رواية أحببت مجنونة (عشقت سمراء 2) الفصل السادس 6 بقلم سجدة محمد
رواية أحببت مجنونة (عشقت سمراء 2) الجزء السادس
رواية أحببت مجنونة (عشقت سمراء 2) البارت السادس
رواية أحببت مجنونة (عشقت سمراء 2) الحلقة السادسة
سينان ” انا عاوز اتكلم معاها
فريده ” و انا مش عاوزه اتكلم معاك
و تركتهم فريده و ذهبت
كيان ” انت اي اللي رجعك تاني هااا
تركهم سينان و ذهب اللي داخل الفندق
و اتجه سليم ورأء فريده
كيان ” فريده هتدمر
ادهم ” ما اظنش
عند فريده
سليم و هو يحاول أن يلحق بها
سليم” فريده استني
فريده ” سليم لو سمحت عاوزه بقي لواحدي
سليم ” انتي هتروحي فين طيب انتي متعرفيش حاجه هنا خالص
وقفت فريده و هي تقول ” عاوز اي ي سليم
سليم ” انتي كويسه
فريده و هي تحاول ان تتظاهر ب القوه ” اه كويسه بس ممكن تسبني لواحدي
سليم ” لا مش هينفع اسيبك لواحدك
فريده بعصبيه” قولتلك عاوزه ابقي لواحدي الله
سليم ” مش هسيبك لواحدك اعتبريني مش موجود
نظرة له فريده ثم ظلت تامشي و هي لا تعرف الي اين ذاهبه
و كان سليم يمشي بجنبها
بعد وقت ليس بقليل
فريده ” هوف ي سليم هو انت هتفضل ماشي ورايا كدا كتير
سليم ” اه لغايه ما تبقي كويسه
فريده ” انا كويسه
سليم ” قولتلك قبل كدا عيونك هي اللي بتتكلم
فريده ” طيب يلا نرجع الفندق عشان انا عاوزه انام
سليم ” مش هتقولي مالك طيب
فريده و هي تتجه أمامه ” عاوزه انام ي سليم يلا
اتجهوا الي الفندق
فريده و هي تتجه اللي غرفتها
سليم ” تصبحي علي حاجة حلوة شبه عيونك
ابتسم له فريده بحزن ثم دلفت اللي غرفتها
ما انت دلفت هرولت كيان اللي فريده و احتضنتها
كيان ” ديدا انتي كويسه
فريده و هي تقبل رأسها ” اه ي كوكي عاوزه انام بس
ابتعدت عنها كيان و جات كي تتحدث
اسكتتها فريده و هي تقول ” مش وقته ي كيان تعبانه عاوزه انام
قلعت فريده حذائه و اتجهت اللي السرير و ظلت كما هي لما تبدل ملابسها
عند اميليا و سينان و ايلام كانوا يجلسون جميعا
ايلام ” عملت اي لما شافتك
سينان ” ولا اي حاجه مشيت حتي عنيها مدمعتش مشوفتش في عيناها الحب اللي كنت بشوفه دايما
اميليا ” يعني اي هي كدا مش هترجعلك
سينان ” لا طبعا هترجعلي انا مش هسيبها هفضل وراها لغايه ما إصالحها
ايلام ” فريده بتحبك اكيد هتسامحك بسرعه
سينان ” لا مفتكرش هي اتغيرت اوي اوي
اميليا ” انا ماليش دعوه ب كل دا انا اهم حاجه عندي سليم يكون ليا وبس
سينان ” هي مبتحبش غيري و مش هتحب اطمني
اميليا” لما نشوف
صباح في الصعيد كان يجلس مراد في الجنينه و هو يعبث في هاتفه
اتجهت له ساجي
ساجي” صباح الخير
مراد ” صباح النور
ساجي” بتعمل اي
مراد” بتصل ب فريده مش بترد انا مش عارف هما قعدو كل دا هناك ليه هما مش قالوا يومين بس
ساجي” مالك و مالهم ي مراد ما تسبهم
مراد بعصبية ” هو اي اللي اسبهم در الحريه الذياده اللي انتي مدياهلهم دي متنفعش خالص
