رواية زوج بالخطأ الفصل الثاني 2 بقلم حنين الماضي
رواية زوج بالخطأ الجزء الثاني
رواية زوج بالخطأ البارت الثاني
رواية زوج بالخطأ الحلقة الثانية
———————
ام زغلول : طيب هتعملى مع سلفتك دلوقتى ؟
سماح : استحالة اروح اقولها حقك عليا
ام زغلول : اومال هتعملى ايه ؟
سماح : جاتلى فكرة تعالى اقولك عليها واسمعينى كويس
ام زغلول: قولى
سماح : انتى هتيجى معايا وهى كمان نص ساعة هتنزل تجيب ابنها من الدرس وهنفضل واقفين فى مدخل البيت واول لما اشوفها قولها متمسحيش من قدام شقتى تانى وهى طبعا هترد تقومى انتى مدخلة بينا على انك بتهدينى وبتهديها وانا هطاوعك
ام زغلول : ماشى بس افرض منزلتش
سماح : لا هتنزل وغير كدة هى على طول فاتحة باب شقتها بس انا استحالة ادخلها باب ابداااا
ام زغلول : حتى بعد ما عرفتى من شيخ مبروك ان مش هى السبب
سماح : حتى لو مش هى السبب بس انا عارفة انها متكادة منى
ام زغلول: عاوزة رأيى ؟
سماح : اة قولى
ام زغلول : احنا لا نروح ولا نيجى وانتى تسيبيها تنضف السلم قدام شقتك هو انتى خسرانة ايه
سماح : بينى وبينك انا بقيت مشغولة اكتر باللى قالة الشيخ مبروك
ام زغلول : يبقى خلاص سيبك منها دلوقتى واديكى عرفتى انها ملهاش صلة بالموضوع ومهما تعمل بقى متحطيش فى دماغك
سماح : انتى شايفة كدة يعنى
ام زغلول : هو دة عين العقل
سماح : خلاص ماشى ،هرجع بقى عشان هيبقى ورايا خناقة مع المحروس اللى عندى عشان نزلت معاكى ،وانتى لو عرفتى حاجة من الشيخ بلغينى
ام زغلول : والله انا غلبانة معرفش حطتنى فى دماغة ليه
سماح : سيبك منه خالص انا اصلا مش هممنى اى حاجه بيقولها ..
ام زغلول : ماشى ..سلام
سماح : سلام
—————
مايا : بقولك اية يا موكا ،تفتكرى هتحصل خناقة تانى النهاردة عشان ماما نزلت ونفذت اللى فى دماغها
موكا : طبعا بابا مش هيسكت
مايا : طيب وبعدين هو احنا هنفضل كدة
موكا : ماما خلاص مش مستحملة بابا
مايا : هو معملهاش حاجة يا موكا ،هى اللى على طول بتعمل معاة مشاكل هو واهلة ،ولعلمك خالتك سلوى بتمثل انها بتحب ماما وبتكلمها عشان تطمن عليها لكن هى من جواها احنا عارفين هى على طول بتتصل بينا لية
موكا : قصدك يعنى عشان كانت عاوزة تتجوز بابا
مايا : ايوة طبعا ،انتى ناسية ماما كانت بتقول ايه ، كانت بتقول ان سلوى كانت اصغر منها وقتها وبحكم ان بابا يبقى ابن عمهم فكان على طول رايح جاى عليهم ، وخالتك سلوى كانت اصغر من ماما بس حبت بابا واهلهم موافقوش قالوا سماح اللى عليها الدور وان سلوى صغيرة لسة وحصل اللى حصل وبابا اتجوز ماما .
موكا : بس بابا محبش خالتك هو قال ياخد حد من البيت دة عشان يبقى حد مضمون
مايا : وطلع مضمون فعلا ههههه
موكا : انا مش عارفة هيفضلوا لحد امتى يتخانقوا ولا اللى بينهم طار .
مايا : استنى لحسن بسنت بتتصل ،،الو
بسنت :ازيك يا مايا انتى فالبيت
مايا : اة
بسنت: طيب ما تنزلى عاوزاكى تيجى معايا اجيب حاجات
مايا : لازم دلوقتى ؟
بسنت : اة بس بسرعة البسى وعشر دقايق هكون قدام بيتك
مايا : طيب هلبس بسرعة ماشى
موكا : فى ايه ؟مالها بسنت ؟
مايا : مافيش بتقولى تعالى معايا اجيب حاجات ،تلاقيها رايحة تجيب التموين ولا حاجة،هقوم لبس وانزل معاها ، انا اصلا مش بحسها صحبتى بحس انها اختنا او قريبتنا
موكا : هى البنت كويسة فعلا
مايا :هقوم انزل يالا باى
موكا : باى
——————–
مايا : مالك يا بنتى بتمدى كدة لية
بسنت : انا ماشية عادى اهو
مايا : طيب حاجات ايه اللى هتجيبيها ،التموين
بسنت : بصى بصراحة انا فى حد هتكلم معاة ومكنش ينفع انزل لوحدى وكنت عاوزاكى معايا عشان محدش يشك
مايا : حد مين
بسنت: اهو ،استنينى هروح اكلمة بسرعة واجيلك
—–
مايا مصدمة من صاحبتها ومش مصدقة انها ضحكت عليها ونزلتها عشان يقابلوا واحد وتقف تتكلم معاة ، ومايا بقت مترددة تمشى ولا تفضل واقفة مستنياها وفالاخر استنت
بسنت : اتأخرت عليكى معلش بس كان واحشنى اوى ونفسى اتكلم معاة
مايا : انتى ايه اللى عملتية دة ؟ اللى انتى بتعملية دة غلط وغلط جدا كمان وحرام
بسنت: لا مش غلط ومش حرام ،انا بحبة وهو بيحبنى ولما نكبر هنتجوز
مايا : لا حرام وغلط كمان وانتى كدبتى عليا وانا مش عاوزة اتكلم معاكى تانى وانتى فى طريق وانا فى طريق ..سلام
——————
رجعت مايا مخنوقة من الموقف ودخلت اوضتها وقفلت على نفسها الباب
موكا : مالك
مايا : مافيش
موكا :بسنت جابت التموين
مايا :لا طلعت كدابة
موكا : كدابة!!!؟.
