رواية رحمة وسيف الفصل السابع 7 بقلم مصطفى عادل
رواية رحمة وسيف الجزء السابع
رواية رحمة وسيف البارت السابع
رواية رحمة وسيف الحلقة السابعة
_ يا احمد انا حياتي في خطر ، في اصابه حصلت في المخ بسبب الحادث ولازم اعمل عمليه ، العمليه دي دقيقه جدا ومفيش غير دكتور واحد بيعملها بييجي من فرنسا مره في السنه ، لحسن حظي الدكتور ده جاي بعد عشر أيام لازم العمليه دي تتعمل في اسرع وقت والحمد لله الدكتور جاي قريب جدا العمليه دي بتكلف ١٠٠ ألف ، ١٠٠ ألف يا احمد … !!
= طيب يا حبيبي وهي عربيتك دي هتجيب ١٠٠ ألف !!
ثم انت مين اللي قالك الكلام ده أصلا ، عمليه ايه وبتاع ايه !!
_ الدكتور اللي في المستشفي
= بس احنا كنا معاك مقالناش اي حاجه !!
_ انا نبهت عليه ميقولش
= اخص عليك يا احمد
_ المهم شوفلي بس بيعه للعربيه ، وبالله عليك مش عايز حد يعرف اي حاجه
= يا عم بطل عبط بقي عربية ايه !!
قولتلك العربيه دي مش هتجيب مية جنيه مش مية الف !!
_ انا عارف يا احمد ، هحاول اتصرف في الباقي
= سيب بس الموضوع ده عليا انا ومتشيلش هم
_ لا لا يا احمد ، ارجووك اسمع اللي بقولك عليه بالله عليك
= سييييف ، متخلينيش اتعصب عليك ، قولتلك سيب الموضوع عليا بقي خلاص
_ لا يا احمد مستحيل انا ممكن ابيع الشقه اللي احنا قاعدين فيها لو لزم الامر
= يا ابني انت عبيط ولا في ايه في دماغك !!!
ده انت محتاج عمليه فعلا ، شقة ايه اللي تبيعها !!
_ يا احمد افهمني ابوس ايدك ، بلاش سيب الموضوع عليا واعتبرهم سلف ده بالله عليك
= في ايه يا سيف ، اعتبرهم سلف وكل سنه سد فيهم ألف جنيه يا سيدي ، انت خايف من ايه !!!
_ اللي انا خايف منه مينفعش يتحكي يا احمد
= سييف احكيلي في ايه تاني !!
_ مفيش حاجه يا احمد تعالالي انت بس خد العربيه وفرجها لابن عمك وشوف تسوي كام
= وامك يا احمد ، قدر امك وتعبها دي ممكن تروح فيها !!
_ انا هشرحلها الموضوع وهي اكيد هتقدر الموقف
= يعني هي كده هتقتنع !!
_ وهو في حاجه اهم من حياة ابنها !!
= يا سيف علشان خاطري افهمني بس ، فيها ايه لما اساعدك في محنتك هو انا لو كنت في محنه انت مكنتش هتساعدني !؟
_ ده انا افديك بروحي يا احمد
= شوفت بقي ، سيبني بقي افديك بحاجه اقل من روحي
_ الموضوع اصعب مما تتخيل يا احمد ، سيبني بس اعمل اللي في دماغي وانا هحكي لماما وافهمها اللي احنا فيه دلوقتي ، ثم ان مفيش وقت ولازم ندفع فلوس العمليه بعد بكره بالكتير
= يا سييف …..