ساجي ” اهدي ي مراد مالك هو انت شوفت من بناتي حاجه مش كويسه عشان تقول كدا
مراد ” بنتنا بنتنا مش بناتك هاا و بعدين انا عارف انك مربيهم كويس اوي لكن بردك مدياهم حريه ذياده عن اللازوم انتي مربيهم تربيه أجانب
ساجي” ايوا انت بتتعصب عليا انا ليه دلوقتي عشان ابقي فاهمه
مراد ” بنتك مش بترد ليه فريده عمري ما اتصلت بيها و مردتش
ساجي” دلوقتي بنتي مش من شويه كانت بنتنا عادي ممكن تكون نايمه او عامله الفون صايلنت فريده علي طول اصلا عمله صايلنت
مراد ” انا هنزلهم القاهره
ساجي ” براحتك
ذهبت ساجي اللي غرفتها و أمسكت هاتفها
ساجي” الو ي كوكي عاملين اي
كيان” تمام ي مامي
ساجي ” امال فريده فين بابي بيكلمها مش بترد
كيان” فريده نايمه
ساجي” نايمه لغايه دلوقتي غريبه يعني الساعه 1
كيان” سينان رجع ي مامي
ساجي” أي رجع امتي دا
كيان ” امبارح
ساجي” طيب عمل حاجه ل فريده هي كويسه
كيان” لا معملهاش حاجه حاول انه يتكلم معاها و هي رفضت لكن فريده انا مش عارفه اذا كانت كويسه ول لا هي من امبارح نايمه
ساجي ” طيب ي كوكي خلي بالك منها و من نفسك و انا هاجي انا و بابي انهارده تمام
كيان” اوكي
ساجي” سلام
كيان” باي
اتجهت ساجي اللي مراد كان في غرفته يجهز حقيبته
ساجي و هي تقف علي الباب
ساجي” مراد انا هاجي معاك
مراد” اشمعنا
ساجي” عادي
مراد” تمام جهزي نفسك في طياره طالعه بعد 3 ساعات
ساجي ” اوكي
و اتجهت إلي غرفتها
في القاهره نزلت كيان بعد ما اطمأنت علي فريده انها نائمه
كان يجلس ادهم و سليم
اتجهت لهم كيان
ادهم ” امال فين فريده
كيان ” نايمه و مامي و بابي جاين
سليم ” جاين ليه و بعدين هي فريده مالها و مين الزفت اللي كان بيجري ورأها دا
كيان ” بص ابقي خلي فريده تحكيلك احسن
بعد قليل اتجه لهم سينان و ايلام
سينان” كيان ورد فين
كيان” مالكش دعوه
ادهم” سينان انت ترجع مكان ما جيت احسن
سينان” انا مش هرجع غير و ورد معايا
ادهم ” انت عارف كويس اوي ان دا مش هيحصل
سينان ” لا هيحصل و هخدها
سليم” في أحلامك الكلام دا
سينان” اظن ان انت سليم
سليم ببرود ” اممم انا
سينان” طيب متحلمش ب ورد بقي عشان هي بتاعتي انا حذرتك
اتجه له سليم كي يلمكه لكن اوقفه ادهم ” مش عاوزين مشاكل مش وقته
سينان و هو يذهب ” انا حذرتك ورد بتاعتي وبس
و ذهب من امامه
سليم ” شكل نهيتك علي ايدي
بعد عدت ساعات وصل مراد و معه ساجي اللي الفندق مازال يجلسون في الريسبشن الخاص ب الفندق معادا فريده فهي مازالت نائمه
اتجه لهم مراد و ساجي
هرولت كيان الي حضن مراد
كيان” بابي اي اللي في دراعك دي
مراد” مفيش حاجه ي روحي دي حاجه بسيطه
كيان بقلق” انت كويس بجد
مراد وضع قبله علي رأسها ” اه ي حببتي تمام
جلسوا ماعهم
مراد” امال فين فريده
جائت فريده من ورأه و هي تقول ” انا هنا
ساجي” انتي كل دا نايمه
جلست فريده جنب مراد ” اه نمت كتير اوي
ساجي” انتي كويسه
