رواية حنين الليل الجزء الثاني الفصل الرابع 4 بقلم أميرة رمضان
رواية حنين الليل الجزء الثاني الجزء الرابع
رواية حنين الليل الجزء الثاني البارت الرابع
رواية حنين الليل الجزء الثاني الحلقة الرابعة
قالت بخوف : ده لو ايان عرف كان هيقلب الدنيا الحمد لله ان محدش عرف
الباب اتفتح فجاء وحد قال بغضب: بس انا عرفت
حنين 😳: رعد
ميرا بتوتر : عرفت اي
رعد : انتي فاكره انك هتخبي عليا ولا ااااي (وبص لحنين وقال ) وانتي هتفضلي ضعيفه وخوافه كده لحد ايمتاااا مقولتيش ليه اللي حصل
حنين : انا خوفت ليحصل مشاكل
رعد : وانتي فاكره ان كده مش هيحصل مشاااكل
حنين : ي رعد بالله عليك بلاش تعمل مشاكل اهدي بس كده وفكر
رعد بعصبيه : افكررر في ااااااي واحد زبا*له زي ده لازم ياخد جزاءه وانا اللي هعلمو الادب اما انتو الاتنين حسابكم معايا لما ارجع (طلع وخبط الباب اوووي )
حنين ببكاء : يالهووووي يالهوووي اخوكي مش هيسكت
ميرا : منا قولتلك ي حنين مينفعش نسكت عاجبك كده ده اكيد هيمو*ته
حنين ؛لازم نكلم حد يلحق رعد قبل ميوصل لزفت خالد
#بقلمي_اميره_رمضان
ميرا : لو حد من البيت عرف الموضوع مش هيهدا ده هيزيد اكتر
حنين مسكت تلفونها ورنت علي سليم
_______
ايان وصل الصيدليه
السلام عليكم لو سمحت كنت عايز الدواء ده
الدكتور: وعليكم السلام حاضر ي فندم (وقال بصوت عالي)زهررره تعالي جيبي العلاج ده عشان برتب الطلبيه
(طلعت زهره من جوا وايان اتفاجاء بيها)
ايان : انتي بتشتغلي هنا
زهره باحراج لان الدكتور كان بيبص عليهم : اه طلباتك اي ي فندم
ايان عطالها الورقه
زهره : تمام (خدت الورقه تجبلو العلاج )
زهره : اتفضل ي فندم كده الحساب150 جنيه
ايان : اتفضلي الفيزا
زهره : للاسف ي فندم الدفع هنا كاش
(ايان دور في جيبه بس نسي الفلوس في البيت )
#بقلمي_اميره_رمضان
زهره خدت بالها انه مش معاه فلوس : خلاص ي فندم خد العلاج وتعالي في اي وقت ادفع الفلوس
الدكتور : احنا هنا مش بنبيع بالقسط ي ست زهره معاه فلوس ياخد العلاج مش معاه يسيب العلاج ويمشي
ايان بغضب: وانت مفكر اني بشحت منك انا مش معايا فلوس كاش معايا الفيزا وانتو مش بتاخدو بالفيزا
الدكتور : مش ذنبي وبعدين ممكن تكون بتمثل وخلاص عشان تاخد العلاج من غير فلوس والفيزا اللي بتتمنظر بيها تكون فاضيه
زهره بضيق : يعني اي هو جاي يشتري لبس ده علاج واكيد محتاجه ضروري
الدكتور : واحنا مش فاتحينها جمعيه خيريه
ايان بغضب : اتكلم معاها بأدب احسنلك والعلاج عندك اهو (ولسه هيمشي)
زهره : لو سمحت ي فندم ثواني بس (جابت شنطتها وطلعت الفلوس وحطتها قدام الدكتور )الفلوس وصلت اهي
ايان : انتي بتعملي اي
زهره : خد العلاج وربنا يشفي المريض يارب
ايان : لاء طبعا انا هجيب من صيدليه تانيه خدي فلوسك
زهره : انا شغاله هنا علطول في اي وقت يبقا هات الفلوس متشلش هم
ايان بامتنان : شكرا لحضرتك وانا ايان الحديدي لو احتاجتي حاجه انا تحت امرك (وخد العلاج ومشي )
الدكتور بغيظ : اكيد كداب لان عيله الحديدي عيله كبيره ومفهاش حد فقير
