رواية زوج بالخطأ الفصل الأول 1 بقلم حنين الماضي
رواية زوج بالخطأ الجزء الأول
رواية زوج بالخطأ البارت الأول
رواية زوج بالخطأ الحلقة الأولى
فى حى شبرا الخيمة بالقاهرة معانا اسرة مكونة من أب وأم وبنتين وولدين ، كلهم فى مراحل عمرية قريبة من بعض .
شبرا الخيمة بتتميز بترابط الاسر مع بعضها وخاصة ان كلها عائلات ..
———————-
فى منزل استاذ دياب محروس
———————-
مايا : يارب نفسى اخلص من تانية اعدادى دى وافتح عينى الاقينى خلصت دراسة خالص ومبقاش ورايا مذاكرة ،يااااااة حلم لسة بعيد اوووى
موكا: اومال انا اعمل ايه فى ثانوية عامة اللى انا فيها دى ونفسى اجيب مجموع وادخل طب وابقى دكتورة وعندى عيادة نسا وتوليد نفسى يا مايا جدااا
مايا : عارفة يا موكا على الرغم انى حابة بيتنا دة لاننا قريبين من عمامى وعماتى وكلنا ساكنين فى عمارة واحدة ،لكن ساعات بحس انى عاوزة اغير وارجع اقول لالالا هنا بيتنا اللى فى كل ذكريات الطفولة واللعب مع قرايبنا
موكا : انا بقى نفسى اخرج من البيت ونعيش فى مكان اشيك وارقى بالرغم انى بحب عمامى وعماتى بس التغيير حلو ههههه
مايا : اييية دة وتوافقى تسيبى اصحابك عادى كدة
موكا : هبقى اكلمهم فالموبايل ههههههه
مايا : اية دة اية الصوت دة
موكا : هيكون اية يعنى دة بابا وماما زى كل يوم والله الواحد زهق .
مايا : خلية يزعق بس انا بخاف على بابا عشان يا حبيبى عندة الضغط والسكر وبحس ان ماما متعمدة تضايقة
موكا : تعالى نشوف يا ترى الخناقة لية المرادى
🏃🏻♀️🏃🏻♀️🏃🏻♀️🏃🏻♀️🏃🏻♀️🏃🏻♀️🏃🏻♀️🏃🏻♀️
دياب 😡: انا مش عارف انتى دماغك دى ايه وازاى تفكرى كدة
زوجتة(سماح): ليييية هو انت مش شايف ان حياتنا دى مش طبيعية زى خلق الله ولا فاكر نفسك معيشنا فالجنة
دياب : مالها عيشتك هو فى حد من اخواتك عارف يعيش عيشتك
سماح : لاااا حوووش الفلوس اللى بتتحدف علينا وانت مغرقنا بيها
دياب :مالها عيشتك يا هانم يا أم العيال بتاكلى وبتشربى وتنامى فى بيت طويل عريض وعيالك فى مدارس كويسة وانا شايل كل المصاريف عاوزة اييية تانى
سماح : عاوزة اخرج من السجن اللى انت معيشنا فية وسط اهلك وفالنازلة والطلعة كل عين وعين على الواحد لما بقيت بستخبى عشان مشوفش حد
دياب : وهى العيشة دى جدت عليكى النهاردة ولا أم زغلول اللى ماشية وراها اللى زرعت الخرافات فى دماغك
سماح : اهى بتنورنى عشان اشوف مين من اهلك عاملى عمل وسحر وعاوز يخلص منى
دياب 😡: خليكى دمرى نفسك ودمرينا وماشية ورا الدجالين والنصابين لما اشوف هتوصلى لحد فين
سماح : بكرة تشوف لما الحقيقة تبان واعرف بيتى عامل كدة واشوف مين السبب
دياب : وانا بقولك لو عرفت انك خرجتى مع خرابة البيوت دى ولا عرفت انها جت هنا مش هيحصلك كويس
سماح : ما انت لازم تمنعنى طبعا عشان اهلك ومش بعيد تكون مرتبها معاهم عشان تعيش حياتك
دياب : أعوذ بالله منك يا شيخة عليكى وعلى النكد اللى معيشانا فيه ، انا خلاص قرفت من تصرفاتك وافعالك
سماح : بردوا هعرف مين اللى بيعملى الاعمال دى
🥹🥹🥹🥹🥹🥹🥹🥹
مايا : محدش من العمارة كلها صوتة بيطلع غيرنا وحاسة ان كله حفظ كل خناقتهم مع بعض .