فريده” اهاا تمام
مراد ” مش بتردي علي تلفونك ليه
فريده ” كنت نايمه اي دا ي بابي اللي في دراعك دا
مراد ” مفيش حاجه ي ديدا انا تمام
فريده ” بجد
مراد ” اه ي روحي متقلقيش
ساجي” انتي خلصتي شغلك اللي هنا
فريده ” اه و هسافر باريس الاسبوع دا هروح الاول تركيا و بعدين اطلع علي باريس
مراد ” ثواني بس باريس اي دي اللي رايحها انتي الشغل اللي جايه عشانه في باريس مش هنا
فريده ” اه الشغل اللي اتفقت عليه في باريس مش هنا
مراد” ايوا و انتي مين سمحلك تسافري اصلا
فريده ” يعني اي
مراد” يعني مفيش سافر تاني اصلا لا تركيا و لا باريس ولا اي مكان تاني
فريده ” ايوا بس انا مستقبلي و شغلي و كل حاجه هناك
مراد بعصبية ” قولت مفيش سافر تاني
فريده ” بس احنا متفقناش علي كدا ي بابي
ساجي ” ممكن تهدأ ي مراد و نبقي نتكلم في الموضوع دا بعدين
فريده ” بعدين اي انا المفروض اسافر خلال الأسبوع دا
ساجي” قولت بعدين ي فريده
مراد ” انا هطلع اخد شاور و اغير هدومي
و اتجه مراد اللي الغرفه التي قام بحجزها
فريده ” مامي انتي عارفه ان انا لازم اسافر و دي فرصه عمري
ساجي ” متعانديش مع بابكي ي فريده و انا هكلمه بهدوء لكن طول ما هو متعصب عمره ما هيرضي
اتجه لهم سينان
سينان و هو يمد يده الي ساجي ” ازيك ي ساجي هانم
ساجي ” اهلا ي سينان
سينان ” تسمحيلي اتكلم مع ورد
ساجي ” والله لو هي رضيت معاك دقيقه واحده بس
فريده ” عاوز اي
سينان” دقيقه واحده
اتجهت معه فريده بعيد قليلا كانت تقف و ورأها لوح زجاج
فريده” خير
سينان ” وحشتيني ي ورد
فريده ” غيره هاا عاوز اي عشان نخلص
سينان ” عاوزك انا عاوزك انتي عارفه اني بحبك
فريده بعصبيه ” حب اي هاااا قولي حب اي دا اللي انت بتتكلم عنه انا مشوفتش منك حب شويه الحب اللي انت ادتهولي واجعتني قده مليون مره ابعد عني بقي ي اخي انت عارف انا عشت اي جاي بعد سنتين تقولي انا بحبك ووحشتيني انا مش عاوزه اشوفك تاني ابدا انت فاهم
سينان ” انت عارفه اني مش هسيبك و هصلح كل حاجه اللي فات كله هيتصلح والله اديني فرصه واحده
فريده ” هو انت مش بتحس بقولك مش عاوزه ي اخي كفايه اللي عملته فيا بقي
ثم هبدت يدها في لوح الزجاج الذي خلفها
و نطورت الدماء من يدها
سينان و هو يمسك يدها يحاول إيقاف الدماء” ي متخلفه اي اللي انتي عملتيه دا
هرول الجميع لها فهم كانوا يروها من علي مسافه قليله
ابعد سليم سينان عنها و امسك يدها
سليم ” اي اللي انتي عملتيه دا
تقف فريده في عالم آخر
نزل مراد و اتجه لهم
مراد ” في اي مالها
ادهم ” انتوا لسه هتتكلموا
حملها مراد و اتجه بها اللي الخارج و أخذوا سياره أجره(تاكسي ) و اتجه اللي اقرب مستشفي
و اتجه ورأهم سينان
بعد قليل وصلوا المستشفي دلفت فريده اللي غرفه العمليات
في الخارج كان سينان يقف بعيد قليلا عنهم
مراد” هو اي اللي حصل
سليم و هو ينظر الي سينان ” بسببه