زهره بغضب : هو جاي بيشحت ده بيقول ناسي الفلوس وبعدين انت مشفتش العربيه اللي راكبها
الدكتور بص علي شاشه الكمبيوتر وشافه من الكاميرات فعلا العربيه فخمه اووي
الدكتور بطمع : طب خلاص لما ياجي يجبلك الفلوس قوليلو الدكتور كان متعصب وهو مش كده ده طيب وقوليلو كلام حلو عني
زهره بضيق : انا مش هكدب (وسابته وكملت شغل)
________
عند رعد
وصل الكافيه بتاع ابراهيم الشاذلي (ابو خالد )
رعد بغضب وصوت عالي : خااااااااالد
(الناس كلها بصت عليه باستغراب)
الجارسون : في حاجه ي فندم
رعد مهتمش بيه : خاااالد هتطلع ولا ادور عليك بمعرفتي
(خالد طلع وسط اتنين بودي جارد )
رعد : بتستخبي في الاتنين دول والله لو طالع في حمايه جيش ماهسيبك برضو
(وقرب منهم بغضب وخالد رجع ورا وصدرله البودي جارد رعد مسك اول واحد وضربه جامد بس التاني قدر يتحكم في رعد وضربه وقع علي الارض
قام رعد بسرعه ونزل ضرب علي الراجل التاني
والناس كلها بتجري وتصرخ وخالد كان بيحاول يهرب لكن رعد مسكه )
رعد بغل وغضب : انت متعرفش هي بنت مين (وضربه بالبوكس في وشه )
خالد حط ايدو علي وشه : اااااااه
رعد : متعرفش انك باللي عملته ده لعبت في عداد عمرك (وضربه برجله في بطنه ومسك ايدو ولفها ورا ضهرو )
#بقلمي_اميره_رمضان
رعد : مش ايدك دي اللي مسكت ايدها غصب عنها انا هحرمك منه (ولوا دراعه اووووي)
خالد بالم شديد: ااااااااااه دراعي ااااااااااااااااه
ابراهم نزل من فوق بسرعه : انت بتعمل اااااااي ابعد عن ابني
رعد مردش عليه وضغط اكتر علي دراع خالد
خالد بصراخ هيستيري : درااااااااااااااعي ااااااه
دخل بسرعه سليم وحاول يبعد رعد عن خالد بس مش عارف
سليم : انتو هتفضل واقفين كده لحد ما يمو*ته تعالو ساعدوني نبعدو عنه
(اتلم كذا راجل وبعدو رعد عن خالد اللي فرهد من الالم )
رعد بص لخالد بغضب وقال : اقسم بالله لو حاولت بس تتكلم معاها تاني لهيكون اخر يوم في عمرك بجد
سليم : يلاااا بقااا ي ررررعد (سليم خد رعد بالعافيه ومشو )
ابراهيم: خدو علي المستشفي يلا
خالد بالم : وانت مش هتاجي معايا
#بقلمي_اميره_رمضان
ابراهيم : انا هشوف حل للمصيبه اللي انت عملتها دي
خالد بغضب : انت ازاي تسيبو يمشي بعد اللي عمله ده المفروض تبلغ البوليس
ابراهيم : المفروض انك تسكت انت خالص ومسمعش صوتك لحد مشوف حل للموضوع لان احنا مينفعش نخسر العيله دي بسبب غبائك
_______
ايان دخل البيت وهو شعوره متلغبط مش عارف حاسي باي
فرحان انه شافها بس محبش الموقف اللي كان فيه
ماريا : اتاخرت كده لييييه ده كان هيهرب مني
جنه : ي بنتي حرام عليكي احنا مش مستغنين عن ايد الواد
يوسف : وربنا قولت كدااا
ماريا خدت الشنطه من ايد ايان طلعت منها الحاجات
وقالت : شوف بقا لو خايف على ايدك اقعد ساكت متتحركش لانك لو اتحركت وانا بخيط هخيط غلط وايدك هتتشوه انت حر
يوسف : يالهوووووي الحقني ي ابن عمي
ايان بضحك : بس يواد خلي الدكتوره تشوف شغلها
جنه : لاء انا بخاف من الد*م انا طالعه باي