موكا : ربنا يخلصنا من البيت دة
مايا : ماما استحالة تكون بتحبنا لا بتراعى مشاعرنا ولا شكلنا
موكا : طول ماهى مقتنعة ان حد من اهل بابا عاملها عمل هتفضل المشاكل تزيد
مايا : زمان مرات عمى رامية ودنها وفرحانة وماما ادتها الفرصة
موكا : ليها حق تفرح طول ما ماما كل ما تشوفها ترمى عليها كلام وتتخانق
مايا : بس انا نفسى اقول لماما ان اهل بابا مش وحشين كدة
موكا : روحى قوليلها عشان تضيعى نفسك
مايا : عمرك شوفتى بنات يخافوا يتكلموا مع امهم
موكا : سيبك بقى وخلينا نركز فى مذاكرتنا لان خناقتهم مش هتخلص وماما هتفضل تعاند
———————-
سماح فى اوضتها
……………………..
يا انا يا انت واهلك كمان واشوف بقى مين عاملى العمل دة والماية اللى كل يوم عالسلم وانا زى الهبلة بعدى من عليها واقول اية النضافة دى … خلينى اتخمد والصبح يحلها الحلال من عندة وهيبان كل حاجة …
😴😴😴😴😴😴😴😴
مايا : صباح الخير يا ماما
سماح : ابوكى نزل ؟
مايا : اة من ساعة راح الشغل
سماح : ماشى
مايا : هو انتى بتلبسى رايحة فين ؟
سماح : راحة اشوف مين عاملى العمل وساعتها افرج عليهم الناس وافضحهم
مايا : يا ماما ما بلاش عشان بابا كدة هيتخانق تانى
سماح : بس يا بت مالكيش دعوة فاكرانى خايفة منه ولا ايه
مايا : انتى حرة يا ماما
سماح : تعالى نشوف مين بينضف السلم النهاردة واياك تطلع عزة هتبقى سنتها سودة
مايا : يا ماما يا ماماااا
سماح : عزززة
عزة : صباح الخير يا سماح
سماح : ويجى الخير منين
عزة : صبحنا وصبح الملك لله
سماح : ايوةة ايوة اعمليهم عليا ورشى ماية عالسلم كتير وتعملى فيها غلبانة وانا اشرب المقلب واعدى عالماية زى كل مرة
عزة : ماية اية اللى تعدى عليها انتى بتقولى ايه
سماح بصوت عالى : تعاااالوا اصحواااا شوفوا مين بيعملى العمل وقصدها اييييية
عزة : انتى بتقولى ايييييه احترمى نفسك
سماح : انا اللى احترم نفسى يا ست يا ناقصة ياللى هتموتى من الغيرة منى
عزة : انا غيرانة منك انتى ههههههه
سماح : اضحكى اضحكى دارى شكلك
موكا ومايا : خلاص يا ماما بقى كفاية الكلام دة كفاية مشاكل
سماح : بس يا بت انتى وهى اطلعوا فوق ومحدش لية دعوة وانا بقى هنزل واجيب الدليل
عزة : هههه ابقى سلميلى على الدليل
سماح : اضحكى براحتك بكرة نشوف مين هيضحك فالاخر
🤨🤨🤨🤨🤨🤨🤨🤨
نزلت سماح تقابل ام زغلول اللى خدتها عند الشيخ اللى بيفك العمل والسحر ..
