رواية سلفتي الجميلة الفصل الرابع 4 بقلم أماني عنان

رواية سلفتي الجميلة الفصل الرابع 4 بقلم أماني عنان

رواية سلفتي الجميلة الجزء الرابع

رواية سلفتي الجميلة البارت الرابع

رواية سلفتي الجميلة الحلقة الرابعة

فتحت الباب وقالت بدهشة

= ربيع 😬

بص في الأرض واعتذر كتير وقال إنه جاي يسأل علي رمضان ليه مدة مابيردش علي تليفونه تراجعت عزة لورا وقفلت الروب كويس وقالت بخجل :

-اتفضل ثواني بس وهرجع

دخلت جري علي اوضة النوم بدلت هدومها وليست ازدال واسع لونه بني وطرحه وخرجت وشها احمر من الإحراج ..

-اهلا وسهلا ياستاذ ربيع

-انا اسف مره تانية اني جيت من غير موعد بس دا بيت اخويا توقعت أنه هيقابلني ..

-لو كان هنا كان قابلك

-يعني ايه ؟؟ ووقف وهو بيكلمها

-رمضان سافر الكويت

-ازاي كدا مره واحده ومن غير ما يقول لحد ،ابويا لو عرف احتمال يحصله حاجة ..

بصوت هادي قالت

-ماعتقدش ابوك لو فرق معاه ابنه كان سال عليه ولا دخل بيته من ساعة ماسيبنا البيت وهو واخد جانب ومستعظم يسأل علينا ولا يقول عايشين ازاي ومنين ؟؟

-ماتبقيش قاسية اووي ياعزة في احكامك

-معلش الحياة اقسي خلينا في المهم

-رمضان سافر ماكملش اسبوع وان شاء الله يتثبت في شغله وربنا يرزقنا ..

-هو بيشتغل ايه ؟؟

بصت تحت رجلها وقالت مش عيب يابت قوليله

-بيشتغل عامل توصيل طلبات للمنازل

قام ربيع وقف وهو مصدوم وقال :

-بقي يسيب بلده ووكالة أبوه وشقته الملك ويتغرب عشان يبقي سواق ديليفري 😔😔

-ماتحاولش تريح نفسك بكلام انت عارف أنه مش صح ،ابوك معاه فلوس وانت عايش في خيره وربنا كارمك احنا بقي لينا ربنا ودراع جوزي اللي بيشتغل

مد أيده وطلع مبلغ مالي وقال لها

-دا مبلغ بسيط خليه معاكي يمكن تحتاجوا حاجة

-تسلم وفر فلوسك مستورة والله

رجع أيده ومشي وهو طالع بص اتحجج وقال :

-ممكن كوباية ميه ؟

-حالا

ساب الفلوس علي الترابيزة ونزل بسرعة قبل ماترجع وهو بيفكر ،اكيد هتحتاجيهم للولاد او ليكي ..

جابت الميه وقبل ماتتكلم سمعت صوت الباب بيتقفل بصت قدامها وشافت الفلوس اتنفست بعمق واخدتها وقالت :

-يارب عدي الايام دي علي خير وماتحوجناش لحد وترجعلي يارمضان بالسلامة ..

______ #أماني_عنان ______

نجوي نزلت عند حماتها يسهروا سوا واول مالباب خبط قامت بسرعة وقالت ربيع جه

-السلام عليكم ورحمة الله

-وعليكم السلام ورحمة الله وبركاته

الاب :تعالي رمضان

ربيع : انا ربيع ي حج رمضان سافر

وقف الراجل وفجأة ماقدرش يوقف علي رجله ،وقال بصوت ملهوف

-سافر ازاي ؟؟ وفين

ربيع : الكويت راح يشتغل هناك

الاب : ابني ناقص فلوس عشان يسافر .نجوي مش عارفه تداري فرحتها وبتقول مع نفسها

:احسن ساب عزة زي الكلبة لوحده هي وعيالها خليها تتمرمط وتتذل

الام : ياحبيبي يابني ،ازاي يسافر من غير مايجي يسلم علينا

ربيع : بعد آخر زيارة زعل من كام حاجة وبعدين حس انكم هتمنعوه

الاب: لله الامر من قبل ومن بعد

دخل اوضته وهو بيرددها لله الامر من قبل ومن بعد ،ربيع خاف ع أبوه قاله

تعالي ارنلك عليه تكلمه واتس ولا ماسينجر

الاب : لله الامر من قبل ومن بعد يعني النت هيرجعه

الام : كلمه الله يكرمك ياربيع عايزا أشوفه صوت وصوره

ربيع :حاضر بس بطلي عياط كلها سنة وهيرجع

الام : سنة يانهار وزادت في العياط

نجوي : ماتزعليش نفسك ياماما أن شاء الله خير دلوقتي نطمن عليه ..

