رواية عشق المراد الفصل السادس 6 بقلم فاطمه جودة
 |
| رواية عشق المراد الفصل السادس 6 بقلم فاطمه جودة |
رواية عشق المراد الفصل السادس 6 بقلم فاطمه جودة
عز من وراها .. وحشتيني يا لي لي
ليليان لفت .. ع .عز
واغم عليها
حاولو يفوقو فيها بس مفاقتش
عمر .. شيلها يا عز نروح المستشفى
عز ..ماشي
شالوها وراحو المستشفي
الدكتور .. متقلقوش هتفوق علي طول بعد المحلول دا
عز .. شكرا يا دكتور
الدكتور خرج من الاوضه
عمر .. عز انا قلقان اوي
عز .. انا اكتر منك بس خلاص الخطر اتشال من عليا اي لزمتها افضل عايش بعيد عنهم
ليليان .. ع .. ز .عز
عز .. انا اهو يا قلب عز
ليليان اتعدلت في قعدتها وهو ساعدها مسكت وشو ب إيدها .. عز انت عايش
عز .. هفهمك كل حاجه بصي يا لي لي انا لما جابو خبر انا استشهدت كان واحد زميلي هو اللي استشهد وانا اللي كنت مقصود الداخليه لما عرفت كان في خطر علي حياتي قالولي لازم اسافر برا مصر وابعد عن الداخليه خالص ويقولو اني استشهدت لحد ما نقبض علي التكفيريين دول
سافرت السنه دي وعمر كان عارف بس انا اللي خليتو ميتكلمش ويمثل انو متأثر بموتي حتي انتو ملقتوش ليا جثه
ليليان كانت دموعها نازله زي الشلالات .. عز انت هتمشي تاني عمر بالله عليك انا هموت من الصدمه لو بتهزر
عز حضنها .. والله عايش انا اسف علي اللي حصلك بسببي انا عرفت انك جالك اكتأب خمس شهور وكنت بتعذب والله
ليليان .. اااه يا عز كل يوم بموت في اليوم ميت مره من غيرك
عز شاور لعمر يطلع برا الاوضه
عز .. بس يا لي لي متعطيش
ليليان .. دا انا هموت من الفرحه عز احضني يا عز حسسني بوجودك خدني في حضنك
عز .. اومال انتي فين يا قلب عز
ليليان .. انا متوتره وقلقانه وحسا اني بحلم
عز .. تعالي يلا نروح نقول لداليدا عشان تفرح البت اتعقدت هي كمان
ليليان .. ماشي
(عز سأل الدكتور وقال تخرج )
عز شالها وخرج من المستشفى
ليليان .. نزلني يا عز الناس بتتفرج علينا
عز .. يتفرجو براحتهم
وركبها في الكنبه اللي ورا وركب جمبها
عمر .. هو انا السواق بتاع اللي جابكو
عز .. بس يلا سوق وانت ساكت
عمر بضحك .. ما خلاص يا روميو انتو مش متجوزين كفايا احضان
عز .. اخرس وبص قدامك ليليان انا عرفت من عمر أنكو بتشتغلو مع شركة كيان
ليليان.. اه قولنا لعمر وهو شغلنا هناك
عز .. كيان ومراد واسر وادهم صحابي اصلا
ليليان .. هما عارفين انك عايش
عز .. اه طبعا الداخليه كلها عارفه وعارفين اني رجعت امبارح
ليليان .. هما ظباط والا اي
عز .. هفهمك بعدين
ليليان .. عز هو احنا هنتجوز
عز .. اه طبعا والا غيرتي رأيك
ليليان .. عز انا مش موافقه تكمل شغل في الداخليه
عز … هفهمك كذا حاجه لما نوصل
وصلو البيت
وخبطو
داليدا .. حاضر يا عمر هتكسر الباب
داليدا فتحت .. واغم عليها لما شافت عز
مامت عز جت .. عز حبيبي وخدتو في حضنها
عز بهزار .. اي مش هيغم عليكي زيهم
مامته .. لا عشان قلبي كان حاسس انت بتجيلي بقالك فتره في الاحلام تقولي هتفرحي قريب يا امي
عز … وحشتيني اوي يا امي
مامته.. وانت يا حبيبي انا حسا أن روحي رجعتلي
