رواية شيء من الماضي (احببت مجنونة 2) الفصل التاسع عشر 19 بقلم نجمة براقة
رواية شيء من الماضي (احببت مجنونة 2) الجزء التاسع عشر
رواية شيء من الماضي (احببت مجنونة 2) البارت التاسع عشر
رواية شيء من الماضي (احببت مجنونة 2) الحلقة التاسعة عشر
في المكتبه
رودينا _ اممم بص كده
يوسف _ ايه
رودينا _ انا هرشحلك الكتاب ده
يوسف _ تمام موافق، استني انا عندي روايه في البيت بحب اقراها كتير، بس يارب الاقيها هنا ودي هتكون القصه اللي برشحهالك، فين فين، استني كده هسأل اذا موجود ولا لا
رودينا _ تمام ماشي ..
بعد شويه بيرجع وهو مضايق
رودينا _ ايه مالك
يوسف _ تصوري مكتبه طويله عريضه مفهاش الكتاب ده
رودينا _ خلاص شوف غيره
يوسف _ لا انا عاوزك تقري دا بذات متأكد انها هتعجبك
رودينا _ طيب خلاص لما تيجي البيت ابقا هاتهالي
يوسف _ بقولك ايه ما تيجي معايا نحيبها وتشوفي المكتبه بتاعتي بالمره
رودينا _ لا طبعا مينفعش
يوسف _ ايه ده بقا انتي خايفة مني ولا مش واثقه في نفسك
رودينا _ لا دي ولا دي بس مينفعش
يوسف _ رودينا متخافيش هما دقيقتين وهننزل مش مستاهله الخوف ده،
رودينا _ مش هينفع يا يوسف
يوسف بيركز على عنيها وبتأمل_ خايفه مني؟! جاوبيني
رودينا بشرود_ لا بالعكس بس مش هينفع
يوسف يمدلها ايده
رودينا بارتباك تبص على ايده ومتردد تمد ايدها ولا لأ
يوسف _ هاتي ايدك متخافيش
رودينا باستسلام تمد ايدها
يوسف _ بيقولو ان لمسة الأيد بتضيع التوتر وانا حاسك متوتره اوي
رودينا بارتباك _ لا مش متوتره
يوسف _ امال ليه حاسك بتبعدي عني عن قصد ومش عاوزه تروحي او خايفه
رودينا _ مفيش حآجه بس خايفة نتاخر وماما تقلق
يوسف _ اوعدك مش هنتأخر
رودينا _ ماشي يا يوسف
يوسف بإبتسامة _ يلا بينا
في بيت سليم
جني قاعدة قدام التلفزيون ، وفجاه الجرس بيرن
جني _ مين اللي جاي دلوقتي… ايوه مين، بتفتح الباب تلاقى ياسين
ياسين _ ممكن اعرف عملتي بلوك ليه
جني _ انت اتجننت ايه جابك هنا افرض حد شافك
ياسين يدخل ويقفل الباب _ انسي كل حآجه وقولي ليه عملتي بلوك
جني _ انت ازاي تعمل كده امشي اطلع بره لا ابلغ البوليس
ياسين بانفعال _ انتي لو مشيلتيش البلوك قدامي دلوقتي انا مش همشي من هنا انتي فاهمه
جني _ يبقا انت اللي اخترت، بتروح تجيب التليفون وتطلب رقم البوليس
ياسين يمسك منها التليفون ويفصل الخط
جني _ انت اكيد مجنون ياعم مالك بيه هو احنا بينا حآجه وانا معرفش
ياسين بانفعال _ معرفش اهو تكلميني وخلاص
جني _ مفيش حآجه اسمها اكلمك وخلاص، يابن الناس انا معرفكش ومش انا البنت اللي تشاورلها وتجيلك جري صدقني مش انا
ياسين بانفعال يرمي تليفونها على الحيط _ انتي مش عاوزه تكلميني، براحتك وانا مش عاوز اعرفك كمان وبيروح للباب عشان يمشي
