رواية ونيسي الفصل الأول 1 بقلم يارا عبدالسلام
رواية ونيسي الجزء الأول
رواية ونيسي البارت الأول
رواية ونيسي الحلقة الأولى
زياد_علي فكره انا قاعد هنا غصب عني
نغم_وانا كمان قاعده غصب عني
_نعم!
_اها انت مفكر اني هموت عليك مثلا دانت يا حيالا اسمراني وعسول شويه قوم يعم من هنا انا لو اتجوزتك هاخد ذنوب عالفاضى
_انتي بتقولى اي يبت
_بته لما تبتك قوم يلا طرقنا من هنا معندناش بنات للجواز
_ومين قال
_انت اللي قولت انك مغصوب وانا كمان يبقى بلاها روح اتجوز سوسن حناكه الي انت بتكلمها ولا زوزو نتانه
_انتي عرفتي الكلام دا.منين
_اممممم مصادري الخاصه
_اه عرفت من اختى اللي هي صحبتك
_ميخصكش انا مش عارفه هي اختك ازاي
_بت احترمي نفسك
_مش هحترم هتعمل اي بقى انت مفكرني ضعيفه ومكسورة الجناح لا فوق يا عنيا دا انا اصلي من بولاق وساكنه في المهندسين
_اي يبنتي بكبرت فتح
_اذا كان عاجبك يلا يعنيا من هنا علشان ورايا ماتش
_ماتش!!
_اه عندك مانع
_انتي متاكده انك بنت
_وانت متاكد انك راجل
_بت اتلمى
ولسه هيتكلم
_ها يا ولاد عملتوا اي
زياد بتحدي:الحمد لله يا طنط الخميس الجاي أن شاء الله الخطوبه
نغم بصتله بعصبية:نعم يا روح النونه انت بتترخ من دماغك
زياد بلامبالاة:دا اللي عندي إذا كان عاجبك
نغم:وانت بقى كنت ولى امري ولا حاجه
_ملكيش دعوة
_يبنى غور من وشي احسن انفخك كتك القرف في حلاوتك
_اي!
_احم انا مش موافقه واللي عندك اعمله
_عندي كتير متقلقيش
وبص لام نغم اللي واقفه مش فاهمه حاجه
_اتفقنا يا طنط يوم الخميس الخطوبه عن اذنك
زياد مشي وساب نغم مكانها شايطه وعاوزه تاكله بسنانها ودا طبعا ميمنعش انها فرحانه من جواها لان زياد هوا حب عمرها وطول عمرها كانت بتتمنى يقعد معاها القاعده دي لما هوا فاجئها لما قال إنه مغصوب متعرفش من اي مغصوب ومنين موافق وعاوز الخطوبه الخميس الجاي..
جريت على الاوضه واتصلت بفرح اللي هى أخته
وحكتلها كل حاجه وهى ما عليها إلا أنها تضحك بس
_انتى بتضحكى
_اصلكوا مسخره انتوا الاتنين بتحبوا بعض واعند من بعض
_اخوكي اللي مستفز انتى مشوفتيهوش بيتكلم ازاي كأنه جاي يشتري نعجه المعفن الرخم العسل السكر القمررر دا يخربيته
_ههههههههه منا عارف اني قمر وعسل وسكر
فجاه نغم اتصمرت مكانها لما سمعت صوته
قفلت الفون في وشه من غير كلام وكانت متوتره وبتضحك
_حرام عليك يا زياد خضيتها ودلوقتي هتفتكر انى انا اللي اديتك التليفون
زياد:اششششش يبت انتى انا مش عارف اي خلاني اطاوعك واروح اتقدم للبت الهبله دي
_متنكرش انك بتحبها
_دي دي اوزعه ورخمه وقمر يووووه
فرح بضحك:عرفت بقى اني حاسه بيك انك واقع هههههه
زياد:غوري يبت يا هبله انتى كمان قال بحبها قال..
وفي سره:دانا بعشقها بنت الهبله اللي خطفت قلبي دي
بس دا ميمنعش اني هعلمها الادب
تليفونه رن وكان حسام صاحبه
_ها سبع ولا ضبع
_عيب عليك الخطوبه الاسبوع الجاي. يبنى انا زياد برضو
_اه انت هتقولى زياد اللي مدوخ البنات وراه
_بس مفيش الا واحده بس اللي خطفت قلبي
_اه يعم هنيالك عقبالي
_قر يا اخويا يلا بقى سلام علشان ورايا شغل
حسام قفل معاه
بغل:طيب يا زياد انا هوريك ونغم دي بتاعتي انا….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ونيسي)
