رواية طموح امرأة الفصل التاسع 9 بقلم حنين الماضي
رواية طموح امرأة الجزء التاسع
رواية طموح امرأة البارت التاسع
رواية طموح امرأة الحلقة التاسعة
زلابيا : احنا كدة الدايرة حوالينا عمالة تكبر والاقبال حلو بس لازم تجديد
رنا : اممم
زلابيا: انتى مالك سرحانة فى ايه
رنا : ولا حاجة
زلابيا: لا فيكى حاجه وانا ملاحظة كدة بقالك فترة ،فى اية ؟
رنا : انا كنت متخيلة ان انا وانتى اكتر من الاخوات
زلابيا: ماهو احنا كدة فعلا ،ايه اللى اتغير
رنا : تفتكرى انا هكرهلك الفرح مثلا
زلابيا: لية بتقولى كدة
رنا : هتسيبينى اتكلم بصراحة ولا هتقفلى الكلام عليا وساعتها هقوم امشى
زلابيا : لا اتكلمى عاوزة تقولى ايه
رنا : حازم
زلابيا: تانى يا رنا
رنا : لما انتوا بتكلموا بعض وكل واحد فيكوا هادى كدة ،طيب متعرفونى ماهو انا اكيد هكون فرحانة ليكوا اكتر منكوا كمان
زلابيا : انتى بتقولى ايه
رنا :يعنى انا شايفة انك مبقتيش زى الاول ولا نفس الحركات ولا هو كمان ودة معناة انكوا بتتكلموا ومخبيين .
زلابيا : هو حازم فهمك كدة
رنا : لا ،ماهو مخبى زيك
زلابيا : طيب ايه اللى حصل بقى خلاكى تشكى ان حازم بيكلمنى
رنا : من يوم الفرح وهو على طول ماسك الموبايل وموطى صوتة ومبتسم ومبقاش فى الحركات بتاعت انة يشوفك ويتجاهل ولا حتى بقى يستهبل عليا انة يسألنى عليكى
زلابيا بحزن : بس انا فعلا مكلمتش حازم من يوم الفرح ولو عاوزانى احلفلك كمان معنديش مانع
رنا :😳 اومال بيكلم مين يعنى ،دة يوم الفرح مسابش الموبايل وكان رايق
زلابيا: يمكن يكون لقى بنت الحلال بس مش انا اللى بيكلمها
رنا : انا شاكة فى حاجة وساعتها بجد هزعل منة جدا
زلابيا:🙂🙂
رنا : شاكة انة يكون بيكلم حنين ،لان قبل كدة مكنش فى حاجة من الحاجات دى لحد يوم الفرح لما شافها وهى لسة بقى فالجامعة وحاسة بنفسها وتلاقيها فرحانة انها عرفت توقعة
زلابيا:😶😶
رنا : انا لازم اتأكد بس هو مش هيرضى يقولى بس انا بقى هعرف بطريقتى
زلابيا: يعنى مصدقانى
رنا : ياريت تكونى بتكدبى عليا
زلابيا : والله ما بكدب عليكى
———————–
زين جايب ورد وشيكولاتة كادبورى يقدمها لنور عشان يصالحها ورايحلها متحمس
———————
محمود: مين
زين : العريس ههه
محمود : اهلاااا يا عريس اية المفاجأة الحلوة دى
زين : هنعمل ايه بقى جاى اشوف العروسة اللى مبتردش عليا من اولها
محمود : 🤨 انتوا لحقتوا
زين : اهو شكلها لحقنا بدرى 😂
محمود : طيب ثوانى اندهلها
زين : شوفلى الدنيا كدة ظبط اخوك 😅
محمود : عينى وانت وحظك هههه
زين : لا انا متفائل عيب عليك هو انا اى حد ولا ايه
