رواية غرام العز الفصل الثامن 8 بقلم فرح وائل

كارما:- حلااااوتك

والد كارما:- حطي يا كارما العصير

*وضعت كارما العصير علي الطاوله التي امامهم وهي تبتسم بخفوت ومن ثم جلست بجانب والدتها دون ان تلقي التحيه ع ذاك الذي يجلس امامها.. فنظر هو لها بأستغراب مصحوبه بأبتسامه خفيفه.. بادر والدها بالحديث قائلا*

والد كارما:- ودا يا بنتي يبقي عز الدين عبد البارئ وكيل نيابه في نفس القسم اللي شغال فيه مهاب ابن خالتك

(اتخضوا واتفاجأوا اكنكو مكنتوش حاسين وقولوا يلااهوي..معقووول..لالا مش مصدقه..هو دا بجد..قولي والله! ورفصوا برجلكوا كده من كتر الصدمه عشان نفسيتي بس معلش????)

كارما:- تشرفنا

والد كارما:- احم طيب احنا يعتبر كده شبه اتفقنا ع كل حاجه.. اسيبكم شويه تتكلموا وتتعرفوا ع بعض

*ترك والد كارما المكان هو ووالدتها وخالتها ولكن ظل مهاب جالس وهو يربع قدميه ع الاريكه ويرتشف من العصير الذي امامه بأستمتاع..*

عز:- خير يا مهااب مخرجتش ليه

مهاب:- بحب الاوضه دي جدااا الڤيو بتاعها تحففه مكدبش عليك انا باجي هنا كل جمعه اقضي الويك اند بتاعي في الاوضه دي

عز:- مهااب انجززز مش هنرخم من اولها

مهاب:- عيب عليك يلاااا يا زيزو تقول كده دا انا بحبك يلا

عز:- ولا انا بدأت اشك فيك.. بتحبني اي ما تظبط كده

مهاب:- يووو انت راضع زباله اصلا..قصدي حب اخوي يعم في اي

عز:- طب يلا يا اخويا اتكل ع الله شوف انت رايح فين

مهاب وهو يتجاهل حديث عز:- بت يا كرمله عرفتي صحيح الوليه ام اشرف جارتنا كانت بتصوت ليه يوم الاتنين

كارما بفضول:- ليه!!

مهاب:- مطلعش زي ما الناس قالت ان الانبوبه انفجرت في وشها لا..طلع سبب تاني خالص

كارما:- ها انجز سبب اي

مهاب:- بيقولك جوزها قطعلها حته من ودنها بالمقص علي سبيل الهزار يعني ف قامت مصوته واتقمصت وغضبت عند امها

كارما:- لا ملهاش حق قماصه

عز:- لا فعلا تصدق قماصه اومال لو كان دلق علي وشها مايه نار كانت عملت ايه كانت اتطلقت مثلا..لالا ملهاش امان لا بياعه

مهاب:- انت بتتحشر لييه واحد وبنت خالته بيتكلمو انت دافس مناخيرك في علاقنااا ليييي

عز:- كلمه كمان وهفتح اخرام مناخيرك علي بعض واخليهم خرم واحد شبه الخنزير يا خنزير

مهاب:- هه يجدع دا انا بهزر معاك… دا انت حبيبي ابو نسب.. يلا يا اكرمله عايزه حاجه!! بصي انا حاولت بكل طاقتشي اني ارخم وافضل قاعد بس الزوز حبيبي مهانش عليا الصراحه ف انجوي يا عسل

*غادر مهاب بعد ان اخذ كوب عصير ومعه طبق الحلويات الخاص ب كارما..*

كارما وهي تحاول التشويش علي ما قاله مهاب:- شوف ابن الحراميه خد الجاتو بتاعي ازاي..وربنا لاكلك من ودانك يا مهاب الكلب انت

عز:- اممم بقا متفقه مع ابن خالتك انه يفضل قاعدلي ولازق ويرخم عشان اطفش مش كده

كارما بعفويه:- لا والله ما انا مكنتش اعرف انه انت

عز بأبتسامه:- امم افهم من كده انك مش عيزاني اطفش

كارما بتلقائيه:- ايوا

*ثم تداركت ما قالته بعد عده ثواني ف اجابت بسرعه محاوله اصلاح ما قد تفوهت به منذ قليل قائله*

_ لا يعني مش قصدي كده انا كنت اقصد ان م…

= ششش خلاص مش شرط تبرري

_ هو انت مش قولتلي انك انت مش العريس!! اي بقا دا

= لو كنت قولتلك كنتي هترفضي

_ ع اساس اني كده هوافق مثلا

= و اي اللي يخليكي ترفضي

_ انك مش مناسب مثلا

= ايي يعسل انتي هتصدقي نفسك ولا اي مش كفايه اني شوفتك بني ادمه اصلا وجيت انتشلك من الجهل والضياع والعنوسه المبكره اللي انتي فيها دي واتقدمتلك!؟ كمان بتتأمري

