رواية دق قلبي لها الفصل الرابع 4 بقلم أميرة أشرف لبنة
رواية دق قلبي لها الجزء الرابع
رواية دق قلبي لها البارت الرابع
رواية دق قلبي لها الحلقة الرابعة
مراد : هاي فري
فريدة : اهلا مراد
مراد : مالك كدا
فريدة : مفيش حاجة بس مخنوقة شوية قولت اكلمك
مراد : يلا ننزل
فريدة : طيب هلبس واستناك
اغلق معها مراد و ارتدي ملابسه
عبد الرحمن بصفير : ايوة يعممم
مراد : كفاية قر بقي
عبد الرحمن ب دراما : يارب يوفقك و يكرمك يا مراد يا ابن طنط هناء يارب
مراد ضاحكا و هو يقذفة بالمخدة :حاسس خالتي بتدعيلي والله
عبد الرحمن: يبني فوق انت من غيري كئيب بائس حالك يصعب علي الكافر
مراد : كفاية ذل في اللي خلفوني بقي
عبد الرحمن ضاحكا : انت حبيبي يا مراد
مراد : و انت اية اخبار مشاعرك
عبد الرحمن: والله مفيش حد شدني لحد دلوقتي
مراد : حتي في هولندا
عبد الرحمن: حتي في هولندا اصل يا مراد هناك غير هنا خالص و مفيش حد شبهي أو شبه تربيتي أو قلبي مال ليه
مراد : ماشي يعم هروح ل فريدة علشان متأخرش
عبد الرحمن: روح يعم الله يسهلك انا كدا كدا قاعد
تركه و اتجه الي منزل فريدة اخذها و ذهبوا الي مطعم يطل علي النيل
مراد : اية مزعلك بقي
فريدة : مخنوقة اوي بسبب خلافات بابا و ماما المستمرة انا بجد تعبت نفسيا منهم
مراد : بصي يا فري الخلافات دي طبيعة جدا وبتحصل بين اي زوج و زوجة في الدنيا بس مش صح انك تستسلمي للخنقة دي وتكتئبي
فريدة : خلاص ياريت نقفل الموضوع بقي احنا خارجين ننبسط مش نتكلم في خناقات
مراد : اية رأيك نتكلم في مستقبلنا
فريدة : اه ياريت
مراد : فريدة انتي بتحبيني ؟
نظرت للأرض و صمتت
امسك يدها : عاوز إجابة يا فري
فريدة بخجل : ايوة
مراد بابتسامة جذابة : اية القمر المكسوف دا بس
فريدة : بس بقي
مراد : انا كمان بحبك علي فكرة
ابتسمت فريدة وصمتت
مراد : حبيبتي جاوبي بصراحة انتي لسة علي علاقة ب حسام ؟؟
فريدة : انت عارف كل حاجة يا مراد
مراد : معلش جاوبي
فريدة : انت عارف أننا كنا مخطوبين
مراد : طيب و دلوقتي ؟
فريدة : كنا صحاب لحد قبل ما اتعرف عليك وحاليا مش عارفة عنه أي حاجة
مراد : متأكدة ؟
فريدة بتوتر : اه متأكدة
مراد بشك : تمام يا حبيبتي
فريدة بابتسامة و هي تحاول تغيير مجري الحديث : بس الاكل هنا حلو اوي
مراد بأبتسامة : بس مش احلي منك اكيد
ضحكت فريدة و أكملوا طعامهم بصمت و جلسوا فترة ثم اوصلها مراد الي منزلها و ذهب هو الي منزله و ابدل ثيابه و خلد الي النوم بهدوء وهو يفكر هل خطته تسير في المسار الصحيح ام لا
*************
تاني يوم
استيقظ مراد وجد عبد الرحمن يستمع إلي موسيقي و يدندن معها و هو يحتسي فنجان القهوة الخاص به
مراد بنعاس : اية الصداع دا يا عبد الرحمن
عبد الرحمن: مفيش كنت زهقان بس قولت اتسلي لحد انت ما تصحي
مراد : يبني أنا اية ذنبي اصحي علي الصداع دا
عبد الرحمن: ذنبك أننا اخوات
نهض مراد من الفراش و دلف الي الحمام غسل وجهه و خرج جلس في البلكونة مع عبد الرحمن
عبد الرحمن: عملت اية امبارح
مراد بهدوء : واجهتها بالكلام و نكرت كل حاجة و قالتلي انها بتحبني كمان بصراحة أنا كمان مرتاح جدا للموضوع
عبد الرحمن: خلاص كويس جدا كدا ياريت تشيل موضوع الشك دا من دماغك خالص بقي علشان متبوظش علاقتك بيها علي الفاضي
مراد : يا بودا هي اللي محسساني بالشك دا من ناحيتها
عبد الرحمن: يمكن مجرد اوهام عندك يا مراد و اهي قالتلك أنها بتحبك
مراد بتنهيد : مش عارف اعمل اية
عبد الرحمن: اتكل علي الله و ادي لنفسك فرصة
مراد و هو يخرج سيجارة لكي يشعلها : هحاول
عبد الرحمن بدهشة : مراد انت بقيت تشرب سجاير !!