ثم اتجه و اعطي له لكمه اطحت به أرض
نزل سليم لمستواه و اعطي له عددت لكمات متتالية
امسك ادهم من ظهره و ابعده عنه
ادهم ” سليم احنا في مستشفي
ساجي ” سينان لو سمحت اطلع بره
سينان ” انا عاوز اطمن عليها مش هامشي قبل ما اطمن عليها
ساجي بعصبيه ” خلاص اطلع استني برا بقي
اتجه سينان اللي الخارج
مراد ” هو مين دا
ساجي ” حكيلك كل حاجه بس بعد ما اطمن علي فريده
اومئ مراد برأسه و سكت رفقا ب حالتها
ساجي بتعب ” مراد علي دراعك بينزف اظن الجرح اتفك انزل تحت في الإستقبال خلي حد يعملهولك
مراد” مش مهم دلوقتي
ساجي ” هو اي اللي مش مهم بقولك بينزف
ساجي ” سليم ي سليم
اتجه لها سليم
ساجي” اهو ي مراد خد سليم معاك يلا بقي
مراد” لا بعدين مش وقته
سليم” ي خالي مينفعش دراعك بينزف خلي اي دكتور يشفهولك
اتجه سليم مع مراد اللي الاستقبال
كانت كيان جالسه و هي تبكي
اتجه لها ادهم ” بتعيطي ليه ي كوكي بس
كيان ” خايفه اوي علي فريده انا ماليش غيرها ي ادهم
ادهم و هو يطمنها” متخفيش ي كوكي دا جرح بسيط اللي في ايدها و بعدين فريده قويه
كيان بعيط ” يعني هتبقي كويسه
ادهم” إنشاء الله امسحي انتي دموعك بس و اهدي كدا و هي هتقوم ب السلامه ادعيلها انتي بس
مسحت كيان دموعها و جلست تدعي الله ل اختها
بعد قليل طلعت الطيبيه من غرفه العمليات
اتجه لها جميعا
مراد ” طمنينا
الدكتوره ” هي كويسه متقلقوش ايدها اتجرحت كذا جرح بس الحمد لله مفيش عرق او واريد اتقطع هي نزفت كتير بس هي كويسه و ساعتين و هتفوق من البينج
ساجي ” ميرسي اوي ل حضرتك
الدكتوره ” دا واجبي
ثم انصرفت من امامهم
بعد مرور ساعتين دلفوا الجميع كانوا الجميع في غرفه فريده ينتظرون ان تفيق من المخدر بعد ما نقولها اللي غرفه عاديه
فاقت فريده
كيان ” مامي فريده فاقت
اقتربت منها ساجي ” حمد الله على السلامة
فريده بتعب بعض الشئ ” الله يسلمك
مراد ” حمد الله على السلامة
فريده” الله يسلمك ي بابي
مراد بعد أن اطمأن علي فريده ” ساجي تعالي عاوزه
اتجهت معه ساجي اللي برا
كان ادهم يقف في الخارج و يتحدث في الهاتف
فريده ” كيان
كيان ” اي ي روحي
فريده ” نادي علي اي ممرضه تشيل المحلول دا
كيان” حاضر و اتجهت اللي الخارج
كان ينظر لها سليم بغضب
فريده ” انت بتبصلي كدا ليه
سليم ” مافيش
فريده ” مدام مفيش بتبصلي كدا ليه
سليم ” هو انتي ليه انانيه كدا
فريده ” انا انانيه
سليم بعصبيه ” اه متفكريش غير في نفسك وبس عاوزه تسافري عشان شغلك و مستقبلك لكن الناس اللي بيحبوكي مش مهم هبتي ايدك في الازاز عشان ترتاحي او تطلعي الغضب اللي جواكي و بردك مفكرتيش في الناس اللي هتقلق عليكي و لا فكرتي لو حصلك حاجه كانوا هيبقوا عاملين ازاي صح
نظرة له فريده بصدمه ” بس انا مش بفكر كدا
سليم ” امال بتفكري ازاي هاا مين دا اصلا اللي انتي تضيعي نفسك عشانه من يستاهل تتوجعي الوجع اللي انتي فيه دا عشانه هااا