محمود : ايوة كدة عاوز اشوف العين الحمرا من اولها هههه
زين : بس كدة ههه من عينى
نور : نعمم
زين: احمم فى واحدة تقول لخطيبها كدة اول لما تشوفة
نور : والله دة من ايه ان شاء الله ومن امتى
زين : فى ايه ما انتى كنتى كويسة مالك
نور : اسأل نفسك
زين : طيب يا حبيبي حققك عليا متزعليش ممكن اكون مخدتش بالى
نور : والله مخدتش بالك
زين : خلاص بقى دة احنا فرحنا كان امبارح لسة
نور : قول لنفسك اول مرة اشوف عريس عينة تزوغ يوم فرحة وكمان جنب عروستة
زين : بلاش كلام فاضى تزوغ مين بس
نور : تقدر تقولى اللى حصل دة اية
زين : تااانى يا نور ،طب قدرى انى جاى ومكلف نفسى وجايب ورد وبصى كمان اهى شيكولاتة كبيرة مخبيها فى جيب الجاكيت عشان تكون مفاجأة اية رأيك
نور : شيكولاتة فى جيبك 🙄🙄 حد يدخل على خطيبتة بشيكولاتاية واحدة وكمان فى جيبك زى اللى سارقها
زين : لا والله شاريها بس عشان اعرف امسك الورد حطتها فى جيبى
نور : انا بجد عمالة اتصدم
زين : فى ايه بس
نور : مش مكسوف منى حتى وانت بتطلعها من جيبك
زين : قصدك يعنى احطها جوة الورد ،حاضر معلش انتى عارفة لسة بقى عريس جديد معرفش الحاجات دى
نور : كمان مش عارف انا قصدى ايه
زين : لا كدة كتير يا نور انا بدات ازهق ،يا محمووود
محمود : فى ايه
زين : شوف اختك عشان انا كدة جيت وعملت اللى عليا
محمود : فى ايه يا نور
نور : اسألة ماهو قدامك
زين : لا انا معنديش حاجة انتى اللى عندك قوليلة كدة ولو انا غلط هقوم حالا احب على راسك
محمود : متتلكش انت كمان اهدا هههه
زين: يا عم ماهو مش كدة
محمود : فى ايه يا نور لكل دة
نور : الاستاذ امبارح سابنى فالكوشة ونزل يبص على البنات قرايبة
زين : انا عملت كدة يا نور
نور : اة
محمود : قصدك مين
نور : بنات الاجنبية دى
زين : اول حاجة مامتهم مش اجنبية وانا قولتلك ،تانى حاجة دوول ضيوف وابويا بيعز جدا ابوهم وانا لقيتهم ملمومين قدام الكوشة نزلت اشوف فى ايه لان حنين شايف وشها كأنها بتتخانق نزلت احل الموقف
نور : ماشاء الله وسيبت كل اللى واقف وخدت بالك من وشها هى ،يا حنين يا ابو قلب طيب
محمود : بصراحة يا نور البنت فرسة هههه لامؤاخذة يا عريس ههههه بس فرسة تخوف انا اول لما لقيت رجلى على فستانها قطعت الخلف 😁
نور : هو دة اللى انت جاى تقولة
محمود : الموقف مكنش مستاهل كل ده
زين : واقولها كانت قدامى لو كنت عاوزها كنت خدتها هجيلك لية بقى واصمم عليكى
نور : بس انت دخلت الشك جوايا من ناحيتها خلاص
زين قام وقف : ماشى من هنا لحد ما تشوفى اخرة الشك اللى جواكى اية انا ماليش كلام معاكى غير لما ترجعى لعقلك .