جني _ استنا عندك
ياسين _ عاوزه ايه
جني _ التليفون اللي كسرته ده تقدر تقولي اجيب مكانه ازاي انا دلوقتي، حالا تجبلي غيره انت فاهم
ياسين بقرف_ انتي جبله مبتحسيش يعني تكسر’ي قلبي عادي وتزعلي علي حتة تليفون
جني_ ياخي ان شاءلله رقبت’ك تتكسر انا مالي المهم تليفوني دلوقتي
ياسين بعصبيه_ هجبلك غير الز’فت اللي اتكسر عن اذنك، ويشوح بايده ف تيجى فى وشها
جني _ ااااه يا اعما القلب والنظر وشي ياغ’بي
ياسين بقلق_ انا اسف مكنش قصدي
جني _ قصدك ايه وزفت ايه بقا امشي من هنا
ياسين _ طيب استني اطمن عليكي
جني _ متطمنش وفجاه تسمع صوت خطوات جايه ف تسكت وتشاورله عشان ميتكلمش
ياسين بشويش_ في ايه
جني _ مش عارفه في حد جاي وفجاه الباب بيخبط
جني _ نهار اسود اعمل ايه دلوقتي، ايوه مين
سليم _ انا افتحي
ياسين _ وبعدين
جني _ الله يخر’بيتك، اجري على اوضتي بسرعه
ياسين يتسحب ويروح اوضه تانيه، وهي تجري وراه وتمسكه
جني _ انت غاير علي فين اوضتي من هنا دي اوضة بابا
سليم _ كل ده علشان تفتحي
ياسين _ خلاص بطلي رغي وروحي افتحي وانا هستخبا اهو
جني _ يامصيبتي، وبتروح تفتح
سليم _ في ايه كل ده علشان تفتحي بتعملي ايه
جني بارتباك _ ا ا اصلي كنت كنت، اه كنت لابسه البيجامه ف روحت غيرت عيب تشوفيني بيها
سليم _ ههههه كبرتي يعني، مهما تكبري انتي لسه مفعوصه في عنيا
جني بارتباك _ ههههه خير جاي بدري يعني
سليم _ مصدع قولت اروح البيت ارتاح معلش ممكن تعملي فنجان
جني لنفسها _ يااادي المصيبة مصدع يعني هيقعد طول النهار في البيت، يارب بقا الله يخر’بيتك يا ياسين
سليم _ في ايه واقفه كده ليه ما تروحي تعملي قهوه
جني _ ح حاضر رايحه اهو اتفضل حضرتك استريح
بتروح اوضتها الاول
ياسين بشويش _ وده وقت صداع ابوكي بيستهبل
جني تقر’صه بغيظ_ هو اللي بيستهبل الله يخر’بيتك هتودينا في دا’هيه
ياسين_ انا اعملك ايه انتي اللي عملتي بلوك
جني _ الله يخر’بيت اليوم الي شفتك فيه، اتر’زع هنا واياك اسمع صوتك ولا تتحرك من هنا
ياسين_ افرضي دخل عليه
جني_مبيدخلش اوضتي عشان هو راجل محترم مش ز’يك بتدخل بيوت الناس غص’ب
ياسين_ كفاية قلت اد’ب
جني_ اششش اش صوتك، اتر’زع هروح اعمل قهوه يمكن يخرج
ياسين_ اعمليلي فنجان معاكي يكون مظبوط عشان مصدع
جني بغيظ تقر’صه في دراعه،_ ياخي ان شاءلله تن’فجر ليك نفس تطفح، اسكت انا طالعه قبل ما يلاحظ اني اتاخرت
ياسين_ امشي طيب انتي اللي بترغي
جني _ اششش بقا وبتطلع وتقفل الباب
ياسين يبص حواليه علي اوضتها ويلاقيها كلها لعب أطفال وعرايس لعبه _ اممم دي اوضتها ولا اوضة عيله صغيره
في بيت يوسف
يوسف _ اتفضلي
رودينا بقلق _ متشكره
يوسف _ دا ياستي بيتنا ايه رأيك
رودينا _ حلو اوي
يوسف _ طيب مالك كامشه في نفسك كدا ليه، تعالي علي طول ع المكتبه عشان تطمني
