رواية طفلة التميم الجزء الثاني الفصل السادس والعشرون 26 بقلم مارينا عبود
رواية طفلة التميم الجزء الثاني الجزء السادس والعشرون
رواية طفلة التميم الجزء الثاني البارت السادس والعشرون
رواية طفلة التميم الجزء الثاني الحلقة السادسة والعشرون
– تووولين
مالك جرى عليها بخوف ولهفه وشالها وحطها على السرير وجاب برفان وبدأ يفوقها
تولين بدأت تفوق وهى حاسه بدوخه بسيطه
مالك حط المخده وراء ضهرها وقعد قصادها وهو متبت فى ايدها وبيبصلها بخوف: أنتِ كويسه؟ استنى هطلب الدكتوره
قام بس هى مسكته: متقلقش انا كويسه هى دوخه بسيطه
رجع وقعد جنبها وهو متعصب: طبيعى لانه حضرتكِ مش بتهتمى بأكلِكِ كويس ممكن لو سمحت علشان خاطرى تخلى بالك من نفسكِ شويه
ابتسمِت: حاضر
ابتسم وحضنها: انا عارف انك خايفه على البيبى بس متخفيش هييجى الدنيا بالسلامه وهتطمنى عليه بس علشان خاطره خلى بالك من نفسكِ أنتِ عندى اهم من اى حاجه
بادلته الحضن وارفت بتعب ظاهر على صوتها:
– مالك ممكن تخلينى فى حُضنك شويه
ابتسم ونام جنبها وشدها لحضنه : تعالى يا عيون مالك
تولين حطت رأسها على صدره وحاولت تنام وهو فضل يلعبلها فى شعرها ويحاول يطمنها
_______________
– غسان قوم بسرعه
غسان قام مفزوع وبصلها: فى ايه أنتِ كويسه
ابتسمت: اه كويسه متقلقش بس..
قاطعها: فى ايه يا رهف مالك قلقتينى
اتنهدِت ومسكت ايده حطتها على بطنها وهى بتبصله بفرحه: غسان البيبى بيتحرك
غسان حس بحركته وعيونه لمعت بفرحه ومسك ايدها ونومها جنبه: هانت خاالص كلها ايام والباشا هينور
رهف بقلق: غسان هو انا هبقاا ام كويسه انا خايفه اوى
ابتسم وبأس جبينها: متخفيش أنتِ هتبقى اجمل واحن ام فى الدنيا ودلوقتي ارتاحى شويه علشان متتعبيش
رهف قامت وحضنته: انا بحبكَ اووى
ضحك وبادلها الحضن: وانا كمان بحبكِ اووى واكتر منكِ كمان
بصتله بزعل طفولى: لا انا اكتر
ضحك وشدها لحضنه: خلاص يا ستى أنتِ اكتر رغم انى متاكد انه الباشا اول ما هيجى هياخدكِ منى
ضحكت: لا متقلقش انا محدش يقدر ياخُدنى منك
ابتسم وشدد على حضنها:وانا متاكد من ده
__________________
تميم كان نايم وفرح نايمه فى حضنه:
– عارف يا تميم انا فرحانه اووى
ابتسم: يارب كده دائمًا بس ممكن تشاركينى فرحتكِ
ابتسمت وبصتله: عمار وشهد هيتجوزوا ورهف خلاص قربت تولد ومالك وتولين ربنا هيرزقهم بطفل قريب ده كله مخلينى فرحانه اووى تعرف انا عمرى ما اتخيلت انه هيجى يوم وهيبقاا عندى عائله جميله كده بجد انا مبسوطه اووى
ابتسم وبأس جبينها وأردف بهمس: فرح
– ايه
ابتسم : انا بحبكِ اووى
ضحكت وبصتله: وانا كمان كتيرر بس عندى سؤال صغير
ضحك: قولى
– هو احنا لو جبنا بنوته برضوا هتسميها طفلة التميم؟
ابتسم بحب: طبعنا ديه هتبقاا الاميره بتعتى مش بس طفلتى وو..
