رواية قدري حبك الفصل الرابع 4 بقلم جيمي
رواية قدري حبك الجزء الرابع
رواية قدري حبك البارت الرابع
رواية قدري حبك الحلقة الرابعة
بعد كده لقيتهم بيخرجو قلت فرصة ابص من باب الفضول..ببص اي ده مش ممكن !!
لقيت محمد هو المريض اللي كانو حواليه ومتركبلة اجهزة تنفس والجهاز بتاع الخط ده اللي لما بيمشي مستقيم الانسان روحه بتفارق الحياة..انا من المنظر حسيت نفسي هيغمي عليا انا حاسه نفسي ف كابوس💔 وفضلت اعيط بس اتمالكت نفسي وبطلت عياط و سمعت دكتور بيكلم دكتور زميله بيقله حالة دكتور محمد صعبة النفس لو اتقطع عنه تاني اعتقد انه هيموت لان جسمه مبقاش حمل جلسات الكهرباء..انا سمعت كده وحسيت ان جسمي اتجمد معقول محمد ممكن يموت ويسبني بعد كده لقيت الدكتور اللي كان بيتكلم بقي لوحدة ف قربت منه..
السلام عليكم ي دكتور..
– وعليكم السلام..
انا عايزة استفسر بخصوص حالة دكتور محمد هو اي اللي حصله !؟
– اهاا دكتور محمد نصر؟
ايوة ي دكتور
– تمام بس انتي مين؟
انا فكرت وقلت اقله مين بعد كده لقيت نفسي بقله انا خطيبته
– غريبه !
ايه اللي غريب مش فاهمه
– اومال مكنتيش بتيجي تطمني عليه لي!
انا كنت مسافرة ولسه جايه..هو اي اللي حصله!
– دكتور محمد عمل حادثة خطيرة جدا ودخل في غيبوبة وللاسف حالته بقت صعبة وممكن لو جاله قطع نفس تاني لقدر الله هيفارق الحياة.. وهو تقريبا روحه رافضة ترجع تاني للحياة او فيه حاجه انا مش فاهمها ليه جسمه رافض العلاج
انا حاولت امسك اعصابي..هي الحادثة دي حصلت من اسبوع ي دكتور!؟
– اسبوع !! اسبوع اي !! دكتور محمد بقاله هنا سنة و6 شهور ف غيبوبة !!
انا اتصدمت من كلامه وحسيت انه هيغمي عليا
-يا انسه انتي كويسه!!
انا تمام مفيش حاجه شكرا ي دكتور..سبته وحاولت اخرج من المستشفى بسرعه لاني حاسه نفسي هقع من طولي او هنهار من العياط..خرجت وبقيت افكر سنة و6 شهور ازاي اومال مين ده اللي انا كنت بقابله انا كنت بقابل عفريت !! لا العفاريت بتبقي روح شخص فارق الحياة بس ده لسه عايش يعني ده كان خيال ولا ايه ! انا مش فاهمه حاجه وحاسه نفسي هيغمي عليااا ف روحت البيت اول ما دخلت فضلت اعيط علي محمد واعيط علي حالي ده..طب انا ياربي هعمل اي دلوقتي..بس انا بحبه ومش هسيبه وهقف جمبه اكيد محمد ده ظهرلي وخلاني انزل معاه عند المستشفي علشان اروحله وابقي جمبه ف زي ماقال الدكتور هو رافض يرجع للحياة اكيد لان مفيش حد جمبه ف انا هبقي جمبه ومش هسيبه لحد ما يقوم بالسلامه فضلت افكر فيه لحد ما نمت..
صحيت تاني يوم رحت الشغل..
جهان: صباح الخير ي سارة
صباح النور
جهان: سلامتك مالك انتي كويسه !!
اه ي جهان فيه اي!؟
جهان: انتي ي بنتي مش خدتي اجازة امبارح قلتي انك تعبانة !
اه اه بس الحمدلله اهو دلوقتي بقيت كويسه الحمدلله
جهان: مم يا رب دايما ي ست سارة..انا كنت برن عليكي امبارح مكنتيش بتردي لي
هاا !
جهان: هاا اي انتي مش مركزة لي فيه حاجه..
لا يقلبي مفيش كنتي بتقولي اي؟
جهان: بقلك كنت برن عليكي امبارح مكنتيش بتردي لي
معلش ي قلبي الفون مكنتش سامعاه
جهان: ماشي يلا بقي نشوف شغلنا..