محمود : استنى بس اقعد
زين : معلش انا نازل وهى حرة …سلام
———————-
رنا مع اهلها فالبيت
—————
الام :شغلى الفيديو بتاع فرح زين تانى يا رنا بحب اتفرج علية قبل ما يبعتوا ياخدوة
الاب : انا عارف هتفضلى تعيدى وتزيدى فيه لحد ما تلاقى حاجة تشغلك هههه
الاب : شغلهولها يا بنتى
الام : مش عاوز تتفرج يعنى بذمتك
الاب : نتفرج هيجرا ايه ماشى
رنا : الفرح كان جميل والله يا بابا انا كمان مبزهقش منة
الام : عقبال فرحك وتبقى دى بقى الفرحة الكبيرة
الاب : يعنى مش هتفرحى بابنك حازم زى ما هتفرحى ببنتك !!!؟
الام : هفرح طبعا بس الشاب هيتجوز هيتجوز هيروح فين وقت ما يختار مافيش مشكلة ،لكن فرحة البنت بقى بتكون اكبر وليلة البنات بتبقى هيصة حلوة
رنا : بصى زين ههههه مش مصدق انة عريس ههههه
الاب : انا عارف هتقعدوا كل مرة تعيدوا نفس الكلام هقوم اصلى وانام شوية
الام : ماشى يا حج
رنا : شايفة الفرح زحمة ازاى وكلة لابس ومتشيك
الام : بصراحة الفرح مكنش فيه غلطة
رنا : بصى بتاع الكاميرا هههه ما صدق شاف بنات عمو الشاذلى فضل مثبت الكاميرا هههه قالك مين الناس دى
الام : طب ما انتوا قمرات يا رنا ولو سيبتوا شعركوا ولبستوا كدة هتبقوا زيهم
رنا بخبث : تصدقى يا ماما طلعوا لذاذ اوى وكنا واخدين فكرة غلط عنهم
الام : ومامتهم عاملة زى الرقاق وضحكتها حلوووة كدة
رنا : ايه المشكلة يعنى لما نكلمهم واحنا نقربهم مننا
الام : ولا فى مشكلة ولا حاجة انتوا كنتوا حلوين مع بعض فالفرح وانتوا الكبار اللى تخلوهم يقربوا منكوا
رنا : طيب هو انتى معاكى رقم طنط امال مامتهم ؟
الام : معايا طبعا ولسة مأكدة عليا رقمها يوم الفرح
رنا : طيب ايه رأيك اكلمها اقولها عاوزة رقم حنين وسما اسلم عليهم
الام : كلميها وسلمى وقربيهم منك كدة انتى وزلابيا
رنا : طيب هاتى الرقم
الام : عندك مكتوب روحى خدية
رنا : ماشى
———————–
حازم : قاعدة سهرانة لية لحد دلوقتى
رنا : مافيش
حازم : مالك
رنا : ولا حاجة
حازم : طيب هقوم انام عشان عندى مشوار الصبح مهم
رنا : مكالمات تليفون بقت مهمة وسهر برة ومشاوير الصبح ومحدش عارف حكايتك ايه ؟
حازم : ههههه تفتكرى ايه حكايتى
رنا : مش مطمنالك وحاسة انك هتصدمنا
حازم : انتى تكرهى لاخوكى الخير
رنا : انة خير طيب ما تفهمنى
حازم : الخير اللى ربنا امر بيه كل راجل
رنا :اااة مش تقول كدة طب مبروك مقدما
حازم : طيب مش عاوزة تعرفى حصل امتى بس مستنى اتأكد من كام حاجة واجى اصارحكوا على طول عشان مش هينفع اخبى اكتر من كدة والموضوعات دى لو الواحد منتهزش الفرصة من اول مرة هتضييع منة وهى فرصة فعلا
رنا 🤨: هى مين دى اللى فرصة
حازم : قولتلك بعدين لما اتأكد تصبحى على خير بقى
———————–
طبعا رنا بعد حوارها مع حازم اتأكدت انة يقصد حنين علشان كدة قررت تصحى الصبح وتشوف وقت مناسب وتكلم حنين يمكن تفهم منها
———————
تانى يوم الظهر
————
رنا قاعدة قدام التليفون الارضى ومترددة تتصل ولا لاة ،وفالاخر قالت تكلم زلابيا تشوفها الاول .
زلابيا : الو
رنا : صباح الخير لسة صاحية شكلك
زلابيا: اة سهرت بالليل جبت كام حاجة كدة من كذا مجلة وهفوق كدة واجمعهم ، بس مالك عالصبح ؟
رنا بتنهيدة: انا والله ما عارفة ما عارفة اقولك ايه
زلابيا:فى اية اتكلمى على طول
رنا : امبارح شوفت حازم وهو اللى جة يرخم عليا واتفتح موضوع انة اتغير ولقيت فعلا كل كلامة كأن معجب بواحدة وقالى انتى تكرهيلى انى افرح
زلابيا: 🙂🙂
رنا : انا حاسة بيكى دلوقتى ،بس الكارثة ان كل الكلام رايح ناحية حنين وانا مصدومة فى حازم معقولة اخويا انا يعجب بواحدة لمجرد شكلها بس .