رودينا _انا مش قلقانه خالص بس خايفه اتاخر
يوسف _ ان شاءلله مش هنتأخر، تعالي معايا اوريهالك
يوسف _ اهي ايه رأيك
رودينا باعجاب_ الله يا يوسف انت عندك كتب كتير اهو
يوسف _ اعتبريها بتاعتك وخدي اللي انتي عاوزاه
رودينا _ متشكره، امال فين الرواية اللي قولتلي عليها
يوسف _ بصي انا هروح اعمل قهوه الاول علشان افوق شويه وانتي دوري في الكتب يمكن تعجبك حآجه، وانا هبقا اجبهالك احنا وماشين تمام
رودينا بإبتسامة _ تمام
رودينا تبص للمكتبه وعقلها شارد _ اسفة يا يوسف انت بتعاملني بضمير وانا مش صافيه خالص، زي ما انت فاكر، حقيقي ميستهلش اننا نخد’عه، انا هكلم جودي وهي تطفشه بطريقتها بس انا مش هكمل في الموضوع ده
شويه وبيجي يوسف ومعاه القهوه بيحطها علي التربيزه _ ااتفضلي يا ستي فنجان قهوه عمرك ما هتدوقي زيه
رودينا بإبتسامة _ اما نشوف،
بيقدملها الفنجان، وهي تبتدي تشرب
وفجاه تدوخ وتغيب عن الوعي
يوسف _ ااه معلش بقا مكنتش حابب اوصل لكده معاكي، بس مش مشكله خلينا ننبسط شويه، بيشيلها علي ايديه ويدخلها اوضة النوم وينومها علي السرير وبعدين يتصل بحد
في المستشفي
مصطفى _ جماعه انا تعبت ماتشوفولنا الدكتور يمكن يخليني اطلع من هنا
هشام _ انت وراك ايه يعني ما تخليك لغيت ما تخف كويس
مراد _ درش عنده حق انا عاوزه يرجع البيت بقا
مي_ في ايه يا بني انت كمان، لا طبعا هو لسه تعبان لازم يقعد هنا شويه
مصطفى_ ياستي بس نسأل الدكتور لو قال اقدر اخرج هاخرج ولا انتي مش عاوزاني اروح البيت
مي_ لا طبعا انا مش مستنيه تخف عشان نروح بس خايفه عليك.
هشام_ خلاص اهو الدكتور جه نسالو
الدكتور_ خير، مالكم
مصطفى_ عاوز اخرج من هنا
مراد_ ياريت يا دكتور وانا هرعاه اكتر منكم
الدكتور_ هو لسه تعبان مش هينفع استنو يومين وبعدين يقدر يروح
مي _ ارتحتو خلاص، اهو قال يستنا
مصطفى_ شمتها فينا يا دكتور
الدكتور_ ههههه معلش،
مراد_ معلش يا درش نستحمل يومين كمان علشان صحتك
جودي بتكون واقفه في زاويه وبتبص لمراد باعجاب وهو من حين لاخر يبصلها
مراد بإبتسامة خفيفه.. بشرود_ بمجرد ما ترفض يوسف هطلبها علي طول، مش قادر استحمل اكتر من كده بقيتي بتوحشيني وانتي قدامي
جودي تبادله النظرات…
وبشرود_ في اول فرصه هقولك اني بحبك ومش عاوزه غيرك، مستحيل اتخيل نفسي لحد تاني، لا يوسف ولا غيره،
وفجاه بتوصلها رساله علي الواتساب بتفتحها تلاقيها من يوسف بتبص عليها وفجاه ملامح وشها بتتغير كليآ وتبص لصور اللي باعتها بصدمه شديدة،
جودي لنفسها_ مش معقول، رودينا؟ ايه الصور دي وايه جابهم ليوسف، بتطلع برا بسرعه ومراد ياخد باله
جودي بتتصل ب يوسف
يوسف ببرود_ خطيبتي الغالية والله التليفون نور
جودي بذهول _ يوسف ايه الصور دي
