رواية لعبة الحياه الفصل الثاني 2 بقلم حنين الماضي
رواية لعبة الحياه الجزء الثاني
رواية لعبة الحياه البارت الثاني
رواية لعبة الحياه الحلقة الثانية
فاطمة بعد ما رجعت من مقابلتها مع حسام ، دخلت على اوضتها وهى مبسوطة من كلام حسام ليها .
ومرة واحدة سمعت صوت باب الشقة بيتقفل وعرفت أن طارق وصل وعملت نفسها نايمة وقفلت الباب عليها .
طارق : تعالى يا شهد
شهد : نعم يا بابا
طارق : اخوكى فين
شهد : ماما جابتة وكان نايم
طارق : شوفتى جبتلك الشيكولاتة اللى بتحبيها يا حبيبتى
شهد بفرحة : شكرا يا بابا
طارق : خودى بتاعت اخوكى كمان وانتى اديهالة
شهد : حاضر يا بابا .
طارق : قوليلى بقى نزلتى مع ماما رحتى فيين
شهد بخوف : مش عارفة مش عارفة
طارق : كدة بردوا هتخبى على بابا حبيبك
شهد : خايفة من ماما 😭
طارق : لا يا حبيبتى متخافيش قوليلى وانا مش هخليها تعملك حاجة
شهد : لا خايفة
طارق : يا شهد انا يا حبيبتى بطمن عليكى انتى وماما ، عشان شوفتكوا نازلين وقولت اجى وراكوا لحسن حد يضايقكوا .
شهد : مشيت ورانا
طارق : اة ومرضيتش اكلمكوا عشان ماما متتخانقش فالشارع قدام الناس.
شهد : يعنى شوفتنا
طارق: اة وشوفت واحد واقف معاكوا ، هو مين دة يا شهد ؟
شهد: مش عارفة يا بابا بس هو بيحب ماما وقعد يقولها بخاف عليكى منة
طارق : ممم وآية كمان يا حبيبتى
شهد: وقالها عاوز اشوفك كل شوية
طارق : طيب انتى شوفتية مع ماما قبل كدة
شهد : لا يا بابا بس بسمعها فالتليفون بتكلم واحد مش عارفة اسمة بتقولة كلام كدة بردوا
طارق : ماشى يا حبيبتى ادخلى اوضتك والعبى
شهد : بابا أنا خايفة ،ماما قالتلى اوعى تقولى حاجة وهتضربنى
طارق : متخافيش انا معاكى بس ادخلى اوضتك
شهد : حاضر
🙂🙂🙂🙂🙂🙂🙂🙂
طارق بكل غضب جرى على أوضة فاطمة 😡😡
طارق : قووووومى يا محترمة
فاطمة : يووووة مش هنخلص بقى من القرف دة
طارق : انا كنت شاكك اصلا انك خاينة ومن زمان مش دلوقتى وكل مرة كنت اكدب نفسى واقول اعقل يمكن فاهم غلط
فاطمة : ايييية التخلف اللى بتقولة دة
طارق: التخلف فعلا لو انا سيبتك فالبيت دة
فاطمة : يعنى سايبنى فالجنة اهى عندك اشبع بيها
طارق : طبعا ما صدقتى عشان تروحى للسنكوح بتاعك ، دة انتى ليلتك زرقا
فاطمة : ما تطلقنى وعندك عيالك كمان مش عاوزاهم
طارق : طبعا وهو مين هياخدك بعيال ، بس ابقى قابلينى لو حد عبرك
فاطمة : يووووة انت عندك خرافات فى دماغك وعاوز تتخانق وخلاص
طارق ضربها بالقلم : انا مشيت وراكى يا……. لحد ما شوفتك واقفة معاة وقولت يا واد متظلمهاش لكن مافيش فايدة فيكى ، حتى بنتك خدتيها معاكى تشوف قذارتك ومتكسفتيش منها وانتى وال كلب التانى سمعتوها كلام أقذر منكوا
فاطمة : مين قالك الهبل دة ولا هو اى كلام
طارق : بنتك كمان هتكدبيها عشان تدارى على خيانتك يا زوجة يا أم يا محترمة
فاطمة بصدمة : شهد
طارق : اة شهد وخلاص انتى طالق ومن بكرة لمى حاجتك ومشوفش وشك هنا تانى والعيال هيعيشوا معايا
فاطمة : بركة يا جامع الف الف مبروووك ليا واشبع بيهم مش عاوزاهم خليهملك ، وابقى هاتلهم خدامة تشيل قرفك وقرفهم .