قاطعته بغيظ: تميم انا بس اللى اسمى طفلة التميم والاسم ده خاص بيا انا ومينفعش تقوله لحد تانى حتى لو كانت بنتنا اللى اصلا هتاخدكَ منى اول ما تيجى
ضحك بشده وبصلها: أهدى يا قلبى هى لسه جت ولا حتى أنتِ لسه حملتى بيها وبعدين يا جميل أنتِ محدش يقدر ياخدنى مِنكِ
بصتله بيغرور ورجعت نامت فى حضنه: ايوه طبعناً انا مش هخلى حد ياخدك منى
ابتسم وبأس جبينها : طيب كفايه كده ويلاه ننام علشان انا تعبت
هزت رأسها بالموافقة وهو شدها لحضنه ونام
___________________
مر شهر وتميم رجع البيت هو وفرح وبدأو تجهيزات فرح عمار
فرح رجعت من الجامعه وطلعت تجرى على فوق
عمار بضحك: فى اييه يا مجنونه بتجرى كده ليه؟
ضحكت وهى بتحاول تاخد نفسها : عمار تميم فيين
ابتسم بخبث: اووه أنتِ بتدورى على تميم عموما هو فى اوضتكم لسه راجع من الشغل بس مقولتليش أنتِ بتجرى كده ليه
ضحكِت واخدت نفس عميق واردفت بفرحه : لا مفيش بس أنتَ هتبقاا عمو قريب
قالت كده وجريت على اوضتها وعمار وقف متنح وثوانى وبقاا يضحك بفرحه كبيره
– فررررح بت تعالى هناا أنتِ بتتكلمى بجد
عمار طلع وراها علشان يتأكد من الخبر
فرح دخلت الأوضه وهى بتضحك: تميييييييم
تميم ساب اللابتوب وبصلها: فى ايه يا مجنونه
ضحكِت ومسكت ايديه الاتنين وبقت تلف بفرحه وهى بتضحك
ضحك: ايييه فى ايييه يا مجنونه اهدى
غمضت عنيها وبقت تعد من واحد لتلاته واتنهدت تنهيده طويله ورجعت فتحت عنيها وابتسمت
– انا روحت للدكتوره النهارده علشان اكشف بسبب الدوخه اللى كانت بتجيلى وقالتلى انى حاااامل يعنى أنتَ هتبقى بابى قررريب
تميم بصلها بصدمه وو….
تميم بصلها بصدمة وعيونه لمعت بفرحه وقرب شالها وبقاا يلف بيهاا
– عاااا نزلنى
ضحك ونزلها وثوانى وبصلها بغضب: يخرب بيتكِ يعنى حضرتكِ حامل وجايه تجرى كل ده
ابتسمت ببراءة: بصراحه الفرحه نستنى احم وبعدين انا مكنتش بجرى اووى يعنى
اتنهد وقعدها على السرير: هشش مش عاوز اسمع ولا كلمه أنتِ من النهارده ممنوع تطلعى من الأوضه ديه
ضحكت: يعنى هتحبس لمدة تسع شهور
ابتسم: اه
كانت هتتكلم بس قاطعها دخول عمار اللى كان بينهت
قرب ووقف قدام تميم: تميم هى المجنونه ديه بتتكلم بجد هى حامل
ابتسم وهز رأسه بمعنى اه
– يعنى انا هبقى عموا قريب
ضحك وحضن تميم وتميم بادله الحضن: اه هتبقاا خال الأول وبعدين هتبقى اجمل عموا وشويه كمان وهتبقى افضل أب انا متاكد
فرح بضحك: عمااااار
عمار طلع من حضن تميم وبصلها : عيون عمار
ضحكت: عاوزه هديه بمناسبه الخبر ده
وبصت لتميم وتابعت: وأنتَ كمان يا تميم انا عاوزه هديه
ضحكوا الاتنين واتكلموا فى صوت واحد: هنجبلكِ هديه
عمار بهدوء: طيب انا رايح الشركه وأنتَ خليكَ هناا وخلى بالك منها علشان بصراحه مش مقتنع انه الطفله ديه هتبقاا ام بعد كام شهر
قال كده وجري من قدامها
فرح بصت لتميم بغيظ: بص عاجبك كده كله بسببك محدش بيقولى يا طفله قدامهم غيرك
ضحك وحضنها وفضلوا يضحكوا مع بعض
________________
مر شهر وجه وقت فرح عمار وتميم وفرح ومالك وغسان وتولين ورهف بيجهزوا للفرح بكل حب
– تمييم أى رايك فى اسم شمس
ابتسم : حلو لو ربنا رزقنا بطفله هسميها بالاسم ده وهتبقاا طفلة التميم برضوا
بصتله بغيظ: قولت انا بس طفلتك متعصبنيش
ضحك: هرمونات الحمل بدأت شكلها كده
عمار وقف قدامهم وهو متعصب وماسك بدلتين فى ايده:
– بقولكم ايه انا زهقت اختاروا وحده انا مش عارف اختار
فرح ابتسمت ومسكت بدله من البدل ورفعتها قدامه:
– ديه حلوه البسها النهاردة
رهف بابتسامة: ايوه صح ديه جميله اووى
عمار بصلها وضحك: خلاص هختار ديه بس قوليلى يا دبدوبه أنتِ بقيتى فى الشهر الكام
رهف ابتسمت وحطت ايدها على بطنها: بدأت فى التاسع وممكن اولد فى اى يوم
عمار بصله بتحذير: طيب حطى فى دماغك أنتِ وابنكِ الغالى انه النهارده فرحى هاا فرررحى أياكِ تولدى النهارده هطلع عين اهلكِ وربنا