يوسف_ صحبتك معايا وعشنا اجمل الحظات ومحبتش ماشرككش فيها
جودي بصدمه_ انت بتقول ايه يا يوسف، ايه اللي بيحصل ما تفهمني، رودينا فين دلوقتي
يوسف_ نايمه في حضني بس للأسف مش هتقدر تكلمك دلوقتي
جودي بانفعال_ انت كداب رودينا متعملش كده، انطق قول عملتلها ايه احسن والله اقول ل بابا
يوسف_ منصحكش تعملي كده علشان لو حد سمع انا هشير علي الانترنت الصور دي والفيديوهات الخاصه اللي بتسجل اللحظات الحلوه اللي عشناها مع بعض، وخلي الشباب تعد الحسانات اللي في جس’مها ويستمتعو بالمشاهد
جودي بذهول وعدم تصديق_ انت ازاي طلعت كده ااازاي انا مش مصدقاك
يوسف_ اسمعي من غير كلام كتير، انا هجيب الشبكه واجيلكم لما ترجعو عشان نعمل الخطوبه ولو رفضتي انا هنزل الصور والفيديوهات، زي ما قولتلك
جودي ببكاء _ نهار اسو’د انت عملت كل ده عشان نتخطب طيب ما احنا مخطوبين
يوسف_ يااا جودي خليكي صريحه مش دي صحبتك اللي انتي متراهنه معاها علي 100 جنيه عشان تطفشني
جودي بصدمه_ وانت بتعمل كده علشان تخلص مننا يعني
يوسف_ بصراحه اه لانك كان ممكن ترفضي انا مش هغصبك علي حآجه، انما تلعبو بيه ببساطة كده دي مقدرش اعديها،
اتفضلي دلوقتي وزي ما قولتلك لو حد عرف هنشر الحاجات دي كلها،
ولازم توافقي انتي ومبسوطه ومبتسمه كمان.. وبيقفل في وشها
يوسف بخنقه _ انا اصلا مبقتش عايزك بس لازم تجربي الاهانه اللي اهنتهالي، بيقوم ويروح عند رودينا يلاقيها لسه مافقتش، ومتغطيه بملايه، يمسك كباية ميا ويدلقها على وشها
رودينا تبتدي تفوق ببطئ وتبص حوليها
يوسف بإبتسامة _ قومي بقا كده هتتاخري ومامتك هتقلق
رودينا باستغراب _ يوسف؟! انا فين، تبص حوليها بعدم فهم وبعدين تركز ان مفيش هدوم والي مغطيها ملايه وبس
يوسف _ انتي في بيتي وفي اوضتي وفي سريري ومن شويه كنتي في حضني ياااه عمري ما جربت الاحساس ده قبل كده
رودينا بصدمه تلملم نفسها _ انت بتقول ايه
يوسف بإبتسامة _ يا رورو معقول مكنتيش حاسه بالي بيحصل، هتخبي عليه
رودينا لسه في حالة الصدمه وعدم الإدراك _ يوسف انت بتهزر الهزار التقيل ده ليه
يوسف _ شوف هتقولي بتهزر، بصي علي منظرك كده طيب، ولا انتي مكسوفه مني
رودينا بانهيار_ انت بتكدب ليه دلوقتى انا مبحبش الهزار دا يا يوسف قولي حصل ايه
يوسف يمسكها من شعر’ها وبحده _ صوتك ميطلعش ولا عاوزه الجيران يجو يتفرجو عليكي وانتي كده، قومي البسي علشان تمشي كفاية عليكي كده النهارده نكمل بكره
رودينا يجيلها حالة انهيار وتبكي بكاء هستيري _ انت كداااب يا يوسف، انا عملتلك ايه عشان تكدب عليه الكدبه دي، وتصر’خ بعلو صوتها
يوسف بتوتر _ ااهدي بقولك اهدي رودينا تضر’ب فيه _ ابعد عني انا مش طايقه اشوفك، ابعد عني
يوسف بزعيق _ بقولك اهدددي.. انتي تعالي بسرعه