طارق : غورى انتى إنسانة قذرة
_____________
نزل طارق لاخوة يعرفة اللى حصل والكل عرف أن فاطمة خاينة وباعت ولادها وطبعا فاطمة شافت شهد 🙂
فاطمة : مبسوطة يا بنت ال …..
شهد بخوف : هو كان عارف يا ماما لوحدة ونبى متضربنيش
فاطمة : انتى السبب انى ماشية من هنا وابوكى طلقنى ، اوعى تنسى طول حياتك انك السبب
شهد : يا ماما اللى بيكدب بيدخل النار وانا خوفت اكدب بس بابا كان عارف
فاطمة : اهو عندك اشبعى بية بقى واخدمى اخوكى معاة .
🙂🙂🙂🙂🙂🙂🙂🙂
تانى يوم طارق كان واقف فالشارع وماسك شهد فى ايدة
شهد : بابا
طارق : نعم يا حبيبتى
شهد.: العربية دى عليها حاجات زى بتاعتنا اللى فالشقة فوق
طارق : 🙂🙂
شهد : هى ماما هتمشى يا بابا
طارق : اة يا حبيبتى وانتوا هتعيشوا معايا ولا عاوزة تروحى معاها
شهد: لا يا بابا انا بحبك انت اكتر وعاوزة اقعد معاك
طارق : ماشى يا حبيبتى
__________
طارق وفاطمة اتطلقوا وبعد فترة حسام كمان ساب فاطمة .
عدت الايام وجة طارق قرر يتجوز عشان حد ياخد بالة منة ومن ولادة وفعلا لقى واحدة موافقة على كل طلباتة واتجوزها ، فى نفس الوقت فاطمة كانت اتعرفت على اكتر من واحد وبردوا اتجوزت 🙂
طارق : بصى يا بنت الناس عيالى شافوا إهمال من امهم كتير ونفسى تكونى حنينة عليهم
دعاء : حاضر يا طارق دوول فى عنيا
طارق : دة العشم بردوا ،، تعالى يا شهد اقولك
شهد : نعم يا بابا
طارق : حبيبتى لو فى يوم حبيتى تشوفى مامتك قوليلى وانا اوديكى ليها
شهد : لا يا بابا مش عاوزة
طارق : استغفر الله العظيم ، ذنبك أية انتى فاللى بيحصل دة
دعاء : معقولة امهم مش عاوزاهم خالص كدة
طارق : طول ما هى خاينة وماشية تتعرف على كل واحد شوية ولا عمرها هتحس انها أم وعليها مسئولية
دعاء : حد يعمل فى ضناة كدة
طارق : هقول أية دة ابتلاء من ربنا
دعاء : بكرة تندم وتيجى تترجاك
طارق : لا معتقدش ،هى اختارت حياتها خلاص
—————————-
بعد مرور أربع سنين 👇
دعاء : انا تعبت
طارق : فى أية مالك بقيتى بتشتكى كتير
دعاء : ولادك بيكبروا وانا نفسى اخلف ويبقى عندى طفل
طارق : مش احنا يا دعاء متفقين من الاول انى مش عاوز خلفة
دعاء : طيب الاول وقولت عشان ولادك صغيرين لكن دلوقتى كبروا شوية ومن حقى اخلف
طارق : وانا لسة عند رأيى مش هخلف تانى ، مش كفاية اللى عندى ومصاريفهم ومصاريف البيت ، وأمهم يا دوب تشوفهم فالمناسبات مرة كل فين وفين
دعاء : وانا مالى انا بالكلام دة
طارق : انا معنديش كلام تانى اقولة
دعاء : اشمعنا طليقتك اتجوزت وخلفت كمان
طارق : يعنى انتى شايفة انها تنفع اصلا تكون أم
دعاء : ماليش دعوة بس اهى خلفت وعايشة حياتها وانا اللى عمالة اربى ولادها وهى ولا الهوا
طارق : مافيش فايدة من الكلام دة خلاص
