رواية قمر بنت الصعيد الفصل الثاني عشر 12 بقلم حنين عادل
رواية قمر بنت الصعيد البارت الثاني عشر
رواية قمر بنت الصعيد الجزء الثاني عشر
رواية قمر بنت الصعيد الحلقة الثانية عشر
وصلوا قدام الفيلا وقعد السواق يزمر عشان البواب يفتح بس مافتحش
ناصر باستغراب :
بوي فين ياتري !!
نزل ناصر وفتح الباب ودخل علي اوضة ابوه بسرعة وهو قلقان مالقاهوش ..
ناصر: ياتري انت فين يابوي ممكن البيه يكون بعته مشوار
ولا حاجة انا هاروح أسأله بس قلبي مش مطمن
_______________________________
بيدخل نوح من باب البيت وهو ماسك ايد قمر بيلاقي جده وهدان قاعد وساند علي عصايته
بتبص قمر عليه بخوف ..بيطمنها نوح وهو بيضغط علي ايدها وبيبتسم..
وهدان: جايبها في يدك ولا كأن اي حاجة حوصلت دا بدل ما تقتلها ونخلص من عارها الفاجرة..
قمر بدموع:
ليه ياجدي عملت ايه لكل ده انا عمري ماعصيت ربنا ولا هاعصيه
وهدان: مين اللي غواكي وخلاكي تهربي وياه يا فاجرة
قمر بدموع:
كفاية بقا انت ماتعرفش غير الظلم ، الظلم وبس يا جدي عاوز تبيعني وافضل قاعدة عاوز تعيد الزمن من تاني يا جدي ان كنت انت نسيت انا مانسيتش عاد
وهدان: وه انت هاتخربطي وتقولي ايه
قمر: عاخربط اقول ايه ياكش تكون فاكر ان ماعرفش حكاية أمي اللي اتظلمت وهيا مالهاش أي ذنب ..
جوزتوها لأبوي عشان تنهوا العدواة بين العيلتين مع انكم خابرين صوح انهم ماحبوش بعض واصل
حكمتوا عليهم بالعذاب طول العمر لاهي طالت اللي بتحبه وكانت مخطوبه له ولا ابوي طال اللي حبها من صغره لحد ما الهم طالهم بدري وخلص عليهم..
صوت سقفة بيبصوا عليها بيطلع عثمان ابو نوح ..
عثمان: وايه كمان يابنت خوي زيدي !
قمر بسخرية:
عارف يا عمي انت الوحيد اللي طول عمرك واخد حقك تالت ومتلت ياريت ابوي كان اتعلم منك كان يمكن فاته عايش لحد دلوك ..
عثمان: نيجي للمهم بقا جهزي نفسك هاتتجوزي ………………
بيقاطعه نوح:
مش هاينفع تتجوز وهي متجوزة يابوي
عثمان بصدمة:
واتجوزت مين ناصر الكلب
بيدخل ناصر في نفس الوقت وهو حاطط ايده في جلابيته…
ناصر: سلامو عليكوا كيفك ياحاج وهدان بوي فين
بيبص عليه وهدان وعثمان بعصبية
ناصر بيبص لنوح وقمر وهو مستغرب..
عثمان بيطلع مسدسه:
سهلة تبقي ارمله واربع شهور وتتجوز !
بيوجه مسدسه ناحية ناصر…
ناصر: امممممم ..يا سنة سوخة يا ولاد…
بيجري ناصر يقف ورا نوح ..
عثمان: اطلع من وراه يا جبان
ناصر بيبص من ورا نوح:
مش طالع
نوح: لو عاوز قمر تبقي ارملة يبقي تقتلني انا يا بوي !
عثمان: قصدك ايه !
نوح: قصدي ان قمر دلوك مرتي ..
بيقعد عثمان من الصدمة ووهدان بيوقع عكازه…
عثمان: اه ياغبي طول عمرك غبي ! ضيعتنا كلنا منك لله.
وهدان: جوازك من قمر باطل !
بيبص له عثمان وقمر ونوح وهما مستغربين ..
نوح: انا متجوزها علي سنة الله ورسوله
وهدان: قمر انا جوزتها لعمران بيه وكنت وكيلها
نوح وقمر وناصر بصوا له بصدمة…
نوح: انت كيف كييييف…
قمر قعدت علي الأرض تعيط:
ليه اكده يا چدي لييييه
وهدان: مش بعد كل السنين دي نتعري للخلق وكل اللي شقيت عشانه دا شقي العمر …
نوح: يستحيل حد ياخد مني مرتي
عثمان: انت اكده جوازك باطل منيها
نوح: انا وانت وجدي عارفين ان جوازها من عمران هو الباطل ..
تؤتؤتؤ….
