رواية غرام الرعد الفصل الرابع والثلاثون 34 بقلم رحمة أشرف

في مستشفى الجارحي. كان مراد في العمليات

خرج الدكتور ومروان جرا عليه .. ها يا دكتور حصله ايه

الدكتور بابتسامه .. الحمد الله مفيش اي جروح داخليه . هو بس كسر في الدراع والحمد الله اتعاملنا مع الموقف.  وهو بخير.  متقلقش يا بش مهندس

مروان بارتياح ..شكرا جدا يا دكتور… يقدر يخرج أمته

الدكتور .. كمان ساعه كده أن شاء الله

مروان .. تمام يا دكتور

بعد مده دخل مروان لمراد الي كان قاعد علي السرير بقلت حيله

مروان بابتسامه.. مالك يا جيمس بوند .. ما كنت من ساعه . طايح في الكل ومش همك

مراد بصله بندم وحزن…مروان انا اسف مكنش قصدي والله اعلي صوتي عليك … بس كنت متعصب

مروان بابتسامه بحنان . خلاص يا مراد ولا يهمك… مهما كان برضو .. انت اخويا الصغير.

مراد بصله بعيون قطط.. جوزوني ريوان.  ابوس ايدك

مروان ضربه علي قفاه وهو بيضحك .. هههههههه انت في ايه ولا في ايه .. وبعدين هتتجوز ازاي وانت متخرشم كده .

مراد بحزن . والله ما قربت من بنت بعد ما قبلت ريوان …. ريوان غيرتني .. مع انها معملتش حاجه… كنت ببعد عن البنات بعد ما قبلتها … ساعدني ارجوك. … قالت إنها هتقدم استقالتها بكره .. وانا مش عارف اعمل ايه

مروان بابتسامه. فاجئها

مراد ابتسم بفرح. اخويا.  حبيبي تعالي قرب هات حضن ..

مروان راح حضن اخوه .. وانا كمان اسف اني مدية ايدي عليك …

مراد ابتسم .. طيب يلا علشان نمشي. زمان نهي .. قلقانه علينا

مروان بابتسامه.. يلا بينا

ركب مروان ومراد عربيه مروان .. واتجهو للبيت

نهي بخضه ..مراد .مالك يا حبيبي

مراد بابتسامه . كويس يا روحي. متخفيش .. انا كويس والله

❤️❤️❤️❤️❤️❤️❤️❤️❤️❤️❤️❤️

في الصباح الباكر الساعه 6 ..عند رعد

في فرع من فروع شركة الجارحي

معتصم بنوم.. يابني هموت و أنام منك لله ..ده وقت نصحي فيه . دي العمال لسه مجوش

رعد يجديه.. ركذ في الشغل يا معتصم … بدل ما اقولك مش هنمشي غير لم نخلص الملفات دي كلها

معتصم بخضه..ايه خلاص يا بوص..مركذ اهو .. ..

رعد ومعتصم فضلوا يشتغلوا لوقت طويل ..

معتصم بارتياح.  واخيرااااااااا. .ايه ياخي كل ده …

رعد بجديه ..انا بقول منمشيش غير لم نخلص الملفات دي كلها .

معتصم بترجي .لا ابوس ايدك . انا لسه قدامي حفله طويله عريضه ..

رعد بصله وضحك..طيب يلا .. بينا .بقا ..

معتصم باستغراب. علي فين

رعد بابتسامه..ايه مش هنجيب لبس جديد ولا ايه .دي مراتك ممكن تخلينا نقضي الحفله في مستشفى

معتصم بضحك… هههههه اه والله .. يلا بينا ..دانا امبارح .. لبست هدومي بتاعت الصبح … عملتها حكايه وروايه

رعد ضحك .هههههه طيب يلا بينا .