عمر وليليان فوقو داليدا
داليدا .. راحت نحيت عز وحضنتو جامد
عز .. بس يا روحي انا عايش والله
داليدا… فهمنا اي اللي حصل
عز فهمهم كل حاجه
مامته .. يعني ابوك عارف
عز .. عرف امبارح
ابوه .. الحمدلله علي كل شيء انشاء الله مفيش حزن تاني
ليليان .. يا طنط انا هنا
مامت داليدا .. معلش يا ليليان مخدتش بالي من فرحتي
ليليان راحت حضنتها .. والا يهمك
عز … مش هتأكلونا والا اي انا هموت من الجوع
مامته .. ثواني والأكل يكون جاهز
عمر انت هتتغدا معانا
عمر .. انتي بتسألي اكيد اه
مامت داليدا راحت تحضر الاكل وداليدا وليليان قعدين في حضن عز
عز .. متزعليش مني يا داليدا انا اسف علي الاكتأب اللي جالك والتعب اللي تعبتيه
داليدا … هشششش انت فداك عمري يا عز
عز .. ربنا يخليكو ليا
مامت داليدا جابت الاكل وكلو
عز .. لي لي تعالي انا عايزك
ليليان .. ماشي
ودخلو اوضة عز
ليليان .. اي
عز .. هتكملي معايا صح مش هتسبيني
ليليان .. عز انا تعبت كتير وف بعدك كل حاجه باظت
عز .. افهمي بس
ليليان .. عز انت متعرفش انت كل مره كنت بتطلع مأمورية كنت بموت في اليوم ألف مرة قلبي بيكون تاعبني
ارجوك يا عز كفايا وجع قلب
عز .. افهمي يا جاموسه
انا سيبت الداخليه لما قبضت علي التكفيريين
ليليان .. وهما وافقوا عادي
عز .. لا بس انا عشان كنت اتصابت في رجلي ف مينفعش اكمل فهمتي
ليليان .. طب
عز قطع كلامها .. خلاص يا لي لي انا مش هشتغل في الداخليه
وهشتغل مع عمر في الشركه هدخل شريك فيها واحنا مظبطين الاوراق وكل حاجه
ليليان .. ماشي ما تاخدني اشتغل معاك بدل ما اشتغل في شركه تانيه
عز .. لا وحيات امك انتي مش هتشتغلي اصلا
ليليان .. بمناسبة امي مش هتسلم عليها
عز .. هجيلكو بكره وابقي فهميها بقي اللي حصل
ليليان .. ماشي
عز قرب عليها .. مساء الخير
ليليان .. مساء النور يا فندم
عز .. وحشتيني
ليليان .. اتلم يا عز
عز .. لا
ليليان ..لا اي مش بم
عز قبل ما تكمل كلامها باسها
ليليان بدلته نفس الشعور
عز بعد عنها لما حس انها محتاجه تتنفس
ليليان .. وحشتيني كلمه قليله اوي
عز كان حاضنها .. يا بت يعني مفيش حد غيري دخل هنا وشاور علي قلبها
ليليان .. لا والله
عز .. صادقه يا لي لي انا بهزر
ليليان .. حسا اني عايزه اخبيك من الناس
عز غمز .. خبيني عادي انا معنديش دم
ليليان تبتت في حضنو
عز بهمس .. انا عايز اكتب الكتاب
ليليان .. روح اتفق مع ماما وبابا يا حبيبي
عز .. انتي اتغيرتي خالص حبيبي وروحي دا انتي كنتي بتشليني عشان تقوليلي بحبك يا عز
ليليان .. بحبك يا عز بعشقك يا عز انت حياتي انت عمري
عز .. بالله عليكي انا ما مصدق
ليليان .. كل دقة في قلبي بتقول. بحبك يا عز
عمر خبط علي الباب من برا مفتحوش ففتح الباب
لقاهم حاضنين بعض
عمر .. كفايا منكم لله انا سنجل وبعدين انتو مخطوبين بس لمو نفسكو
ليليان بعدت عن عز وهي وشها عباره عن طماطم
عند مرام نقلوها المستشفى
ابوها .. خير يا دكتور
الدكتور .. هي اتعرضت لصدمه عصبيه باين انها حساسه جدا
مامتها لطمت .. يلهوي
