رواية ابنه بائعه الخضار الفصل الثالث 3 بقلم هبة نصر
رواية ابنه بائعه الخضار البارت الثالث
رواية ابنه بائعه الخضار الجزء الثالث
رواية ابنه بائعه الخضار الحلقة الثالثة
اوعى تكونى فاكره ان امل مش عارفه
مروه بتوتر / لأ طبعا انا معملتش كده
سمر / لأ عملتى .. لأن بنت من البنات اللى انتى بعتى ليها المراجعات قالت ادام امل وهى متعرفش انها هى اللى كاتباها
مروه /حتى لو عملت هى متقدرش تعمل حاجه علشان مش معيده ولا دكتوره .. مجرد ورق وانا صورته
سمر / يبقى تحسى على دمك .. مش كفايه انها بتعمل ملخصات وانتى بتاخديها علشان تذاكرى منها وتبعيها وتشترى بيها هدوم وتقولى جيالى من دبى
مروه / وانتى مالك بقى يا ست سمر .. هى كانت عينتك المحامى بتاعها
سمر بإشمئزاز / مفيش فايده فيكى
لتتركها وتذهب خلف امل لتجدها تذاكر فى المكان المفضل لها ( المدرج ) بإنتظار المحاضره القادمه
…………………………………
سعاد / اتأخرتى ليه يا أمال .. المعلم سعد سأل عليكى
امال /معلش اصلى اتأخرت امبارح على ما بعت الحاجه اللى معايا علشان ادى المعلم سعد فلوسه
سعاد / طب روحى شوفيه .. دا سأل عليكى اكتر من مره
امال / استر يارب .. اما اشوفه عايز ايه
لتدخل الوكاله عند المعلم سعد الذى بمجرد ان رأها وقف لها ..
امال بإستغراب .. خير يا معلم .. سعاد قالت لى انك سألت عليا اكتر من مره .. وتمد يدها بالفلوس … اتفضل دى فلوس الخضار بتاع إمبارح.. ودى دفعه من حساب الخضار الجديد
سعد وهو يعيد لها الفلوس / خلى فلوسك معاكى .. وكل الخضار اللى انتى عايزاه انا تحت امرك … من غير لف ودوران انا عايز انسبك
امال / تناسبى انا .. ازاى
سعد / عايز اتجوز ست البنات الانسه امل .. اما من ساعت ما شوفتها وانا مش عارف انام
امال / بس انت متجوز اتنين يا معلم .. دا المعلمه سميه لو عرفت .. هتطين عيشتنا
سعد / وايه اللى هيعرفها بس .. انا هاخد لها شقه فى احسن حته فى مصر .. وهتبقى بعيد عن هنا خالص ومحدش هيعرف
امال / بس بنتى مبتفكرش فى الجواز دلوقتى
سعد بنبره تهديد/ بصى بقى .. امل انا هتجوزها هتجوزها.. فوافقى ويبقى برضاكى احسن ما يبقى غصب عنك وانتى فى السجن
امال وهى تخبط على صدرها / يالهوى .. سجن .. ليه يا معلم .. انا عملت ايه
سعد وهو يخرج ورقه / دى صوره وصل الامانه اللى انتى مضيتى عليه لما اخدتى الخضار اول مره
امال / بس انا بسدد الفلوس اهو ..
سعد / بتسددى ايه .. دول ٥٠٠٠٠٠ الف جنيه .. هتسديهم ازاى
أمال/ حرام عليك يا معلم .. دول كلهم ٢٠٠٠ جنيه وسددت نصهم
سعد /اثبتى انهم ٢٠٠٠ جنيه
امال بعد وقت قصير من التفكير / طب ممكن تصبر كمان شهرين تكون امل خلصت امتحانتها .. وبعدين افاتحها فى الموضوع
سعد وهو يضع صوره الوصل فى ايديها / ماااشى .. هصبر شهرين .. شهرين ويوم هقدم وصل الامانه للنيابه
لتنصرف امال والدموع عل خدها .. لتقف على صوت سعد
سعد / ست امال .. ابقى خدى الخضار اللى انتى عايزاه.. احنا خلاص هنبقى اهل
لتنظر له امال وتخرج دون الخضار وتجلس مكانها بجوار سعاد وتضع رأسها بين كفيها
سعاد / امال .. يا أمال .. انتى مبترديش ليه
امال / مفيش .. اصلى تعبانه شويه .. انا هقوم اروح
لتمشى امال فى الشارع وهى مهمومه وتجلس على الرصيف وهى تحدث نفسها .. لتجد من يضع فلوس فى حجرها .. وتجد اخر يضع ايضا مبلغ فى حجرها .. لتلمع فى رأسها فكره
امال فى نفسها / باقى شهرين.. انا هشحت فى الشهرين دول علشان اديله فلوسه .. مستحيل ارمى بنتى الرميه دى .. لتبدأ فى مد يدها وسؤال الناس
…………………………
يدخل سليم بهيبته دار القضاء العالى ممثلاً النيابه ويبدأ فى المرافعه ..والتى بمجرد ما ينتهى منها يتوجه الى المكان المخصص له .. ليفتح تليفونه ويبدأ يحدث احد الاشخاص
سليم / يعنى انا لو مسألتش .. انت متسألش عليا … اما صاحب ندل صحيح
الطرف الاخر / ……………..
سليم / طب انا عايز منك طلب
الطرف الآخر/ ……………….
سليم / حبيبى .. دا العشم بردوا .. بص هو انا عايزك تجيب لى معلومات عن حد .. ممكن
الطرف الاخر / …………………
سليم / انا قولت مش هيجيب لى المعلومات اللى انا عايزها غير اشطر ضابط فى مصر
الطرف الاخر / …………………
سليم بإرتباك/ بص .. هى بنت زميله سمر اختى فى الكليه اسمها .. امل حلمى
الطرف الاخر / …………………
سليم / شكلها كده يا صاحبى .. المهم هتجيب لى المعلومات امتى
الطرف الاخر / ……………..
سليم / لا ..انا معرفش عنها غير اسمها بس .. ومش عايز اسأل سمر اختى .. مانت عارفها .. رغايه وهتصدعنى
الطرف الآخر/ ……………..
سليم / اه لو سمعتك وانت بتقول عليها كده .. كانت علقتك .. المهم هتجيب لى المعلومات دى امتى
الطرف الاخر / ………………
سليم / بسرعه .. اسبوع ويوم هسيب عليك سمر
الطرف الآخر /…………
سليم / ههههههههه… طيب انا هقفل دلوقتى علشان انا فى المحكمه
ليغلق سليم الهاتف ويسرح فى امل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنه بائعه الخضار)