بيبصوا علي الصوت بيدخل واحد مبتسم اللي يشوفه بهيئته يقول عليه عنده 40 سنة..
نوح: انت مين يا جدع انت
بيقعد علي الكرسي وبيحط رجل علي رجل وبيبص ل.قمر..
_ مراتي العزيزة اخيرا ظهرتي
بتبص عليه قمر بصدمة ونوح….
ناصر: طب والله مش وحش ده كركوبة دا انا اللي كركوبة اتكلي علي الله..بدل ما اتجوزه انا
كلهم بيبصوا له بعصبية..
ناصر: احم…انا هاروح ادور علي ابوي شكلكم ماتعرفوش هو فين ..
بيخرج ناصر …
بتقف قمر بعصبية:
انتم ايه هو الجواز عافية انا خبرتكم اني ماعوزاش ايييه
عمران: بس انا عاوزك وطالما انا عاوزك يبقي لازم تكوني ملكي
نوح: دا بعدك قمر مرتي..
عمران بهدوء:
هاعديهالك المرة دي بس بس بعد اكده الغلطة بفورة …مش يلا يامرتي المصون..
بيمسك نوح ايد قمر ……
نوح: قمر مش رايحة معاك في حتة واللي عندك اعمله جوازكم باطل !
بيقف عمران وبيعدل هدومه…
وفجأة البودي جارد بتاعه بيدخل وهو رافع مسدساته وبيلفوا حوالين نوح
عثمان: اهدي يا عمران بيه هو ما يقصدش..
عمران:
مرتي هاتيجي معايا برضاك غصب عنك وانت عايش او وانت ميت وفي كل الحالات …
وهدان: هملها يانوح هملها…
نوح: هملتها قبل اكده لكن انا وعدت نفسي ووعدتها اني مش هاهملها تاني واصل..
بيشاور عمران للبودي جارد بيمسكوا نوح وهو عمال يعافر وبيكتفوه وبيحطوا المسدس في دماغه …
قمر بتكون خايفة بتشوف سكينة الفاكهة وهي مش عارفة تعمل ايه
نوح : خليها راجل لراجل بدال ما انت متحامي فيهم ولا خايف ما تقدرش ..
بيبتسم عمران بثقة وهو بيقلع الجاكت بتاعه وبيبان جسمه المنسق من القميص…
بيشاور للبودي جارد نوح بيجري عليه بعصبية وبيضربه في صدره ..
وبعد كده بيكون هايضربه بالبونيه بس عمران بيتفاداها
وبيضربه هو …نوح بيقع علي الأرض ومناخيره بتنزل دم..
بيقوم تاني وهو بيمسح الدم وبيجري علي عمران بيمسكه عمران وبيحطه تحت دراعه وبيشل حركته نوح بيقعد يضرب في جنبه بقوة..
بيشتاله عمران وبيرزعه في الأرض بيقوم نوح وهو ماسك ضهره…
_______________________________
ناصر بيبص علي الفيلا:
دي فاتها عركة واعرة والدم للركب احسن حاجة اني هملتهم ومشيت اه كفاية اللي حوصلي قبل اكده..
طب وقمر ،هاتهملها …يعني لو نوح ماقدرش يعملها حاجة الطور ده هاتعرف انت وانت اخرك دكر بط بلدي بيناتهم لا بتهش ولا بتنش …
بيطلع ناصر بره البوابة بيشوف عربية سودا جاية علي بعيد
بتوقف قدامه وبيندهوله..
بيروح لهم ناصر…
_خبرنا العنوان ده فين يا ابو عمو..
بيمسك ناصر الورقة اللي بيكون فيها مخدر وبيروح في الوعي
بينزلوا من العربية وبياخدوه …وبيمشوا..
_______________________
بيقوم نوح وهو ماسك ضهره وبيجري عليه يضربه بالبونية بس عمران بيضربه بكوعه في وشه وبعد كده بيضربه في كل جسمه لحد مابيقع علي الارض ومش بيقدر يتحرك…..
قمر بدموع جت تجري عليه مسكها عمران من ايدها…
قمر بتحاول تفك ايدها بس ايد عمران بتكون قوية ..
بتعرف قمر تاخد السكينة .
قمر: لو ماهملتنيش انا هاقتل نفسي…
بيمسك عمران ايدها التانية بسرعة …وبيفك السكينة من ايدها وبيرميها…
بيمسكها نوح وبيخبيها…
بيمشي عمران وهو شادد قمر بس قمر بتقعد علي الأرض وهي بتعيط ومش راضية تتحرك..
بيقرب عمران من نوح في نفس الوقت نوح بيحاول يقف وبيضرب عمران بالسكينة و…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قمر بنت الصعيد)
