رواية جحيم مراد الفصل الخامس 5 بقلم إسراء الاتربي
رواية جحيم مراد الجزء الخامس
رواية جحيم مراد البارت الخامس
رواية جحيم مراد الحلقة الخامسة
مراد بحزن.. ياسمين انتي طالق.
ياسمين بجمود: اطلع برا.. ومش عايزه اشوف وشك تاني.
مراد: مش هروح في مكان غير لما اطمن عليكي.
ياسمين: وانا مش عايزاك تطمن عليا يلاا برا… انا هخرج من هنا.
مراد: لو سمحتي ممكن تهدي الدكتور قال مينفعش تخرجي دلوقتي.
.. ياسمين جت تقوم مقدرتش … ومراد جري عليها… وسندها.. ياسمين زقته بقرف.
ياسمين: انا مش محتاجه مساعده منك و اوعي تقرب مني تاني.
تاني يوم الصبح .
مراد: ياسمين انتي هتروحي فين تفتكري ابوكي هيستقبلك.
ياسمين بعصبيه: ملكش دعوه… جت تقوم مقدرتش و وقعت.. مراد قرب منها وشالها وطلع من المستشفى.
ياسمين بصريخ: نزلنيييي يا حيوان ابعد عنيي… وقعدت تضربه. بايديها.
مراد: ممكن تهدي بقا.. هوصلك المكان اللي انتي عايزاه ومش هتشوفي وشي زي مانتي عايزه.
وحطها.. في العربيه ومشي…. وبعد شويه وصله مراد نزل علشان يشلها وهي مقبلتش.
مراد: لو سمحتي متعنديش انتي اصلا مش قادره تمشي…. وشالها غصب عنها ونزلها قدام الباب.
والد ياسمين: يا اهلا ي بيه اتفضل.
ياسمين ببكاء: بابا ماشيه من هنا.
والد ياسمين بقسوه: اخرسي يابت ده جوزك.
ياسمين ببكاء: جوزي اعتدي عليا وضمرني.
والد ياسمين: و اي يعني ماهو جوزك وده حقه… قومي ارجعي معاه يلاا.
ياسمين انهارت ووقعت في الارض: معقوله لدرجادي انت بيعني، ي بابا بس تعرف انت حتي متستهلش كلمة بابا.
والد ياسمين قرب منها ومسكها من شعرها… مراد جري عليه و زقه.
مراد بغضب جحيمي لوي دراعه ورا ضهره: عارف ايدك تتمد عليها تاني هكسرهالك.
والد ياسمين بخوف: انا انا بعمل كده علشانك ي بيه.
مراد زقه بعيد.. ونزل شال ياسمين ونزل اللي مكنتش دريانه بحاجه من صدمتها في ابوها رغم انها عارفها بس مكنتش عارفه انه هيرميها كده.
مراد بالم: ياسمين لو سمحتي اتكلمي قولي اي حاجه طب اقولك اشتميني وخدي حقك مني بس متسكتيش.
عدا يومين وياسمين مبتتكلمش خالص وقاعده في بيت مراد بس مش الفيلا مراد محبش يوديها هناك.
مراد بحزن: ياسمين ممكن تتكلمي بجد كفايه كده.
ياسمين بجمود: انا همشي من هنا.
مراد: هتمشي تروحي فين يا ياسمين . خلاص لو مش عايزة تشوفيني انا همشي بس انتي دلوقتي تعبانه ومقدرش اسيبك.
ياسمين بصريخ: قولتلك انا همشي من هنا ومش عايزه اشوف وشك نهائي… وقامت طلعت لباب.
مراد: ياسمين دلوقتي احنا نص اليل تقدري تقوليلي هتمشي في الوقت ده ازاي.
ياسمين: ملكش دعوه… وفتحت الباب ونزلت.
ياسمين فضلت ماشيه في الشوارع ومش عارفه هتروح فين فجاءه طلع عليها مجموعه شباب وشكلهم شاربين.
