رواية العضاضة والمتهور الفصل الثاني 2 بقلم سلسبيل أحمد
رواية العضاضة والمتهور الجزء الثاني
رواية العضاضة والمتهور البارت الثاني
رواية العضاضة والمتهور الحلقة الثانية
يخربيتك قوم انت مالك عامل كدا ليه؟
قام وقف وهو بيتمايل:
– ششش صوتك عالي كدا بابا يصحي!
= شهاب انت ؟؟ انت شارب حاجه يشهاب!
ضحك ببلاهه:
– شارب اية شيفاني هقع مثلا؟
وقع فعلا وانا لحقته وسندته عليا وكنت هعيط:
= الله يخربيتك ابوك هيسمعك اتحرك معايا لما اشوف ههبب اية فيك اتحرك!!!!
قرب جدا مني و قال بهمس:
– مممم بنت عمي واكيد مش هتفضحيني
شديته عشان يمشي فا اتخبط و وقع و وقعني وفجأه سمعت باب اوضه عمو احمد بيتفتح..
شديت احمد بسرعه وخبيته و عمي ظهر قدامي:
– انتي وقعتي ولا اية
= لا قصدي اها اتكعبلت
– طيب خلي بالك وادخلي نامي الوقت اتاخر
= حاضر يعمو
مشي بعد ما بصلي بشك اتنهدت وبصيت على شهاب لاقيته في دنيا تانيه حاولت اتمالك نفسي وديته لحد اوضته براحه وعملت له قهوه ومسكت راسه حطتها تحت الحنفيه وشغلت مياه سقعه:
– بس! خلاص فوقت انا بقيت كو..
مكملش و نزل براسه فالحوض وقعد يرجع فا قلقت زياده!
= اعمل فيك اية !! اروح اصحي عمو!
كان بينشف وشه ومسك ايدي قبل ما اتحرك:
– اهدي انا كويس دلوقتي
= وسع ايدك دي انا مش هسكت على عملته
– هتعملي اية يعني عايزه تعرفيه
= عملت كده ليه يا شهاب! انت حتي مش بتشرب سجاير
– بعد اذنك ملكيش دعوه
= لاء ليا! قولي شربت اية
– مخد**رات ها عايزه حاجه تانيه؟ ولو حابه تعرفيه براحتك بس هيتعب ومش هيستحمل خبر زي ده
ضربته فكتفه جامد من كتر غيظي منه:
= واما انت عارف! بتتهبب وتشرب زفت ليه! حرام عليك بجد شهاب عشان خاطري بطل تشرب الحاجات دي
– نرمين انتي بتعملي زي الامهات الي بتخنق ليه
انا مصدقت ماما مسافره وسيباني عشان مش ناقص دراما
لحظه سكوت كأن الزمن وقف زي الامهات؟؟!!! فكرني ب امي، امي الى مش موجوده دلوقتي! انا زيها فعلا عندنا نفس القلب بنخاف نفس الخوف بس هي علمتني اكون قوية ومش عبقي ضعيفه تاني.
انسحبت بهدوء من قدامه
فات يوم و التاني والتالت والرابع.. بروح الشركه وبرجع البيت وبتجاهله بيكلمني مش برد بيقعد في مكان جمبي بمشي لحد ما قررت اتكلم مع عمي فاليوم الرابع:
– اسفه عشان رتبت كل ده بدون عِلم حضرتك لكن محتاجه تقدر موقفي من يوم وفاه ماما و بابا وانا قاعده هنا جه الوقت الى امشي فيه انا بقيت قادره اعتمد على نفسي
= نرمين يابنتي انا مقدرش اسيبك تقعدي لوحدك عرفيني اية مدايقك ونحل المشكله
– لاء مفيش صدقني
= لا في انتي و شهاب اكيد بينكم تاتش وحش انا ملاحظ محدش فيكوا بيتكلم مع التاني بعد ما كنتم ناقر ونقير
ابتسمت بحزن:
لا صدقني انا بحب حضرتك جداً وشهاب كمان لكن هبقي مرتاحه كده
= طيب نقسم البلد نصين اللغي موضوع الشقة ده و هشوف ليكي بيت جمبنا عشان شغلك فالشركه حتي
– بس انا
= مفيش بس يا كده يا اما تفضلي هنا
– خلاص ماشي شكرا جدا يارب تلاقي بيت قريب
= يلاقي بيت لمين.؟!
