رواية اللطيم الفصل الثامن 8 بقلم هنا سلامة

سيلين بصدمه : ليل بجد ! انت مش بتهزر صح

ليل بحب : لا مش بهزر يا روحي، كل سنه و انت طيبه

سيلين بفرحه : دي تورته عليها صورتي يا ليل

ليل بضحك : اهدي يا سيلين بطلي تنطيط بقى

كانت بتتنطط من الفرحه و قالت : مش متوقعه أن حد يعملي عيد ميلاد بعد عامر، كنت فاكره أن خلاص كده بقيت لطيمه و وحيدة كمان

اخدها في حضنه و قال : انت عمرك ما هتكوني وحيده و انا موجود

سيلين بفرحه : هو ده فستان ليا ؟

ليل بضحك : لا ليا، بصي انا مش هينفع اعملك فرح عشان عامر الله يرحمه لسه ميت ف احنا هنحتفل سوا سوا كده

مسكت الياقه بتاعته و قالت بغيظ : البت سها دي ملكش دعوه بيها خالص يا ليل

ليل بضحك : حاضر يا فندم حاجه تانيه يا سُونه ؟

سيلين بضحك : سونه ؟؟ لا يا ليل باشا مفيش يلا روح البس بدله بقى

ليل بحب : عيوني يا سيلين .. عيوني  ????

دخل لبس بدله سوده و هي لبست فستان بيبي بلو و كان شعرها الأسود نازل على ضهرها و حطت برفان حريمي كان متبرشم و كعب بيبي بلو متزين  ????

خرجت من الاوضه و كان ليل واقف بيتكلم في الفون : الو .. ايوه يا سعيد ان شاء الله كمان شهرين .. اه بس المهم الواد ده عاوزه يتروق مراتي كانت هتروح مني، طيب بقولك هكلمك بعدين سلام سلام

قربت منه و سحبت الفون و قالت : سيبك من الشغل بقى ركز معايا عشان خاطر ربنا

ضمها ليه و هو بيضحك : انا متجوز عيله يا ناس ؟ كان عقلي فين و انا بحبك بس

سيلين بتكشيره : يعني ندمان اني بقيت مراتك يا ليل

ليل بحب و هو بيبوس خدها : يا روحي ده انا اندم على اي حاجه ماعدا انت، عارفه اول مرة روحت فيها بيتكم و انت واقفه بتعملي الشعريه تخيلتك في بيتي ده و في المطبخ بتاعي بتعملي لي الاكل و بطنك كبيره و حامل في ابني، نفسي اجيب منك الف عيل و عيله عشان كلهم هيبقوا من ريحتك و جلدك و روحك و دمك يا قلب ليل

سيلين بحب : ربنا يخليك ليا يا ليلي، بحبك أوي يا احلى راجل في الدنيا

في بيت رحيم الغالي

رحمه : أحمد و النبي فك بوزك بابا جاي

أحمد بعصبيه : انا مكنتش عاوز اجي يا رحمه

حسام : أحمد خلاص بقى مراتك حامل و الزعل وحش عليها محدش بيطيق بابا و لا تصرفاته بس نستحمل

رحمه بحب : و حياه كرم و كارمايا حبيبي

ابتسم و هو بيبص على ولادة التوأم و قال : حاضر يا ستي و و حياه كريم إلى فى بطنك كمان هستحمل

حسام في نفسه :

شوف إلى بيحبو بعض بيخلفوا مره و اتنين عشان يربطوا بعض أكتر و حبهم يزيد و يعملوا عيله

اما هاله جابت حمزه بطلوع الروح و لما عرفت انها حامل كانت منهارة !

هاله : حبيبي .. حبيبي

حسام : هاا يا حبيبتي معلش سرحت

دخل رحيم و قال : ما هو الشغل بتاعك ده يخليك تسرح يا ابني

حسام : احمم، ازيك يا بابا

رحيم : ازيك انت، ازيك يا هاله يا بنتي ؟

هاله بابتسامة : الحمد لله يا عمو كويسه

رحيم : ازيك يا رحمة يا بنتي ؟ أخبار الحمل ايه و جوزك بيعاملك كويس ؟

أحمد بجزه سنان : هكون بعمل فيها ايه يعني ؟؟

رحيم بص لكرم و كارما و قال : كفايه عيال كده بقى بنتي صحتها هتبقى في الضايع

أحمد بعصبيه : ايه الي كفايه عيال ؟؟هو انا غاصبها يعني ما هي موافقه اننا نخلف عادي و حبين نعمل اسره

رحمه : ارجوك اهدى يا حبيبي

هاله : أحمد اهدى عمو ميقصدش

أحمد بعصبيه : هو بيديني في جنابي كتير و انا هطرشق

رحيم ببرود : و اديك فوق راسك كمان و متتكلمش

قام أحمد من على الكرسي و قال بعصبيه : انا تحت في العربيه

رحمه : يا حبيبي استنى يا احمد يا .. * التفتت لباباها * يا بابا ليه كده بس احمد طيب و بيعاملني كويس ليه كل ما تشوفه تعمل مشكله معاه !

