رواية النصيب الفصل الأول 1 بقلم ساندرا الطرابلسي
رواية النصيب الجزء الأول
رواية النصيب البارت الأول
رواية النصيب الحلقة الأولى
اسمي عهد مواليد99 من سكان مدينه طرابلس عندي اخت وحده اسمها ساره مواليد97 واخ واحد اسمه ايمن مواليد93 بابا اسمه عبدالله وماما اسمها خديجه
انا الانسانه يلي م نامن بالشي اسمه حب بكل ،عايشه حياتي وم نفكر ف شي هدا بكل نقرا ف معهد تمريض نحب قرايتي هلباا وكنت نقرا بجهد بس علشان نتخرج ونبدا نشتغل ، بس فجأه حياتي تغير 180 درجه لم جربت الحب خسرت يلي نحبه !!!
وم تريحت ف حياتي وادمرت ونكسرتت وتغيرت من انسانه تانيه بكل دمرت حياتي بسبب اقرب انسانه ليه
تعدبت هلباا ونكسرت بس بعدين شبحت انه هدا نصيبي اي نصيبي من دنيا هكي والحمد لله ❤.
قصتي تفرق عن باقي قصص قصتي تحكي عن نصيبي
اللهم صلي وسلم على سيدنا محمد وعلى آله وصحبه وسلم❤.
ساعه8 الصبح
كان الجو مصقع ومطر من ليل ، نضت ع صوت منبه خشت الحمام “أكرمكم الله” توضيت وطلعت صليت الصبح وطلعت لقيت ماما تجهز ف فطور صبحت عليها قعمزت وشوي جاء بابا صبحت عليه وفطرنا وطلعت مع بابا لمعهد
وصلت المعهد خشيت لقيت صاحبتي روعه صاحبت الطفوله
حضرنا محاضره ساعه وطلعنا
روعه:قتلك عهد اني بابا اليوم ميقدرش يروح بيه عادي نروح معاك
عهد:اي عادي توا نكلم خويا توا
شوي وجاء ايمن
عهد:السلام عليكم
روعه:السلام عليكم
ايمن :وعليكم السلام شبح ف مرايه وشاف روعه قعد يشوفلها ثواني وهي لحظت شي هدا تحشمت ونزلت راسها
ايمن نزل عيونه وطلع
وكان مره مره يسرق نظرات ف مرايه علشان يشوف لي روعه يلي خطفت قلبه
وصل عنده حوشها
روعه:تمام مع سلامه عهد نتلاقوا بكرا ومشكور خوي ايمن ع توصيله
عهد:باي روري
نزلت
وطلع ايمن
ايمن:هادي صاحبتك روعه يلي ديما تحكيلنا عليها
عهد:اي هيي شنو عجباتك
ايمن:احترمي نفسك ي بت شنو كلام هدا
عهد:عادي شن قلت وع فكره لحظتك اكتر من مره تشوفلها انت
ايمن:مركزه عاد انت
عهد:اكيد
ايمن ضحك وتدكر دغري روعه يلي فعلا خطفت قلبه ف دقائق ❤.
________________________
ف عشيه كنت مقعمزه ف دار نقرا نشبح تلفوني يشرين استغربت كان رقم مجهول م عدلت قعد يشرين اكتر من مره اخر شي حطيته ف حظر وكملت قرايتي
طق طق طق
عهد:ساره خشي
ايمن:مش ساره ايمن اني
عهد:ومن امتى بديت اطق ف باب انت
ايمن:من يومي هكي اني
عهد:اي اي صدقتك اصلا
ايمن:صكري فمك ي فرخه
عهد:شن تبي جاي إن شاء الله خير
ايمن:اسمعي ي عهد عندي لك موضوع
عهد:إن شاء الله خير
ايمن:تقدري تعطيني رقم روعه صاحبتك
عهد:هبلت مشصح خيرك انت
ايمن:خيرك شن درت
عهد:اسمع ايمن روعه صاحبتي من زمان يعني لو انت تبيها تعال اخطبها دغري جو يلي ادير فيه هدا راه روعه م يجي معاها بكل حرام عليك
ايمن:خيرك انتي م قلت شي بس نبي نتعرف عليها
عهد:اسمع تزيد اخره نحكي امي ايواا
ايمن:ياسر م نبي منك شي
طلع ايمن
عهد ايوااا هدا يلي ناقص يجي عند ساره ويبي يلعب بيها اصلا بس لو نعرف بنات يلي تلعب بيهن كنت دغري نحكي معاهن يبعدن عنك
ساره:خيرك حبيبي حسيتك ليك فتره متغير في شي
امين:ولاحاجه ي قلبي بس ضغط شغل
ساره:اني كل م نسألك تقول ضغط شغل
امين:اييي ياسر ساره مش ناقصني نكد
ساره :اني نكد يعني!!
امين:اي اي رايحه نكديه بكل واحد تعبان وانتي تزيدي عليه نقولك حاجه احسن شي نصكر
ساره:امين اس….
نقطع خط
ساره شبحت تلفوني وهي مصدومه من يلي صار ….!!
