رواية وعد الفهد الفصل الرابع 4 بقلم سارة محمد
رواية وعد الفهد الجزء الرابع
رواية وعد الفهد البارت الرابع
رواية وعد الفهد الحلقة الرابعة
فى مكتب فهد
فتحي :لسه يا فهد مصدق أنها ما ماتتش
فهد: ايوا يا فتحي
فتحي: ايه اللي مخليك متوكد أكده يا صاحبى
فهد :لما كنت بشتغل في القاهره عرفت أن الحادثه اللي حصلت مع عمى ومراته كانت مدبره ولما دورت عن اللي حوصل في اليوم ده عرفت أن عمى ومراته وصلوا المستشفي ميتين بس بنتهم ماكنتش معاهم المشكله ماحدش عارف هي فين ولا حد شافاها لازم ادور عليها انا متوكد انها عائشه
فتحي :طيب ليه ساكت من وقتها
فهد: ابويا كان مات يا فتحي وكان لازم ارجع البلد اتلهيت في مشاكل البلد وعزمي الزفت ده ومعرفتش انزل مصر واصل ولا هعرف انزل واسيب البلد دلوقت
ثم أكمل عشان أكده عايزك تنزل انت والأوراق دي هتساعدك واي حاجه مهما كانت صغيره توصلي يا فتحي زين
فتحي: متقلقش يا صاحبى باذن الله هتسمع اخبار زينه
فهد: باذن الله
في الخارج
بدريه :ايه ده فتحي كيفك يا ولدى
فتحي :بخير يا خاله انت كيفك
بدري :في نعمه يا ولدى تعالي بقي عشان تتغدى معانا
فتحي: خليها مره تانيه يا خاله
بدريه: انا قولت كلمه هتتغدى معانا يعني هتتغدى معانا
اتي فهد من خلفهم قائلا: اسمع كلام الحجه يا فتحي
فتحي: حاضر يا حجه
فهد :اومال فين الدكتوره يا حجه
بدريه :نزلت المستشفي يا ولدى
فهد: كيف أكده دى لساتها تعبانه
اتت وعد من خلفهم قائله: السلام عليكم
فهد بعصبيه :انتي كيف تخرجي وانتي لسه تعبانه افرضي كان جرالك حاجه
وعد: انا الحمدلله كويسه يا استاذ فهد عشان كده خرجت وبعدين انا مسمحش لحضرتك تكلمني بالاسلوب ده
بدريه: صلوا علي النبي يا ولاد محصلش حاجه لكل دا
علي الغداء
وعد: باذن الله همشي بكره يا خاله شكرا علي اللي عملتوه معايا
بدريه بحزن :هتسيبني وتمشى ليه أكده انا اتعودت عليكي يا بتي
وعد: لازم امشى يا خاله مش هينفع اقعد هنا اكتر من كده
فهد: طيب هتقعدى فين
وعد : نزلت النهارده دورت علي بيت لاقيت بيت قريب من المستشفي
بدريه: كده مش هشوفك تاني يا بتي
وعد: ازاي يا خاله اكيد هشوفك احتمال تلاقيني عندك كل يوم كمان
بدريه ؛هنشوف
فهد بعصبيه قام من علي السفره قائلا: الف هنا فتحى لو خلصت تعالي
في مكتب فهد
فتحي بخبث: مالك اتعصبت وقومت ليه ولا تكون زعلت عشان الدكتوره ماشيه من أهنه
فهد: مش ناقصاك يا فتحي انت كومان هتدلي امته علي مصر
فتحي :من الفجر باذن الله ثم أكمل هتعمل ايه مع اللي اسمه عزمي ده هو مش هيسكت عن اللي عملته فيه
فهد بثقه :هيعمل ايه يعني
فتحي: هتسيبه يعني
فهد :اسيبه كيف متقلقش انا محضرله مصيبه جديده هتسمع بيها النهاردة كومان
فتحي: هو دا فهد اللي اعرفه
في بيت الشيخ رفعت
يا عزمى بيه يا عزمي الحق
عزمي: في ايه ولد
المخزن ولع يا بيه
عزمى بصدمه: انتي عتقول ايه يا خرب بيتك يا عزمي
الشيخ رفعت: في ايه يا ولدى
عزمي: قولت نسكت يا بوي اهو حرق المخزن خرب بيتنا يا بوى خرب بيتنا
الشيخ رفعت: المخزن تتحرق مين اللي عمل أكده