فريده ” هو انت اصلا بتحاسبني ليه ها انت مالك انا اموت ول اغور في ستين داهيه هتفرق معاك في اي
سليم بعصبيه ” عشان بحبك ما تفهمي بقي
نظرت له بصدمه
أثناء حديثهم دلفت الممرضه و معاها كيان
خرج سليم الي الخارج و هبد الباب خلفه بعصبيه
كيان” ماله دا
فريده ” لو سمحتي شيلي المحلول دا
الممرضه ” بس هو لسه مخلص
فريده ” شيلي انا عايزه اخرج
الممرضه ” مينفعش قبل ما تخلصي المحلول و فندم هتتعبي
نزعت فريده المحلول من يدها
كيان ” ي فريده اي اللي انتي بتعمليه دا
فريده و هي تقوم من علي السرير” هتيلي هدومي ي كيان
كيان ” فريده اسمعي الكلام مينفعش تطلعي
فريده بحزم ” اخلصي ي كيان
جلبت لها كيان الهدوم و اخذتهم فريده و اتجهت إلي الحمام ألموجود ب الغرفه
الممرضه ” اللي هي بتعملوا دا مينفعش
كيان ” ميرسي ليكي بس هي مدام صممت يبقي مش هتقعد
خرجت الممرضه و تركتهم
عند مراد اتجه مراد اللي الكافتريا الموجوده فى المستشفي
مراد ” هاا بقي ممكن تحكي
ساجي ” ي مراد لما نروح اكيد مش هنتكلم هنا
مراد ” لا هنتكلم هنا اخلصي بقي
جات كيان و هي تقول ” بابي الحق فريده مصممه انها تمشي
مراد ” تمشي تروح فين
كيان ” مش عاوزه تقعد في المستشفي عاوزه تروح
اتجهوا اللي غرفه فريده
مراد ” اي اللي انتي بتعملي دا ي فريده
فريده ” عاوزه اروح ي مراد بعد اذنك
مراد ” الدكتوره قالت تخرجي بكرا اصبري لغايه بكرا
فريده ” لا انا مش بحب المستشفيات انا عاوزه اروح دلوقتي
مراد ” يلا ي فريده تعالي هروحك
ساجي ” تروحها فين انت مش شايف دي تعبانه ازاي
فريده ” مامي متحوليش انا هخرج يعني هخرج
مراد ” خلاص ي ساجي هنروح و تاخد علاجها في البيت
اتجهوا اللي خارج المستشفي
مراد” أنا طلبت عربيه من الشركه و هنطلع علي البيت مش الفندق
كيان ” طيب حاجتنا اللي في الفندق
مراد ” خليت السواق يجيبها
ركبوا العربيه و انطلقوا اللي بيت مراد القديم
دلفوا جميعا اللي الشقه
جلسوا في الصالون
سليم ” انا راجع البلد انهارده
ساجي” ليه ي سليم
سليم ” انا كنت قاعد عشان اخالي بالي منيهم بس انتوا خلاص جيتوا هرجع انا بقي اشوف اللي واريا هناك
ساجي” خلاص امشي الصبح متسافرش بليل
سليم ” ي ساجي
ساجي” بلا ساجي بلا بتاع امشي الصبح مفيش سافر بليل
قامت فريده و هي تقول” هنام فين عشان انا تعبانه
مراد ” أوضتك فوق علي اليمين و خلي بالك الصبح لينا كلام مع بعض
فريده ” انشاء الله
ادهم ” طيب نرجع احنا الفندق
مراد ” لا هتباتوا هنا البيت كبير بس انتو هتناموا في الاوض اللي تحت
اتجه كل منهم اللي غرفه حيث وصفلهم مراد المكان
كيان ” و انا كمان هطلع انام
مراد” أوضتك اللي جنب فريده علي طول
كيان ” اوكي
و اتجهت كيان اللي غرفتها
مراد ” عارف انك تعبانه خلينا نتكلم الصبح
ساجي” يا ريت والله انا هطلع انام مع كيان تصبح على خير