كلهم ضحكوا ورهف اردفت بغرور: دنت هتبقاا محظوظ لو ابنى جه الدنيا يوم فرحك
مالك حط ايده على كتف عمار وضحك: انا بقول يلاه بينا علشان تجهز لانه احنا عندنا تلاته حوامل ماشالله وهرموناتهم قادره تبوظلك الفرح بتاعك
عمار بص على الاريكه برفعة حاجب وكانت قاعده تولين وفرح ورهف عمار بصلهم وابتسم: وعلى ايييه يلاه بينااا منورين ولله، مشوفش وحده تقوم من مكانها
التلاته شاورله وهما بيضحكوا
تميم ضحك وأخد عمار وطلع علشان يساعده فى التجهيزات
وبليل كان الكل فى القاعه ومبسوطين
عمار كان ماسك ايد شهد وبيبصلها بحب قاطعه صوت
– الف مبروك يا عمار
عمار التفت وابتسم اول ما شاف تقى
– الله يبارك فيكِ يا تقى عقبالكِ
ابتسمت بحزن: انشالله
تقى مشيت وهى حزينه انها خسرته ولكن كانت مبسوطه انه قدر يبدأ حياته مع الإنسانه اللى اختارها قلبه وقررت هى كمان تبدأ حياتها وترجع تسافر
شهد بغيره: هى مش البنت ديه كانت خطيبتك الأول
ضحك وغمزلها: اموت فيك وأنت غيران يا جميل
شهد ضربته على كتفه وبصتله بغضب وهو ضحك على شكلها ثوانى وسمع صوت صراخ رهف
– دنت نهار اهلكِ اسود جايه تولدى فى فرحى أنتِ بتهزرى يا رهف
رهف كانت بتصرخ من الوجع وبتضحك فى نفس الوقت
غسان بصلها بصدمه : أنتِ بتولدى بجد
رهف ضربته بغضب وهى بتعيط: اومااال بهزر يخرب بيتك الحقنى
غسان شالها بخوف وطلع على المستشفى وكلهم وراه
فى المستشفى كان مالك وتميم وغسان بيبصوا لعمار اللى واقف جنب عروسته وبيحاولوا يكتموا ضحكتهم
عمار بصلهم بغيظ: انتوا بتضحكوا!!! طيب وحياة امك منك ليه ل اخليكم تعملوا الفرح من اول وجديد وعلى حساب غسان علشان بسبب ابنه فرحى باظ
غسان ابتسم: عيونى اختك تطلع بالسلامه وبكره يتعملك احسن فرح
عمار ابتسم وبص لشهد اللى قاعد جنبه بالفستان وبتبتسم
– اسف ولله
ضحكت بحب: محصلش حاجه المهم نطمن على رهف
ابتسم وقعد جنبها وبص لتولين وفرح اللى قاعدين بيضحكوا: منورين يا حبايب
فرح وتولين ضحكوا على شكله والكل وقف بفرحه اول ما سمعوا صوت صراخ البيبى
وبعد ساعه كانوا كلهم قاعدين حولين رهف وبيضحكوا وهى ماسكه البيبى وبتبص لعمار ببراءة: تتعوض يا برووو
ضحك وقرب باس جبينها: المهم انك طلعتى بالسلامه وبعدين قوليلى هتسمى ابنكِ ايه
ضحكت وغمزتله: عمار علشان كل ما اشوفه افتكر فرحك
كلهم ضحكوا بما فيهم عمار
تانى يوم كان الكل متجمع فى أكبر قاعه فى مصر وعمار ماسك ايد شهد وبيرقصوا
________________
وبعد مرور 6 سنين كان عمار قاعد بيلعب بلاى ستيشن وجنبه تيام ابن تميم ومن الناحيه التانيه قاعد جنبه يزيد ابنه اللى بيبلغ من العمر 5 سنين وقاعده على رجله بنته الصغيره جنى واللى عمرها سنتين وشهد قاعده قدامهم وبتضحك على شكل عمار اللى بيتحول لطفل صغير اول ما يتلموا الأطفال حوليه
وفى الريسيبشن كانت العيله كلها قاعده وبيضحكوا مع بعض وغسان ومالك وتميم قاعدين بيهزروا وبيفتكروا ذكريات صداقتهم وذكريات طفولتهم وقد ايه عيالهم طالعه نسخه منهم
وعمار ابن رهف ورحيم ابن مالك قاعدين بيلعبوا مع جلال وعاصم
فرح جت وهى شايله شمس اللى كانت بتعيط
قربت وحطتها على رجل تميم وبصتله بتعب: خد بنتك من وقت ما صحيت وهى بتعيط وانا زهقت خلاص
ضحك واخدها منها وأول ما حضنها سكتت
فرح بصتلها بغيظ: يعنى اشمعنا يعنى قولى أنتَ بتعملها ايييه علشان تُسكت معاك كده
غمزلها واردف بخبث: علشان ديه طفلة التميم يا بنتى
فرح بصتله بغيظ ومالك اخد شمس من تميم وفضل يلعبها هو وغسان
مالك بحب: لا ديه محجوزه ليا هجوزها لرحيم
عمار بغيظ: لا ديه هتبقى مرات يزيد
تميم بضحك : ولا أنتَ هتاخدها ولا هو بنوتى مش هسيبها لحد
فرح بغيره: وانا ايه وضعي يعنى
ضحك وشدها لحضنه وبأس جبينها: أنتِ قلب وروح تميم ولله ومحدش يقدر ياخد مكانكِ يا طفلتى
أنتِ هتفضلى طفلة التميم الأولى والأخيره
النهاية
لقراءة الرواية كاملة اضغط على : (رواية طفلة التميم الجزء الثاني)