مراد بلا مبالاه : اه بقالي كام شهر كدا
عبد الرحمن: لية كدا تدمر صحتك علي حاجة ملهاش لازمة يا مراد انت كبير و فاهم مصلحتك
مراد : عادي اهي حاجة بتسليني
عبد الرحمن: ربنا يهديك يا مراد و يبعدك عن القرف دا
مراد بتأفف: يارب
**************************
في الشركة
فيروز : صباح الخير يا مستر مراد حضرتك اتأخرت النهاردة
مراد : اه المهم في حاجة مهمة انهاردة ؟
فيروز : اه يفندم عندك اجتماع مع شركة A&L
مراد : اه دول من طرف عبد الرحمن
فيروز : ايوة يفندم هما
مراد : تمام هاتيلي القهوة بتاعتي و هاتي الملفات
فيروز : الملفات كلها هتلاقيها علي مكتب حضرتك جوه
امأ لها مراد بابتسامة و دلف الي المكتب يرتب أوراقه و يدرسها جيدا حتي دلف إليه عبد الرحمن
مراد : كويس انك جيت يا بودا علشان عاوزاك معايا في الاجتماع بتاع شركة A&L
عبد الرحمن : متقلقش انا مظبط معاهم كل حاجة وهما بصراحة شغلهم كويس جدا و هما اصلا كانوا عاوزين يدخلوني معاهم شريك في شركتهم في هولندا بس انا عرفتهم بشركتنا هنا و اتفقنا علي أننا نشتغل مع بعض و عرفتهم عنوانا في مصر
مراد : اه تمام كويس جدا
و هنا دلفت فيروز ووضعت له القهوة علي المكتب
مراد : شكرا يا فيروز
فيروز : اي خدمة يفندم
عبد الرحمن: ممكن لو سمحتي تعمليلي انا كمان فنجان
فيروز : حاضر يفندم
عبد الرحمن: مظبوط قهوة و سكر
فيروز : حاضر
و بعد فترة قصيرة وضعت القهوة أمام عبد الرحمن
و بعد حوالي ساعتين أتوا عملاء الشركة و عقدوا الاجتماع
و بعد حوالي ساعة
شريف : اتشرفت بيكم جدا يا مستر مراد
مراد : الشرف لينا يفندم
و ذهبوا
عبد الرحمن: اي خدمة يعم جبتلك صفقات لحد عندك اهو
مراد : يا عبد الرحمن م هو شغلي هو شغلك والفايدة بتعم علي الكل
عبد الرحمن بضحك : بردو اي خدمة
مراد ضاحكا هو الآخر : عاوز تشيلنا جميل وخلاص
و بعد حوالي ثلاث ساعات عادوا إلي المنزل
*************************
بعد مرور أسبوعين
مراد : فري تتجوزيني ؟
فريدة بأبتسامة : انت فاجأتني
مراد : اصل هنصبر لية طالما بنحب بعض
فريدة : موافقة
مراد : تمام كلمي اهلك يا حبيبتي علشان اخد منهم معاد واجي اتقدم
فريدة : اخيرا يا حبيبي هنكون مع بعض
مراد بتسأول : فرحانة يا فري ؟؟
فريدة : طبعا يا حبيبي
و تحدثوا فترة حول الموضوع ثم خلد كل طرف الي النوم
مراد ل نفسه : كدا هقربلك اكتر يا فريدة و اعرف انتي مخبية اية عني
و اغمض عينه و نام
بعد حوالي أكثر من أسبوع
في الشركة
فيروز على الهاتف : حاضر يفندم هبلغ مستر مراد
و أغلقت معه و دلفت الي مكتب مراد
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية دق قلبي لها)