مراد ” ممكن تنامي في جناحك و انا هنام في اي اوضه عادي
ساجي” لا انا حابه انام مع كيان
مراد ” علي راحتك تصبحي على خير
ساجي ” و انت من اهله
و اتجهت ساجي الي غرفه كيان
سينان و هو يجلس علي النيل
رن هاتفه
ايلام” فريده عامله اي
سينان ” كويسه ي ايلام الحمد لله كاد سليمه و روحت بيتهم
ايلام” هما مرجعوش الفندق
سينان ” لا
ايلام ” تمام انت فين
سينان ” شويه و هاجي سلام
ايلام ” سلام
صباح يوم جديد قامت فريده مبكرا
و نزلت اللي تحت و أحضرت كوب قهوه
و وقفت في البلكونة التي تطل علي النيل
بعد قليل استيقظ جميع البيت معادا كيان و ادهم
كانت تجلس ساجي في الصالون و معاها سليم
نزل مراد
مراد ” صباح الخير
ساجي و سليم ” صباح النور
مراد ” فريده فين
سليم ” في البلكونة
مراد ” معلش ي سليم اندهلها
اتجه سليم له و اتجهت معه و جلست معهم
مراد” نتكلم بقي
فريده ” في اي بالظبط
مراد ” في كل حاجه في اللي حصل امبارح و مين الاستاذ اللي جاي معانا المستشفي و لي عملتي كدا في ايدك
سليم” اسيبكم انا بقي
ساجي ” اقعد ي سليم انت مش غريب
سليم ” لا مش عاوز ازعجكم
و اتجه الي البلكونه
مراد ” مين هيتكلم
فريده ” نبدا من الاول من الاخر كدا سينان دا كان حبيبي
مراد بعصبية ” نعم يختي
نظرة له ساجي بمعني ان يهداء
مراد بعصبية مكتومه ” كملي ي فريده انا سمعك
فريده ” انا اتعرفت علي سينان و انا عندي 15 سنه و بعدين حبيته و سبنا بعض بعد سنه و هو جاي دلوقتي عشان عاوزنا نرجع
مراد في نفسه ” دا ليله امه سوده
فريده ” اللي عملته في ايدي دا من العصبيه مش اكتر مكنش قصدي انتحر يعني او اي حاجه بس كدا
مراد” ايوا سيبتوا بعض ليه و بعدين ساجي كانت عارفه
فريده ” تؤتؤ مامي عرفت في الاخر و سيبنا بعض ليه دي ممكن بعد اذن حضرتك يعني اخليها ل نفسي
مراد” و اللي انتي عملتيه دا صح
فريده” لا
مراد” انتي عارفه انا المفروض ك راجل شرقي و بنتي جات قالتلي اللي انتي بتقوليه دا امسكك اضربك علقه و احبسك مخرجكيش نهائي بس دا غلطي انا لأن انا اللي سيبتكم تسافروا و تتربوا تربيه الاجانب
فريده ” انا اسفه ي بابي
مراد” اتفضلي علي أوضتك و سبيني مع ساجي شويه
اتجه فريده اللي اعلي
مراد” مش عارف الومك ولا ألوم نفسي انتي ازاي متقوليليش حاجه زي كدا من اول ما عرفتي وبعدين دي التربيه اللي انتي بتتكلمي عليها
ساجي” انا في الاول مكنتش اعرف
مراد ” وزر أقبح من ذنب دا انيل لما تكوني متعرفيش بتك بتعمل اي ي هانم و عامله تقولي انا مربيه بناتي و بناتي دي التربيه
ساجي بعصبيه ” لا بقولك اي انا مربيهم مش عشان واحده غلطت انا المفروض اقتلها و بعدين انت كنت فين و انا برابيهم اصلا دي شكرا اللي المفروض تقولهالي اني كبرت بنتين لوحدي و ربتهم احسن تربيه حتي لو التربيه دي مش عجباك انا هريحك خالص و هاخد بناتي و ارجع
مراد ” لا دا كان زمان مفيش رجوع انتي عاوزه ترجعي ارجعي لوحدك انا بناتي مش هسيبهم تاني
