رواية جحيم الرجال الفصل السادس 6 بقلم جمانة وائل
رواية جحيم الرجال الجزء السادس
رواية جحيم الرجال البارت السادس
رواية جحيم الرجال الحلقة السادسة
– المفروض تيجي معايا حالًا أنا مش عايز استخدم معاكِ العنف!
إسراء: يعني البنت قتلت اللي في بطنها وكانت منكده على جوزي وكمان رافعه علينا قضيه!
– اقبضوا عليها
اتحركوا وراحوا المكتب كانت سيلين قاعده ودخل جاسر وهو بيجري عليها شدها من شعرها
سيلين زقته وضربته وقالت: دي آخر مرة هتمد ايديك عليا فيها فاهم؟ أنت واشكالك مكانكم المصحة أو السجن ومتستاهلش تعيش معانا أصلًا
جاسر اتحول للتحقيق ولكن اللي كسبت القضية في الآخر كانت سيلين
سيلين: اشتغلت وهربت منك وهتجوز واشوف حياتي وأنت هخليك في السجن مرمي فاكر مامتك لما قالت سيبها خلي جثتها تعفن؟ اهيه هي بقى اللي جثتها هتعفن، أنتوا الاثنين قتلتوا ابني اشوفك بقى يوم الحساب يا حبيبي سلام.
خرجت جاسر من عنده وراحت عند كاميليا كان عمرو هناك ومامته
كاميليا: تخلصتي من السجن أخيرًا؟
عيطت سيلين واترمت في حضن كاميليا
كاميليا: في حد عايز يشوفك
سيلين بلهفة: عمرو؟
كاميليا: اخوكِ هنا
خرج اخوها وحضن سيلين لكن فجأة سيلين بعدت وقالت: سيبتني كأني من غير راجل اتحامى فيه سيبتوني اتهان من واحد بلا شرف وقطعتوا علاقتكم بيا! جاي بعد ايه؟ بعد ما خلاص اكتر وقت كنت محتاجه حد بس يقولي أنا جنبك فات!
– ماما وبابا ماتوا
حطت سيلين ايدها على وشها ووقعت على الأرض منهارة في العياط
– بابا كتب كل حاجه ليكِ هو كان بيحبك فعلًا معرفش ليه عمل كده بس كان بيحبك سامحيهم بس
سيلين: ليه مقولتش من بدري؟
– مكنتش عارف اوصلك
سيلين صرخت وقالت: وليه تخليني استخبى! ليه محمتنيش من جاسر ليه الجأ لعمرو وابات عنده عشان بس خايفه على نفسي من شخص المفروض أنه جوزي! قولت إني مش عايزاه بس أنتوا جوزتوني ليه حتى متكلمتش مع ماما أو بابا رمتوني لقاتل… أنت عارف هو بيشتغل إيه؟
– مدير أعمال!
سيلين ضحكت بسخرية وقالت بصوت عالي: تاجر أعضاء يا حبيبي وخطف أطفال مجوزني ومعيشني في فلوس حرام وكل ده عشان خايفين عليا! أنا كرهتكم وكرهت الجواز بسببكم بقيت بقرف منكم وبكره إني اشوف أي راجل، تعرف إني كنت حامل؟ والبيبي مات! بسبب الست اللي المفروض تكون جدته وبسبب جوزي اللي المفروض يدافع عنه لكن هو بدل ما يسأل كان هيقتلني! وكل ده وفي الآخر ما أنتِ غلطانة أنك هربتي.
عيون كريم دمعت وقال: هما ماتوا مفيش داعي للكلام ده
سيلين: وليه مسابوش زفت أثر كويس يخلوني على الأقل ادعيلهم!
كريم: أنا حاسس بيكِ وانا آسف والله على كل حاجه حصلت المهم سامحيهم وادعيلهم بالرحمة، ربنا يعوضك
سيلين: والله يا كريم ما هرتاح غير لما جاسر ياخد إعدام وهخليه ياخدها بس قبلها هرفع عليه خلع
عمرو: خلاص يا سيلين اهدي اللي عدى خلاص تخلصي منه وشوفي حياتك معايا… معانا كلنا يعني
سيلين: شكرًا انك كنت جنبي يا عمرو خلتني اشوف حاجات مشوفتهاش في بيتي ولا في بيت جاسر
وقفت سيلين على رجلها ودخلت أوضة كاميليا تنام
كاميليا: خلاص سيبوها ترتاح وهتكون كويسه
مشيوا كلهم وسابوها ترتاح وبعد ساعتين صحيت ونزلت الشارع
اخدت موبايل جاسر وبدأت تدخل على كل حاجه فيه بس كان غامض وفي حاجات مختفية، راحت على بيته تدور على أوراق بس بردو ملقتش حاجه، وصلت لمكان شغله وقابلت السكرتيره
سيلين: أنا مرات جاسر كنت عايزه ادخل مكتبه ضروري
بصت السكرتيره من فوق وتحت وقالت: أكيد اتفضلي
دخلت سيلين وقفلت الباب وراها وبدأت تدور في كل حاجه ووصلت لحاجات معينة ومشيت على عنوان تاني
سيلين: ممكن اتكلم معاكِ؟
– ممكن اعرف أنتِ مين؟
سيلين بهدوء وخوف: مرات جاسر
قالت فجأة وهي بتهجم على سيلين بالضرب: الحيوان القاتل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جحيم الرجال)
