رواية سمراء الفصل الثاني 2 بقلم أمل صالح
رواية سمراء الجزء الثاني
رواية سمراء البارت الثاني
رواية سمراء الحلقة الثانية
رجع عصام بعد ما كان خرج لبرة وقال وهو بيبتسم بسماجة – احيه يا بابا، نسيت أقولك إن اسمها سمراء.
خرج عصام وسابهم والـ.ـعـيـن جوة من الغيظ، طلع تلفونه وكلمها وهي قبل ما هو يتكلم أو حتى يقول “ألو” قالت بلهفة – قالوا اي عني يا عصام.! عجبتهم.!
ركب عربيته – اي عجبتهم دي.! مَـ إن شاء الله ما عجبتيهم يا سمراء..! أنتِ هتاخدي برأي الناس ولا اي.!
– يا عصام مِش قصدي لأ، أنت دايمًا بتحكي إن أهلك ليهم ذوق مُعين وحاجة معينة، وأنا يعني…
سكتت للحظات قبل ما تكمل بصوت واطي – سمرا يعني شوية، فاهمني.!
– سمرا.! ومالهم السُمر بقى.! دا على رأي المثل صحيح أنا أسمر وكُل البيض يحبوني يالالي.
إبتسمت على الجنب التاني بحُب وقالت وهي بتتنهد – أنت جميل أوي يا عصام.
إبتسم وهو بيركن العربية – وأنتِ أجمل ما رأت عيناي يا سام والله.
ضحكت – سام تاني.!
– تاني وتالت ولآخر العمر، يلا بقى انزلي أنا تحت.
قفل معاها وبسرعة رن على ابوه – الـ..
قطع كلامه وقال – افتح السبيكر وسمع طنط فوزية! أنا جايب سمراء وجايين حاجة تحصل كدا ولا كدا هعمل أنا حاجات كدا وكدا، اشطا.! اشطا إن شاء الله.
قفل على طول من غير ما يسمع ردهم وفوزية زعقت في الجنب التاني – دا بعينه، خليها تجيلي هنا بس ست سمراء دي وأنا اخليها تقول ياريتني ما قابلته.
‘**’ ‘**’ ‘**’ ‘**’ ‘**’ ‘**’
نزلت سمراء فتحت العربية وركبت جنبه وقالت وهي بتخلع النضارة بنفس نبرة القلق – عصام بجد قالوا اي.!
طبطب على كف إيدها – هنروح دلوقتي وهتعرفي قالوا اي.!
ساق العربية لطريق البيت من تاني وهو ميعرفش اللي مستنيه ليه وليها…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سمراء)
