رواية احببت شخصا مجهولا الفصل السادس 6 بقلم نور الحياة
رواية احببت شخصا مجهولا الجزء السادس
رواية احببت شخصا مجهولا البارت السادس
رواية احببت شخصا مجهولا الحلقة السادسة
دخل والدها و قال: حبيبتي عايزك في موضوع مهم
فريده: نعم يا بابا اتفضل حضرتك
والدها: حبيبتي جايلك عريس
فريده: تاني يا بابا تاني يا بابا انا لسه صغيره بالله لا
والدها بهدوء : انا اديت للناس كلمه و هما جايين كمان يومين
فريده بتنهيده: حاضر يا بابا حاضر
والدها حضنها و قالها ربنا يهديكي يا حبيبتي
فريده: و يخليك ليا يا بابا
والدها: يلا يا حبيبتي هقوم انام انا تصبحي على خير
فريده: و انت من اهل الخير يا حبيبي
قعدت فريده تفكر بحزن و انها حبت اهتمام المجهول و هو مش هيظهر و بعدين نام
قامت الصبح اتوضت و ادت فرضها و لبست و قابلت سلمي و راحو الكليه و خلصو محاضرتهم
سلمي بتعجب: مالك يا فريده مش مظبوطه النهارده ليه
فريده بتنهيده: مفيش يا سلمي
سلمي: يابت مالك بجد
حكتلها فريده موضوع العريس و انه جايه بكره سلمي: و ليه زعلانه معجبكيش قولي لا
فريده بحزن: ماشي
سلمي: بت يا فريده انتي بتحبي الشخص اللي بيبعت الرسايل
فريده بحزن: حتي لو بحبه يا سلمي هيحصل ايه هو انا اعرف مين انا حبيت اهتمامه و كلامه
سلمي حضنتها: حبيبتي كل حاجه نصيب والله لو مكتوب يظهر و تتجوزيه هتتجوزيه
فريده: اه الحمدلله يلا نروح علشان اتاخر خالص
روحو كل واحد علي بيته
دخلت فريده بيتها سلمت علي مامتها و دخلت اوضتها اتوضت و صلت و قرأت الوِرد بتاعها لحد ما مامتها ندهت عليها عشان الاكل
اكلت فريده و دخلت اوضتها مسكت التليفون لقت رساله مكتوب فيها
“على سَبيل التذكير ، أحبِك جداَ” ❤
فريده بحيره: و بعدين و بعدين يارب متوجعش قلبي متعلقنيش بحاجه مش ليا يارب و نامت من كتر التفكير
قامت الصبح علي صوت مامتها: يلا يا فريده علشان ننضف البيت قبل الضيوف ما ييجو
فريده بحزن و تنهيد: حاضر يا ماما جايه
قامت و فضلت طول النهار تشتغل مع مامتها لحد ما خلصو ف قالت مامتها: يلا يا حبيبتي ادخلي البسي زمان الناس جايه
فريده: حاضر يا ماما
دخلت لبست فستان فستان نبيتي و خمار كافيه
مامتها باستعجال: يلا يا فريده الناس جات
فريده بحزن: جايه اهوه
طلعت قدمت العصير و سلمت علي مامته و قعدت جنب باباها و وشها في الارض
ابو العريس: يلا يا جماعه نسيب العرسان لوحدهم شويه
كلهم طلعو و فريده و العريس فضلو ساكتين
العريس: مش يمكن انا اطلع احلي من السجاده يا ست الحُسن
فريده بصدمه:…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت شخصا مجهولا)