عزمي: هيكون مين غيره الزفت فهد
الشيخ رفعت: وانت كيف عرفت انه فهد
عزمي: ومين غيره
في بيت فهد
بدريه: عرفت اللي حوصل يا ولدى
فهد :خير يا حجه
بدريه :مخزن تبع عيله عتمان اتحرق والبلد مقلوبه
فهد بلا مبالاه :ربنا يعوض عليهم يا حجه
بدريه :قوم يا ولدى شوف حد صابه حاجه انت كبير البلد دى ولازم تكون موجود
فهد :حاضر يا حجه
في غرفه وعد
وعد :والله يا يارا انا كويسه مش مصدقه ليه
يارا :طيب عملتي ايه لاقيتي بيت
وعد: ايوا وقريب من المستشفي كمان
يارا: طب كويس
وعد :البت مريم فين
يارا :في العمليات
وعد: طيب ماشى هقفل انا بقي هكلمك تاني
يارا: أشطاا
في مخزن عائله عتمان
فهد بيه اهو يا عزمي بيه
فهد موجه كلامه للشيخ رفعت: ربنا يعوض عليك يا شيخ رفعت
الشيخ رفعت :كتر خيرك يا بني
عزمي: وليك عين تيجي لحد أهنه كومان أما بجح صحيح تقتل القتيل وتمشى في جنازته
فهد :انا عامل خاطر للشيخ رفعت ومش هرد عليك فمتكترش معايا عشان متحصلش اخوك
الشيخ رفعت: خلاص يا ولد فهد بيه جاي يعمل الواجب
في اليوم التالي
بدريه بحزن :خليكى كمان شويه يا بتي
وعد: انا تقلت عليكم اوى لازم امشى
بدريه: انتي بتقولى ايه يا بتي انت كنتي ماليه عليا الدار
وعد بابتسامه: هجيلك كل يوم أن شاء الله اقعد معاكي ايه رأيك
بدريه :صوح
وعد: صوح يا خاله
فهد: خليت الغفر ينقلون الشنط علي البيت يا دكتور
وعد: شكرا يا فهد بيه
فهد: تاني بتشكريني يا بنت الناس قولتلك أنه واجبى
وعد: هههههههه خلاص مش هشكرك تاني
فهد: ماشى يا دكتوره و لو احتجتي اي حاجه متتردديش
بيتنا مفتوحلك دوما
وعد : اكيد يا فهد بيه طيب عن اذنكم انا
فهد: اتفضلى
بعد رحيل وعد
فهد: ليه البكاء يا حجه
بدريه :بتفكرني بخالتك فاطمه يا ولدي لما مشيت دلوقت افتكرت اليوم اللي راحت فيه وبقيت لحالي
فهد وهو يضمها :وانا روحت فين يا حجه
بدريه :انت حبه عيني واللي مصبرني علي الدنيا
فهد: ربنا يديمك ليا يا حجه
بدريه: مش ناوى بردو تفرح قلبي بيك وتجوز
فهد: تاني يا حجه الموضوع ده
بدريه: انسى يا ولدى انسي
فهد: كيف يا حجه انسى انسى حب عمرى مش هقدر يا حجه مش هقدر
بدريه :ربنا يريح بالك يا ولدى
فهد: يارب يا حجه يا رب
في اليوم التالي
في المستشفي في قنا
وعد :صباح الخير يا دكتور
عصام :صباح الخير يا دكتوره اهلا نورتي قنا
وعد: منوره با أهلها يا فندم
عصام: هتبداي معانا النهاردة بالتوفيق
وعد: شكرا لحضرتك
بعد خروج وعد
رن هاتفها
وعد: الو
مريم: ايه الاخبار يا باشا شكل قنا عجبتك ونسينا
وعد :هههههههه انا أقدر بردو عامله ايه
مريم: ميت فل وعشره وأخذوا يتحدثون في أمور عده
في منزل فهد
فهد: يتحدث عبر الهاتف مع فتحي
فهد :ها وصلت لحاجه يا فتحي
فتحي: اللي قدرت أوصله اسم ملجأ كان قريب من مكان الحادثه وفي احتمال انها تكون هناك
فهد :طب مستني ايه
فتحي :باذن الله بكره هروح وأشوف الموضوع دا
فهد: مستني منك خبر
فتحي: تمام يا صاحبى
يتبع…
لقراءة الفصل التالي : اضغط هنا
الرواية كاملة اضغط على : (رواية وعد الفهد)
