رواية تحت حماية الفارس الفصل الثلاثون 30 بقلم نوران جمال
رواية تحت حماية الفارس البارت الثلاثون
رواية تحت حماية الفارس الجزء الثلاثون
رواية تحت حماية الفارس الحلقة الثلاثون
جاء اليوم التالي
كانت رونان قد انتهت من جامعتها وفي طريق ذهابها الي سكن الطالبات اشتاقت إلي رودينا وياسين فقررت الذهاب لهم رغم ان المسافه بعيده وبالفعل بعد ساعتين وصلت رونان الي القصر وفجأه شاهدت فتاه تراها لأول مره ففهمت انها تكون تولين لأن روان كانت تكلمها في الهاتف كثيرا وتقول لها كل ما يحدث
كانت رونان ذاهبه إلي الباب حتي تدخل ولكنها صدمت بشده مما سمعت
فلاش باك
خرجت تولين من باب القصر وهي سعيده مما حدث بالأمس وكانت فرحانه اكثر من عدم وجود نورين فهي تغار منها بشده لأنها الفتاه الوحيده التي لفتت انتباه الصياد .قامت تولين بإمساك هاتفها والإتصال برئيس المافيا لتقول له ما حدث ولم تأخذ بالها من دخول رونان
رئيس المافيا الإيطاليه: تولين الشحنه هتتسلم النهارده الفجر ..
تولين بغرور: كله امان والورق معايا والفجر يتم تسليم الشحنه وانا هطلع علي طول علي المطار في وقت التسليم وديه هي أهم مهمه للصياد ولو فشلت يبقي احنا كده دمرناه ده غير اني خليته امبارح يطرد نورين واول ما الذاكره ترجعله صدقني هتبقي ضربه قاديه ليه..، ثم ضحكت بشر ..
فضحك رئيس المافيا هو الأخر ثم أغلقوا الهاتف ودخلت تولين إلي القصر .
باك
لم تصدق رونان ما يحدث وكانت خائفه ان تذهب وتقول لفارس او اي أحد من اهل القصر فهي مهما كانت لا تعرفهم سوي منذ يومان فقررت الذهاب إلي رئيسها في العمل الي اسد
وبالفعل وصلت رونان الي شركه اسد ودخلت مكتبه
اسد بحده : ازاي تدخلي كده ..
رونان بقلق: اسد الحق في مصيبه ..
أسد بقلق: في ايه ..، فحكت له رونان ما سمعته
اسد بحده: رونان متقوليش الكلام ده لحد عشان متوديش نفسك في داهيه وانا هتصرف ثم تركها وذهب إلي سيارته وقادها بسرعه كبيره الي القصر ثم ذهب الي غرفة الرياضه حيث يوجد فارس وعندما دخل وجد فارس يلكم كيس الملاكمه بقوه ..
اسد :فارس في حاجه لازم تعرفها ..
فنظر له فارس ثم جلس علي الكرسي ..
اسد بتردد: فارس حتي لو انت فاقد الذاكره رغم ان الموضوع ده مش داخل دماغي بس المهم دلوقتي ان البنت اللي هنا ديه تبع المافيا .ثم حكي له ما سمع من رونان وهنا نظر فارس له بغموض ثم ابتسم بمكر
فارس بإبتسامه: أسد عايزك توقف الطياره اللي رايحه روما الفجر بأي طريقه ..
أسد بإستغراب : فارس أنت..