_ ششش انت فاكر نفسك رشدي اباظه عشان اقبل بيك اصلا..يبني انا عرفاك شفقه لكن انت!! انت نكره اصلا وبنهمشك كده وبنحطك ع الرف

= يعني المفروض ان القعده دي العرسان بيعترفوا ع بعض بكل هدوء وود واحنا قاعدين هنا نردح لبعض.!! الطم علي وشي

_*بضحك* منتهي التفاهم الحقيقه..هي دي العلاقه الناجحه ولا بلاش

*ضحك عز هو الاخر ف الامر مضحك حقًا..حتي في الطف الاوقات التي من المفترض انهم يتعرفوا فيها علي بعضهم البعض يتشاجرون..*

= نتكلم جد بقا شويه

_ ياريت فعلا.. عشان انت شغال هزار من الصبح وهيهيهي وبتاع وانا بصراحه مش هحب اكمل حياتي مع واحد تافهه كل شويه يضحكني لا

= انا برضه!!

_ ايون

= كااارماااا

_ ايييي انت بتنادي عليا من البلكونه..ما انا مرزوعه جمبك اهو

= نتكلم جد شويه!!

_ نتكلم يا اخويا منتكلمش ليه معندناش لسان

*نظر لها بيأس من لسانها ذلك فهي لا تتحمل ان تتحدث بجديه لاكثر من دقيقتين.. ولكن مع ذلك هو يفضلها هكذا ويمكن هذا ما جدبه اليها من الاساس*

= انتي عارفه انا جاي اتقدم ليه صح!

_ عشان انت بتحبني ودايب في دباديبي دووب ولو متجوزتنيش في خلال 26 ساعه هتقطع شرايينك وتعمل كاتينج ناااو وتكتب اسمي بالدم علي قفاك ويحولوك العنايه المركزه وتقعد تهلفط ب اسمي جوه وتخش في غيبوبه تسع سنين وبعدها انا اول ما اخش واقعد جمبك واقولك يا عز اصحي بقا متخضنيش عليك..هتفوق من الغيبوبه وتصحي فاقد الذاكره وفاقد الشغف وفاقد اسمك بس فاكرني لان انا محفوره في مخك وصورتي مرسومه علي نخاعك الشوكي واستحاله تنساني..

= خلصتي!!

_ اه

= انا متقدملك عشان الكلام اللي انا قولته قدام عادل..لكن جو احببتك من خلف سروالي دا مش بياكل معايا وبطلي شغل كلبوبات شويه عشان عيب في حقك ك محاميه

_ انت يلا معندكش احساس يلااا انت لو ريموت بحجاره مكنتش هدمت احلامي طموحاتي بالشكل دا

= لا ماهو انتي فوقي من احلام اليقظه دي وركزي معايا كده.. احنا هنتخطب عشان السبب اللي انا قولتلك عليه دا دلوقتي

_ يعني انت هتخطبني عشان عادل!!

= ايوا

_ متأكد!!

= ايوا يبنتي

_ يعني مفيش اي سبب تاني خلاك تيجي وتتقدملي غير السبب دا!!

= اه

_ يعني لو مكنتش قولت كده ل عادل مكنتش هتيجي تتقدملي

= لا

_ والله..!!!  طب انا بقا مش موافقه

= هو بمزاجك

_ اومال بمزاجك

= ايوا بمزاجي.. وريني بقا هترفضي ازاي

_ زي السكر في الشاي.. وابقي روح اخطب عادل بقا طلاما انت جاي بسببه اصلا

= عادل مين دا اللي هاجي اخطبك عشانه.. دا انا لو برقتله هيعملها علي روحه.. بصي انا ماشي بس وحياه امك اعرف بس انك رفضتي.. هاجي واطربق شقتكم دي فوق دماغك

(عادل دا اتبهدل معاكو جاامد اوي واتهان والله..بس هو يستاهل الاهانه بصراحه عشان يحرم يبقي خباص وفتان كده تاني..يعادل يا ممبوذ..عادل ريأكت:- اللهي يبتليكوا بنصيبه “بصوت حمو بيكا” ????)