دعاء : دة اخر كلام عندك يعنى
طارق : اة
دعاء : خلاص طلقنى
طارق : اعقلى
دعاء : دة عين العقل
طارق : خلاص انتى حرة
🙈🙈🙈🙈🙈🙈🙈🙈
طارق طلق دعاء ورجع هو وولادة محتاجين حد يخدمهم
طارق : أية رأيك يا شهد لو رحتى عند ماما نص الاسبوع ونص الاسبوع التانى تقعدى معايا
شهد : لية يا بابا انت مش بتحبنى
طارق : بحبك طبعا بس عشان بابا عندة شغل وكدة هتقعدوا لوحدكوا ومرات عمك مش مستحملة حد فوق ولادها
شهد : حاضر يا بابا ،بس كل لما اروح ماما تقعد تزعقلى وتقولى انتى السبب فاللى احنا فية
طارق : معلش
شهد : يعنى أنا السبب يا بابا
طارق : لا طبعا ماما السبب لأنها غلطت
شهد : طيب كلمها متخليهاش تقولى كدة كل ما اروح عندها
طارق بتنهيدة : حاضر يا شهد
شهد : بابا ممكن انزل العب مع ملك بنت عمو حسن
طارق : ماشى يا حبيبتى انزلى
______________
شهد : يا ملك تيجى نلعب شوية قدام البيت
ملك : طيب استنى اقول لماما
شهد : بلاش وقولى لباباكى احسن
ملك : لا استنى
شهد : طيب بسرعة عاوزة العب
ملك : ماشى
………
شهد : طبعا مامتك زعقتلك
ملك : لا ماما مش بتزعقلى خالص وبتحب تعملى اى حاجة عاوزاها
شهد : يعنى مش بتضربك خالص
ملك : لا ماما لما تزعل منى ،تكلمنى براحة وانا بسمع كلامها وبابا كمان وكلهم عندى بيحبونى ويجيبولى حاجات حلوة معاهم
شهد : مامتك بتجيبلك حاجات حلوة ؟
ملك : اة وبتاخدنى انزل اختار اللى عاوزاة عشان كدة بحبها اوى اوى هى وبابا واخواتى
شهد : انا بقى ماما مش بتحبنى ودايما تزعقلى وتضربنى ومش بترضى تجيبلى اى حاجة حلوة ولا لاخويا كمان
ملك : لا انا بقى هنا كلهم بيحبونى ويقولولى انتى الصغيرة والدلوعة بتاعتنا .
شهد : 🙂🙂
ملك : يالا نلعب
شهد : لا مش عاوزة العب انا هطلع عشان بابا قالى متتأخريش وهو بيحبنى ومش عاوزاة بزعل منى وكمان هخلية يجيبلى حاجة حلوة
ملك : خلاص وانا كمان طالعة عشان ماما عملتلى الاكل اللى بحبة
شهد : 🙂🙂
ملك : يالا باى نلعب بكرة بقى
_____________
🙂🙂🙂🙂🙂🙂🙂🙂
طارق : طلعتى لية يا شهد بسرعة كدة
شهد : ……
طارق : اتكلمى ، حد زعلك
شهد : 😭😭 اشمعنا انا ماما مش بتحبنى زى ملك
طارق : تااانى ملك وبعدين مش قولنا منبصش لحد
شهد : هى مامتها مدلعاها وبتجيبلها كل حاجة وانا لما اروح عند ماما ببقى مكسوفة اقولها جعانة 🙂
طارق : طيب قومى هاتى اخوكى وتعالى اقولكوا خبر حلو
شهد : بجد يا بابا أية هو
طارق : تعالى يا محمد اسمع انت وشهد ، انا خلاص قررت اتجوز بس المرة دى بقى واحدة هتفضل معانا على طول وكمان معاها بنت اكبر منك يا شهد بسنتين اسمها هاجر
شهد : تتجوز
طارق : أية رأيك بقى
شهد : ماشى يا بابا
_______
وفعلا طارق اتجوز لتالت مرة وجاب لاولادة مرات اب لكن المرة دى كانت مختلفة فى كل حاااجة.
