقعدت تزعرت وجت حضنتي وقاتلي مبروك يا رتاج ع خطوبتك من امير
انا….ف وقتها معاش عرفت نضحك ولانبكي ولاشي قعدت مصدومه وخلاص كيف هكي امير خطبني ماعمريش حسيت بشي من ناحيه لايحبني ولاشي ليش يخطبني هكي
ساندرا… مبروك وجت حضنتني وكل العيله باركولي وحضنوني وهكي كانو الكل فرحانين ليااا ❤️❤️
___________________________________
مشي الوقت وكنت مقعمزه انا وبنات خالتي ونهدرزو وكنت لابسه فقطان حلوو ❤️🤤وهكي مقعمزين وجت العشيه قعدو كل مره يروح حد والحوش قعد يفضي وقعدنا نا وبنات خالتي سعاد بس كانو يبو يروحو بس امي شدتهم ع العشي
ساندرا….رتاج تعالي نقعمزو براا شوي كلهم روحو ومعاس في حد قاعد
انا….باهي هي ومشينا قعمزنا براا
ساندرا …شن رايك ناخدو صور حلوه بمناسبه المناسبه الحلوه هادي🤤🔥
انا .. باهي عادي وصورت انا وساندرا كم من صوره حلوه هكي هيا صورتي ونا صورتها بتلفونها هيا وجت خالتي سعاد وامي ومقعمزنا معا بعض وقعدنا نهدرزو و لين جي اليل ودرنا عشي❤️
روح خوي ابراهيم وخش للحوش سلم علي خالتي سعاد وحكت معاه شوي وشوي جت امي وقاتله كلم ولد خالتك يجي يستعشي معانا
ابراهيم….باهي تمام واتصل باامير وكلمه ع العشي وجي ابرهيم وروح معز ودرنا عشي وقعمزو تعشو داخل ف المربوعه🔥
وقعدو يحكو وينفاهمو علي كل شي من خطوبه والفاتحه وطلبات ابراهيم والفلوس وكل شي هوا وامير وهما يحكو رن تلفون ابراهيم طلعه ولقاه سالم يتصل بيه رد عليه ابراهيم
سالم …رح نخليك تدفع ثمن يلي درته اليوم غالي ي ابراهيم مش نا سالم يلي تلعب معاه🙁🔥
ابراهيم….قولي شن تبي من نهايه مش فاضي نا راهو
سالم …نبي مفتاح الشركه غضوا تسلم ومعاش نبي نشوفك وجهك بكل فاهم
ابراهيم….غضوا تلقاه ف الشركه ولو عندك شي عندي تاخدن وسكر عليه
امير….العمل عندي رح نخدمك ورح نعطيك مبلغ يلي تبيه ي ابراهيم تمام
ابراهيم….خلاص تمام وقعدو يحكو معا بعض
طبعا امير مهندس وحالته الماديه كويسه خادم علي روحه ومكمل قرايته وكل شي يعني اموره تمام ويقدر يدفع يلي يبيه ابراهيم ❤️❤️
_________________________________
جت الساعه 12في اليل واستادن امير عشان يروح هوا وامه وخواته
سلمت ع خالتي سعاد وبناتها وحضنتهم وركبو معا امير وروحوو لحوشهم
وانا ضميت الحوسه كلها وخشيت دوشت ❤️
ساندرا….تعرف ي امير بجد احسن شي درته اليوم انك خطبت رتاج امتا بنديرو العرس😍❤️
امير ….هههههه مزال الوقت
ساندرا….هيا مستعجله نا نبي نفرح بيك
سعاد….اسكتي توا مش وقتك
ساندرا …اي شن قولنا عاد ووصلو قدام الحوش ونزل امير هيا وامه وخواته خشو للحوش وامير قعد يدور علي تلفونه بس مالقاش
امير….ساندراا ديرلي رنه لتلفوني مالقيتاش مش عارف وين طاح مني بس
ساندرا …..هاك تلفوني دير رنه نا بنخش نغير دبشي مش فاضيه توا
امير….هاتي وخدي تلفون ساندرا ودار رنه لتلفونه قعد يرن بس قال اكيد طاح مني ف السياره طلع امير ومشي لسيارته لقي تلفونه فصل المكالمه وهكي بالصدفه قال خليني نشوف الاستديو واول ماخش ع الاستديو لقي صور رتاج وساندرا يلي صورهم اليوم 🤤🔥
امير…قعد مركز ع صور رتاج هلباا وقعدو يشوفلهم وبعدها ع جول خش خدي ايميل رتاج من ساندرا ورجع عطي التلفون لساندرا 🔥
