رواية حكاية نور الفصل الثاني 2 بقلم روكا محمود
رواية حكاية نور الجزء الثاني
رواية حكاية نور البارت الثاني
رواية حكاية نور الحلقة الثانية
فتحتها وانا بترعش وكان محتواها كلمه واحده بس
_ ازيك
قد اى هو فعلًا شخص توكسيك ” مؤذى ” … سابنى بكل سهوله ومن غير ما اعرف السبب وراجع يقولى ” ازيك “
رديت ببرود
_ نعم عاوز اى ؟
رد فى نفس الدقيقه
= عارف إنك زعلانه بس حصلت ظروف جامده حقك عليا ..شديت مع ابويا حلف عليا أنى مش طالع من البيت وسحب منى الفون وطبعًا علشان انا مش جايب سيره عنك على السريع عملت بلوك من غير ما اقولك قبلها اسف ياحبيبتى
_ مش هينفع الكلام كده بكره ننزل نتقابل فى الكافيه اللى بنقعد فيه دايمًا
= صدقينى مش بضحك عليكى بس على العموم تمام ماشى بكره على الساعه 3 نتقابل
قفلت معاه وانا متردده هل ردى كان صح ولا مكانش ينفع ارد اصلًا ؟ بس جوايا إحساس إنه اكيد حصل حاجه علشان كده بعد .
تانى يوم اتقابلنا فى الكافيه وفى الوقت المحدد
عمر بإبتسامه
_ عامله ايه وحشتينى
رديت عليه بحده
= والله لسه اللى فاكر اصلًا تكلمنى انت مجنون ولا جرا لعقلك حاجه علشان ممكن اصدقك
عمر بكدب
_ والله ياحبيبتى مش بكدب عليكى زى ما قولتلك امبارح حصلت مشكله وبابا انتى عارفه انه شديد وحبسنى فى البيت واخد منى الفون ومكنتش عارف اوصلك ازاى
= اه طب واى الحوار اللى حصل
_ انا ليا عنده 75الف جيت طلبتهم منه مرضاش يدينى منهم جنيه واحد شدينا مع بعض فى الكلام غصب عنى صوتى على وقليت ادبى
اندمجت معاه فى الكلام وبصراحه حاسه أنه مش بيكدب وإن السبب فعلًا اقنعنى .. فضلنا نهزر ونضحك وكنت مبسوطه اوى بوجوده جمبى وجوده بيطمنى
روحت البيت وانا طايره من الفرحه دخلت اوضتى وغيرت هدومى ولاقيت مروان بيرن
_ ازيك يا مارو
= شكلك رايقه ايه اللى مفرحك كده
_ لا خليها مفجأه لما اشوفك
= تمام كده كده عاوز اقابلك بكره علشان عاوزك فى حاجه مهمه
_ تمام ماشى سلام
قفلت معاه وفتحت الفيس واول بوست ظهر قدامى كان فيه أيه قرأنيه … قال الله تعالى ” إِنَّ اللَّهَ لَا يَخْفَىٰ عَلَيْهِ شَيْءٌ فِي الْأَرْضِ وَلَا فِي السَّمَاءِ ” سرحت شويه فى كلام ربنا … وزعلت اوى من نفسى أنى بخون ثقه اهلى برتباطى بعمر والأهم من اهلى ” ربنا ” بس أنا قبل كده كذا مره حاولت ابعد وحقيقى مقدرتش .. الحب دا لعنه بيحل على الأنسان .
««««««««««
روحت الكافيه وكالعاده قعدت استنيت مروان لغايه ما جيه
_ عايز اقولك على حاجه مهمه اوى
ابتسمت واتكلمت بحماس
= دنا اللى عايزه اقولك على حاجه بردو مهمه
مروان بحماس اكتر منى
_ خلاص نقول احنا الأتنين مع بعض
=ماشى .. 1..2.. 3، انا وعمر رجعنا لبعض
_ تتجوزينى ؟!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حكاية نور)