ساجي ” انا قولت هاخد بناتي و اسافر يعني هاخدهم و اسافر
مراد ” واريني هتعمليها ازاي اصلا قانونا البنات المفروض يكونو معايا
ساجي ” لا قانونا البنات هتختار تقعد مع مين فينا ي حضرت الظابط
مراد ” انا بناتي مش هيتحركوا من هنا عاوزه تسافري سافري
نظرة له و جات كي تذهب الي اعلي اوقفتها قبضت مراد علي يدها
مراد” خلينا نتفاهم عشان خاطر البنات مش عاند و السلام هو
ساجي ” مراد افهم تربيه البنات مش سهله و بعدين لا فريده ولا كيان ينفع يقعدوا هنا هما مستقبلهم هناك
مراد ” انا مش هسيب بناتي تاني ي ساجي لازم يقعدوا هنا و ياخدوا علي عادات وتقاليد هنا
ساجي” مينفعش ي مراد هما اتعودوا علي هناك مينفعش تيجي في يوم و ليله و تخليهم يتعودوا علي عادات وتقاليد تانيه خالص و بعدين فريده عناديه و مش هترضي تقعد هنا
مراد ” مع الوقت هيتعودوا علي هنا زي اتعودوا علي هناك و فريده هقنعاها ولو مش هتقعد بمازجها يبقي غصب عنها و مش ناقصه هي دلع بنات
ساجي ” فريده مش بتيجي غصب نهائي هي عناديه اكتر مني بكتير لازم تصحبها متخربش علاقتك بيها
مراد ” يعني اعمل اي انا
ساجي” صاحبها
مراد ” ماشي ي ساجي لما نشوف اخرتها
ساجي ” عن إذنك
مراد ” استني
ساجي ” نعم
مراد ” متزعليش مني انا مش قصدي اللي قولتله والله انتي ربتيهم احسن تربيه انا اللي قصرت حقك عليا
ساجي ” ماشي ي مراد هطلع اشوف البنات و نقضي يوم حلو كلنا مع بعض بعيد عن التوتر دا و متخليش سليم يسافر اوكي
مراد ” تمام
اتجهت ساجي اللي اعلي
ساجي ” فريده
فريده ” نعم ي ساجي
ساجي ” انزلي اتأسفي ل مراد
فريده ” ما انا اتأسفت
ساجي ” اتأسفي تاني و صالحيه يلا
فريده ” حاضر ي مامي
نزلت فريده اللي مراد و اتجهت ساجي كي تشوف كيان
فريده ” مراد
مراد ” تعالي ي فريده
فريده بأتسمه ” انا اسفه علي اي حاجه عملتها ممكن متزعلش مني
مراد ” ماشي بس مش هتعملي كدا تاني و مش هتخبي عليا اي حاجه تمام
فريده” تمام يعني خلاص كدا صافي ي لبن
مراد ” اه ايدك عامله ايه
فريده ” لسه واخده مسكن بقيت احسن يعني
مراد بحنيه ” طيب الحمد لله اي رأيك نجهز الفطار مع بعض
فريده بحماس” يلا
و اتجهوا الي المطبخ
بعد قليل انتهوا من تحضير الفطار نزلت ساجي و كيان بعد ما ساجي صحيتها من النوم
كانت فريده تضع الطعام علي الطاوله الخاصه ب الطعام(السفره) بيدها السليمه
كيان وهي تنزل من علي السلم ” بتعملي اي ي ديدا
فريده بأبتسامه ” انا و مراد حضرنا الفطار تعالوا يلا
كيان” من غيري اي الخيانه دي
مراد و هو يطلع من المطبخ و يمسك في يدها أطباق الطعام ” المره الجايه ي كوكي روحي نادي بقي علي سليم و ادهم كانوا في البلكونه
كيان ” حاضر
ساجي” علي فكره بقي ي مراد فريده فشله في المطبخ
مراد بضحك ” انتي هتقوليلي انا شوفت بنفسي
فريده” اتريقوا اتريقوا
جلسوا جميعا علي الطاوله يتناولون الطعام في جو مرح