_ احمد ارجوووك متضغطش عليا
= انا مستحيل اعملك اللي في دماغك ده اصلا
_ خلاص هشوف حد تاني ياخد العربيه
= خلاص ..خلاص ..خلاص ، انا هوديها لابن عمي خلاص
_ خلص شغلك وتعالي خدها
= تمام ماشي حاضر انا كده كده كنت جاي اطمن عليك النهارده
_ تمام هستناك شويه كده
= خلاص تمام ماشي
_ سلاام
= سلام
* قفل احمد من سيف ، رن علي هند
= الووو ايوه يا هند
_ اه يا حبيبي عامل ايه ؟
= تمام الحمد لله ، انا كلمت سيف
_ طب وقالك ايه !!؟
= هو قال كتير ونبه عليا محكيش لحد
_ احكيلي وانا مش هحكي لحد غير رحمه
= بلاش يا هند
_ يا احمد والله مش هنقول لحد ولا هخليها تقول قدامه انها تعرف حاجه
= سيف حصله اصابه كده بسيطه في المخ وممكن تأثر علي حياته مع مرور شهور ، فلازم يعمل عمليه ضروري العمليه دي غاليه شويه ومفيش غير دكتور اجنبي بس اللي بيعملها وبييجي كل سنه ولحسن الحظ الدكتور ده جاي قريب
_ طب الحمد لله ان الدكتور جاي قريب ، طيب حاول تقنعه احنا نساعده ويبقي يردهم براحته وبلاش موضوع بيع العربيه ده !!
= حاولت اقنعه مش راضي يقتنع خالص والله ، المهم جهزوا نفسكم انتوا ورحمه علشان هنروح نزوروا النهارده ونبهي عليها كأنها متعرفش حاجه لو حكيتيلها يعني ، تمام !!!
_ حاضر والله تمام متخافش
= يلا بقي سلام هخلص شغل واكلمك
_ ماشي يا حبيبي سلام
* رحمه قاعده في اوضتها باصه علي الدبدوب بتاعها وسرحانه وبتفكر في سيف والدموع مش بطاله علي خدها فجأه فونها بيرن (هند)
بعياط = ايوه يا هند
_ اه يا رحمه ، مالك انتي بتعيطي !!
= لا مش بعيط عادي ، ها عملتي ايه
_ احمد كلمه وهو قاله …. بس اوعديني مش هتقولي لحد ولا هتبيني لسيف انك عرفتي حاجه
= وعد يا ستي ولا كأني سمعت حاجه
_ سيف تعبان اتصاب اصابه خفيفه في مخه ممكن لو معملش عمليه تأثر علي حياته قريب العمليه دي غاليه ونادره في دكتور واحد بس بيعملها بييجي مصر مره في السنه ولحسن الحظ جاي قريب
= يا رب .. يا رب … ليه كل ده ، ده سيف طيب وغلبان يا رب
_ بس بقي بطلي هبل في حد يقول كده برضوو !!
بعياط= طيب ولما هي غاليه وعارفينها غاليه والدكتور جاي قريب مامته عايزه تنزل تشتغل ليه ، هتلحق تلم فلوس العمليه !!!
_ مش عارفه بقي بس تقريبا مامته متعرفش حاجه عن الموضوع ده
= متعرفش ازاي !!
_ مش عارفه بقي تقريبا مخبي عليها
= انا هساعده ومش هخليه يبيع العربيه
_ رحمه سيف لو عرف انك عرفتي الموضوع هيزعل جامد مع احمد
= طب اعمل ايه طيب !!
_ متعمليش حاجه ، هنحاول نشوف حل اكيد مش هنسيبه يعني ، اه صحيح اجهزي شويه علشان هنروح نزوره
= نزور مين !!!!
_ سيف يا رحمه
= والله بجد.!!
_ اه بجد وبعدها هنقعد مع احمد نشوف حل للموضوع ده
= طب انا بحبك بحبك أوي يا هند
بضحك_ سلام يا عبيطه
= سلام يا قمر
* رحمه فرحانه انها هتشوف سيف ، ولكن حزينه علي اللي حصله وحزينه اكتر لانها مش لاقيه حل لمساعدته
استأذنت رحمه من ماماتها انها رايحه تزور واحده صاحبتها ، مامتها وافقت الليل جا جهزت رحمه نفسها وجالها تليفون من هند :
_ انتي فين يا بنتي
= انا نازله اهو علي طول
_ يلا يا ماما بسرعه شويه
= حاضر والله نازله اهو
* نزلت رحمه وركبت مع هند واحمد
احمد : طبعا الكلام اللي عرفتوه ده ميتقالش منه حاجه قدام سيف ولا حتي بالغلط تمام ؟!