دمعت عيونها وخشت دار
عهد:بسم الله خيرك ي بت شن في
ساره:عهد خليك ف حالك راه مش ناقصه اني
عهد:ناضت من مكانها … لالا شن في اكيد من هداك تافهه امين مشصح
ساره:اي اي صكر خط واني نحكي معاه رايحه متغير هلباا عليه ي عهد معاش عرفت شن فيه
عهد:انتي مش شنو خايفه مش قالك ضغط شغل
ساره:لالا اني خايفه يطلع يخون فيه
عهد:عادي يديرها
ساره:خيرك انتي جايه نشكيلك وانتي تزيدي فيه عليه
عهد: ناضت.. لا ي عيني م نزيد بس نتوقع كل شي منه هداك صايع
ساره:اني خايفه ي عهد خايفه مستحيل يديرها امين بعد عشره هادي كلها مستحيل
عهد:ي ساره ي عمري رجاله مايعدو في شي اسمه عشره بكل ع فكره عندهم كيف سلام عليكم يعني كيف م قتلك توقعي
ساره شافتلها وهي تفكر ف كلامها
ساره:بس كيف نعرف انه يخوني
عهد:انتي مش قلتي انك عندك ايميله
ساره:اي صح ذكرتيني بس رايح منى لانه غيرت تلفوني
عهد:باهي نوضي شغلي تلفونك لاخر وشوفيه
ساره: صح صح
ناضت ساره ادور عليه تلفون
__________________
روعه :ماما بجديات والله اني موضوع هدا م نبيه بكل
سالمه:علاش ي بنتي علاش بسس
روعه:ماما علي هدا لو يكون اخر راجل ف دنيا هادي كلها مستحيل ناخده
سالمه:الله يهديك وخلاص ي بنتي
وناضت
روعه:شنو هدا م يفهم بكل واااضح
تسمع تلفونها يشرين
روعه:خيرك ي عهد شن تبي
عهد:خيرك انتي بسم الله
روعه:من علي راجل هدا م يبي يخطاني بكل ي عهد عييت منه
عهد:ثقيل اصلا جاء يطلب فيك اخره
روعه:ايي كم مره نرفض فيه وهو نفس شي
عهد:تافه مهم خليني نحكيلك اني بكرا مش جايه
روعه:علاش إن شاءالله
عهد:خطوبه خالتي بكراا وكلمتني تبيني نساعده ف كم حاجه
روعه:اي اي تمام
علي :بس شي وحيد يلي نقدر نخليها توافق
سالم:شنو هدا شي
علي:نسجن خوها
سالم:خيرك انت تسجن ولد عمك
علي:اي لانه روعه م تحمل شي في خوها وممكن لو نقول هكي تخاف توافق
سالم:مشعارف ي راجل شوف حل تاني
علي:معنديش حل غير هدا
سالم:الله يستر وخلاص
________________
عدت ليله
على أبطالنا
صعبه
ساره دورت على تلفوني م لقاتهه وتذكرت انه حطاته عند خالتها غادي ف حوش جدها قالت خلاص بكرا راح نمشي ناخده
رقدت مع تفكير طويل وسؤال وحيد يلي يتكرر علاش امين متغير معي .!!!!
ايمن يلي م بطل تفكير ف روعه يلي فعلا خطفت قلبه كان ناوي حلال صاح كان متاع بنات لكن وحيده يلي خشت قلبه وقال مهما يصير مستحيل نخليها تمشي لغيري
روعه يلي تمت تبكي وهيي تشبح ف رسائل التهديد من ولد عمها ومشعارفه شن ادير بس
وكانت رسائل انه لو م وافقت عليه راح يسجن خوها
وعهد يلي رقدت بعد قفلت تلفون من كثرت اتصالات من نفس رقم …
تاني يوم
كانت روعه ف جامعه مقعمزه تراجي ف خوها بعد كملت محاضره شوي شبحت ولد عمها قدامها
علي:خير ي بنت عم
روعه:انت شن تبي جاي هنا
علي:عااادي جاي نحكي مع خطيبتي وبنت عمي
روعه:انت واضح صدقت روحك بااعد من قدامي
علي مسكها من يدها
علي:شن ردك ع كلامي امس شنوو
روعه:لو كنت اخر راجل ع الارض مستحيل ناااخدك فهمت
علي:معناها ودي خوك ي حلوه
روعه نزلن دموعها
روعه:علاش هكي بسس علاش
علي :مفيش داااعي تعرفيي اذا رفضتي خوك اليوم يرقد ف سجن
روعه:انتت واحدد مريض مريض نوض عالج ع حالك
علي دغري جاء يبي يرفع يده عليها بس مسك يده شخص
روعه لم شبحت نصدمتت
روعه:انت شن جااابك هناا
علي:كيف تعرفيه هداا
عهد كانت مع خالتها ف دار تساعد فيها
ساره:خويله قتلك تلفوني قديم وينه
انتصار :اشبحي ف دار جدتك
ساره تمام
عهد قعمزت وخدت تلفونها وتشوف رساله ع واتس من نفس رقم غريب وتنصدم لم تشوف رساله …..؟؟؟؟
ساره طاحت ع الارض بعد فتحت ايميل وشافت انه طلع يحكي مع بنت وبنت هادي تقعد خطيبته ؟؟؟
شنو صار ف أبطالنا شنو الاحداث يلي راح تصير شن قصه عهد ، ساره ، روعه، وايمن ، وعلي ؟؟؟؟
شن راح يصير من قصص بعدين …؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية النصيب)
