رواية وعد الفهد الفصل الثامن والعشرون 28 بقلم سارة محمد
رواية وعد الفهد الجزء الثامن والعشرون
رواية وعد الفهد البارت الثامن والعشرون
رواية وعد الفهد الحلقة الثامنة والعشرون
تمت خطبه دامر ومريم تحت دهشه الجميع من تغير راي مريم المفاجئ
فهد ووعد أصبحت علاقتهم قويه جدا فقد تعلق فهد بها كثيرا أصبح يذهب لها المستشفي بشكل دائم بحجه رؤيتها والحديث معاها
في المستشفي
وعد بابتسامه :فهد اتفضل
فهد بابتسامه: كنت قريب من أهنه قولت اعدى عليكي اوصلك في طريقي البيت
وعد بابتسامه : انا خلصت شغل وكمان هروح بدري النهارده عشان الدكتور عمر جاي يتقدم ليارا
فهد :ايوا مريم قالتلي هي والحاجه قالبين دماغي من الصبح
وعد بابتسامه: ايوا
فهد :طب يلا عشان منتاخروش
وعد :حاضر دقيقه واحده
ثم خرجوا من المستشفي وهناك من يراقبهم ويأخذ بعض الصور لهم ثم قام بارسالهم لشخص مجهول ١
قائلا :ايوا يا باشا خرج دلوقتي مع واحده من المستشفي بعتلك الصور
مجهول :تمام خليك مراقبه
في عربيه فهد
وعد :انت عملت ايه مع الدكتور عزت والدكتور محمود
فهد: متشغليش بالك انتي
وعد :الناس دى مش سهله مش عايزاك تتورط معاهم
فهد: متقلقيش كله هيبقي تمام
في مكان آخر
مجهول ٢: انت مش قولت أنها ماتت ازاى لسه عايشه وابن السيوفي يعرفها منين ها
مجهول ١ :معرفش اللي اتفقت معاه عشان يخلصنا منها كلمني وقتها وعطاني التمام وقالي انها خلاص ماتت
مجهول ٢ :انا كنت عارف ان في حاجه ماهو بردو غريبه أن الدكتوره مريم والدكتوره يارا يتم نقلهم من هنا لقنا لنفس المستشفي وكمان يطلع ابن السيوفي اللي ورا الموضوع ده
مجهول ١ :طيب هنعمل ايه
مجهول ٢: لازم نرجع الورق اللي عند فهد باي طريقه الورق ده لو راح للبوليس يبقي خلاص انتهينا وكمان لازم نعرف ايه علاقته بالدكتوره وعد
في منزل وعد
الباب يدق
مريم تفتح الباب قائله بغضب: اتاخرتوا ليه هااا
وعد: أهدى بس يا حجه يادوب خلصت شغل وفهد كمان عدى عليا وجينا مع بعض
مريم: ادخلوا ادخلوا
في الداخل
فهد :ايه ده انتو عاملين ايه في البيت
مريم :الله مش جايلنا ضيوف بنجدد البيت ونغير ألوانه وكده يعني
فهد: ايوا بس مش بالطريقه دى البيت أكده مش هيخلص غير بعد اسبوع والناس جايين الساعه ٨
مريم بابتسامه :وهو المطلوب
يارا وهى علي وشك البكاء :الحقني يا وعد المجنونه دى حالفه لتخرب الحوازه عااااااااااا
مريم بتأثر مصتنع: انا يا يارا انا هخرب الجوازه طيييييب علي جثتي لو الجوازه تمت هااا
وعد: انت ما صدقتي هنعمل ايه في الكركبه دى حرام عليكي
فهد :خلاص خلاص انى هكلم الشباب وخلال ساعتين البيت ده هيكون جاهز باذن الله ثم أخرج هاتفه كى يهاتف رائد ودامر وفتحي وعصام
بعد مرور دقائق
فهد :يلا يا شباب
مريم: اساعدكم في حاجه طيب