بتيجي واحده من برا
نعم يا استاذ يوسف
يوسف _ لبسيها هدومها بسرعه وبعدين امشي
رودينا تكمل صراخ وتضر’ب في البنت اللي بتساعدها في اللبس_ هق’تلك يا حق’ير والله ما هسيبك
يوسف يوقف برا ودموعه تنزل غصب عنه_ تستاهلي اللي حصلك مش هعطف عليكى ولا هريحك
فلاش باك
يوسف _ الو
_ نعم يا استاذ
يوسف _ تعالي يلا
_ حاضر جايه حالا
بعد شويه بتدخل بنت
يوسف _ زي ما قولتلك هتقلعيها وتصوريها تمام، وبعد ما تخلصي غطيها بالملايه وسيبيها
_ تمام حاضر
بعد شويه
_ تمام يا استاذ انا عملت اللي طلبته منى، امشي انا
يوسف _ لا خليكي بس متظهريش غير لو ندهتلك تمام
_ تمام
يوسف _ خدي دول
_ كده كتير
يوسف _ دول علشان اللي حصل ميطلعش بره عارفه لو سمعت انك اتكلمتي هتكوني انتي مكانها المره الجايه
باك
بتطلع رودينا من الاوضه وهي منفعله علي الاخر وبتمسك فيه وتضر’ب بكل قوتها _
يوسف يمسك ايديها ويشاور للبنت تمشي _ اااهدي بقا خلاص اللي حصل حصل
رودينا بصراخ _ سيب ايدي يا نج’س هقتـ. لك والله هقتـــــ. لك يا يوسف
يوسف _ اهدي بس متعمليش انك شر’يفه خلاص بقيتي زيك زي بنا’ت الليل وعلشان متزعليش خدي ال 150 دول، تدفعي منهم ال 100 جنيه بتاعت الرهان وال 50 التانيه خليها معاكي
رودينا بصدمه _ رهان؟!
يوسف _ ايوووه انتي خسرتيه بسببي ف لازم اعوضك، يلا عشان اتاخرتي اوي
رودينا ببكاء هستيري _ معقول تعمل فيه كده عشان لعبه كنا هنعملها، طيب دا انا كنت لسه هخرج نفسي من الموضوع، حرام عليك والله حرام
يوسف _ بقولك امشي يلا عشان امك هتبتدي تقلق
رودينا بغيظ تضر’به بالقلم _ وفكرك اني هروح البيت عادي، اتفو’ه عليك ربنا ينتقم منك يا حق’ير يا و’سخ
يوسف بانفعال _ خلصتي اتفضلي برا بقا عاوز ارتاح
في المستشفي
جودي داخل الحمام بتبكي _ يارب انا السبب اعمل ايه، اعمل ايه البنت اتأذت بسببي
مراد يدور عليها في المستشفى وبعد شويه يلاقيها طالعه من الحمام ويروح لها
مراد يمسك ايدها_ في ايه و كنتي فين
جودي تبعد ايده وبجديه _ كنت في الحمام
مراد _ طيب مالك شكلك مش تمام
جودي _ انا كويسه، هروح اشوف ماما وبتمشي
مراد _ استنى،
جودي بزهق _ في ايه يا مراد
مراد_ عاوز اعرف مالك اللي كلمك قالك حآجه تزعلك طيب
جودي_ لا
مراد_ مين اللي كلامك انطقي مش هشحت منك
جودي بجديه _ ده يوسف
مراد_ مالو قالك ايه مزعلك كده
جودي_ قالي انه هيسافر ومش هشوفه لمدة شهر
مراد _ ايه؟ انتي زعلانه انك مش هتشوفيه
جودي_ ايوه ومزعلش ليه دا خطيبي وانا بحب يكون قريب منى
مراد بعدم تصديق_ جودي اخلصي قولي مالك بلا يوسف بلا زفت
جودي_ انا مش مجبره اقولك مشاكلي مع خطيبي لان دي حاجات خاصه من فضلك متدخلش عن اذنك بقا
مراد بغضب_ بسالك لأخر مره مالك ومتقولليش أسباب ملهاش لازمه