بعد ما انتهوا من الطعام قاموا جميعا و اتجهوا كي يجلسون في الصالون معادا سليم كان في البلكونه
قام مراد ” انا هروح الشركه ورايا شغل هخلصه و ارجع بليل نخرج كلنا تمام
كيان بحماس طفولي ” تمام
ساجي ” امال سليم فين
كيان ” في البلكونه
ساجي ” هو ماله من امبارح مش كويس
فريده ” هقوم اشوفه
و اتجهت اللي الخارج في البلكونه
– ونـورُ بسمـتِها لقلبـي مُضيئـهٌ كنـورِ البـدرِ فـي ظُلـم اللّيـالـي🌏💖💖💖💖💖💖💖💖💖💖. ”
فريده ” سليم
سليم و هو يعطيهاا ظهره ” نعم
فريده ” قاعد لوحدك ليه
سليم ” عادي قولي عاوزه اي
فريده ” مش عاوزه حاجه كنت جايه اسأل عليك بس
سليم ” ماشي
فريده ” بس احنا لازم نتكلم احسن عشان ننهي التوتر اللي بينا دا
سليم و هو ينظر لها ” اقعدي ي فريده و قوليلي اللي انتي عاوزه
فريده ” اللي انت قولتهولي امبارح
سليم ” اللي هو اي انا قولت كتير
فريده ” انك بتحبني
سليم” امممم
فريده ” بص انا مش عارفه اقولك اي بس يعني احنا الاتنين مننفعش مع بعض انا مش هقعد هنا و انت عمرك ما هتسيب اهلك و تيجي هناك و كمان انا مش هقدر اتوجع تاني يا ريت تفهمني انا منكرش اني أعجبت بيك في الفتره الاخيره بس انا بقدر اسكت قلبي و اكمل حياتي عادي و بعدين انت مش هتقدر تستحمل واحده زي
سليم ” ليه متخلفه عقليه
فريده ” لا طبعا انا قصدي انا جويا لغبطه كتير انت بتحب فريده الطفله و الطفله دي مبقتش موجوده خلاص
سليم ” انتي عاوزه اي ي فريده من الاخر
فريده ” مش عارفه انا الاول كنت عارفه انا عاوزه اي كويس اوي اول مره في حياتي مبقاش عارفه انا عاوزه اي و اكون متلغبطه كدا
سليم ” احكي ي فريده و قولولي كل اللي انتي عاوزه تقوليه انا هسمعك و نحل اللغبطه دي كلها مع بعض
فريده ” ابداء من فين مش عارفه
سليم ” من اللي انتي عاوزه تتكلمي فيه
فريده ” سينان هتكلم عنه هتسمعني
سليم بأبتسامه حزينه ” هسمعك قولي
قطع حديثهم هاتف فريده
فتحت فريده كان سينان بعت له مسدج
صباح الورد ي ورد اتمني تكوني احسن اوعدك هصلح كل حاجه ♥️🦋.
نظره الي هاتفه ثم الي سليم
فريده ” خلينا نتكلم بعدين ي سليم تعاله نقعد معاهم برا
سليم بأستغراب ” اشمعنا غيرتي رأيك فجئه ليه وبعدين مين اللي بعتلك مسدج
فريده ” واحده صحبتي بتطمن عليا
سليم بعدم تصديق ” تمام براحتك
اتجهوا اللي الخارج
إلى الشخص الذي سأقعُ بحبه مُستقبلاً.
أعدُكَ أنني سأكونُ أحنَّ وجهةٍ تَصلُ إليها ، وأنضجَ عقلٍ يسمعُ لك ، وأحنَ عناقٍ يَحتويك.
أعدُكَ بليالٍ أشاركك فيها أكوابَ الشاي وأحاديثٍ لا تنتهي.
سأكونُ طفلتكَ المُدللة وإمرأتكَ القوية ، أختكَ الصبورة وأمكَ الحنونة وأيضاً أُنثاكَ الفاتنة.
أعدُكَ بحبٍ جارف أعلمُ جيداً أنكَ تستحقه.🥑💚💚💚💚💚💚💚💚💚💚💚💚💚💚💚💚💚💚.””’.
يتبع…
لقراءة الفصل التالي : اضغط هنا
الرواية كاملة اضغط على : (رواية أحببت مجنونة (عشقت سمراء 2))