*تركها ورحل بينما هي ارتسمت ابتسامه بلهاء ثم حدثت نفسها قائله*

كارما ل نفسها:- عنيف اوي عز دا..بس كده اتأكدت انه مش جاي عشان زفت الطين دا ( عادل الممبوذ.) وانه جاي عشاني انا.. يس يس يس

*ظلت تقفز مكانها بسعاده وهي تشعر بأن السعاده تغمرها..ف أخيرا هذا الحلوف قد تقدم لخطبتها واصبح يبالي..*

( كل اللي الناس بتقدر الابطال بتوعها وبحترمهم وبتعملهم كاريزما

انا:- بهزأ الابطال وبمسح بكرامتهم الارض في السرد حد يقولي ليه.!! لان انا شخص كرييتيڤ خلصانه ????) ثم دخل مهاب اليها وبيده طبق چيلي..*

كارما:- يبني ارحم نفسك شويه الخزين بيقل في الدوله بسبب كرشك يا ابو لُغد انت

مهاب:- هو انا باكل من تلاجه ابوكي

كارما:- علميًا اه انت بتاكل من تلاجه ابويا لان الچيلي دا انت مش جايبه من المريخ بروح امك

مهاب:- لا اقنعتيني..لا ريلي ريلي انا اقتنعت

كارما:- طب بما اني اقنعتك ما توريني الچيلي دا بيقول اي كده

مهاب:- خدي يكش يطمر .. كنتو بتقولو اي بقا انتي وعز

كارما:- والله لو حلفتلك اننا كنا بنتخانق مش هتصدق

مهاب:- عااااش this’s my girl

 كارما:- حبيبي انشالله تنستر.. الا قولي بقا مش ناوي تاخد خطوه جديه في حوار ريهام دا

مهاب:- هييييح

كارما:- اي مالك..انت واكل نعناع ولا اي

مهاب:- لا يمتخلفه..بس هما في الافلام لما يجيو يتكلموا عن البنت اللي بيحيوها بيقولوا في الاول هييح وبعدين بيقولو انا مش عارف اقول اي ولا اي..وفي الاخر بيبتسم ومبيقولش حاجه اصلا والمشهد بيتقفل ضد مجهول

كارما:- لا فكك من افلام الابيض واسود اللي انت عايشلي فيها دي وقولي ناوي تعمل اي بجد

مهاب:- ان شاء الله اول لما تخرج من المستشفي هروح لاهلها واتقدملها

كارما:- بجد يا هوبا..!!

مهاب:- اه والله بجد..بس اياكِ اعرف انك قولتيلها..هنفضك

كارما:- لا عيب علييك

___________________

*في صباح يوم جديد (اكيد مش هيبقي يوم قديم يعني هيخيوخو ????) استعدت كارما اليوم ل تذهب الي عملها التي تركته امس ولم تذهبه وهي متيقنه ان استاذ رؤوف لن يتغاضي عن الامر (هيشلوحها) وبالفعل نزلت وركبت ميكروباص ( والله يجماعه الواحد عايز بارت لوحده كده يحكي المواقف اللي بتحصل في الميكروباص دا) وصعدت الي مكتبها*

_ كنتي فين يا كارما امبارح..وازاي تغيبي من غير إذن كده

= اهلاااااا استاذ رؤوف ليك وَحشه والله

_ كارما بطلي لف ودوران وقوليلي مجتيش ليه المكتب امبارح

= اسكتتتت مش انا كان متقدملي عريس امبارح..ف عشان كده مجتش بقا كنت بنضف مع امي استقبالًا للشملول وكده

_ انا مااالي انا بمشاكلك دي انا اللي يهمني اعرف انتي غيبتي ليه

= الله!! سلاامتك يا استاذ رؤوف دي بدايه طرش دي ولا ايه..ما انا قولتلك كان متقدملي عريس

_ طيب اي تأخير او غياب تاني هيتخصم منك اسبوع..اتفضلي علي مكتبك هتلاقي قضيه روحي خلصيها يلا..*

*تركها وغادر بينما هي دخلت بغضب وهي (بتبرطم) وجلست وهي تسب رؤوف في سرها ومن ثم وجدت ملف القضيه ومسكته بشغف و لاول مره وهي تنظر للملف..*

كارما:- اممم ليك نصيب اني اشوفك النهارده يا زيزو.. وريني بقا القضيه دي حكايتها اي

*كانت تتابع كارما القضيه بشغف وهي تكتشف ثغرات القضيه وخباياها (يافرج الله اخيرا هتشوووف شغلها شبه الخلق ومش هتروح تتحايل ع الظابط عشان يخرج المتهم)..وكانت قضيه قتل عن عمد وقد قتلت الزوجه زوجها..*

كارما وهي تمسك الاوراق بين يديها:- يعني انا ادرس وامتحن في طلاق وخُلع وتفريق وفسخ وتطليق وانتو تمتوا بعض كده عادي!! منك لله يا رؤوف الكلب انت جايبلنا قاضايا شبهه خلقتك

*سحبت كارما حقيبتها وذهبت الي القسم لكي تترافع عن المتهمه وهي ترتب ما ستقوله للضابط والذي هو بالطبع “عز الدين عبد البارئ” وعندما وصلت طرقت الباب بخفه ولم تنتظر ان يجيب عز ف فتحت الباب..*

كارما بأبتسامه:- صباح الخي.. مين دي!!.