رواية العضاضة والمتهور الفصل الثالث 3 بقلم سلسبيل أحمد
رواية العضاضة والمتهور الجزء الثالث
رواية العضاضة والمتهور البارت الثالث
رواية العضاضة والمتهور الحلقة الثالثة
– مفاجأه اية و ز*فت اية حد يخبط على باب حد كدا
= اهدي بس ياحببتي ودخليني ونتفاهم
– شهاب غور
كنت هقفل فا اتكلم بسرعه:
= طيب استني استني قبل ما تقفلي الباب في وشي
بصتله بشك:
قول عايز اية
– احنا قعدنا اربع ايام منتكلمش و ده اليوم الخامس
الاربع الى فاته والله ما شربت اي حاجه كفايه انتي كنتي كرهاني ده سد نفسي لوحده وانا بطلت مخد**رات خلاص
= وهو اربعه انت كدا بطلت؟
– لاء انهارده اليوم الخامس يعني بليل او بكره الصبح جسمي هيبقي عايز مخدر**ات لو مقدرتش اشرب ساعتها ابقي على اول السلم
ملامحي بدأت تلين:
= روح مصحه!
– مش عايز بابا يعرف ، نرمين انا جايلك لانك قولتيلي لما تبطل ابقي كلمني انا عايز ابطل وعايزك تساعديني
= انا!
– ايوه
= ليه
– عشان انتي اكتر حد انا بثق فيه
اتنهدت بهدوء وضعف:
= وانا مقدرش اسيبك هفضل جمبك
– طيب و موضوع البيت
= لاء ده بقي
قاطعني
– هو انا كدا كدا قولت لبابا يصرف نظر
بعصبيه: شهاب!! ليه بتتصرف من ورايا
– عشان انا مش هسيبك تمشي اصلا يا نرمين حتي لو حصل اية هتفضلي هنا لو عاوزاني انا همشي مفيش مشكله
فكرت بسرعه و الفكره كان بقالها حبه جوايا:
= طب تمام وانا ممكن اصرف نظر واقعد بس بشرط
– ايه!! اكيد اطلبي اي حاجه
= طنط اميرة
– امي!؟
= اها ، تكلمها و تروح تقعد معاها وتتكلموا وتبطل تعاملها وحش عشان سابت اونكل احمد على الاقل هما انفصلوا في هدوء محدش عنده مشاكل غيرك
اتنهد بخنقه و قعد عالسرير:
– انتي اية علاقتك بالموضوع ده
= علاقتي انت
– انا مش عايز اكلمها ، هي عايشة حياتها مع جوزها اتخلت عني
= انت الى اخترت تقعد مع اونكل!
– عشان هي اتجوزت!
= و ده حقها
– هي اذتني انا و بابا وهو لسه بيحبها! ازاي اشوفه كدا واسامحها
= شهاب و هي بتحبك مينفعش كدا
– ممكن نسيب الموضوع ده دلوقتي ع الاقل لما اتعالج
= خلاص بس هنتكلم تاني ، ماشي؟
مسك ايدي وباسها بلطف : شكراً
بصتله بتوتر: على اية
– عشان مش بتتخلي عني
” اقوله اية ده بقي هتخلي عنه ازاي اصلا وانا دايبه فى تباتيبه زي العيال. “
= ممكن تعمليلي حاجه يا نرمين
– ايه؟
= ساعه
ضحكت ومسكت ايده وانا كان واحشني الساعات وعضيته:
ضحك – ساعه جميلة بس عملتيها براحه مش بغل زي كل مره
اقعدت اضحك كتير: عشان مش متغاظه منك هي بتطلع تلقائي عليك
= يبختي والله ، الا هي الروايات اخبرها اية؟
اتوترت – احمم انا بقول يلا نروح الشركه؟
= يلا ياستي.
____________________
– شهاب! انت كويس من ساعه ما وصلنا الشركه وانت مش مظبوط
= مش قادر
– دلوقتي!!
= معرفش في اية انا مش قادر بجد لازم امشي وبابا لو شافني كدا هيشك فيا
– طب بص حاول تمسك انزل العربيه وانا هبعده شوية وبعدين انزلك اوصلك ماشي خد بالك!
____________________
– احممم اونكل احمد فاضي ؟
= في حاجه ولا اية
– لا هو انا وشهاب هنروح نتغدي بقي تيجي معانا
= خلصتوا بدري الشغل؟ ، بعدين انتي واقفه كدا ليه
– هاه مفيش واقفه عادي بس هو… في حاجات بسيطه باقيه فالشغل هينفع نمشي
= طيب خلاص روحوا وكملوا بكره بس تعالوا بدري
____________________
اخيرا اقنعته ونزلت بسرعه جدا لشهاب
– شهاب .. شهاب انت كويس
= انا مش قااااااااادر
– يخربيتك اسكت وطي صوتك
مشيت بالعربية بسرعه وكنت بنفذ خطتي مكنش واعي انا رايحه فين بالظبط لحد ما وصلت
= نرمين..
– انا جمبك
= اية البيت ده احنا فين؟ والحاجات الى في ايدي دي ايه
– انت اخدت حقنه مهدئه ودي محاليل
= انتي جبتي دكتور!! ليه!!
– انا الى جبت
بص لمصدر الصوت واتصدم لما شاف طنط اميره:
= انتي ازاي تيجي هنا!
مسكت ايده عشان يهدي: شهاب! احنا الى عندها بالفيلا
اتكلم بعصبيه – انتي الى جبتيني هنا يا نرمين!
= هتساعدك انا خوفت متقدرش تمسك نفسك وترجع تاني ومكنتش هقدر اعرف اونكل احمد لانه هيبقي اشد وانت طلبت مني معرفوش صدقني هي هتساعدك هتفضل هنا لحد وقت ما الجرعه يعدي الدكتور قال انك لسه فى الاول..
– انا كنت واثق فيكي! بس انتي موثقتيش فيا! كنت هقدر اعدي من ده لوحدي بس كنا محتاجك
اتكلمت طنط بهدوء = شهاب خلينا نركن اي مشاكل لحد ما تخف وبعدين نتكلم لو حابب البيت هنا زي بيتك ولو عاوزاني امشي مفيش مشكله
مردش عليها فا خرجت تقعد بره وانا قربت منه
– متزعلش انا اسفة ، طب اية رأيك تعضني كا عقاب؟
= نرمين اطلعي بره
بصتله بدهشه: اطلع بره!؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العضاضة والمتهور)