❤️❤️❤️❤️❤️❤️❤️❤️❤️❤️❤️❤️

في مصر عند رحمه

رحمه صحيت علي صوت رنين التلفون

رحمه بنوم .. الو

بضحك… لسه نايمه… دي الساعه 9 ياحبيبتي

رحمه بصت في التلفون بصدمه وبعدين ضحكت .فارس ..وحشتني يا فرفر . اوي

فارس بضحك..والله يا قلبي انتي الي وحشاني موت والله يا مجنونه

رحمه بابتسامه ..والله وانت اكتر يا حب …. مش هتنزل قريب بقا ولا ايه

فارس بضحك .لسه بدري يا عيوني… انا قلت اكلمك اصلك وحشاني اوي قوليلي بقا كبرتي ولا لسه اوزعه زي ما انتي

رحمه ضحكت.. فرفر انت مسافر وانا عندي 10 سنين.  انا دلوقتي 18 سنه .. بس لسه اوزعه ..

فارس ..هههههه مجنونه … المهم زهراء. و ريوان أخبارهم ايه .

رحمه بابتسامه.. كويسين اوي ..بيسلمو عليك بس هم نايمين دلوقتي .

فارس ..تمام يا حب. هرن عليكي بعدين .. علشان مشغول دلوقتي اشطا

رحمه بابتسامه.. حبيبي.سلام يا قمر

فارس ضحك.  باي . وفصل

رحمه وهي تنظر للهاتف. هو فيه خال بالجمال ده .  هيييح .

❤️❤️❤️❤️❤️❤️❤️❤️❤️❤️❤️❤️

في مكان تاني في حديقه عامه

ريتاج ببرود وهي تمد أيدها بكيس فيه جاكت بتاع اسامه.  شكرا . اتفضل الجاكت بتاع حضرتك .

اسامه بابتسامه واستفزاز.. مكنش مهم انك تجبيه كده كده مش هينلبس تاني

ريتاج بصت له بعدم فهم

اسامه باستفزاز .. مبحبش حد يلبس هدومي و البسه وراه .. فا ممكن تحتفظي بيه

ريتاج بعصبية.. لا شكرا ل حضرتك مش محتاجه حاجه منك.. اتفضل… الجاكت اهو… وياريت مشفكش تاني .. وجت علشان تمشي وقفها صوت اسامه.

قريب اوي هنتقابل.. بس انا رايح مهمه شغل … وبعدين هتشوفيني كتير. علي فكره. واخد الجاكت ومشي .. أم ريتاج بصت لأثره بغيظ وبعدين رجعت للبيت

❤️❤️❤️❤️❤️❤️❤️❤️❤️❤️❤️❤️❤️❤️❤️

أم في شركة الالفي

شمس بابتسامه.. صباح الخير علي الست الي مش بتسأل

ريوان بابتسامه حنون .. معلش يا حبيبتي .. كنت مشغوله اوي اسفه

شمس بابتسامه.  ولا يهمك يا قلبي. المهم انتي كويسه

ريوان بنفس الحنان . ايوه يا قلبي وانتي.  المهم انتي.

شمس بابتسامه وارتياح .. تمام الحمد لله اوي .  المهم مستر مراد مستنيكي في المكتب

ريوان بابتسامه. اشطا هروح اشوفه عايز ايه .  وراجعه

شمس.  اشطا وانا كده كده ورايا شغل .. هروح اخلصه علي ما تيجي

ريوان بابتسامه. تمام …ومشيت متجهه لمكتب مراد وقفت قدام الباب واخدت نفس عميق ..ودقت الباب

مراد ابتسم … اتفضل ..

دخلت ريوان واستغربت أن الانوار انطفأت فجأة فقالت وهي تحاول توصل لمفتاح الكهرباء… بش مهندس مراد. .. حضرتك موجود.   ولاكن فجأة الباب انقفل بإحكام ريوان انخضت وبصت وراها لقت مراد   واقف وهو مبتسم وكمان مشغل فلاش

ريوان بتوتر.  بش مهندس.. هو هو النور ماله

مراد حط ايده علي مفتاح الكهربه وينير المكتب لتنصدم ريوان من شكل المكتب فهو مزين باحلا الزينه والورد الابيض الجميل ..

