رواية ابنه بائعه الخضار الفصل الخامس 5 بقلم هبة نصر

رواية ابنه بائعه الخضار البارت الخامس

رواية ابنه بائعه الخضار الجزء الخامس

رواية ابنه بائعه الخضار الحلقة الخامسة

ليمر اسبوع دون احداث تذكر سوى رجوع الست امال الى فرش الخضار فى السوق دون الاهتمام بالمعلم سعد .. وهى كلها يقين فى الله ثم وكيل النيابه
اما سليم فمر عليه اطول اسبوع فى حياته منتظراً صديقه يأتى له بمعلومات عن امل .. وبعد الكثير من الوقت من وجهة نظر سليم .. يدخل عليه صديقه الضابط
سليم / ايه يا أمجد .. اتأخرت كده ليه .. انت مكلمنى من ساعتين وقلت لى نص ساعه واكون عندك
امجد وهو ينظر فى ساعته بإستغراب /ساعتين ايه .. انا مكملتش نص ساعه فى الطريق
سليم / طب اتفضل قولى بقى المعلومات اللى جمعتها ..
امجد برخامه / لااااا مش لما تعزمنى على حاجه الاول .. وبعدين انا اول مره اشوفك ملهوف على حد كده … خليك تقيل
سليم / اطلع بره … مش عايز اعرف حاجه
امجد / طب خلاص خلاص … نتكلم جد بقى
سليم / ياريت تخليك جد مره واحده فى حياتك
امجد / ماشى ماشى .. خلينا فى الجد .. هى البنت دى تهمك اوى كده ..
سليم / اللهم طولك ياروح .. قول بقى اللى عرفته
امجد / بص ياسيدى .. انا عمرى ما شفت اجماع على اخلاق حد زى الاجماع اللى الناس اجمعته على اخلاق البنت دى
سليم / يعنى ايه .. مش فاهم
امجد / يعنى كل الناس اجمعت انها بنت ممتازه .. سواء جيرانها ..زمايلها .. اساتذتها .. مختلفش عليها اتنين .. وعلى العموم دا ملف فيه كل حاجه عنها .. استأذن انا
سليم / وهو يفتح له الباب ويخرجه / مش تخليك شويه علشان نتغدى سوى .. ثم يقفل الباب
امجد وهو يفتح الباب مره اخرى / دا انت شكلك واقع اوى .. ثم يقفل الباب ويجرى
…………………………….
الصبى / خاله امال .. تعالى كلمى المعلم سعد
امال / اما اخلص الزرع اللى ادامى علشان اجيب له فلوسه
الصبى / والنبى يا خاله .. تعالى معايا .. انا مش ناقص اخد لى كلمتين فى جنابى ولا يحدفنى بحاجه
امال / ماشى يا بنى .. والنبى يا سعاد خلى بالك من الفرش على ما اجى
سعد / ايه يا ست الكل .. انتى فين .. كده مردتيش عليا وسيبانى على نار
امال / معلش يا معلم .. مكنتش فاضيه
سعد / الله يكون فى العون .. طب عملتى ايه فى موضوعى
امال / موضوع ايه يا معلم .. مش فاهمه
سعد / جرا ايه يا ست امال .. موضوع جوازى من بنتك امل
امال / ااأاه.. مش احنا اتفقنا بعد شهرين على ما تخلص امتحانتها .. علشان مفيش حاجه تشغلها
سعد / انا عايز اطمن بس .. فاحتيها فى حاجه
امال / اصل…………..
لتقطع كلامهم دخول المعلمه سميه
سميه / الله الله .. ما جيب لكم اتنين لمون علشان الكلام يحلو .. ولا امشى علشان مبقاش عزول
سعد / اتفضلى انتى يا ست امال دلوقتى
سميه / يا راجل يا طفس .. يعنى متجوز اتنين وكمان بتبص لست اد امك
سعد / فيه ايه يا سميه .. داخله بزاعبيبك كده ليه
سميه / يعنى عايزنى اشوفك قاعد مع الست الاراشانه دى ومفتحش بوقى
سعد / ايييه .. اهدى شويه .. بلاعه وفتحت .. قعده ايه ولمون ايه .. الست جايبه فلوس الزرع الل عليها .. وبتعرف دفعت اد ايه وباقى عليها اد ايه
سميه / يا سلاااام على الحنيه .. ماشى يا حنين .
…………….. ………….
سليم / لو سمحت يا شريف عايزك فى موضوع
شريف / انت تؤمر يا حضرة القاضى
سليم / بطل رغى كتير واسمعنى .. ليبدأ بقص ما حدث مع الست دون ان يحكى له انه قابلها فى النيابه ..
شريف / معقوول .. دى ست اتحملت كتير اووى .. طب قولى انت عايزنى اعمل ايه ..
سليم / عايزك تبعت حد من الشركه يتفاوض مع البنى ادم ده .. وياخد منه الوصل .. ويعطيه للست امال.. وكمان يشترى محل فى السوق ويقول للست امال انه هيشاركها فيه .. هى بالمجهود والاداره وهو بالمحل .. ويملاه بضاعه .
شريف / علم وينفذ ..بس قولى مين امال دى
سليم / دى ام امل .. اه وده ملف عن امل .. عايزك تقراه .. علشان لو فيه شكوك من ناحيه امل وأهلها
شريف وهو يضع الملف على المكتب مره اخرى / انا واثق فيك وفى اختيارك .. وبعدين انت اللى هتتجوز مش انا .. دى حياتك .. ويهمنى تكون مبسوط
…………………………
لتجتمع اسره سليم على العشاء
سليم /سمر .. ايه رائيك فى امل
سمر /انت عارف رائي ومش محتاج تسألنى
سليم / يعنى لو اتقدمت لها توافق
سمر بذهول / انت بتقول ايه
سليم / ايه فى حد فى حياتها
سمر / لولولولولولولى