رواية دوار العمدة الفصل الحادي عشر 11 بقلم إنجي محمود
رواية دوار العمدة الجزء الحادي عشر
رواية دوار العمدة البارت الحادي عشر
رواية دوار العمدة الحلقة الحادية عشر
بعد مرور عده شهور
داليدا.اه يا جاسر تعبانه أوي ومش عايزه أولد دلوقتى مش مستعده لده
جاسر.هو مش بالاستعداد هو شئ اجباري عليكي هوبا كده عالطول
داليدا.انا خايفه أموت وما شوفش البيبي
جاسر.يا ربي على النكد بعد الشر عليكي يا حبيبتي وماتخافيش لو حصلك حاجه هربي البيبي كويس واتجوز عليكي كمان بس ده بعد موتك طبعاً
داليدا.اذا كان كده ماشي مافيش مشكله
جاسر.ده اللى همك عمري ما أفكر في حد غيرك أبدا طول حياتي وبعدين بقي مش عايزه تعرفي انتي حامل في ايه
داليدا.لا عايزاها مفاجاه مع إني نفسي في بنوته أوي
جاسر.اهو خلاص هانت واشوف البيت منور بأحلى نونو
داليدا.قصدك سته ما شاء الله هيبقي هيصه ههههه
جاسر.اهم حاجه إنك تقومي بالسلامه يا حبيبتي احم يعني كنت عايزه ابلغك بحاجه كده
داليدا.قول
جاسر.عمك مات في السجن
داليدا .بتقول ايه مات يعني ما بقاش ليا حد من عيلتي وحازم حصله إيه
جاسر .حازم طلع لأن أبوه نسب كل حاجه ليه وكمان انتي ما اعترفتيش على زهره بحاجه فجاتله جلطه ومات
داليدا.انا عايزه أروح اشوف مراته وحازم لازم اصلح العلاقه معاهم ما بقاش حد ليا إلا هما
جاسر.شوفي اليوم اللى عايزاه وأنا معاكي فيه بس أهم حاجه بلاش الزعل عليكي وحش
داليدا.انا هنزل تحت اشم شويه هوا
في الاسفل
جلال.يعني مش ناويه ترجعي لجوزك يا بنتي
نادين.لا يعني لا علشان يقولى انتي والبطيخه اخوات اومال لو ماكنتش بعمل دايت كان قال ايه
زينب.بيهزر معاكي يا حبيبتي وكمان ده عمر يتحط على الجرح يطيب
نادين.لا مش هرجعله وهرفع عليه قضيه خلع يا أنا يا هو بقي لما نشوف
عمر من خلفها.واهون عليكي يا نودي
نادين.عمر انت هنا من امتي
عمر.من وقت البطيخه بس كان قصدي إن انتي أحلى بطيخه في حياتي
نادين.اهو شايف يا بابا بيتريق تاني إزاي
جلال.يا بنتي بيهزر معاكي ايه ما تبقيش كده
زينب.ما خلاص بقي يا نادين جوزك جه واعتذر عايزه ايه تاني
نادين.عايزه اه مش عارفه جالى هبوط كده ليه
عمر.انتي كويسه يا حبيبتي
نادين.نفسي في آيس كريم
عمر.انا بردوا قلت في حاجه طول عمرك همك على بطنك بس ولا يهمك كل آيس كريم الصعيد كله تحت أمرك يلا بقي نرجع ابويا حالف عليا ما يدخلني إلا بيكي اعمل ايه
نادين.خلاص اخر مره ونفسي تتريق عليا تاني انت لو كنت مكاني كا الله أعلم شكلك بقي ايه
جلال بضحك.بت عيب ده جوزك
عمر.شايف يا عمي بقي أنا عايز حقي
جاسر.من مين يا صهري الغالى
نادين.اهو جالى اللى هيجبلى حقي جسوره أختك اتهانت وعايزه حقي
جاسر.بس يا بابا شوفي راحه فين
عمر.ماحدش طايقك نلم كرامتنا ونروح بقي
نادين.بقي كده وأنا اقول خال ولادي حبيبي اللى هيقف معايا
جاسر.مكبره الموضوع أوي ما انتي فعلا مش بطيخه ده انتي كرنبه يومين بالظبط ومش هنلاحق أكل عليكوا
داليدا.قصدك على مين بقي
جاسر.بيبي أنا قصدي عليهم كلهم إلا انتي بذمتك في واحده حامل قمر كده
داليدا.اه بحسب
جلال عامله ايه يا بنتي
داليدا.الحمد لله يا عمي كويسه
جلال.بقالك كام يوم وتفرحينا
داليدا.على اخر الشهر إن شاء الله كده ادعولى أنا أول واحده هخوض الاختبار
نادين.انتم السابقون ونحن اللاحقون
عمر.واحلى لاحقه في الدنيا يلا بقي
نادين.كمان مش عارف تتغزل ماشي هروح بس انهارده تكرما علشان عمي إنما علشانك انت هروح بردوا علشان ابويا العيال