مراد بيبصلها بابتسامه وهو يمسك يدها بيده السليمه .. ريوان انا اسف.  علي كل حاجه حصلت … ريوان انا بحبك

ريوان بكسوف وتوتر.  احم. هو هو ماله دراعك

مراد بابتسامه ..حادث صغير كده

ريوان بخضه. ايه .  أمته

مراد بابتسامه خبيثه.  خايفه عليا

ريوان بكسوف ووجه احمر .. واخاف عليك ليه. وبعدين . اتفضل دي استقالتي

مراد بندم وحب .. ريوان .. اديني فرصه تانيه .. علشان خاطري.  أنا والله ما كان قصدي اجرحك ..بعدين رقع علي رجل واحده ومسك ايد ريوان .. ريوان انا بحبك .. سامحيني … انا اسف ..

ريوان بدموع . عمرك ما هتتغير يا مراد …. لم دخلت عليك وكنت مع السكرتيره .. مراد لو حصل وسامحتك وارتبطنا .. ورجعت تمشي مع بنات وتكلمهم وتقابلهم . لا انا ولا قلبي هنستحمل

مراد باس أيدها . عمرها ما تحصل يا قلب مراد ..عمري ..مراد ..من بعد ما انتي بقيتي في حياته مبقاش شايف غيرك انتي وبس.  .. صدقيني مقربتش منها … هي الي قربت مني.  وكنت هبعدها بس في الوقت ده انتي دخلتي ..ومعاكي مروان .  انا اسف .. متسبنيش

ريوان بكسوف . طيب قوم

مراد بصلها بحب . قولي انك مسمحاني

ريوان بكسوف وعصبيه. قوم يا مراد

مراد بابتسامه. قوليها

ريوان بقلت حيله. تمام قوم بقا مسمحاك

مراد بابتسامه وضحك. . وقولي انا ريوان طارق مش هحب ولا  هتجوز  غير مراد سالم … وريوان لمراد ومراد وريوان

ريوان بكسوف.  مراد بقا قوم وبطل طفوله

مراد ضحك وقام وقف قصادها ..وبصلها بحب.. بحبك يا ريوان بحبك اوي

ريوان بتحزير ..متقربش لواحده تايه غيري فاهم .. ووالله يا مراد لو جرحت قلبي في يوم من الايام.  مش هسامحك خالص .

مراد بحب وهو ينظر إلي عيناها . عمري ما اجرحك .. لاني بحبك بحبككككككككك اوي

ريوان بابتسامه خجل .. وانا بحبك

مراد بصدمه .قلتي ايه  .. قوليها تاني

ريوان بكسوف. خلاص بقا يا مراد …

مراد بابتسامه حب ..هي بقت فيها مراد وغيره

❤️❤️❤️❤️❤️❤️❤️❤️❤️❤️❤️❤️❤️❤️❤️

أم عند رعد ومعتصم ..

رعد كان لابس بدله سوداء  وقميص أبيض .. كان يقف أمام المرأة يتعطر

معتصم بابتسامه. مش ناوي تكلمها

رعد بصله بعدم فهم.. مين

معتصم بابتسامه و غمزه.رحمه

رعد بابتسامه حب .. انا اديت لأمها كلمه اني مش هكلمها….. وانا مبرجعش في كلامي .. بس وحشاني اوي اوي… وحشني صوتها اوي

معتصم بتهوين.. بكره تبقا في بيتك. يلا يلا دي لولي ممكن تعمل مني انا وانت زعافه للسقف

رعد بضحك.. احلا حاجه عجباني فيك انك مالي مركزك

معتصم بضحك …اوي اوي يابني دانا وحش

رعد بابتسامه..طيب يلا يا وحش… اتأخرنا.

معتصم ..وراك يا بوص ..

ركب رعد عربيته ومعتصم عربيته واتجهو لمكان الحفله

في بيت معتصم .