رحيم ببرود : انزلي ورا جوزك

عيونها دمعت و قالت : كده كده نازله يا بابا انت زي ما بيعت اخويا في يوم ممكن تبيعني انا كمان

يلا يا كرم يلا يا كارما يلاا

اخدت عيالها و نزلت فقال حسام : بابا انا ماشي

رحيم ببرود : احسن يلا كتكو البلا عيال تقرف

اخد حسام هالة و حمزه و نزلوا و حسام ملتزم الصمت و هاله كل شويه تبصله و تبص لملامحه الحزينه و تفضل ساكته

في بيت ليل

ليل و هو بيقفل زراير قميصه : يا سيلين و الله حاجه مهمه

سيلين بعصبيه : ليل انت قولت ان ليك شهرين اجازه من شغلك

ليل : يا حبيبتي شغلي و لازم انزل

دخلت اوضتها و اترمت على السرير و اخدت المخدة في حضنها

دخل ليل بهدوء و قعد على الأرض و هو بيملس على وشها : تخيلي يا حبيبتي انك حامل مني و أنا طلبت منك تنزلي الطفل و انت رفضتي فخدتك في عيادة عشان تنزليه غصب عنك، ايه ردة فعلك ؟؟

سيلين بخوف : هبقى مرعوبه اكيد و منهارة من تصرفك ده

ليل بحنيه : تخيلي بقى ان في دكتور في عيادة في حته مهجورة بيعمل القرف ده و كل يوم أمهات بتموت و ستات بتموت، ده بيقتل بدل الروح اتنين يا حبيبتي، انا دوري اني اوقفه بقى و انت تعنيني على ده، ها ايه رايك ؟

اتنهدت تنهيده طويله و بعدين قامت و قبلته قُبله على احد وجنتيه و قالت : خد بالك من نفسك طيب

ليل بابتسامه : حاضر يا روح ليل انت الي تخدي بالك من نفسك

سيلين : اوكيه يا حبيبي

في القسم

وصل ليل بهيبته المعتاده و هو لابس قميصه الأسود السينية و بنطلون اسود قماش و شعره الأسود الناعم على ورا، كالعاده ملفت للانتباه

دخل على مكتب اللواء و القى التحيه العسكرية و قال : مساء الخير يا فندم ..

اللواء بابتسامة : مساء الخير يا ليل، معلش انا عارف انك مكافحة مخدرات و ان ده شغل مباحث بس مفيش حد في كفائتك هيعرف يوصل للعياده دي

ليل : و انا لحمي ده فدى الداخليه كلها و لو على سيلين فهي تقبلت الموضوع الحمد لله

اللواء : المهم هتقعد دلوقتي مع محمد رفعت عشان هو الي ماسك القضيه و تفهمه لأنها اول قضية صعبه يقابلها

ليل : ماشي يا فندم علم و ينفذ ..

خرج من مكتب اللواء و راح لمكتب محمد وقف محمد و القى عليه السلام العسكري فقعد ليل و قال : شكلك صغير يا حماده

محمد بابتسامه : ٢٥ سنه يا ليل بيه، حضرتك مثلي الأعلى و انا سعيد ان حضرتك هتساعدني

ابتسم ليل و قال : بُص يا محمد فيه نوعين من الظباط، ظابط تنك و متكبر و شايف نفسه و بيستخدم سلطته في حاجات مش تمام و بيخالف القانون مع ان القانون ابوه و القواعد اخته في الرضاعة، و فيه ظابط محترم و بيجيب حقوق الناس و بيتعب فعلاً عشان يترقى و القانون و القواعد بيمشيهم على نفسه قبل الناس كلها، الشرطة زي اي شغلانه انت ممكن تبقى دكتور بس دكتور زباله و بتعمل حاجات شمال زي الدكتور إلى احنا عاوزين نقبض عليه ده و ممكن تبقى دكتور محترم بيراعي ربنا فأنت بقى عاوز تبقى أنهى ظابط ؟

محمد بثقة : المحترم طبعاً

ليل : عظيم، اول حاجه عشان تبقى ظابط على حق انك تشوف نقطه ضعف المتهم اية، يعني مثلاً لو متهم هربان و عرفنا انه بيموت في امه هتشرفنا شوية من غير ما نعمل فيها أي حاجه لحد ما يظهر، انت بقى من وجهه نظرك الدكتور ده نقطه ضعفه ايه ؟

محمد بتفكير : امممم، الستات يا باشا بيحبهم قد عينيه و اتعمله كذا قضيه قبل كده مش تمام

ليل : خلاص يبقى نشوف اي ظابط بنت عندنا في الداخلية و نخليها تسجله و لو هوب منها بس هي هتتعامل و لو معرفتش احنا هنبقى موجودين جمبها

محمد : طيب انا عرفت بيت الممرضة بتاعته

ليل بعصبيه : و سايبني افكر ؟؟ البت دي هتار على كل حاجه من اول قلم يا محمد، من قبل القلم اصلاً هتقول كل حاجه و مواعيد العمليات عشان نقفشه متلبس

محمد بغمزه : دمااغ و الله دماغ يا ليل بيه

ليل : هروح للمدام بقى لأن تلاقيها على آخرها مني احنا في أول أيام الجواز و سايبها

محمد : ربنا يخليهالك يا فندم

ليل بحب : امين يا رب العالمين .. يلا سلام

في بيت ليل

دخل ليل البيت و هو بينادي : سيلين، سيلين يا حبيبتي، انت فين ؟؟

سيلين بصراخ : عااااااااا ليل الحقناااااااااي