-ريحه فين ي قمر تعالي واحنا نوصلك.
-ياسمين فضلت تجري وهما وراها مسكوها وفجاءه.. مراد نزل من عربيته ونزل ضرب فيهم… لانه كان مراقبها من ساعة ما نزلت نزل وراها.
مراد بغضب: ياسمين كفايه كده يلاا هنرجع البيت.
ياسمين بصريخ: ارجع مع واحد اعتدي عليا ارجع مع واحد ولا انا اعرفه ولاهو يعرفني اسمع انت معدتش جوزي ولا ليك اي حاجه عندي اطلع من حياتي نهائي.
مراد: مين قالك انى مش جوزك.. ياسمين انا رديتك.
ياسمين بصريخ وهي بتضرب فيه بغضب وقهره: ياحيوان انت عايز مني اي انا بكرهك.
مراد حاول يهديها.. ويضمها بس هي فضلت تضرب فيه هو ممنعهاش نهائي بس هي كانت متعصبه تقريبا داخله علي حالة هيستيريا.
مراد ضمها لحضنه غصب عنها وهمس: ممكن تهدي تعالي نروح وبعدين اعملي فيا اللي انتي عايزاه…
مراد شالها وهي في حضنه وحطها في العربيه ومشي… وصله وطلعه البيت بس ياسمين كانت نامت من التعب حطها علي السرير ونام جنبها وحوطها بايده ونام.
تاني يوم الصبح.. مراد قام دخل الحمام اخد دوش وغير هدومه كان لابس بدله سودا وتحتها قميص ابيض وكالعاده كان جذاب. خلص لابسه رش، برفانه… وراح المطبخ وحضر الفطار علشان ياسمين.
مراد برقه وهو بيصحيها: ياسمين ياسمين قومي يلاا.
ياسمين قامت مفزوعه: ابعدددد عنيي.. انا مش طايقه ريحتك ولا طايقه اشوفك ريحتك بستفزني بكرهها زي ما بكرهك… وقامت جريت علي الحمام.
مراد بلهفه: ياسمين افتحي الباب انتي كويسه… ياسمين فتحت الباب وطلعت.
ياسمين بقرف: ابعد عني انا مش طايقة ريحتك مش عايزاك وبقرف منك.
مراد بالم: طب تعالي هوديكي لدكتور الاول.
ياسمين بصريخ: قولتلك مش عايزه اشوفك اطلع برا… مراد قرب منها علشان يهديها وياسمين فضلت تصرخ.
مراد بحزن: تمام انا بعيد مش هعملك حاجه انا حضرتلك الفطار ياريت تفطري وتاخدي الدوا انا نازل الشركه… وطلع تلفون جديد.
مراد: خدي ده لو احتاجتي حاجه كلميني… ياسمين مسكت العلبه رمتها… مراد بصلها بالم وحزن ومشي.
في شركه مراد.
اسر: عامل اي يامراد
مراد بحزن: ياسمين مش عارف اعمل معاها دي بتكرهني مش طايقه تشوفني نهائي.
اسر: ده طبيعي يا مراد هتاخد وقت علي ماتهدا وانت لازم تتحمل.. انا عايز اسالك سؤال انت حبيت ياسمين..!
مراد بوجع: هيفيد بايه حبيتها ولا لا وانا اصلا دمرتها مستحيل تسماحني ي اسر.
اسر: انت بتحبها ي مراد واللي انت كسرته انت برضو هتصلحه.
مراد: عملت اي مع كاميليا.
اسر: مش قادر اصدق انها خلاص هتبقا مراتي… اتقدمتلها تاني و وفقت.
مراد بسعاده: الف مبروك ي اسر.. اخير سمعت حاجه تفرح.
اسر وهو بيطبط علي كتفه: صدقني هتتحل اعمل المستحيل علشان تحبك وتوثق فيك يا مراد.
مر اسبوع.. وفي يوم مراد رجع بليل فتح الباب ودخل وفجاءه.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جحيم مراد)
