رواية عوض الخوف الفصل الخامس 5 بقلم ضحى أشرف
رواية عوض الخوف الجزء الخامس
رواية عوض الخوف البارت الخامس
رواية عوض الخوف الحلقة الخامسة
جميله:- سيبك بقا مقولتليش، اسم جوز حبيبتك اي!
_اسلام
اللَّه!
في اي مالك
_ههههه لا الله بجد مش هزار وكده!
الاسم عاجبك!؟
ياهههه ياهههه يعبد الصمد فوق مانت متخيل!
مقولتليش بقا اسم إلى اتجوز اي !
ههههه مابلاش!!
لا بجد اسمه اي ؟
يعم مابلاش افتكر اني قولتلك بلاش!
ها؟
اسمه يسيدي اسلام..
يونس بضحك:- اي ده برضو سبحان الله !!
يابا عيب عليك الاتنين في قاعه اللولوه هنا!
انتي عرفتي مكان ليلي ازاي ؟
يبني ماتبطل الغباء ده ده انت غبي زيه اوي!
ثانيه ثانيه ، هما هما ليلي واسلام تبعي؟ هما هما اسلام وليلي تبعك؟
_يابا احلي مسا عليك، بسبب غباءك ده فوقتني من نكدي والله !
انت زعلان عشان هي اتجوزت يعني وكده؟
لا ابدا هزعل ليه، بصي ياسمك اي!!
اسمي اي، هو احنا متعرفناش ولا اي!؟
بايننا كده..
انا جميله المتخزوقه، وانت؟
انا يونس المتخزوق..
عمتا انا فعلا مش زعلان، مبقتش حاسس اني زعلان يعني!
ليه؟
عشان انا مشاعري مكانتش واضحه تجاهه وهي لحد دلوقتي متعرفش اني كنت انا ببعتلها الرسايل المجهوله!!
جميله:- لا بجد لحظه!! لا بجد اي الضحك ده يخربيت كده!!
مالك؟
– لا ابدا مفيش افتكرت حاجه كده كمل كمل.
الفكرة يستي، أن انا ولا مرة اعترفت اني بحب، اكيد مكنتش هستناها تيجي بطبق من فضه مثلا وتتقدملي هي، المفروض لو واحد مننا حب بجد، مش هيخاف يتكلم لا هيخاف يسيب الشخص ده لغيره، يعني مش هتلاقي انسان بيحب بيبعد، وحتي لو كنت معترف بمشاعري، صدقيني كانت هتتجوزه ، برغم اختلاف الاسباب، النصيب بيحكم ديما في اي علاقه حب، لو مكتوب حاجه هتشوفها هتشوفها، مش آخره الدنيا لما تحب حد وميكونش ليك، بس لازم نبقي عارفين أن العوض كده كده هيجي!
بصراحه يايونس، انت فوقتني، عارف، طول عمري
مبحبش دور الضحيه، محبش إبان ضعيفه، اعترف بمشاعري، مع أن مامتي ديما تقولي لما تحبي، هتتغيري من غير سبب الحب الصح بجد، هيخليكي احلي، هتبصي لنفسك في المرايه هتلاقي عينك منورة، هتلاقي نفسك ديما بتتسحبي من الدنيا كلها عشان بس تكلميه، هتلاقي نفسك حابه تشوفيه علطول حتي لو كنتي بتزهقي، هتلاقي نفسك بتحبي بجد!
علفكرا انت كنت معايا في الكليه انا فكراك بس كنت عامله عبيطه يعني..
_عارف عارف بس انتي مش عامله عبيطه انتي فعلا كده!!
ولا ولا انت هتصاحبني ولا اي، لا احترم نفسك !
-ولا لا ده انتي عنيفه اوي يجميله بجد!
والله لو كنت عنيفه مكنتش هبقي مغفله بالشكل ده !
_اتفق بصراحه!، شكلنا هنبقي صحاب !
بصراحه انا مبحبش الكلمه دي واصلا اصلا، مفيش صحوبيه بين ولد وبنت والاكيد أن طرف منهم هيحب التاني !