جودي بجديه_ مراد كفاية كده وسيبني امشي
مراد _ مش هتمشي غير لما اعرف مالك
جودي_ عاوز تعرف، طيب يا سيدي، خطيبي مش عاجبه اني اتعامل معاك وبصراحه انا مش هقدر ازعله مني، كده تمام عجبك الرد ده
مراد بخنقه_ كد’ابه والله ما بتعرفي تكدبي ولو الكل صدقك انا ماهصدقك
جودي_ دي مشكلتك عن اذنك، وبتمشي وتسيبه
مراد يوقف مكانه و بانفعال _ هعرف مالك يا جودي، قال يوسف قال من امتي انتي يهمك يوسف ولا عاوزاه
جودي توقف قدام غرفة مصطفى وتمسح دموعها اللي رافضه متنزلش _ كفاية بقا مينفعش حد يعرف لو عرفو هتبقا كارثه والبنت هتتف’ضح، انا السبب، انا انانية زي ما قولتي يا رودينا مفكرتش غير في نفسي
مراد يشوفها من بعيد واقفه وبتسمح دموعها ـــ لو تقولي مالها بس، ايه اللي حصل ممكن تخاف تقولو ليه بشكل ده
في غرفة مصطفى
جودي بإبتسامة باهته _ عامل ايه دلوقتى ياعمي
مصطفى _ الحمدلله حبيبتي
جودي بارتباك _ بابا مش كفاية ونروح بقا اهو عمي بقا كويس
هشام _ لا كفايه فعلاً، متزعلش يا مراد لازم نمشي وانا هجيلك تاني
مصطفي_ خلاص اتفضلو ومتشكر علي وقفتكم معايا
مراد بيدخل الغرفه ويبص لجودي بحيره وتسأول
جودي تشوفه بيبصلهاوتبص الجهه التانيه
مراد _ مستعجل ليه ياعمي
هشام _ معلش بس ملك وبنتها لوحدهم في البيت ولازم نروح، وانا هاجي تاني بكره اطمن عليه
مراد _ ولا يهمك ياعمي توصلو بسلامه ابقا طمني
هشام _ حاضر ياحبيبي
بيمشو وجودي وراهم، ومبتقدرش متبصش لمراد لاخر مره قبل ما تمشي، وهو يبادلها النظرات اللي بتحمل كثير من الاسئله
بالليل في بيت سليم
سليم _ مش كفايه كده وتروحي تنامي
جني بارتباك _ مجيليش نوم يا بابا
سليم _ بس انا جايني وانتي عارفه مش بنام قبلك
جني_ لا نام متقلقش
سليم _ لا اتفضلي يلا علشان اقفل عليكي قبل ما انام
جني _ بلاش قفل النهارده ونبي
سليم _ انتي عاوزانا نصحا علي مصي’بة عاملهالنا انتي وبتمشي في نوم
لا لازم اطمن الاول
جني _ يا بابا ونبي
سليم _ من غير بابا روحي وكملي سهر في اوضتك
جني بقلة حيله _ حااضر رايحه اهو، اتفضل اقفل عليه بقا
سليم بيقفل عليها باب اوضتها ويدخل ينام
جني تدور علي ياسين متلقهوش_ نهار ابيض راح فين ده، يكون نط من الشباك، بس ازاي دا احنا في التالت
ياسين يطلع من الدولاب _ اووف اتخن’قت جوه الدولاب
جني _ وانت بتهبب ايه جوه الدولاب
ياسين _ ما انا خوفت يدخل يشوفني
جني _ الله يخر’بيتك في ليلتك السو’ده دي عاجبك كده
ياسين بضحك_ ابوكي بيقفل عليكي علشان بتمشي انتي ونايمه بجد ولا انا فهمت غلط
جني بنرفزه_ ايوه فهمت غلط وبطل تحط ودنك معانا
ياسين بإبتسامة _ الللله يعني هنبات انا وانتي في اوضه واحده انا مش مصدق، بس انا هقفل من جوه علشان ميفتحش بالليل ويلاقيكي في حضني
