رواية كان المخطوف قلبي الفصل الأول 1 بقلم مريم سمير
رواية كان المخطوف قلبي الجزء الأول
رواية كان المخطوف قلبي البارت الأول
رواية كان المخطوف قلبي الحلقة الأولى
_اه يعني أنا مخطوف ؟
=بالظبط
_والي خطفاني واحده ست كمان
=اعمي مش بتشوف؟
_اشوف أي انتي مش باين منك حاجه ، لا وكمان عاوزة تتجوزيني غصب !!
=عندك مانع ؟
_ايوة مش موافق
=يبقي هنقول عليك مرحوم
_نعم يختي ؟
=بروح امك صوتك ميعلاش ، احنا هنتصاحب !
_اسف والله حضرتك الي عصبتيني ، اهدي بس كده لا السلاح يطول ، ونزلي المسدس من علي راسي
نزلت المسدس =المأذون زمانه جاي
_ايدا ألف مبروك مين هيتجوز؟
=خالتك
_معنديش خالات
=انت بتهزر كتير لي ؟
_انتي الي بتهزري ، مفيش راجل بيتخطف ويتجوز غصب عنه ، دا انا امشي في الحته بعد كده يتقالي سوسن لو الكلام دا حصل
=مهو يا تتجوزني يا تتباع أعضاء قولت اي؟
_المأذون اتأخر اوي مش مواعيد دي والله
=أيوة كده جدع ، نقطني بسكاتك بقي
_طب أنا بحب واحده تانيه طيب
=مش مشكله ، ميلزمنيش اصلا تحب متحبش دا يرجعلك
_ايوة هعمل أي في حبيبتي؟ هقولها السلام عليكم معلش اتجوزت ؟
=قولها اتجوزت من غير معلش
_كمان؟ دا أي البجاحه دي
=بجاحه مين؟
_بجاحتي أنا والله خلاص
=اه بحسب
قومت من مكاني _طب علي فكرة بقي أنا مبخافش
رجالتها قعدوني تاني علي الارض _ غير منك ، قصدي مش بخاف غير منك ، يوه علي الظلم متخلوا الواحد يكمل الجمله
=حاكم انت صدعتني
_خلاص مشيني
=سيبوه
سابوني ووقفوا وراها وهي نزلت علي الارض وقربت مني
=مش انت الي تقرر أمتي تمشي وامتي لاء
_حاكم بقولك ايي ..
=صوتك بيعلي !
_عطشان ، بقولك أنا عطشان اسقوني
=احمد كن بجد بقي
_أكن ايي ، انتي خطفاني هو انتي مودياني ديزني لاند !
=يخربيت دي شورة ، دا انت شورتك هباب وطين علي دماغك ، دا أي اللك دا
_تاخدي بنادول وأكمل كلام ولا اي ؟
=انت هتسكت ولا اقتلك؟
_انا اخرس اصلا
جه مأذون كان مخطوف زيي _منور يعم الحاج ، معلش بقي بالطريقه الي جابوك بيها ، بس هو شكل الخطف هوايه ما شاء الله ، ابداع والله
=اكتب كتابنا يلا يعم الشيخ ، فلوسك هتاخدها وهتروح معزز مكرم
_ايدا حنينه؟ اقسم بالله ؟ عندك قلب زينا ؟
=بتقول حاجه ؟
_زوجتك نفسي ، ارمي الزفت الي في ايدك دا
*طب المفروض لازم موافقه العروسه
_اسكت يحاج مش بقت العريس؟ اصل انا المغصوب
*يعني انت مش موافق؟
بصيت علي رجالتها الي كانوا ماسكين كلهم اسلحه
_بحبها من تالته اعدادي ، اكتب كتابنا بسرعه
كتب الكتاب وانا فاتح بوقي ، يعني أنا دلوقتي متجوز من واحدة معرفهاش ولا شوفتها اصلا وزعيمه عصابه؟ لا دا كده تمم اوي واتعشت
=اخرجوا انتوا دلوقتي ، مش عاوزة صوت واحد فيكم يطلع
خرجوا كلهم وقربت مني
_لا بصي مهو مش كله غصب بقي ، انتي لو قربتي مني هرقع بالصوت افضحك
=..
_انتي معندكيش اخوات ولاد ؟ والله مينفع بالغصب مش بالعافيه والله ، انتي ممكن تاخدي جسدي بس قلبي لا لا لاااا
=انت بتقول ايي؟
_والله معارف ، معلش اسف علي الهطل دا ، عاوز اروح
=هتبات هنا النهارده
_في المخزن؟ لي كولدير ميا ؟
=اسمع الكلام وانت ساكت
جيت تمشي مسكت العبايه الي كانت لبساها عشان أوقفها ف اسحبت في أيدي
بصيت علي العبايه في أيدي وانا مبرق ، مش انا الي عملت كده ، أيدي الي عملت ، هتقطعها بقي ولا اي ؟
جبت العبايه من الأرض وبصتلها و..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كان المخطوف قلبي)