كارما : خوافه شوفي شغلك ي ماري انا جنبيكي اهو
يوسف : يختاااااااااي
فارس دخل وقال : في اي ياض بتصرخ كده لييييه
يوسف : باباااااااا (وقام بسرعه وحشتني ياعم والله)
#بقلمي_اميره_رمضان
سندس : وانا مش واحشاك
يوسف : كبدي ي نااااااااس وحضنها اوي (وكل اللي موجودين كانو فرحانين برجوعهم)
خديجه : انت متعرفش انا فرحانه ازاي انك جيت تحضر العيد معانا
جنه ببعض الحزن : طب وبابا مش هينزل هو كمان
نوح وهو داخل من برا : البابا جه البابا حضرررر
جنه بصراخ من الفرحه : باباااااااااا
وكارما وماريا جرو بسرعه هما كمان وحضنوه اوي
نوح بفرحه ومشاكسه: هقع ي بت انتي وهي براحه
خديجه بعصبيه: هو انت لازم تزعلنا يعني طب مكنت دخلت معاهم ولا لازم تعملك دخول خاص
نوح : بذمتك مش عجبتك المفاجاء دي
خديجه بفرحه : عجبتني اووووي وحضنتو هي كمان
فارس ليوسف : شايف ي لطخ حاضنين ابوهم ازاي مش تقولي وحشتني ياعم
نوح : وانت هتقارن ترحيب بناتي بعديم المشاعر اللي واقف جنبك ده
#بقلمي_اميره_رمضان
يوسف : جرا اي ي عم نوح ده انت لسه واصل
نزلت ميرا وحنين لما سمعو صوت تحت
ميرا بزهول : فاااااااارس وطارت علي حضنو
فارس : حبيبة قلبي ي ناااس اميرتي وحشاني اوووي
ميرا : وانت كمان والله مش قادره اوصفلك واحشني ازاي (وحضنت مامتها اووي )
ميرا : طب والله فرحت العيد هتبقا غير اي سنه
سندس : نونه وحشتيني ي صغنن اووي
_________
سليم : حلو اللي انت عملته ده
رعد : عااااايزني اعمل اااااي يعني اروح اقوله برافووووو
سليم : لاء بس يبقا في عقل شويه انت كسرت ايدو
رعد : دي اقل حاجه اعملها معاه ولو انت كنت اتاخرت شويه كنت خلصت عليه
سليم : رعددد بلاااش حبك لحنين يعميك عن تصرفاتك يخربيتك دانت كنت زي الطور والله البودي جاردات اللي هناك كانو خايفين يقربو منك
رعد : احسن
سليم : لاء بقولك اي ماهو انت مش فاتح الجيم وبتتدرب فيه عشان تمشي تفتري علي خلق الله
رعد : انت اي اللي جابك
سليم : حنين كلمتني وحكت اللي حصل وقالتلي الحقو ليمو*ته ويودي نفسه في داهيه
رعد : دول لسه هي وميرا حسابهم معايا عسير
_________
عز : هنسهر فين الليله
سراج : اي مكان انت تختارو ماهو انت اللي هتدفع
عز : مش مركز انهارده اختارو انتو
مصطفي : هنسهر في
نيفين : انا اللي هقول هنسهر فين وبصت لعز بدل وقالت هنسهر في المكان اللي اول مره انا وانت اتقابلنا فيه
عز : تمام
نيفين كانت بشرب سيجاره وقالت لعز : خد بس النفس ده
عز : لاء
نيفين بدلع قربت منه وقالت ؛ عشان خاطري ده نفس بس يلا بقااا
عز بصلها وقال بانفعال: نيفييييين قولت مليووون مره مش
نيفين وسراج بصراخ : حاااااااااسب
عز لف العربيه بسرعه بس كان فات الاون وخبط وحده
مصطفي : امشي بسرعه لحد يشوفنا ويقبضو علينااااا
عز بارتباك : ازاي عايزني امشي ونسيب البت كدااا (سابهم ونزل يشوف البنت بس كانت غرقانه في د*مها)
نيفين نزلت وراه وقالت بصدمه 😳: يالهووووي يالهووووووووي البنت ماتت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حنين الليل الجزء الثاني)