جودي بنرفزه_ حضن’تك حيه انت تتر’زع هنا علي الكنبه ولو قربتلي هبعتك لفوق
ياسين بإبتسامة _ وانا اضمن منين انك متجيش تنامي في حضني وتتلككي قال يعني مش حاسه بنفسك
جني _ هاهاها متحلمش علشان انا لما بمشي انا ونايم بعمل مصا’يب مش بحضن حد
ياسين _ ربنا يستر بقا انا خايف منك
جني _ بس بقا انا مش عارفه هقدر انام ازاي الليلة دي
في بيت انور
انور _ ايه ياست الفنانه صورتي جهزت ولا لا
صبا _ اكيد اتفضل
انور _ ياااه كنت فاكرك هتتعبيني، وريني كده . .. حمار؟ انتي شيفا’ني حما’ر
صبا _ معرفش شكل الشيطان كنت رسمته
انور _ اااه يعني انا شي’طان وحما’ر
صبا _ ايوة
انور _ ومش خايفه وانتي بتقوليها
صبا _ لا بطلت اخاف اتفضل غو’ر وامشي من هنا
انور يقرب منها ويمسك ايدها ويشدها ليه _ انتي فاكره عشان سيبتك الصبح اني مقدرش اخد منك اللي انا عاوزه
صبا بقرف_ متقدرش تعمل حآجه لو كنت تقدر مكنتش حآجه منعتك
انور _ اعتبر ان ده استفزاز عشان اعمل اللي انتي عاوزاه صح
صبا_ انا مش عاوزه غير انك تسيبني وتطلع برا
انور _ يعني مش عاوزه تمشي وعاوزاني انا اللي امشي من بيتي فالحه اوي
صبا بتنهيده_ خلاص بقا مبقاش ينفع اني امشي
انور _ ليه ان شاءلله
صبا _ بسبب حقا’رتك انا لو رجعت همو’ت احنا صعايده ومش بنفكر اذا البنت اتخطفت ولا هربت، ربنا يكرمك علي جميلك قادر ربنا يخلصه منك
يحس ان كلمتها زي السك’ين اتغرزت في صد’ره
انور بانفعال يزقها لبعيد_ امشي من جمبي دلوقتي
صبا تقع على الأرض
انور _ قومي يلا ادخلي جوه
صبا بشما’ته الظاهر ان كلمتي وجعتك، يا شماتي فيك وياسلام لو يحصل دلوقتى ويقولولك واحده عزيزه عليك حصلها حآجه توجع قلبك، شما’تي هتضاعف
انور بانفعال يشدها من ايدها _ اخرسي مسمعش صوتك لاحسن يكون اخر صوت اسمعه منك
صبا تبصله بإبتسامة ومتردش
انور بعصبيه_ متختبريش صبري انا لو صبرت عليكي قبل كده ف انا مش هصبر تاني
صبا_ انا قولتلك انك جبان والله ما تعرف تعمل حآجه
انور بغيظ يشيلها علي كتفه ويدخلها الاوضه ويرميها علي السرير، و بانفعال يبتدي يقلع هدومه وفجاه تليفونه يرن
انور يزفر بخن’قه _ انا مش عارف ايه اللي بينك وبين ربنا عشان تيجي حآجه وتنقظك مني كل مره، بس ماشي هشوف التليفون وارجعلك
صبا بقرف _ اصلي استعذت بالرحمان منك، بعد ثواني بتسمع صوته بيزعق
انور بغضب _ ازاي ده حصل انتي نهارك اسو’ د معايا، والله ما يحصلها حآجه لا اضمر’ك انتي واهلك، خلاص غوري انا جاي وبيقفل في وشها ويرجع الاوضه جري عشان يلبس ويلاقي صبا واقفه وبصالو بشما’ته
صبا _ ربنا يزيدك
انور بيسمعها و يغمض عينه بوجع ويخلص لبسه ويطلع بسرعه
صبا باستغراب _ الظاهر ان حآجه كبيره حصلت ذنبي بقا يستاهل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شيء من الماضي (احببت مجنونة 2))