الدكتور .. بصراحه مش هخبي عليكم هو صدمه عصبيه شديده ف احتمال تدخل في اكتأب
باباها .. طب هي هتفوق امته
الدكتور .. كمان نص ساعه بس لسه هنشوف هتتكلم والا الصدمه هتأثر ازي
باباها .. ربنا يستر
الدكتور .. عن اذنكم
هدي (مامت مرام ).. اي اللي بيحصل دا بس يارب
ابو مرام .. انشاء الله خير
وفضلو قاعدين لحد ما فاقت
مرام فتحت عنيها وهي باصه قدامها
ابو مرام .. انا رايح انادي للدكتور
راح نادي الدكتور وجه
الدكتور … هي محتاجه دكتور نفسي
هدي .. هو انا بنتي اتجننت
الدكتور .. لا هي بس متأثره بحاجه بس الحمد لله مفيش خطر هي تقدر تروح بس يفضل أنكو تريحوها علي قد ما تقدرو
ابو مرام .. طبعا يا دكتور
الدكتور .. مش حضرتك محمد باشا رجل الأعمال المشهور
محمد .. اه
الدكتور .. تشرفنا يا باشا
محمد .. ناخدها ونمشي والا نشوف دكتور نفسي
الدكتور .. هكتبلها ادويه دلوقت وانشاء الله تكون كويسه لو متحسنتش تروح لدكتور نفسي
محمد .. تمام
خدوها ومشيو
مرام .. ماما
هدي .. اي يا حبيبتي حسا ب اي
مرام .. سيبوني لوحدي من فضلك عايزه انام
هدي بدموع .. حاضر يلا يا محمد
خرجو من الاوضه
محمد .. لا اله الا الله
هدي .. خلاص يا محمد سيبها براحتها لحد ما تهدي
مرام ف اوضتها لحظة ما اسر ضربها وباسها واستفزازه ليها عماله تمر قدام عنيها
*******
(عدي الليله علي ابطالنا )
تاني يوم في التليفون
ليليان .. عز انا هروح الشغل
عز .. ليليان احنا قولنا اي يا حبيبتي
ليليان .. عشان خاطري لو بتحبني يا عز
عز .. بحبك يا قلب عز بس مش عايز حد يشوفك
ليليان .. خلاص بقا لحد ما نكتب الكتاب وبعدين ما داليدا معايا ف نفس الشركه
عز.. اجهزي انا اللي هوصلكم
ليليان .. ماشي
***
عمر حكي لفريده ومامته و أبوه علي عز
فريده .. الحمدلله
مامتها .. والله البنات كانو مقطعين قلبي
عمر .. خلاص بقي الحمدلله فريده هتروحي بعربيتك والا اوصلك
فريده .. لا هروح بعربيتي
عمر .. ماشي
***
قدام الشركه
عز .. سلام يا داليدا
داليدا .. سلام يا حبيبي
عز .. لي لي لازم. تفهمي مش هتكملي في الشغل هنا كتير
ليليان .. خلاص اول ما نكتب الكتاب مش هشتغل
عز .. سلام يا روحي
***
اسر .. ليليان فين مرام مجتش لي
ليليان .. انا لسه واصله حالا مش عارفه
اسر .. اتصلي بيها
ليليان اتصلت كتير اوي وهي مردتش
اسر .. يعني اي
ليليان .. مش عارفه والله يا فندم
اسر.. تمام
*****
ادهم .. فريده
فريده .. نعم يا فندم
ادهم .. في ملف بتاع شركه ***
هاتيه علي المكتب
فريده .. حاضر خمس دقايق
****
في بيت مرام
محمد .. انا رايح شغلها يمكن حاجه حصلت هناك
هدي .. ماشي
********
محمد وصل الشركه
محمد لو سمحت عايز اقابل البشمهندس كيان
الامن .. محمد باشا اتفضل يا فندم
كيان .. اهلا اهلا محمد باشا
محمد .. اهلا يا كيان كنت عايز اعرف حاجه
كيان .. اتفضل يا باشا
محمد .. مرام في حاجه حصلتلها هنا
حد ضايقها أو كدا
كيان .. هي بقت سكرتيره مع اسر بس معتقدش أن في حاجه حصلت لان احنا امبارح خلصنا اجتماع وروحنا والشركه مكنش فيها حد
محمد .. تمام شكرا يا كيان عن اذنك
كيان .. اتفضل يا فندم