-معتقدش أن انا كمان بقيت احب حكايه الصحاب دي ، بس ممكن اقولك على اتفاق حلو يدخلك الكل في غيبوبه!
– اي هو الاتفاق ده!
_ اي رايك نتخطب ست شهور وخطوبتنا تبقي بكره، وادينا بنضرب ليلي واسلام الاتنين ف حجر واحد يعني!
-وهه!!
زي مابقولك كده، هما ست شهور وانتي كده كده مش هتحبيني يعني متقلقيش!
– موافقه!
بجد؟
– أيوة بجد، انت مستغرب أكن خطوبتنا هتبقي حقيقه!
استني بقا نعمل تلفوناتنا المهمه!
جميله بتكلم اسلام..
ازيك يصاحبي!!
جميله ارجوكي ارجعي وكل حاجه تتحل
ارجع اي يعم ربنا يوفقكم!، بقولك
خير يجميله حصلك حاجه؟
لا يصديقي بس خطوبتي بكره وعزماك
انتي بتهزري ياجميله خطوبه اي، خطوبه مين!!
خطوبتي يااسلام في اي!
بجد يجميله مبروك!
هستناك.
بنفس الحوار إلى دار برضو بين ليلي ويونس..
ياربيي!!
مالك يجميله في اي؟
انا لسه مجبتش فستان معملتش اي حاجه!
_متقلقيش انا هجبهولك!
انت بتعمل لو كأنها خطوبة حقيقه يعني!
-امشي بس يلا نجيب الفستان!
جابو الفستان وكله كان تمام وليلي واسلام فعلا حضروا الخطوبه!!
احنا مش هنمثل عليهم شويه بقا!!
قصدك اي ؟
بيبوسها من خدودها!،
اي ده المأذون جه!!
_الاتنين في صوت واحد!!
مأذون!! مأذون اي!!، دي خطوبههه!! مش كتب كتاب!
مامت يونس، لا دي هتبقي خطوبه وكتب كتاب!
جميله بس انا انا مش موافقه!
ليلي واسلام بيبصوا على جميله وبيضحكوا!
بصت جميله لاسلام وليلي، واتنهدت وقالت!!
مش موافقه نكتب الكتاب من غير ما نرقص!
كل ده ويونس قاعد مش مستوعب إلى هيحصل يعني يوم ما هيفكر بس أنه يخطب، يلاقي نفسه بيتجوز!!
بص لليلي ولقي علامات الاستغراب على وشها، لان جميله بتشده وهو شارد ، قام لجميله ورقصوا!
وبيكلموا بعض بهمس!!
هنعمل اي في المصيبه دي!!!
خلي الموضوع ده يحصل عشان محدش يقول اي كلمه!!، وبدل ما تبقي خطوبه ست شهور نتجوز!!
وست شهور مع بعض !
انا شايفه أن برضو مفيش حل غير كده مضطر تستحملني بقا..
عدا شهر وجميلة ويونس بقوا مع بعض، في بيت واحد ، بيتكلموا مع بعض عادي، كل واحد بينام في اوضته، بيحكوا لبعض كل حاجه، الايام بتعدي، وبيتعودوا على بعض اكتر ف اكتر..
هعمل فشار ونتفرج على فيلم!
ماشي بس بالله عليكي متنسي تغطيه زي المره إلى فاتت!عيب عليك مش انا
مش انتي أيوة!!
ادي الفشار اهو هنشغل فيلم اي؟
The fault in our stars ..
مالت جميله على كتف يونس!!
عارف يايونس؟
نعم يجميله!
طول عمري بخاف ابعد عن حد وقلبي قريب منُه بحبه بس مش بعترف له بمشاعري بس عرفت أن في الحقيقه ان مش اي حد ينفع أن تعترفله بحُبك وأنه يستاهل يكون جمبك، مش اي حد تقول عليه عوض كان ممكن اقبل اتجوز اي حد قدامي لمجرد أن زعلانه ، أو اني عايزة اضايق حد، بس موضوعك مكنش كده، انا كنت حابه اعيش التجربه دي معاك، مع حد اصلا كان في نفس موقفي وحد حسيت أنه شبهي ، مكنتش حابه اكون طرف زياده مثلا، أو اكون بخرب حياه حد حتي لو كنت فاكره أن حياتي اتخربت مثلا بسببه الحقيقه ان ديما في مواقف صغيره بتفرق، في الكلام والتفاصيل، اوقات كتير بقول أن اتعودت عليك وازاي هسيبك بعد ست شهور..