زينب.اخيرا ده أنا خللت ربنا يهديكي يا بنتي
رقيه.لا يعني لا أنا عايزه مانجا وتكون طازه يا معتز
معتز.يا بنتي الله يهديكي شهور الوحم راحت ده نسميه طفس بقي
رقيه.يا بخيل أنا قلت لاهلى مش عايزاه ما وافقوش
معتز.حوش حوش ده انتي كنتي هتموتي عليا ده انتي ماصدقتي إني طلبتك بس
رقيه.بقي كده طب طلقني سامع طلقني
معتز.يا ربي مش هنخلص حبيبتي عايزاها خضرا ولا حمرا
نور.مهران أنا عايزه اروح ازور بابا وحشني أوي
مهران.بعد الولاده إن شاء الله هنروح
نور.لا أصل بصراحه عايزه اولد عنده
مهران.ليه بقي ده مافيش أنسب من هنا انتي ناسيه إنه هيكون مستشفى ال منشاوي للولاده ولا ايه هيبقي رعايه كامله
نور بضحك.خلاص تتصل بيه يجي هو هنا أنا نفسي اشوفه أوي
مهران.من عنيا يومين بالكتير ويكون مشرف يا فندم أي خدمه تاني يا جميل
نور.ميرسي يا حبيبي
ادم.ديجه ها نويتي هتسمي النونو ايه
خديجه.ايوه بس نخليها مفاجاه هشوف هيعجبك ذوقي ولا لا
أدم.طبعا مش اختارتيني اكيد هيعجبني
خديجه.لا واثق أوي
رغد.اسر عايزه اروح مركز تأهيل علشان أعرف اتعامل مع البيبي
اسر .مركز تأهيل وامي موجوده ده الحاجه ناديه عليها شويه تأهيلات تخلى العيل يطلع بيتكلم من اول حصه لا والمفأجاه هيطلع بيمشي كمان ده عرض مجاني
رغد بضحك.ههه مش قادره هموت
اسر.بعد الشر عليكي يا رغودي
في الصباح
داليدا.بت يا نور ايه رايك نركب المرجيحه اللى بره
نور.الله فكره بس هل المرجيحه هتستحملنا
داليدا.ماتخافيش بس أنا معاكي
نور.ما انتي علشان على وش ولاده إنما أنا في السابع لسه
داليدا.انا غلطانه طب تعرفي اثبتت الدراسات إن المفروض الامهات تلعب مع ولادها وهي حوامل ليه بقي علشان الطفل اللى بيتمرجح بيشخلع
نور.هههه ودي دراسه الترعه بره صح ده انتي بتفتي في أي حاجه نفسي مره تقولى معرفش
داليدا.حرام واحده في تعليمي وما تنشرش تعليمها أنا موسوعه متحركه على الأرض
نور.واضح اوي بس تصدقي اقنعتيني يلا نطلع نركب
في الجنينه
نور.انا هركب وانتي تزقيني ماشي
داليدا.ماشي كل واحده خمس مرات
نادين من بعيد
خونه هتعملوها من غيري
داليدا.ما أنا ماعرفش إنك جايه مش كنتي هنا امبارح ها اتخانقتوا تاني
نادين.لا هربت هبت في دماغي روحت عملتها
نور.ايه يا بنتي شغل العصابات ده انتي دلوقتى بقيتي مدام مش طفله وكمان حامل ممكن في ثانيه نلاقيكي بتولدي
نادين.بصي يا حلوه انتي وهي انتوا مرتات اخواتي الاتنين يعني أنا عمتكوا وكمان لاحظوا إن كلامكوا جارح
داليدا.وانا مالى يا لمبي مش هي اللى بتتكلم ويلا بقي الشمس كلت مخي
نادين.حسابنا بعدين يا نور ها ماشي يلا أنا هركب وانتوا تزوقوني
داليدا.استني لما انده على الباقي تلاقيهم قاعدين زهقانين
نور.يلا اهو نتسلى
بعد قليل تجمع الجميع
خديجه.بصوا نعمل كذا مسابقه واللى يكسب تعزموه على حسابكوا لمده اسبوع
الجميع.اشطا متفقين
داليدا.اول حاجه اللى نجري لحد الشجره دي
بدأ الجري وأثناء الجري خبطت نادين في نور
نور.اه نادين أنا متعفرته منك طوا الحمل وشكل كده انتي العمه الحربايه والبت هتيجي كلها شكلك
نادين.وانا مالى يا حبيبتي ده أنا قمر
نور.بالستر يا عمري
نادين.لا طب تعاليلى
ومسك الجميع في خناق بعض
زينب.استر يارب ايه الصوت اللى بره ده
مهران.مش عارف يا ماما تعالوا لما نشوف
خرجوا ليتفأجوا بخناقه بينهم
معتز.الله أول مره أشوف مسابقه ثيران ايه
ادم.قصدك مسابقه أكبر بطن في التاريخ
مهران.لا أنا مراتي بتخسر وكده ظلم نور