وخش لدراه غير دبشه واتكي ع السرير ….وقعد يدور علي ايميل رتاج ع الماسنجر 🔥
__________________________________
ونا لميت الحوسه وخشيت لداري وفتحت نت قلت نحكي شوي معا ساندرا بالك ف جديد واول مافتحت الفيس لقيت طلب مراسله من شخص فتحتا😨وكنت مصدومه
انا فتحت النت ولقيت طلب مراسله من شخص فتحته ولقيته امير وكاين حاط صورته وباعتلي رساله كاتبلي فيها رتاج ردي نبيك في موضوع
انا…شن يبي مني هدا توا قصدي مافههمتش شن نرد قعدت شوي وامير لما شافني قريت رسالته باعتلي ردي ي رتاج احسن راهو😳
انا….فتحت عيوني ع الاخير كيف يقدر يحكي هكي معاي هدا من يكون اصلا بعتتله لايك وطلعت من المحادثه🙂🔥
امير….صاار ماتبيش تردي باهي شوفي هادي كنت نشوف ف الرساىل ومانردش لعند ماقالي شفت صورك يلي صورتهم اليوم طالعه حلوه 😳😳💔
انا….قعدت مصدومه ومش فاهمه شي كيف هكي صاار من وين شافهم صوري زعما ساندرا هيا يلي وريتله بس مستحيل ساندرا ادير هكي
انا….كيف شفت صوري ومن هوا يلي بعتهلك بس
امير….مافيش حد بعتلي شفتهم وخلاص خيرك ماتبيش تردي باهي
انا….لا عادي بس استغربت شن تبي مني بس
امير…..مانبي منك شي بس هك كنت نبي نحكي معاك شوي❤️
انا….اممم باهي
امير….بنسالك ليش كنتي ماتبيش تتزوجي الراجل هداكا وليش خوك هوا يلي يبي يزوجك
انا…..يعني راجل كبير وكيف تبيني نتزوجه الحق كنت مش راضيه بكل
امير…..امممم باهي كويس
انا…بس ليش انا درت هكي اليوم ليش شن السبب يلي خلاك تخطبني اليوم 🙁
امير….مش عارف الحق معا الايام رح تعرفي
انا…باهي وقعدت نحكي معا امير شوي هكي متاع نص ساعه بس حسيت مافيش شي يجدب فينا ليعض لامشاعر لاحب لاشي عادي كنا نحكوو عادي كانا اصدقاء فقط❤️
تسريع الأحداث 🔥
مشو اسبوعين ع الحال هدا وكنت نحكي معا امير ديما ف اليل هكي يعني نتعرفوو ع بعض اكثر واكثر كانت محادثتنا عاديه جدا نهدرزو مثلا يعني جو مافيش حب ولاشي شي يعني
وطبعا كنت نحكي معا ساندرا وفهمت من كلامها انا امير يحب بنت ويببيها بس معاش سمعت انا يحكي عليها بكل قولت ممكن لما خطبني معاش دورها 🔥
المهم حدو موعد البيان وتلبيس الدبله والفاتحه بسرعه لانا خوي ابراهيم كان مستعجل وامير وافق علي كل شي
قعدت امي وبنات خالتي هكي ف حوشنا يجهزو للبيان كان حوشنا يومي معبي يجو الجيران وهكي ناس قريبن لعيلتنا كانو كل العيله يستنو في الخطوبه وفرحانين ليا الا انا ماكنتس فرحانه حسيت انا امير رح يتزوجني ع الورق بس وحسيت بأنه ف شخص ثالث رح يكون ف حياتنا 💔
لعند ماجي اليوم يلي قبل البيان كان امي مشغول بترتيب الحوش وكل شي امي كلمت مرت عمي سناء وقوتلها ارفعي معاك رتاج السوق وخوديها حاجات كل مايلزم البيان نبيها تطلع عروس
ومشينا من الصبح للسوق وقعدت سناء تقولي هدا حلو فقطان لونه بيج حلو وملكي نقوله مش عاجبني قعدنا ندور طول الوقت وكل شي نقوله مانبيش ومش ضايقته ومش حلو🔥😅
لعند ماقاتلي تعبت منك خودي خير مانتصل بي امك
المهم … واخيرا خدينا فقطي زهري كان حلوو بس انا كنت مش عاجبني وخدينا كل السوق وروحنا للحوش
وكل هدا عشان كنت نجهز ليوم ماكنتش عارف شن رح يصير بعدها يوم بياني يلي رح يكون بكره…..🔥🔥
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية منقذي)
