رواية العضاضة والمتهور الفصل الخامس 5 بقلم سلسبيل أحمد
رواية العضاضة والمتهور الجزء الخامس
رواية العضاضة والمتهور البارت الخامس
رواية العضاضة والمتهور الحلقة الخامسة
طب بقولك اية
– ها اشجيني يخويا
= لا انا مش اخوكي انا بحبك
– شهاب! انت شر*بت مخدر**ات تاني!
= يخربيتك مانا متلقح فوشك من اول امبارح مختش حاجه طبعا احنا متفقين اني مبطل!
حطت ايدها على جبهته:
– طب انت سخن؟
= طب نرمين انا قولت بحبك
– بتحب مين!
= بحبك انتي اصل شكل كلامك طلع صح وهحبك زي الروايات
– بس انا قولتلك ان لما تعترفلي هرفضك زي الروايات
= تؤ مش هترفضيني
– عايز تغير النص!
= انا معاكي اتغيرت بكل المقايسس مجتش عالنص
ضحكت: بس انت يمكن مش بتحبني ويمكن بس متعود عليا
– معاكي حق ، بس لو ده مكنتش بكره الكلام وبحب اكلمك انتي ، وبكره العض وبسيبك تعضيني
نرمين ضحكت وعينيها بتلمع
– كل حاجه مكنتش بحب اعملها انتي خلتيني احبها عشان بحبك وهحب اي حاجه تحبيها هفرك معاكي الساعه 12 بليل وممكن نخرج زي ما بتطلع في دماغك وهنقعد نجرب مسكات عبي*طه من بتاعتك ونعمل كيكه سوا وتطلع وحشه بس هناكلها عشان نحفظ الذكرة واخر حاجه هتقدملك واتجوزك عشان نكمل القصة ونكتب روايه جديده بس لو قبلتي ابقي البطل بتاعها
نرمين عينيها دمعت وبصتله بحب وقالت بنكش: طيب ولو مقبلتش
= يوه يقطعني نسيت اقولك معندكيش اختيار
ضحكت:
انا من حسن حظني اني الى بحبه يطلع بيحبني بقي
شهاب بدهشه:
– بتحبيني!
= طبعا يحلو*ف بحبك م انت حلو*ف ولا واخد بالك امال بهتم بيك ليه وفضلت وراك ليه عشان تبطل زفت؟
ولعلمك مش هيحصل اي حاجه رسمي غير بعد شهر تكون بطلت خالص فاهم.؟
– يعني بتحبيني!
= شوف ساب كل كلامي وركز ف اية!
– بتحبيني؟
= برضو!
– بتحبيني!!!!
= ايواااااا
شهاب مسكها بجنو*ن وباسها وبعدين خد ايدها عضها
– آها!
ضحك = ودي تبقي اول عضه مني ليكي
– اها يبنال..
= هاه ايه؟؟ اقولك انا بحبك واتمني نفضل سوا
– طب بيبي حبيبي شهاب شهووبه
= اطلبي هاه قولي واشجيني عايزه اكل؟
– تؤ
= امال
– عاوزاك تكلم طنط.
= يوووووووه! شوفتي بوظتي اللحظه الجميلة ازاي انتي ليه مش متقبله تفكيري ليه مش فاهم
– عشان غلط
= انا حر نرمين الموضوع ده بالذات متجربيش تضغطي عليا في انا مش بحبها دي مجرد امي بالاسم
دموعي نزلت زي الصاروخ مقدرتش امسكها
بصلي ولاحظ اني بعيط فا ملامحه بدأت تلين وقرب بسرعه
– انا اسف بجد حقك عليا مش هزعق تاني
اتكلمت بسرعه بدون تفكير وبغضب:
= انا مبعيطش عشان زعقت ، بعيط عشان كلامك جبت القسوه دي منين انت متعرفش الحياه من غير اهل عامله ازاي؟؟ متعرفش من غير ام صعبه ازاي!! لما تبقي لوحدك ومن غير ضهر وعيله!!
للحظه بقي مدرك اني بتكلم عن خسارتي لأمي و ابويا وزعله بان عليه وبقي مشفق عليا: لا يا نرمين انا مقصدش صدقيني وبعدين انا جمبك عمري ما هسيبك انتي مش لوحدك ابدا انا هحميكي لاخر يوم فعمري
= لاء يا شهاب لاء الاهل غير امان الأهل غير نظرة الشفقه الى فعيونك ليا اكبر دليل انوه موضوع مش هين ابدا
– طيب اهدي نرمين؟
قرب ومسح دموعي:
= خلاص عشان خاطري ممكن تهدي اهدي
قربني لحضنه وطبطب عليا هو بيديني الامان الي محتاجه بس هل ده هيبقي شعوري لو حضنت امي ؟ او ابويا؟
اليوم كان نقطه تحول فحياة شهاب خصوصا بعد ما طلبت منه يكلمها والا ينساني يومها برضو حس اني بسيبه بسهوله بس اتكلمنا لحد ما اول قعده بينه وبين مامته عدت على خير وكل مدي كنت بحاول اقربهم واصلح الامور بينهم.
*بعد اربع شهور*
{ يوم فرحي انا وشهاب .}
– حاسب الفستان يأخي
= كل ده فستان!
– وسع كدا ملكش دعوه
= بس شكلك قمر.
– وانت كمان
= طب متعرفيش بيقولوا اية فالروايات وهما بيرقصوا فالفرح؟
– بيقولوا بحبك
= مين
– انا بحبك، انا بحبك عشان حاولت عشاني عشان قدرت تفهمني
= انا مكنتش اقصد اجرحك يومها بس كنت الى مجروح من امي لحد منتي بقي صلحتي بينا وخلتيها تحبني وتحبك انتي اصلا اي حد يحبك يا نيمو
– يمكن خلتها تحبني بس هي كانت بتحبك انت كدا كدا لكن بتخاف تقرب بسبب رد فعلك
= معاكي حق لكن مع وجودك بتخليني اتحكم فيه انتي الوحيده الى بتهديني انا بحبك اوي يا نرمين
– وانا كمان بحبك اوي
ابتسم وباسها:
– مش هتقوليلي اية اخر الروايه
= اخرها اننا هنتجوز وخلاص كدا جبنا اخرها
– تؤ معتقدش ان حبي ليكي لي اخر او نهايه ، احنا نجيب نيمو صغيره ونبدء نكبر اسرتنا.♡
تمت.
لقراءة الرواية كاملة اضغط على : (رواية العضاضة والمتهور)