ذهبوا إليهم وكان الجميع ملقي على الأرض
جاسر.وياتري نقومكوا إزاي عايزين عربيه او ونش يشيل الأحجام دي
داليدا.اه جاسر الحقني بولد مش قادره
نور.اه مش قادره
مهران.والله انتي لسه بدري عليكي ولا بتتوحمي في دي كمان
ثم صرخ الجميع
البنات.اه بنولد
اسر.بس منكوا لله هيقولوا مين اللى ميت
جاسر.كل واحد يشيل الجثه بتاعته وانتي يا نادين خليكي هنا عقبال ما جوزك يجي
نادين.ايه دي الشهامه يا كبير أنت فين يا عمر
عمر.انا هنا يا حبيبتي شايفه حاسس بيكي ازاي علشان تهربي اوي
ثم حمل كل واحد زوجته على السياره وذهب للمستشفي
الدكتور.اهدوا يا جماعه الوضع في المستشفى مش مستحمل أهدأ يا أستاذ مراد
جاسر.بس مافيش حد فينا اسمه مراد
الدكتور.عارف أنا مراد
مهران.الله أكبر لا مطمنين يا دكتور ادخل وخلص واحنا مستنين
بعد قليل
الدكتور.مبروك مدام داليدا جابت تؤام زي القمر بنت وولد
جاسر.اللهم لك الحمدلله يارب
الجميع.يتربوا في عزك يا حبيبي
بعد دقائق
دكتور.مدام نادين دي صعبه جدا امسك يا سيدي اهي جابت ولد زيها قصدي زي بابه مبروك
عمر.الله يبارك فيك الحمد لله
دكتور.مهران بيه البنوته القمر دي ليك شبه مامتها بالظبط
مهران.نعم دكتور هادي ايه اللى بتقوله ده احترم نفسك
دكتور.بهزر يا جدع ايه ماهزرش
بعد قليل
دكتور بتعب
امسك يا استاذ معتز ولدين جمال ماشاء الله اراهن ان انتوا ماشين بنمط حلو تؤام بعدين ولد بعدين بنت فيا استاذ اسر المدام متأكد أنها هتجيب ولد
دكتور.اهو شفت زي ما قلت ولد جان زي ابوه وهنا أحب اقول خلاص قفلنا مش قادر اولد تاني مشاعري يا جماعه
ادم.نعم انت جاي عليا وتعبت تدخل جوه ما تطلعش إلا بالمولود
الدكتور.ياربي ماشي علشان خاطرك بس يا ادومي
جاسر.ايه الدكتور الطفل ده
دكتور.امسك اهي بنوته قمر يبقي كده معانا اربع بنات وخمس ولاد مبروك يا جماعه يلا باي
كان الجميع في غرفه واحده كبيره
داليدا.ولادي عاملين ايه
جاسر.كويسين يا حبيبتي هتسمي ايه
داليدا.هسمي فريده على اسم ماما وسليم
نور.وانا هسميها فيروز
نادين.وانا هسمي زين واجوزه لبنت نور علشان حبيبتي يعني
خديجه.وانا هسمي لين
رقيه.وانا هسمي عدي وادهم
رغد.واناهسمي مروان
الرجال.اهو سيبنا ليكوا تسموا علشان انتوا اللى تعبتوا بس في الحمل
البنات.المره الجايه اختاروا انتوا
بعد أسبوع
كان الدوار مزين بالزينه وبه اشهي الاكلات والجميع يحتفل بهذا اليوم السعيد
زهره.جاسر أنا أسفه على اللى عملته واتمنى تسامحوني بجد ويعتذر كل قلبي ومبروك ليكوا
داليدا . وأنا مسمحاكي علشان عارفين إنك كويسه ويلا احنا عيله واحده
حازم وصابرين امه
مبروك يا ولاد
داليدا.طنط وحشتيني جدا وانت يا حازم والبقاء لله
حازم.داليدا بعتذر كل حاجه صدرت مني واتمنى نكون ولاد عم بجد وكمان باركيلى هتجوز زهره
جاسر.مبروك ربنا يتمم على خير
عز.مبروك يا حبايبي يتربوا في عزكوا
نور.بابا الله يبارك فيك
وكان الجميع فرحان ويتراقصون على الاغاني وكان يوم ملئ بالفرح
وظهرت جمله على شاشه كبيره في الحفل
“احببتك من صميم القلب وبوجودك بجواري ايقنت أنني املك العالم كله”
كانت تلك الجمله من الازواج لزوجاتهم
وفي النهايه
أحب أقول إن العيله هي الجزء الوحيد اللى هتحس بيه بالامن والسعادة حب العيله واتقرب منها وخلى كل اوقاتك فرح وسعاده وخلى عندك يقين بربنا إنه عمره ما هيعلقك بحاجه مش من نصيبك تمني الخير للغير وهتلاقي خير
تمت
لقراءة الرواية كاملة اضغط على : (رواية دوار العمدة)
