رواية طموح امرأة الفصل الثامن عشر 18 بقلم حنين الماضي
رواية طموح امرأة الجزء الثامن عشر
رواية طموح امرأة البارت الثامن عشر
رواية طموح امرأة الحلقة الثامنة عشر
رنا: ماما هو انتى ناوية تكلمى زلابيا على حازم تانى!!!
ام رنا: قولت اجس نبضة الاول لقيتة مش ممانع ،لما نشوف بس الدنيا هترسى على ايه
رنا : ولو قالت لا هيبقى حازم شكلة وحش وزى اللى واقع وهى عمالة تهزأ فية
ام رنا: تهزأ اية ،انا حاسة ان ربنا هيكرمنا ويحلها من عندة
رنا : طيب هى هتيجى امتى
الام: وقت ما تيجى وخليكى عاقلة متخليش غضبك وزعلك يمسكك
——————-
زلابيا: ماما مينفعش اكلم طنط فالتليفون بدل ما اروح
الام: ما تروحى وخلاص
زلابيا:يعنى انتى مش عارفة هى عاوزة ايه ؟
الام :هعرف منين ؟ استنى اخر النهار نروح سوا اهو امشى رجلى شوية
زلابيا:خلاص ماشى
—————–
رنا : الو يا حازم عامل ايه
حازم : الحمد لله مالك
رنا: انت هتخلى ماما فعلا تكلم زلابيا
حازم : مش هى اللى عاوزة كدة
رنا : يعنى انت مش عاوز
حازم : فى ايه يا رنا ،وبعدين مبروك عالعريس
رنا : انا مبكلمش زلابيا من يوم الموقف دة
حازم : لية
رنا : لية!!؟ هو انت مشوفتش هى احرجتك ازاى قدامنا كلنا
حازم :هى اللى احرجتنى ولا انا اللى احرجتها لما رحت واتهمتها انها رايحة تقابل واحد ومن غير ما اتأكد
رنا : بس هى كانت هتتجنن عليك وكان باين قدامى بس كانت ماسكة نفسها والله
حازم : بصى انا خلاص معترف ان اليوم دة كان كله غلط وغلط المشكلة اللى اتسببت فيها لحنين مع باباها لكن انا حسيت ساعتها انها بتلعب بيا والدم جرى فى عروقى وقولت حتت عيلة بتلاعبنى ،لكن كنت غلطان
رنا: انا كمان غلطانة انى عرفت ومجتش صارحتك حتى يوم ما اتقابلنا زلابيا كانت فرحانة انك غيران عليها وانا شوفت دة
حازم بتنهيدة : عارفة لو مش حاسس ان جواها حاجة ليا ،مكنتش وافقت ان الموضوع يتفتح تانى
رنا : بس زلابيا اكتر حاجه حسيت انها مهمة عندها هو طموحها وبس
حازم : عاوزك تكلميها وشوفوا المشروع اللى يعجبكوا وانا عليا الفلوس وانتوا المجهود
رنا : ياااة يا حازم للدرجة دى متعلق بيها
حازم : انا اتصرفت غلط ،كان زمانها مراتى وسافرت معايا ،بدل ما انا قاعد بلوم نفسى على المواقف البايخة اللى احرجتها بيها ..
رنا : خلاص يا حازم انا هكلمها هى وحشتنى بس انت ناسى حنين خالص ،دى متصلتش ولا مرة من يومها
حازم : اهى دى كمان عاوز اعتذرلها بس مش هينفع اتصل بيها ،كلميها انتى وقوليلى ايه الاخبار
رنا : ماشى يا حازم ،ولعلمك زين حدد فرحة فى الصيف يعنى ظبط امورك عشان تنزل تحضر معانا الفرح
حازم : وانتى امتى
رنا : اهو بفكر لسة
حازم : يالا عاوز افرح فيكى هههه
رنا : هههه ماشى دى اخرتها
حازم : ربنا هيدخلة الجنة
رنا : كدة بردوا مااااشى يا مستر
حازم : ههههه يالا هقفل ولو فى حاجه رنى عليا
رنا : حاضر
———–
سما : ها يا ماما كلمتى بابا
حنين بتوتر: بقالك ساعة بتكلمية فى اية دة كلة
الام : بقنعة وموضوعات تانية عاوز يعملها وبيقولى عليها
حنين : طيب قالك اية يعنى
الام : وافق بس مافيش موبايل هتاخدية معاكى وبيقولك جدول محاضراتك اكتبية وحطية على مكتبة جوة ولو حصل وعرف بأى حاجة غلط ،مهما عملنا مش هترجعى وقالى هتقعد من الجامعة خالص
سما : الله عليكى يا ماما
حنين : طيب الموبايل كدة خلاص
سما : احمدى ربنا يا حنين انتى السنة كانت ضايعة وبابا شكلة نسيكى وانشغل فالشغل ،المهم تلحقى تلمى حاجة ،ناقص اسبوعين على الامتحانات
حنين: صح يمكن لما اذاكر واجيب تقديرات عالية يسامحنى ويعرف ان دماغى فالمذاكرة وبس
الام : يالا هقوم اشوف مين بيتصل
سما : ماما لو حد من اصحابى قوليلهم نايمة عشان لو عرفوا انى صاحية مش هعرف اذاكر
الام : الو
رنا : ازى حضرتك يا طنط
الام : الحمدالله مين
رنا : احممم انا رنا عصام اخت حازم 😁
الام : اة اهلا يا حبيبتى عاملة ايه وماما واخوكى عامل ايه