جميله جميله!!
يبني اكمل لو سمحت..بس الحقيقه ان حياتي ماتخربتش زي ما كنت فاكره، دخلت انت حياتي وغيرتها، عيشنا مع بعض زي الصحاب ، حبيت تفاصيلك وكلامك، وجودك، حكاياتك، حبيت انك ديما جمبي ومعايا، ديما بتديني الدعم، بتقدرني، حتي لما كان حد بيسالك مبسوط معاها؟ ردك كان بيفرحني وانت بتقول مش مبسوط ولا اعرف الانبساط غير وانا معاها، كنت حاسه ان في فيلم بنصورة ولو أنه يعني مدته ست شهور وهيخلص!
جميله ممكن اسمعيني!؟
_ ديما فاهماك قبل ما اسمعك يايونس!
_ جميله لما قولتلك ست شهور خطوبتنا، مقولتش اني هسيبك بعدها ، ولما جه يوم الفرح قولتلك برضو ست شهور بس ومجبتش سيره اني هسيبك، عشان انا مكنتش عايز اسيبك، انا كنت حاسس اني مرتاح وانا معاكي، عارفه معني البيت الحقيقي اي؟
البيت الحقيقي الى انت تكون فيه مطمن، ساكن فيه بس معني كده انك عايش فيه، انا ساكن فيكي انتي يجميله! ساكن في تفاصيلك، حياتك، مطمن بيكي، بوجودك معايا، بحنيتك عليا، بصحوبيتك ليا!
_ تعرف حاجه، انا عمري ما عرفت يعني اي ونيس عمري، يعني ديما كنت بكتبله رسايل، بس معرفتش أن ونيس العمر ده إلى يقدرك ويكون معاك ويحبك ويحب وجودك وتفاصيلك ويسمعك ويفهمك..
جميله!
نعم؟
تسمحيلي اقولك بحبك وبحب وجودك، بحترمك وانتي معايا ووانتي مش معايا وعوضي كله لقيته فيكي والحمدلله اني لقيتك!
وانا كمان بحبك يولا!!
بعد سنوات من الحب الضائع تجاه كل المسارات الخطأ، بعد الوقوع أكثر من مرة والصدمات، بعد النوم بليالى من كسور الحب، يأتي من يعوض قلبك، بحب حقيقي، حب لا يفُني، لتفهم، أن التفاهم اهم من الحب، من يحبك له حريه الاختيار للبقاء بجانبك، حافظ على مشاعرك من غبار الصدقات الزائفه، والأشخاص المؤذيين..
بعد سنتين..
يا جميله يجميله تعالي بسرعه!!
نعم يايونس قلبي!!
ورد :- ما ما
_ يروح قلب ماما يعيون ماما، يقلب ماما، يبنت حبيبي وبنت قلبي!
بتاخد ورد في حضنها ويونس بيتدخل وبيحضنهم
جميله ويونس في نفس واحد!
يكُل عوضي ورزقي كله ..♥️
إنما الاختيار الحقيقي، هو اختيار روحآ لروحك، شريك لايامك، حبيب لعمرك، ونيس لقلبك، روحا تألف روحك، حب ينير ايامك، اختر من يريد اختيارك، لا من يسهل عليه تركك، كانت الجميلة تائهه الا ان وجدتك وكان كل الحب، لمن لم يقدر أن يستغني ولم يرد تَركُ ما فينا، احب ما فينا، عثر على قلوبنا، والآن ، فازت الجميلة بيونس، وفاز يونس بالجميله”
“وكان عوض الله جميل’
لقراءة الرواية كاملة اضغط على : (رواية عوض الخوف)