زلابيا: راندا ممكن تسمعينى
رنا : اول مرة تقوليلى رندا مش رنا
زلابيا : طيب رنا ممكن تسمعينى
رنا : انا شكلى عمالة اعك وغلطت انى كلمتك وقولتلك كدة
زلابيا: بالعكس كويس انك قولتى
رنا : عشان تعرفى الحقيقة صح
زلابيا : لا 🙂 عشان تتأكدى ان مش انا اللى حازم بيكلمها لانى عمرى ما هخبى حاجة عنك
رنا : حقك عليا
زلابيا: يالا نركز فى طموحنا بقى ونوسع فكرنا شوية وعندى كام حاجة فى دماغى لما اشوفك هقولك عليها .
رنا: ماشى .. اخر النهار اجيلك باى
زلابيا : باى
————–
رنا قررت تتصل بحنين
سما : الو
رنا : سلام عليكم
سما : عليكم السلام حضرتك عاوزة مين
رنا : انتى سما ولا حنين
سما : انا سما مين معايا
رنا : انا رنا مش فاكرانى قريبتك اللى قابلتك فى فرح زين فالعاشر
سما : اة اة افتكرت سورى اصل اول مرة اكلمك
رنا : بصراحة كنت بتفرج على فيديو الفرح وبتاع الفيديو صور لقطة حلوة اوى واحنا بنضحك على محمود لما كان خايف من حنين ههههه حسيت انى عاوزة اكلمكوا عشان حسيت انكوا لذاذ وقولت اسلم عليكوا
سما :ههههه حنين يومها رجعت عمالة تضحك علية
رنا : بصراحة هو كان موقف حلو وكان شكلنا حلو عشان الضحكة طلعت من القلب هههه
سما : ايوة فعلا ههههه
رنا : هى حنين موجودة اسلم عليها لو فاضية لو مش فاضية اكلمها وقت تانى
سما : لا ثوانى من حظك مراحتش الكلية النهاردة ،كنت بحسبك اصلا بوسى صاحبتها
رنا : هههه طيب دة حظى بقى
سما : ثوانى اندهلها
رنا : ماشى
حنين : الو
رنا : حنون عاملة ايه
حنين : الحمدالله بخير انتوا عاملين ايه
رنا : قولت اطمن عليكى وتكونى هديتى بعد موقف الفستان ههه
حنين : هههه موقف مستفز بس عادى عدا على خير
رنا : كنت لسة بقول لسما وبضحك على موقف محمود ههه
حنين : هو اللى ضحكنى اصلا لان حازم ضايقنى وكنت عاوزة احدفة بحاجة
رنا : ههههه بصراحة ليكى حق وانا قولتلة انت لازم تتصل بحنين تعتذرلها بس بعد الفرح ابقى كلمها لما تهدا شوية
حنين : لا مش مستاهلة هو مكنش يقصد
رنا : كويس انة سمع كلامى واتصل بيكى ولما لقيتة امبارح بيقولى كدة ،دة شجعنى اكلمكوا عشان حسيت انكوا مننا فعلا
حنين : 🙄🙄 حازم قالك انة كلمنى !!؟
رنا : اة هو لمح بس اخويا وعارفاة غامض ميحبش حد يعرف عنة حاجة ،بس مش مشكلة المهم انة صلح الموقف وخلاص .
حنين : اممم صح وحصل خير وخلاص رقمك ظهر قدامى على الاى دى هسيڤة عندى فالنوت وهبقى اكلمك
رنا : ياريت نكون اصحاب فعلا
حنين : 🙄🙄 اكيد طبعا ان شاء الله
رنا : سلميلى بقى على اللى عندك كلهم
حنين : حاضر وانتى كمان
رنا : باى
حنين : باى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