هند : حاضر يا احمد متقلقش
احمد : اهو انا مش قلقان غير من متقلقش دي
رحمه : خلاص يا عم احمد احنا عيال صغيرين ولا ايه !!
احمد : لا يا كبيره بس القلب لو اتكلم السر مهيبقاش سر ..!!
رحمه : لا متقلقش ان شاء الله خير ، ربنا يستر
* وصلوا عند بيت سيف احمد نبه عليهم للمره الاخيره كأنهم ميعرفوش حاجه ، طلعوا خبطوا ع الباب فتحت ام سيف :
اهلا اهلا يا حبايبي اتفضلوا
بهمس في ودن احمد :
هي مين القمر دي يا احمد !!
احمد : دي رحمه زميليتنا في الكليه يا طنط
– دي قمر أوي
احمد : احم سيف في انهو اوضه يا ام سيف
– في اوضته يا حبيبي
احمد : سيييف انت يلااااا ، سيف .
سيف : ايوه يابني انا هنا تعالي في الاوضه
احمد : حبيب قلبي ، إيه رأيك في المفاجئه !!
سيف : رحمه !!!
احمد : مفاجئه مش كده !!
سيف : مش تقول ان رحمه وهند معاك يا عم انت
احمد : يا سيدي يعني هي عضلاتك هتتحسد !!
سيف : ههه مش القصد يا غبي بس كان الواحد ستر نفسه شويه حتي
احمد : يلا مش مهم المره الجايه
رحمه : عامل ايه يا سيف !!؟
سيف : الحمد لله يا حبيبتي انتي عامله ايه !!
رحمه : مش بخير طول ما انت بالحاله دي وحاصلك كده
احمد : احمممم احممم
سيف : حاصلي ايه !!
رحمه : هاا … لا قصدي انك تعبان يعني
سيف : ااااه لا انا كويس متشيليش هم
احمد : بعد اذنكم يا جماعه بعد اذنك يا هند خودي رحمه وخليكم مع طنط برا شويه كده عايز سيف في موضوع
هند : حاضر ، يلا يا رحمه
* خرجوا رحمه وهند زي ما قالهم احمد
احمد : ها بقي ليه العربيه اه والسلف لا يا سيف باشا !!
سيف : تاني يا احمد !!
= وتالت ورابع كمان ، انا عايز افهم ، امك باين عليها انها متعرفش حاجه لغاية دلوقتي !!
_ اه متعرفش حاجه
= طيب ليه بقي العربيه اااه والسلف لا
_ انت عارفني يا احمد اني مبحبش السلف
= ده مش مبرر علي فكره ما اقتنعتش ..!!
_ ارجوك يا احمد بلاش تضغط عليا ارجوووك
= انا مش هسيبك غير لما اعرف في ايه وايه السبب ورا انك تبيع العربيه ومتاخدش حاجه من حد ولا حتي سلف
_ يا احمد …
= سييييف انا مش همشي ومش هاخد العربيه غير لما اعرف
_ يا احمد ارجوووك
= ارجوك انت يا سييييف
-حاضر يا سيدي بص بقي
العمليه دي نسبة نجاحها متعديش ال ١٠ % وانا مش عايز اخد حاجه من حد واسيب امي واخواتي الصغيرين يسدوا فيها بعد وفاتي …..
– دبه قويه زي اللي في حد وقع ورا الباب !!
احمد قام يجري يشوف في ايه … !!
ايه ده ….. !؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رحمة وسيف)