سماح :ام زغلول انا جيالك وانا بغلى من سلفتى والنار بتزيد جوايا وانا مش معايا دليل عليها
ام زغلول : النهاردة الشيخ مبروك هيعرفنا متقلقيش وتروحى تجيبيها من شعرها
سماح : و تعرفى المحروس اللى عندى بيدافع عن اهلة ازاى ومش قابل عليهم كلمة
ام زغلول : يالا اهو وصلنا
سماح : ازيك يا شيخنا
الشيخ : نحمد ربنا على نعمتة يا بنتى
ام زغلول : طمنها ونبى يا شيخنا
الشيخ : لللللا اله إلاااا الللللللله
سماح : مالك يا شيخنا شايف اية
الشيخ : اعوووذ بالله من غضب الله ولا حول ولاقوة إلا بالله العلي العظيم اعوذ بالله أعوذ بالله
ام زغلول : يارب استر
سماح : قول يا شيخ مين عاملى العمل ولا السحر دة ؟
الشيخ : العمل مبيتعملش غير من اللى شايفك احسن منة يا بنتى وحاقد عليكى وانتى مديالة الامان
سماح : عارفة عارفة يا شيخ قووول نورنى
الشيخ : حد قريب منك عينة عليكى فى كل خطوة ومتابعك ومن وقت للتانى بيجدد العمل
سماح : طيب يا شيخ العمل دة ، يعنى عبارة عن اية؟
الشيخ : العمل معمول من زمااان يا بنتى ،من وانتى بنت
سماح : 😳 بنت !!؟
الشيخ : اللى عملتلك العمل عملتة بزوج مترتحيش معاة ولا يملى عينك وانك دايما لما تشوفى حال غيرك تعترضى على حالك ووقف الحال بينك وبين زوجك
سماح : 🥹 ايووة فعلا انا على طول حاسة انى مش مبسوطة معاة ومخنوقة ،بس مين اللى عملت كدة !؟ انا كل دة فاكرة سلفتى اللى بترمى ماية عالسلم كل يوم !!
الشيخ : معنديش تصريح انى اقوول والا اسيادنا يزعلوا منى وهما زعلهم محدش يقدر علية اعوذ بالله اعوذ بالله
ام زغلول : طب الحل ايه يا شيخ
الشيخ : مقدرش اقول حاجة دلوقتى لكن كل اللى اقدر اقولهولك ان فى زيوت بتتباع فالازهر هكتبلك اسمائها عاوزة تجيبيها ماشى عاوزانى انا اجيبهالك ماشى وكله لله ومش هاخد غير تمن الزيوت وربنا يفك كرب الجميع يارب
سماح : خلاص انا هنزل اجيبها يا شيخ
الشيخ : اهم حاجة تكون اصلية لان فالازهر ممكن يضحكوا عليكى ويدوكى زيوت خفيفة وانتى طبعا هتدفعى وانتى مش عارفة دة
سماح : ايوة صح عندك حق ،خلاص يا شيخنا انت هاتهم وانا هحاسبك ،بس بعد لما تجيب الزيوت هنعمل ايه ؟
الشيخ : هقرالك عليهم ، ازازة منهم تحطى منها معلقة على جردل ماية وواحدة تمسحى بيها شقتك وواحدة ترشى منها فى اركان شقتك ناحية اليمين فقط واوعى ماية الحموم ترميها فى صرف او حوض تبقى غلطتى
سماح : اومال اعمل ايه ؟
الشيخ : تاخديها وتنزلى على زرع اخضر تروية بيها
سماح : خلاص هعمل كدة
الشيخ : وهجيبلك لبان دكر وزيت مسك وعنبر وبخور وملح خشن واقرالك عليهم ويوم الجمعة قبل صلاة الضهر تولعى البخور دة وهيكون علية كل الحاجات دى وتشغلى سورة البقرة وتمشى بالبخور فى اركان الشقة يمين وترجعى بضهرك واوعى تحطى بخور فى الحمام .
سماح : حاضر يا شيخ
الشيخ : سيبى مبلغ تحت الحساب واول لما الحاجة تجهز هخلى حد من الولاد يكلمك
سماح : حاضر هدفع برة ..شكرا يا شيخ مبروك
ام زغلول : الله يبارك فيك ويكتر من امثالك يا شيخنا ،،سلام عليكوا
——————
سماح : مين يا أم زغلول اللى عملى العمل ومطلعتش عزة كدة وكان نفسى تطلع هى
ام زغلول : دة حد بقى من جيرانك القدام ولا قرايبك !! طب هتعملى ايه مع سلفتك دلوقتى ؟
سماح : استحالة اروح اقولها حقك عليا
ام زغلول : اومال هتعملى ايه ؟
سماح : جاتلى فكرة ،تعالى وانا اقولك 😉
———————–
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زوج بالخطأ)