خلصت الشغل وطلعت رحت المستشفى وقفت قدام القزاز بتاع الاوضة اللي فيها محمد فضلت متردده وخايفه ادخل ولا لا! جمدت قلبي و دخلت لقيت محمد بس المرادي قريب مني فضلت ابصله بحزن وشفقه علي اللي هو فيه قعدت جمبه وفضلت اتكلم معاه واقله انه وحشني واني بحبه انا عارفه انك يمكن مشفتنيش بس انا شفتك وقعدت معاك انا معرفش ده خيال ولا ايه اللي حصل بس انا متاكده اني حبيتك وحبيت روحك وضحكتك وهبقي معاك لحد ما تقوم بالسلامة ومسكت ايده ودمعه نزلت مني علي ايده بعد كده ببص لقيت ايده بتتحرك قلت محمد انت سامعني !! بس لا ده ف غيبوية برضو قلت يمكن بيتهيالي انها اتحركت وفضلت بقي اتكلم معاه لحد ما وقت الزيارة خلصت وروحت وفضلت كل يوم اروح ازوره واحكيلة علي اللي حصل معايا ف الشغل وحياتي وحشه ازاي وهو مش معايا فضلت اسبوع اروحله واقعد معاه..يارب بقي يرجع تاني ويبقي كويس 🤲🏻
النهارده كان يوم متعب اووي ف الشغل وطويل وللاسف روحت المستشفى قالولي وقت الزيارة خلص روحت البيت وانا زعلانه عشان متطمنتش عليه النهارده حاولت انام بس مش عارفه لحد ما عيني غمضت فجاءة صحيت لقيتني ف الاوضة اللي فيها محمد ف المستشفى اي ده انا جيت هنا امتي وازاي!! وبعدين اي ده محمد فين مش علي سريره لي!! فضلت ادور عليه بس ملقتهوش خرحت بره الاوضة المستشفى كلها فاضية محطتش ف دماغي وفضلت ادور علي محمد فجاءة لقيت اوضه فيها صوت اتحركت ورحت ناحيتها دخلت لقيت دكاترة واقفه وممرضه بتحط ملاية بيضه علي حد تقريبا مات معرفش لي لقيتني بقرب من الشخص ده وبشيل الملايه اتصدمت اول ما لقيت محمد هو اللي تحتها وفضلت اصرخ وانهارت ولقيت الدنيا بتلف بيا
فجاءة صحيت من النوم الحمدلله كل ده طلع حلم لقيت الساعة 4 الفجر قمت اتوضيت وصليت الفجر وفضلت ادعي لمحمد ان ربنا يقومه بالسلامه خلصت صلاة ورحت قريت قران لحد ما الساعة جت 7 الحمدلله النهارده اجازة وهروح اقضي اليوم كله مع محمد لبست ونزلت روحت لمحمد اول ما دخلت الاوضة بتاعته
اي ده 😳 محمد فاق!!
الدكتور: وادي ي سيدي خطيبتك جات
محمد: خطيبتي!؟
الدكتور: اه ي عم انا هسيبك معاها بقي اكيد فرحان ونفسك تتكلم معاها وهي كمان دي كل يوم تيجي هنا تقعد معاك وتمشي لما الزيارة تخلص..
خرج الدكتور وانا مش عارفة هعمل اي لانه ميعرفنيش..
محمد: انتي مين؟
احم انا معرفتش اتكلم اقول اي..حمدلله علي سلامتك..
الله يسلمك انتي مين بقي..!
انا معرفتش ارد برضو وفتحت الباب علشان اخرج..
محمد: استني ي سارة…
اي ده..ده عرف اسمي منين..
انت عرفت اسمي منين؟
محمد: انتي سارة وشغاله ف مطعم وفضل يقول شوية حاجات عني…
ايوة انت عرفت منين !!
محمد: انا حلمت بيكي..
حلمت بيا ازاي !
وحكالي الحلم والحلم ده كان عبارة عن من اول ما ركبنا الاتوبيس لحد ما كان زعلان واختفي…
وانا كمان حكتله اللي حصل..
محمد يعني انا حلمي كان واقع بالنسبالك!؟
اهاا !!
محمد مم: معني كلامنا ان احنا قدرنا اننا نتقابل وقدرنا اننا نحب بعض !
انا اول ما لقيته بيقول حب اتكسفت اوي…
محمد: اي ده كسوفك ف الواقع احلي بكتيير اووي من الحلم..
والله يعني انا ف الحلم كنت وحشه؟
محمد: لا لا ده انتي كنتي قمر 😂 وجميلة اووي وضحكتك اجمل كمان
اي يا عم خلاص 🙄
محمد: ايه انتي مش خطيبتي !😂😒
خطيبتك ايه انت صدقت ده انا قلت للدكتور كده علشان بس يسيبني اجي ازورك واقعد معاك عشان وحشتني و… اي اللي انا بقوله ده فضلت حاطه وشي ف الارض من الكسوف
محمد: خلاص خلاص يخربيت كسوفك 😂
ماشي بعدين لما انت عارفني لي عمال تقلي انتي مين 🙄
محمد: كنت عايز اشوفك هتقولي اي لقيتك خرجتي قلت الحقها 😂
مم ماشي ي رخم
محمد: سارة
نعم
– انا بحبك اوووي ♥
بصيت ف الارض وقلتله وانا كمان بحبك..
محمد خرج من المستشفى ورجع شغله طلع معاه عيادة ..وجه اتقدملي واهلي وافقو وعدي شهرين والنهاردة فرحنااا…
محمد: يااه حد كان يصدق قصة حبنا دي واننا اتقابلنا ازاي !
اهاا والله احنا قصتنا غريبة كل واحد فينا قابل التاني ف حياته هو وف الاخر القدر جمعنا
محمد: احنا حبنا كان قدر من ربنا…انا قدري حبك يا سارة ❤
النهاية 🔚🖤
لقراءة الرواية كاملة اضغط على : (رواية قدري حبك)