مايا : ايوة ،قالتلى تعالى معايا نجيب حاجات وطلعت فالاخر نازلة تقابل واحد
موكا : واحد
مايا : اة وبتقولى بينهم حب ، ومهما اقنعها ان الحب دة حرام هى مصممة فالاخر سيبتها ومشيت
موكا : بس الحب مش حرام
مايا : لا الحب دة حرام طبعا
موكا : مش معنى انك بتصلى وتقرأى قران يبقى معناها متعشيش
مايا : قصدك ايه
موكا : اقصد انتى بتحبينا هنا ولا لاة ؟ يعنى مثلا حبك لبابا واخواتك واهلك ،ماهو دة حب
مايا : لا الحب دة يفرق عن الحب دة
موكا : كلة حب لكن هو مش حرام
مايا : انا مقتنعة انة حرام وخايفة ربنا يكون زعلان منى عشان عرفت انها غلط وبالرغم من كدة ،وقفت استناها .
موكا : دانتوا لسة فى اعدادى اومال لما توصلوا الجامعة هتعملوا ايه
مايا : مش هعمل حاجه حرام واغضب ربنا عمرى
—————
بعد ٣ايام
———
ام زغلول : الشيخ مبروك جهز الحاجة وعاوز تمنهم قبل ما يقرأ عليهم .
سماح : حاضر حاضر المهم خلية يقرا عليهم وانا مسافة السكة هاجى اخدهم
———
خدت سماح الزيوت وعملت زى ما الشيخ مبروك طلب منها وبدأت تكون مقتنعة ان فعلا كدة العمل بيتفك .
ام زغلول :طمنينى اية الاخبار
سماح :حاسة انى هادية شوية من جوايا بس عاوزة اسيب الشقة وهكلمة واقولة النهاردة وهيبان بقى الزيوت عملت شغل ولا لاة
ام زغلول : ان شاء الله تعمل دة الشيخ مبروك بس انتى خليكى هادية وانتى بتتكلمى عشان العصبية بتضيع مفعول الزيوت واتكلمى حلو
سماح : متخافيش انا هادية فعلا من جوايا ، هشوف هيقولى ايه واقولك ..
—————-
سماح : انا مصممة اخرج برة البيت دة
دياب : هنرجع لموال كل يوم
سماح : يا اخى حس بيا انت ازاى عامل نفسك مش شايف كدة
دياب : ايييية هو اللى مش شايفة
سماح : انت مجرد ما بتدخل الشقة بحس بخنقة منك وببقى هاين عليا اقوم اعمل فيك اى حاجة
دياب : اية الجديد ما انتى كل يوم فى نفس الموال
سماح : انا حاسة ان الشقة دى هى السبب
دياب : انا زهقت من الزن وعاوز اريح دماغى بس تفتكرى هنخلص من الوش بتاعك دة
سماح : انا وش
دياب : انا يا ستى اللى وش،، عندك بقى مكان ولا كلام فالهوا لحد ما ارتب ظروفى
سماح : عاوزة اسافر عند اختى
دياب : نعمممم تسافرى فين انتى مجنونة ولا عقلك فى ايه
سماح :عجبك عيشتنا هنا يعنى
دياب : انتى فاكرة السفر بالساهل كدة ولما اسافر اسيب الدنيا كلها وترسى عند اختك 😏
سماح : مالها بقى اختى ،هى كلمتنى بتقولى الاردن دلوقتى حاجات كتير اتغيرت فيها وفلوسها حلوة
دياب :انتى متأكدة انها عايشة كويس !!
سماح : اة وادينا هنشوف بنفسنا
دياب : السفر دة مش بالسهولة دى عشان نروح ونرجع كدة ، غير مدارس العيال واضمن شغلى الاول واشوف المرتب هيكفينا ولا لاة
سماح : انا هرتب كل حاجه معاها واقولك .
دياب : ماشى
————————–
لاااااايك وكومنت عشان نعرف اسرة دياب فعلا هتسافر الاردن ؟ وياترى اية الصدمة اللى اتعرضولها ؟ وموقف سماح كان ايه ؟؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زوج بالخطأ)
