رواية حلم الفصل التاسع 9 بقلم إيمان شرقاوي
رواية حلم الجزء التاسع
رواية حلم البارت التاسع
رواية حلم الحلقة التاسعة
يرفع ادهم عيونه وبصدمة : سلمي ..!!!
سلمي بصدمة وحرج : أأأأدهم .
احمد بتعجب : انت تعرفها او تعرفه يا ادهم .
ادهم بعد ما فاق من الصدمة : ارجعوا دلوقتي علي الحصة عشان متتأخروش.
مازن بتعجب : وانت مش هتيجي معانا .
ادهم وهو ينظر لسلمي : لأ انا مش رايح النهاردة ورايا حاجة مهمة .
احمد ومازن : تمام مع السلامة .
بعد رحيل احمد ومازن .
ادهم : تحبي نتكلم هنا ولا ايه .
سلمي بحزن : مفيش حاجة نتكلم فيها اصلا يا استاذ ادهم .
ادهم بسخرية : استاذ ادهم … تمام انا هروح اقول لطنط واستناكي في البيت بالمرة .
سلمي بتسرع : استني يا ادهم بالله عليك ماما متعرفش حاجة .
ادهم بضيق : يبقي تتفضلي تحكيلي علي كل حاجة .
سلمي باستسلام : طيب .
ادهم : تعالي ورايا ..
بعد شوية في مكان هادئ في احد المطاعم .
ادهم : قوليلي بقي ازاي بقيتي كده ومن امتي وانتي شغالة الشغل ده .
سلمي بحزن وخجل : من وقت وفاة بابا الله يرحمه والمعاش بتاعه مش بيكفي علاج ماما ولا مصاريف المدرسة والدروس بتاعتي فضلت فترة بحوش المصروف بتاعي لغايه ما بقي معايا مبلغ حلو بعد كده اشتريت شوية شبسيات وبسكويت ومناديل وبقيت بعد المدرسة بقعد بيهم في الشارع والحمد لله بلاقي فيهم مبلغ كويس بيغطي مصاريف الدروس .
ادهم بحزن وخجل من نفسه : طيب واللبس الرجالي ده واسلوبك اللي اتغير ايه السبب .
سلمي بخجل : انا الاول كنت بشتغل عادي بشكلي بس بعد فترة بقيت بشوف معاكسات كتيرة من الناس وكلام بيضايق جداا عشان كده فكرت اني البس زي الولد واسلوبي يبقي زيهم ومحدش عرفني لغايه دلوقتي غيرك .
ادهم بحزن : انا آسف جدااا يا سلمي علي اسلوبي معاك الفترة اللي فاتت.
سلمي بدموع : مفيش مشكلة .
ادهم بجدية : من النهاردة مفيش الشغل ده تاني .
سلمي بصدمة : مينفعش يا ادهم والدروس والمصاريف .
ادهم : الشغل كان بيغطي مصاريف الدروس صح .
سلمي : صح .
ادهم : انتي هتبطلي دروس وانا هشرحلك كل اللي محتاجه وبمرح انا شاطر جدااا علي فكرة ومتقلقيش المنهج بتاعك ساهل جداا .
سلمي بخجل : شكرا يا ادهم انا مش عاوزة اتعبك … وانا هكمل شغلي زي مانا .
ادهم بعصبية : يعني انتي عاجبك دور الراجل والمتسولة اللي عايشة فيه ده.
سلمي بدموع وغضب : انا مش متسولة يا استاذ ادهم انا بشتغل شغلانة شريفة بعد اذنك …. ورحلت سلمي بدموع عيونها من المطعم .. وكان رحيل للابد من حياة ادهم اصبحت تتجنبه كأنه مرض الطاعون وتنظر له دايما بغضب وكره مما جعله يبعد عن طريقها لعل يأتي يوم وتغفر له .
عودة من الفلاش باك .
ادهم وهو يجذب خصلات شعره .. يارب سامحني انا اتعصبت من قلقي وخوفي عليها بس .
في مكان تاني عند شيماء أتت رحمة لزيارتها بعد علمها بمرض شيماء .
رحمة بحزن : الف مليون سلامة عليكي يا شيماء .
شيماء بتعب : الله يسلمك يا رحمة طمنيني عليكي عاملة ايه .
رحمة بضحكة وجع : الحمد لله كويسة .
شيماء بحزن : انا عرفت انا محمد اتجوز .. مفيش أمل انكم ترجعوا لبعض عشان الاولاد .
رحمة بغضب وكره : مستحيل ارجعله تاني مهما حصل ولو علي الاولاد سبتهم ليه خليهم يتعبوه ويتعبوا السنيورة اللي متجوزها انا مش عايزة أي حاجة تربطني بيه .
شيماء بتعقل : يا بنتي مينفعش دول اولادك مينفعش تتخلي عنهم في السن الصغيرة دي انتي امهم يعني امانهم وسندهم .
رحمة بضيق : انا مش فاضية ليهم دلوقتي ي شيماء .
شيماء بتعجب : اومال فاضية لايه .
رحمة : هكمل تعليمي وهاخد الكلية عشان ابقي احسن من الست رضوي مراته .. وبحقد لازم اثبتله واثبت للدنيا كلها اني احسن واحدة في الدنيا واني مش انا اللي جوزي يتجوز عليا .
شيماء بقلق من حالتها : ربنا يهديكي ويصلحلك الحال .. تصدقي محدش طلع بيفكر صح غير البت حلم .
رحمة بحقد : فعلا هيا اللي دايما معاها كل حاجة ودايما حظها حلو هيا هتخلص تعليم السنة دي وانا لسه هبدأ .
شيماء بحزن : ياريتني سمعت كلامها كان زمان دلوقتي حياتي احسن بدل ما اتصابت بالمرض دلوقتي وولادي بعيد عني وجوزي ما صدق ورماني .
رحمة بغضب : بقولك ايه لسه برضو احنا احسن من حلم دي مية مرة وهنبقي احسن منها هو مفيش في البلد دي غير حلم … المهم هيسيبك دلوقتي عشان ورايا مشوار وهبقي اعدي عليكي وقت تاني .
شيماء : ماشي مع السلامة .
في بيت حلم :.
يجلس كلا من حلم ووالدها ووالدتها يستمعون الي مسلسلهم المفضل ” لن اعيش في جلباب أبي ” يخرج ادهم من غرفته .
ادهم بسعادة : السلام عليكم .
عبد الرحمن بتعجب : وعليكم السلام ورحمة الله وبركاته .
ادهم : احم بابا ماما وانتي يا زءردة .. انا موافق اتجوز سلمي .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حلم)
