رواية تورط بها الفصل الخامس عشر 15 بقلم إيمان
رواية تورط بها البارت الخامس عشر
رواية تورط بها الجزء الخامس عشر
رواية تورط بها الحلقة الخامسة عشر
أيه اللى أدامى ده يا صفوان يعنى ايه ممدوح مهربش من السجن
أيوة بالظبط كده يا أكرم بيه لا هرب ولا عتب بره باب زنزنته من يوم ما اتقبض عليه اصلا دا غير ان المخزن اللى كانت محبوسة فيه الانسه هادية بأسم حضرتك أشتراه عامر بيه من شهرين بس
فأجابه أكرم بتفكير : بقه كده طيب يا صفوان روح انت
بصى يا هادية أكرم زمان حصلت له حادثه وبسببها فقد رجله الشمال وفضل فترة قعيد ومش بيتحرك غير بكرسى
هادية بعدم تصديق : أنت أنت بتقول أيه
عامر : هى دى الحقيقة وهو ده السبب اللى عشانه جيلان فسخت خطوبتها منه
هادية : بس أكرم بيمشى على رجليه زينا
عامر : ايوة دا بعد لما انا فضلت ازن عليه وسافرنا بره ركب طرف صناعى وفضل فترة يعمل حاجة كده زى العلاج الطبيعى لحد ما وصل انه يمشى بيه زى الطبيعى بالظبط ومن يوم ما رجع وهو دافن نفسه فالشغل وقرر انه لا يمكن حيكرر اللى حصل مع جيلان تانى
وما ان اكمل حديثة حتى هبت واقفة وهى تقول بكل اصرار : لو سمحت خدنى لاكرم دلوقتى حالا
وفجأة رن هاتف عامر : دا أكرم اللى بيتصل أستر يا رب
الو ايوه يا أكرم
عوزك حالا
اصل انا مش فالشركة دلوقت
تسيب اى شىء او اوى حد او اى حاجة وتكون ادامى فورا
حاضر
عنان بخوف : عوز ايه
عوزنى ادامه حالا اكيد صفوان الزفت قاله على كل حاجة
هادية بتصميم : طب يلا وانا جاية معاك
عامر : تعالى وانا بقه حسمعك بودانك انه بيحبك وما يقدرش يعيش من غيرك
عنان بفرح مثل الاطفال : طب انا عوزة اجى معاكم
عامر : تيجى معانا فين هو فرح خليكى انتى هنا ويلا بينا يا هادية قبل ما يفر…منى
تعالى ادخلى هنا دى قاعة الاجتماعات والباب اللى هناك ده يبقه باب مكتب اكرم عوزك تقفى عند الباب ده وتسمعى كل كلمه بينى وبين أكرم
هادية : طيب
عامر : انا حروح ادخله بقه وربنا يستر
وما ان أبلغت السكرتيرة أكرم بوصول عامر حتى أمرها أن تدخله على الفور ثم استقبله بهدوء قائلا : اهلا وسهلا ياسى عامر
قبل اى كلام انا عارف انت عوزنى فأية عشان موضوع خطف هادية صح
رجلتك بلغتك طبعا
طبعا انا رجلتى مش نايمين على ودنهم
طب ممكن بقه وبكل هدوء كده تفهمنى عملت كده ليه
فأخرج عامر هاتفه وأدار له نفس المقطع الذى عرضه على هادية : شوف ده بنفسك وانت تعرف ليه انا عملت كده
فلتقط منه اكرم الهاتف بلهفه ليرى عما يتحدث وما ان راى نفسه وهو يحتضنها ويهدء من روعها قائلا : ماتخفيش يا حببتى
حتى أغلق الفيديو والقى بالهاتف أمامه قائلا بارتباك : ودى فيها أيه انا انا كنت بطمنها مش أكتر
عامر بعصبية : ما تبطل مكابره بقه يا أخى وهروبك بالخروج كل يوم والتانى مع جيلان وانت مش بطقها اساسا وتجاهلك لهادية كل ده مش معناه انك بتحبها
فقال منفجرا : بحبها ايوه بحبها معرفش ازاى ولا امتى ده حصل بس مش حقدر اقرب منها ولا حسمحلها تقرب منى وانت بالذات عارف السبب
فى هذة اللحظة فتحت هادية الباب ودخلت عليه قائلة بحب : بس انا عوزة اقرب منك يا أكرم انا بحبك
فقال برعب : هادية
أيوة هادية اللى عاوز تحرمها منك وتحرم نفسك منها
أكرم بهياج وشراسه لم ترها منه من قبل : انتى مش فهمه حاجة ولا تعرفى حاجة لما تعرفى الحقيقة حتقولى انا من حقى اخد راجل كامل زى ما اتقال قبل كده
هادية والدموع تملاء عينيها : اسكت انت بتقول ايه
ايوة اتتى ما تعرفيش انى
فقاطعته بسرعة : موضوع رجلك انا عرفاه وميهمنيش انا ماشوفتش اكرم الراجل صاحب الشركات ولا الوسيم اللى الستات والبنات بتجرى وراه وبتتمنى نظرة منه انا شوفت راجل شهم قابل بنت يتيمه ملهاش حد كانت ممكن تترمى فى الشارع والله
اعلم بقه كان ايه اللى ممكن يحصلها اخدها بيته بكل شهامه وقعدها مع عيلته لا وكمان جبلها حقها عوزنى بعد كل ده محبكش أكرم انا حخترق كل الاعراف والاصول وبقولك وبكل وضوح انا عوزة اتجوزك واكمل معاك باقى عمرى والقرار قرارك دلوقت يا تحينا احنا الاتنين يا تموتنا احنا الاتنين انا حنتظر ردك وقرارك النهائى فى بيتى
وتركته وانصرفت على الفور وهو مصدوم من حديثها لا يدرى ما يقول او ماذا يفعل الا انه هوى جالسا على كرسى مكتبه دون كلمه واضعا رأسه بين يدية
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تورط بها)