فهد: لا كفايه اللي عملتيه لحد دلوقت اقعدى انتي
مريم بمصمصه: انتو الخسرانين
بعد مرور ساعتين
رائد :اوووف خلصنا
دامر: ايوا منه لله اللي كان السبب
مريم: تقصد مين حضرتك
دامر: هااا لا لا مقصدش
مريم: اه بحسب
دامر بعد ذهابها: ربنا علي الظالم والمفتري يا شيخه
الجميع: ههههههههههههههههههههههه
مساءا
مريم بغيظ: ازيك يا دكتوووور
عمر :احم الحمدلله انتى عامله يا دكتوره
مريم :احسن منك
وعد بهمس: أهدى يا بت عيب كده
مريم: اهو سكت
وعد بهمس: ايه غيرانه
مريم: ايه اغير ايه علي الهبله دى لا طبعا
وعد: مااااشي يا مريم
عمر: تمام كده يبقي الخطوبه بعد اسبوعين
فهد :تمام كده الخطوبه بعد اسبوعين مبروك يا دكتور
وبعد التهانى والمباركات ذهب الكل الي بيته
وبقيت مريم في منزل وعد
وعد بضحك علي مظهر مريم قائله: مالك بس يا حجه
مريم: مليش يا اختي
يارا: مالك يا مريم انتى مش فرحانه
وعد :تلاقيها بس غيرانه عليكي من عمر صح صح
مريم: اسكتوا بقي
بعد مرور اسبوع يوم زفاف فهد ووعد
حاله هرج ومرج تملي قصر السيوفي فاليوم هو زفاف كبير عائله السيوفي
بدريه: هموا يا بنات هموا
فهد :صباح الخير يا حجه
بدريه :صباح النور يا عيوني دقائق الفطار يجهز
فهد :ماشي يا حجه اني في المكتب
بدريه: ماشي يا ولدى
في المكتب
رائد بفرحه :مبروووووك يا عريس
فهد بضحكه: الله يبارك فيك يا صاحبي عقبالك
رائد: ياااارب
فتحى :ههههههههههههه دلوقتي عايز تتجوز اومال كنت رافض ليه قبل سابق
رائد وقد تذكر رقيه قائلا بابتسامه :غيرت رائي انت مالك انت
دامر: مبروك يا فهد
فهد :الله يبارك فيك يا دامر اومال عصام وعمر فين
دامر :كلمتهم قالوا جايين دلوقت
فهد: زين زمان الحجه جهزت الفطار يلا تعالوا نفطروا
مساءا
في غرفه وعد
مريم: وااااو قمر يا ناااس ماشاء الله
يارا بابتسامه: زى القمر يا وعد ربنا يفرح قلبك
وعد بابتسامه: بجد يا بنات شكلي حلو
مريم ويارا :قمر
اتت بدريه قائله: ما شاء الله ماشاء الله كيف القمر يا وعد مبروك يا حبيبتي يلا ننزلوا العريس مستني
في الاسفل
رائد: اهى العروسه جات اهى
دامر: روح خد عروستك يا فهد
فتحي :فهد فهد
فهد في عالم تاني منذ أن وقعت عيناه علي وعد
دامر: فهد فهد
فهد: هااا في ايه
دامر: روح خد عروستك
فهد: ايوا ايوا ثم ذهب باتجاهها
فهد بابتسامه: مبروك يا وعدى
وعد بابتسامه: الله يبارك فيك
ثم بدات الاحتفالات أخذ فهد والشباب يرقصون علي الأنغام الصعيديه عمت الفرحه والبهجه ارجاء هذا القصر بعد حزن دام لسنوات
بعد مرور بعض الوقت
اقتحم الفرح مجموعه ملثمين تبادلوا إطلاق النيران مع رجال فهد بعد مرور بعض وقت سيطر رجال فهد علي الوضع ولكن اين وعد لقد اختفت
يتبع..
لقراءة الفصل التالي : اضغط هنا
الرواية كاملة اضغط على : (رواية وعد الفهد)