كان صوت شهاب ومن الواضح انه مدايق:
– نرمين هتاخد بيت تاني
= ده مين وافق انك تمشي اصلا؟
قومت وقفت قصاده:
– نعم؟ مش فاهمه
= يعني مش هتقعدي لوحدك انتِ
مسكت شنطتي:
– بعد اذنك يعمو واتمني تلاقي البيت انهارده قبل بكره
مشيت وسبته هو هيعاملني بمزاجه!!
شوية والباب خبطت عارفه ان هو خرجت البلاكونه عشان مسمعش خبطه المزعج واتفاجئت بصهد ورايا بجد:
– انتي مالك بقي ها؟
= انت متخ*لف ؟ هو انا فتحت لك عشان تدخل!
– اها متخ*لف
= لو سمحت تطلع بره
– طب من غير لف و دوران انا مكنتش اقصد اعاملك كدا
او اقولك الكلام ده
حسيت بضيق نفس:
– وسع ابعد عني
زقيته من قدامي ونزلت عالبحر الى كان قدامنا رغم سواد البحر بليل و لكن هواه بيخليني اقدر اتنفس.
– انتي كويسة؟
= ملكش دعوه
– بترديهالي يعني
= شوفها زي ما تحب
– نرمين انا مكنتش اقصد كل ده انا مش عاوزك تمشي من هنا وبلاش الطريقة دي
= شيء ميخصكش انا نفسي مخصكش زي م انا مليش دعوه بيك وهمشي وطريقتي مش هتشوفها خالص
– انا اسف
= حد قالك اني زعلانه!
– طريقتك بقت صعبه كدا ليه مكنتيش كدا
= شوف انت بقي
حبست دموعي على قد ما اقدر:
– انا كنت جمبك بساعدك وانت راجع شا*رب ز*فت على دما*غك عارف يعني اية؟ انا داريت عليك وكدبت ومرضتش اقول لعمو وبعد كل ده مليش دعوه!
وبتكلمني كده وبعدين تمام مانا بقيت مليش دعوه اهو زعلان ليه
= انا مكنتش مظبوط يومها ومش مظبوط طول مانا مزعلك وانتي مدايقه بسببي
– لا متشغلش بالك بيا ، مش طريقتي تخنق زي الامهات!
دموعي هنا نزلت قدامه للاسف مجرد ما بفتكر ان امي مش موجوده وهو! هو عنده ام ومش بيتفق معاها ولا محسن علاقته بيها الغبي!
= اهدي متعيطتش عشان خاطري
خبيت دموعي بأيدي:
انا مش قادره اتكلم متبصليش امشي مش عايزه اشوفك
شال ايدي و مسح دموعي بهدوء:
= وانتي صغيره كنتي دايما تخبي وشك وانتي بتعيطي بس مكنتش بتخبيه مني وكنا ساعات نعيط سوا.
– احنا كبرنا دلوقتي وانت اتغيرت
= مكنتش عايز امشي فالسكه دي ، بس صدقيني انا لو اتغيرت مع اي حد مش هتغير معاكي حقك عليا انا لو عملت كدا ف كان.. كان تأثير المخد**رات الى بخدها انا عارف انه مش مبرر بس ده مش انا ، لاني عمري مكنت هقدر اجرحك
– لاء يا شهاب انت عاملتني وحش اوي وانا هقدر اقعد اسفه ولما تبطل الى بتشربه يمكن ساعتها نتكلم
مشيت وسبته وتاني يوم الصبح صحيت على صوت جامد بره اوضتي وكان خبط قومت فتحت بالعافيه:
– مفاجأه!!!!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العضاضة والمتهور)