رنا : كلنا بخير الحمد لله،انا طبعا محرجة على الموقف اللى حصل من حازم يومها بس هو والله هو مضايق من نفسة جدا وحتى لما سافر قالى اعتذرى لحنين عن اللى حصل منى
الام : الحمد لله بس انتى عارفة انكل صعب جدا ،وفعلا بعد ما نزلتوا منع حنين من نزول الجامعة وقالها عيدى السنة وممنوعة من الخروج والتليفونات ولسة النهاردة مكلماة عشان يخليها تنزل تكمل دراستها ووافق بالعافية وبشروط
رنا : ياخبر انا ميجيش فى بالى كدة خالص ولا حازم
الام : الحمد لله هو درس ليها بعد كدة
رنا : معلش يا طنط احنا اسفين ، طيب كدة مش هينفع اكلم حنين ،طيب حضرتك بلغيها انى اتصلت اطمن عليها وان حازم بيعتذرلها
الام : هقولها حاضر يا بنتى
رنا : مع السلامة
————–
زلابيا: اية يا ماما ما تلبسى يالا خلينا ننزل
الام : لا انا على ما خلصت الغدا كنت تعبت وعاوزة انام مش قادرة
زلابيا: يعنى انزل انا
الام : اة روحى لو هتباتى كلمينى
زلابيا: حاضر
…………
طول ما زلابيا ماشية فالطريق وهى عمالة تفكر يا ترى لما تشوف رنا هتعمل ايه ؟ وافتكرت حازم ولقت نفسها بتتصل بحنين
زلابيا: الو ازيك يا سما
سما : الحمدالله
زلابيا: موبايل حنين معاكى ولا ايه
سما : هو انتى محدش قالك على اللى حصل من اخر مرة كنتوا فيها
زلابيا: لا انا معرفش حاجة والله وبالصدفة قولت اتصل اسلم عليها
سما : اصل بعد ما مشيتوا بابا زعقلها جامد و…….
زلابيا: انتى بتتكلمى جد
سما : اة طبعا هو انا ههزر فى كدة لكن الحصار اتفك النهاردة الحمدالله زى ما قولتلك
زلابيا:زمانها زعلانة منى ومش طيقانا كلنا
سما : هو بصراحة اة وخصوصا حازم دة ،واحسن انك كسفتية يومها
زلابيا: طيب بلغى حنين اعتذارى وانا هحاول اجى زيارة ليها
سما : لا حنين عندها امتحانات لازم تذاكر
زلابيا: دة واضح انك انتى كمان مش طيقانا هههه ماشى ربنا معاها
———-
زلابيا: ازيك يا زعلانة
رنا : لا انا مبقتش زعلانة خلاص
زلابيا: اومال مش بتكلمينى ليه
رنا : كنت هكلمك بس لما عرفت انك جاية فرحت
زلابيا: وممكن ابات كمان
الام : اهلا يا زلابيا عاملة ايه وماما وابوكى والعريس هههه
زلابيا : اهو العريس دة مطلع عنينا
الام : خلاص هانت عقبالك انتى كمان نفرح بيكى
زلابيا: شكرا يا طنط ،لما نفرح برنا هانم الاول ،انا عرفت بمحمود الف مبروك
رنا : انا لسة موافقتش
الام : هههههه
زلابيا: هتوافق يا طنط سيبك من دلعها دة هههه
الام : ياااة نفسى كل واحدة فيكوا تبقى فى بيتها ولما تيجى يكون معاها ولادها
زلابيا: ان شاء الله احنا نجرب فى زين
كلهم : هههههههههه
الام : فينك يا حازم كنت زمانك قاعد معانا بدل الغربة دى
رنا : 🤨
زلابيا: ربنا يرجعة بالسلامة
الام : لما اكلمة كدة خلينا نهزر معاة شوية بدل ما كل ما اكلمة الاقية مضايق
رنا : انا هتصل بية
زلابيا : 😊
رنا : حازم عامل ايه
حازم : انتى مش لسة مكلمانى
رنا : عارفة انك قاعد لوحدك ،قولنا نتصل نسليك
حازم : 🤔🤔
الام : ايوة يا حازم ،اصل انا ورنا وزلابيا قاعدين بنضحك افتكرناك قولنا نسلم عليك ،خد زلابيا سلم عليها عشان زين خلاص قرب يتجوز
حازم : احممم
زلابيا: 🙄🫣
الام : خدى سلمى مالك دة حازم مكسوفة لية
حازم بصوت هادى : الو
زلابيا: الو
حازم : وحشتينى وعارف انك زعلانة منى وعندك حق وانا غلطان
زلابيا : 🙈🙈
رنا : ماما تعالى نحط الاكل
الام : اة تعالى
زلابيا : عاوزة اطمن عليك
حازم : يااااااااة اخيراااااا
زلابيا : انا زعلانة اوى يا حازم 😭😭😭
حازم : عارف ومعاكى حق بس والله العظيم اتصرفت كدة من غيرتى عليكى وانتى جبل
زلابيا: انت ازاى تفكر فيا كدة 😭
حازم : انا اتأخرت اوى عارف بس ملحوقة خلاص ،انتى مش عارفة المكالمة دى ردت فيا الروح ازاى
زلابيا : 😭😭
حازم : عشان خاطرى بطلى عياط انا عارف انك معاكى حق ووالله غصب عنى وهصلح كل دة
زلابيا : عاوزة اقولك حاجة انت مفكرتش فيها
حازم : قولى كل حاجه انا مش هقفل النهاردة
زلابيا : بسببك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
