رواية عشقت مراهقتي الفصل الرابع 4 بقلم روح كاتبة
رواية عشقت مراهقتي الجزء الرابع
رواية عشقت مراهقتي البارت الرابع
رواية عشقت مراهقتي الحلقة الرابعة
قام سطام وقف واتكلم: اسمع الصفقه يوم الخميس هتم علي الساعه 5 و… مكملش كلامه لما شاف لتين .
سطام: علي اتفاقنا اقفل دلوقتي
رمي سطام التليفون من ايده وبص للتين بعصبيه وهي كانت واقفه بتترعش: بتعملي ايه هنا
لتين بخوف: ا ا ا انا جيت اشرب مايه كنت عطشانه
سطام بخبث: يعني مسمعتيش حاجه
لتين :لا
سطام قرب منها وبصلها برعب واتكلم بهمس جمب ودنها: تعرفي اني مبحبش الكدب
لتين بخوف: ا ا انا اسفه والله
سطام ببرود وهو قريب منها: ششش انتي سمعتي اللي المفروض محدش يسمعه شكل ضيافتك معانا يا هتطول يا هتروحي للي خلقك
لتين بترجع لورا ومش عارفه تتحرك من قربه او تتكلم: انا عايزه امشي من هنا
سطام بتأثر : تؤتؤتؤ يا خساره مبقاش ينفع …وقت المشيان ده كان بدري انما دلوقتي الطريقه الوحيده اللي ممكن تمشي بيها من هنا هو انك «وشاور علي رقبته علامه الد’بح»
دب الخوف في قلب لتين بس مبينتش: طيب عن اذنك انا هروح انام.
سطام بضحك: متحاوليش تهربي عشان لو ده حصل يبقي بتعجلي علي مو’تك
طلعت لتين اوضتها تنام فضلت طول الليل بتفكر في فكره تخلص بيها من العذاب اللي هيا فيه لحد ما قامت مره واحده وقالت هتهرب كده كده خربانه فا مش هتفرق.
—
إيثار:يا ماما انا جعانه
الام: يا حبيبتي الاكل علي النار
إيثار: طيب يا ست الكل انا هروح اذاكر علي ما تخلصي.
الام بحنان: ربنا يوفقك يا حبيبتي…افتكرت الام لتين: صحيح يا إيثار متعرفيش حاجه لسه عن صاحبتك لتين
إيثار بحزن: لا يا امي ..عن اذنك
—
ثناء بغيظ: البت مشيت بسبب عمايلك كله بسببك
شوقي: الله يا وليه مالك في اي اتلمي بدل ما اقوملك
ثناء بغضب: اسمع اما اقلك البت ترجع يا شوقي البت لو مرجعتش انا هبلغ عليك واقول علي كل بلاويك السوده
شوقي: الظاهر انك عايزه نسيتي انتي بتكلمي مين
ثناء بشهقه واتمايلت بردح: هكون بكلم مين يا عنيا ده انت محصلتش ضفر راجل.
شوقي بغضب مسكها من شعرها وسحبها وراه: انا هوريكي ازاي محصلتش ضفر راجل.
—
ناصف: وانت مال امك انت بيها بتسأل عليها ليه
مؤمن: بسأل عادي الله في اي يا جدع انت
ناصف بغضب: في انك لو جبت اسمها تاني علي لسانك هقطعهولك
مؤمن قام ومسك ناصف من لياقه قميصه: لو راجل قوم وريني هتعمل اي
ناصف قام وأدي لمؤمن لكمه قويه وقعته علي الارض.
عاطف: في اي يا شباب هتتخانقو علي بنت ولا اي
مؤمن وهو بيتف الد’م من بوقه واتكلم بتوعد:هندمك علي اللي عملته ده يا ناصف.
وسابه ومشي
—
إيثار: ماما يا ماما تليفونك بيرن مبترديش ليه
قامت إيثار تشوف التليفون لقيت رقم غريب ردت: الو مين
الشخص بشماته: هتوحشيني اوي
إيثار بعد إستيعاب: افندم!
الشخص: Come on, I hope you enjoy (يلا اتمنالك الاستمتاع)
قفلت إيثار مع الشخص ده وهي مش فاهمه حاجه بس شافت رساله من الرقم ده خلتها تفتح عينيها بسرعه من الصدمه
—
لتين جابت قلم من الدرج وجابت ورقه وكتبت فيها
“بشكرك اوي علي استقبالي في بيتكم واسفه علي المشاكل اللي اتسببتلها بسببي مع عمو سطام بس خلاص حضرتك ساعدتني لما كنت شايفني محتاجه مساعده وانا حاليا مش محتاجه مساعده انا اسفه اني همشي بالشكل ده بس مفيش في ايدي حاجه”
لتين سابت الورقه علي السرير ومشيت وهي ماشيه سمعت صوت ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشقت مراهقتي)