ربيع بيرن عليه وبيدي مشغول : يظهر أنه بيكلم حد

الام :هو في غيرها واخداه مننا وهو هنا وهوا مسافر

نجوي :الله يسامحها طول عمرها طماعه ومش عاجبها حاجة تلاقيها هي اللي قوته علي السفر

ربيع بيغمز لها عشان تسكت وهي قاعده جانب حماتها وعماله تديها في كلام سم من تحت لتحت قال يعني مستنياها توقع مابينهم ..تليفون حماتها رن بصت نجوي وقالت لها :

دي عمتي بسمه ياماما

الام : بسمة حبيبتي عامله ايه

بسمة :الحمد لله بخير ياماما

الام : اخبار الحمل ايه ؟بتاكلي كويس

بسمة :ايوا بأكل والله دا حتي حماتي مهتميه بيا خالص

وقفت الام وخدت التليفون ودخلت علي اقرب اوضة وقفلت الباب وبدأت في النصائح الموروثه

الام : حماتك ايه اللي بتخاف عليكي هو في حد بيحبك قد امك ولا يهمه مصلحتك ماتصدقيش الجو دا دي بتشتغلك وتلاقيها من وراكي بتسخن ابنها الحيلة عليكي ..

بسمة : طب مانتي مش حما خالص ياماما ربنا يباركلك ..

تضحك الام وتسعد

اسمعي الكلام اللي بقولك عليه خدي بالك منها وماتبقيش عبيطة ..

بسمة : طب دي لسه جايبه لي طبق فاكهه مقطع خوخ وتفاح وقالت أنه مفيد للجنين

الام بتصرخ لااا لتكون حاطه فيه حاجة ارميه في الزبالة وخلي جوزك يشتريلك مخصوص لوحدك ..

بسمة بتردد بتمسك الطبق وهي مش قادره تتحرك عشان حملها صعب وبترميه في الزبالة قالت

طب خليكي علي الخط ثواني

الباب خبط وفتحت حماتها علي طول وشافت الطبق وهو بيترمي في الزبالة ..

عيونها دمعت وماتكلمتش

بسمة : ماما أنا

الحما : ماتقوليش حاجة

قعدت جامبها علي السرير واتكلمت بهدوء وقالت :

والله يابسمة وماليكي عليا يمين انا بعتبرك زي سارة بنتي اللي ماتت وهي في اعدادي ،احساس الفقد صعب اوووي من يومها قولت لما ابني يتجوز هعتبرها بنتي اللي مافرحتش بيها واعيش معاها كل اوجاعها وهمومها زيها بالظبط ..

بسمة :بس بيقولوا الحما بتغير من مرات ابنها وأنها خدت ابنها وكدا

الحما : اغير هههههه دي الستات الجاهلة بس اللي تغير إنما انا لا هاخد زمني وزمن غيري مانا اتجوزت ابو جوزك واخدته من أهله وعشنا اجمل ايام عمرنا دلوقتي بقي كل املي اشوف ولاد ابني واشوفه مرتاح في بيته مش اكتر ..

طبطبت عليها وقالت : وعموما براحتك انا مش زعلانه

بسمة : هزت رأسها وابتسمت وهي مش مقتنعه واول ماحماتها قفلت الباب رجعت تكلم امها اللي قالت بإصرار :

ماتصدقيهاش الحما عمي …..

_____ #أماني_عنان _________

بعد مرور اسبوع علي معرفة أهل رمضان لسفره أبوه تعب شويه وبقي ربيع هو اللي بيتاابع الشغل ونجوي مبسوطه خالص وهي عامله مرات المعلم صاحب المال وبتنزل تاخد من الوكالة كل حاجة مجتجاها ومش محتاجاها وادي لأهلها لحد مافي يوم رجع ابورمضان من مشوار وفي أيده ورق ودخل عند ربيع في الوقت اللي كانت نازلة فيه نجوي للسوق ..

الاب : ربيع تعالي عايزك

ربيع :الله ايه نزلك بس ياحج

-مش عايزك تزعل مني

ربيع :ليه خير

خد دا ورق توكيل عام لكل حاجة باسم رمضان وكتبتله شقته باسمه زي ماشقتك باسمك امانه تسلمه لمراته

ربيع مسك الورق وقال :حاضر يابا امرك ارتاح انت بس

اوعدني عشان عايز ارتاح بجد

اوعدك ي حج كلامك علي رأسي

طمنت قلبي الله بطمنك ..

وقع من طوله وفاقد النطق والنفس ربيع بينادي علي الصبيان في المحل دخلت نجوي اللي سمعت كل حاجة وسط الهوجه وسحبت الورق براحه من ع المكتب فاكره أنها كدا بتلغي وصية حماها ..

ربيع : ابويا قوم الله يخليك

العمال .. البقاء لله ي أستاذ ربيع لازم تكلم اخوك يجي عشان العزا ..

مسح ربيع دموعه وقال :

يجي ازاي بس ،، رمضان في الكويت ..

دخلت نجوي تجري وطلعت علي شقتها واول ماحماتها فتحت الباب ونادت عليها شوحت وقالت

:هو دا وقتك

الحما .. استغربت ومش مصدقه الوش اللي شافته

نجوي : لازم احرق الورق دا ع جثتي ياعزة يابنت فتحية تشوفي يوم واحد في النعيم دا كله واحنا نلم فتافيت عيالك ..

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية سلفتي الجميلة)