وطارق عرف كمان أن فاطمة اتطلقت من جوزها واتجوزت تانى .
كبرت شهد وبقت فى الإعدادية ، لكن حياتها كانت مختلفة وباباها طول النهار فالشغل ويرجع بالليل ينام ومبقاش بيقعد يسمعلها زى الاول ولا هى ولا اخوها .
هند ( مرات الاب ) : قومى قومى روحى نضفى المطبخ
شهد : ما انا لسة عملاة امبارح
هند : قومى بقولك وهدخل اتفرج على التلفزيون فى اوضتى انا وهاجر ولما تخلصى ابقى تعالى بس نضفى كويس
شهد : وهاجر لية متنضفش وتعمل زيى
هند : انتى هتردى عليا ولا أية اسمعى الكلام وبعدين هاجر بتذاكر
شهد.: ماهو انا كمان فى شهادة ولازم اقعد اذاكر عشان عاوزة اجيب مجموع يدخلنى ثانوى عام
هند بسخرية : ههههه ثانوى عام أية دة اللى بتحلمى بية ، هو ابوكى عارف يصرف علينا وبعدين خلاص اعتمدى على نفسك مافيش دروس وابوكى مش هيديكى فلوس تانى للدروس
شهد بصدمة : انتى بتقولى أية ، ازاى تعملى كدة ، دة مستقبلى
هند : اللى سمعتية وقومى خلصى الحوض .
دخلت شهد تنضف المطبخ وهى مقهورة وعمالة تعيط وعارفة انها لو كلمت باباها مش هيسمع كلامها وهيسمع كلام هند مراتة .
طارق : السلام عليكم
هند : عليكم السلام حمد لله عالسلامة
طارق : الله يسلمك عاملين ايه، والعيال فين
هند : اكلتهم من بدرى وعلى ما خلصت شغل البيت كانوا ذاكروا شوية وناموا
طارق : ربنا يخليكى شايلة بيتى وولادى، عشان كدة خدى جبت الحاجة حلوة دى لهاجر وانا هدخل اصحيها أو اقولك هحطها جنبها وادخل انام
هند : ربنا يخليك لينا ،ماهو أنت زى ابوها واحسن كمان
طارق : طيب تعالى اقولك حاجة جوة
هند : هههه يا راجل مش بتقول تعبان وعاوز تنام
طارق : تعالى بس هههه
🙂🙂🙂🙂🙂🙂🙂🙂
شهد كانت فى اوضتها سامعة كل اللى بيحصل وعرفت أن كدة خلاص لازم تعتمد على نفسها ، عشان كمان بنات عمامها ميفرحوش فيها هما ومرات ابوها وبنتها لو جابت مجموع صغير وتضطر تدخل صنايع زيهم .
وفضلت شهد وأخوها فى عذاب عيشتهم لحد ما خلصوا امتحانات وظهرت النتيجة وهنا حصلت الصدمة ،بس يا ترى الصدمة كانت لمين ؟؟؟
____________________
لاااااايك وكومنت علشان نعرف أية هى الصدمة وتأثيرها على الكل ويا ترى أية التصرف السليم اللى حصل 😉
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعبة الحياه)