مرات معتصم .واسمها الاء .. يابنتي انتي مزهقتيش دانا زهقتلك

احلام بغضب .بحبه يا ختي بحبه . اعمل ايه يعني

الاء بابتسامه .. بقالك 5 سنين بتحاولي معاه وهو ولا معبرك .. يابنتي. معندكيش من الاحمر

احلام بتوهان .. الحب عمره ما كان فيه كرامه … بحبه اوي يا الاء. اعمل ايه يعني أنه مش شايفني

الاء بجديه ..انتي عارفه كويس أن رعد مبيحبكيش .. ليه بتعشمي نفسك .

احلام بغيظ..في حاجه اسمها تفاؤل يا فقر ..

قطع كلامهم صوت معتصم . مراتي انا فقر .. ولا عال…

الاء حضنت معتصم .. حبيبي يا عصومي

معتصم بضحك..طيب بعد عصومي دي .. فأنا موافق علي كلام احلام

الاء بعصبية . معتصم

معتصم بابتسامه حب . نعم يا قلب معتصم ..

الاء بحب كبير ….بحبك يا صومي

معتصم بعشق وهو ينظر لعيونها .. وانا بحبك اكتر يا لولي

رعد بجديه… استاذ قيس انت أنجز .  الناس واقفه ..راعي اني بعيد عن حبيبتي ..

الاء بصدمه. رعد .انت بتحب .. رعد بيحب

رعد ضحك. علقتي ولا ايه

الاء بفرح. بجد بتحب.  مين وفين وليه وازاى وأمته

رعد بابتسامه..حيلك حيلك قلبتي كلك معتصم ليه .

الاء بتظمر طفولي..قول بقا بطل تلعب في اعصابي ..

رعد بابتسامه وعيونه بتلمع .. أمته من شهرين قبلتها ..ازاي معرفش ازاي بس خطفتني كده . من نفسي .. وفين اول مره قابلتها كان في كافيتريا مين.  فا هي اسمها رحمه ..وعندها 18 سنه

الاء بدموع .. واخيرا ..هجيب لبس جديد لفرحك… اعمل فرح في اسرع وقت علشان في فستان أوف وايت هموت عليه بتاع سهره ومفيش مناسبات جيه .. وفرحك ده جه في وقته

رعد ومعتصم .ههههههههه …امال البس الي لابساه ده مش جديد

الاء بابتسامه. ما انتو عرفين اني بحب اشتري لبس .. جديد كل فتره وفتره

معتصم بابتسامه… حبيتي

الاء بتظمر طفولي.. خلاص كل ساعه وكل دقيقه وكل ثانيه . ارتحت كده

معتصم بابتسامه.  مفلساني بس بحبك

الاء بحب..انا بحبك اكتر .

كانت احلام تقف بعيد وهي تنظر لرعد بنظرات حب وعشق .. له

بعد اكتر من ساعه

قربت احلام من رعد . ممكن نرقص سوا

رعد يصبها بوجه خالي من المشاعر..

احلام بهدوء … ترقص معايا.. اعتبرها اخر مره هتشوفني .. ممكن

رعد وافق مسك ايد احلام وطلع وفضل يرقص معاها سلو.  ومعاه معتصم والاء ..

احلام بتبص لرعد ..عرفت انك بتحب.. وهتتجوز قريب

رعد بصلها وهز رأسه بايوه

احلام بابتسامه منكسره.. الف مبروك..

رعد . الله يبارك فيكي عقبالك ..

بعد انتهاء الحفله خرج رعد بتربيته متجه للبيت

❤️❤️❤️❤️❤️❤️❤️❤️❤️❤️❤️❤️❤️❤️❤️

أم عند رحمه كانت تتصفح الاخبار ووجدت موضوع جديد منشور من تلت ساعة وكان فيديو لرعد وهو بيرقص مع احلام .. ومكتوب فوق الفيديو ..

فيديو رومانسي لرجل الأعمال البش مهندس رعد الجارحي .مع حبيبته احلام خليفه …. اتسعت عيون رحمه بصدمه وعادت الفيديو كذا مره لعلها تتأكد أنه ليس رعد ليس حبيبها ..

سقطت دموعها بالم

يتبع…..