فارس : مينفعش نتكلم هنا كتير ..، ثم شاور لأسد علي كاميرا المراقبه وجهاز التصنت في الحائط فإبتسم له أسد وقد فهم ما يحدث ثم ذهب الي شركته ثم إلي المطار …
اما في القصر ذهب فارس الي غرفته وقام بتغيير ملابسه ثم نزل إلي الأسفل حيث وجود الجميع علي طاولة الغداء
كان لا احد يتكلم وكل واحد شارد في أمور مختلفه ولا أحد ينظر الي فارس او تولين اما البنات كانوا يكتمون غضبهم من تولين فهم الأن يريدون قتلها بأي طريقه من الطرق ..وبعد خمس دقائق ذهب كل واحد من أبطالنا مع حبيبته الي حديقة القصر وكانوا يتكلمون في أمور مختلفه وكانوا يتكلمون بغضب كبير من فارس
معتز بغضب: مش عارف ازاي مقدرتش امنع فارس من انه يطرد نورين بس اول ما الذاكره ترجعله هيندم علي اللي عمله .أما بعد مسافه ليست قليله كان كرم ولارين يقفون
كرم بغضب: فارس اتغير ازاي بقي كده ازاي يعمل كده في نورين ..
اما في غرفة تولين كانت تجلس امام هاتفها وتري ما يحدث في الأسفل وتبتسم بشده وبفرح علي ما وصلت له الأمور بكره الجميع لفارس ..، وأخيرا جاء الليل قرب معاد تسليم الشحنه كان جميع من في القصر نائم كما اعتقدت تولين فقامت بجمع صور الأوراق التي تجمع معلومات كثيره عن المافيا وقامت بجمع أوراق السفر الخاصه بها ثم خرجت من غرفتها ببطئ شديد ثم نظرت إلي غرفة فارس وابتسمت بشر ثم نزلت ببطئ وهي لا تصدر أي صوت حتي لا يستيقظ احد ثم خرجت من القصر وبعد مسافه وجدت سياره كان قد قام احد رجالها في مصر بجعل السياره في ذلك المكان بأمر من تولين فدخلت تولين بسرعه شديده الي السياره وقامت بقيادتها الي المطار وفي مكان آخر كان يتم تسليم الشحنه والرجال الذين يقومون بتسليمها سعيدون لعدم معرفة الشرطه بما يحدث وعند أذان الفجر فجأه صدح صوت إطلاق الرصاص من جميع الجهات بسبب هجوم الشرطه عليهم بقيادة كرم وزين ومعهم معتز وسليم وآسر فكانت هذه اكبر شحنه علي الإطلاق تحاول المافيا إدخالها إلي مصر وبالفعل تم منعها والقبض علي الشحنه ومن كانوا يقومون بتسليمها وإستلامها .
أما في المطار
كانت تولين ستدخل طائرتها وفجأه وجدت يد تمسك بها تمنعها من الدخول فنظرت له بتفاجئ فوجدت مروان ينظر لها بنصر وخلفه يقف ادهم وحمزه فنظرت هي لهم بصدمه وخوف..
مروان بإبتسامه ماكره: اوعي تكوني فاكره انك تقدري تهربي مننا ..
وقبل ان يضع الحديد علي يدها كانت هي أخرجت مسدسها وقامت بإطلاق النار علي رأسها فسقطت بلا روح فهي تعرف انها ستأخذ حكم بالإعدام بعد حبسها بالسجن كما ان رئيس المافيا الإيطاليه سيقوم بجعل رجاله يقتلونها قبل ذلك حتي لا تعترف عليه فقررت ان تقتل نفسها بنفسها وها هي قد خسرت الدنيا والأخره بفعلتها تلك وهنا تنتهي قصة تولين بإنتحارها .
فنظر الشباب الي بعضهم بصدمه مما حدث ولكنهم لم يتأثروا مما فعلت بنفسها فهي قد فعلت في الناس أكثر من ذلك بكثير .
عاد الجميع الي القصر وهم سعيدون بإنتهاء مهمتهم علي خير وقام كل واحد من أبطالنا بإحتضان حبيبته ..
نوران بقلق: هو فارس فين ..
معتز بضحك: فارس مين دلوقتي ههه..
كرم بضحك:فارس في الوقت الحالي ليس بالقاهرة هو عنده حاجه مهمه بيعملها ..
نوران وقد فهمت عن ماذا يتكلمون فقالت بضحك: طب اتصلوا بيه كده ..
مروان بضحك: حذف رقمه من موبيلاتنا عشان منتصلش بيه ..، فضحك الجميع بشده وسعاده وأخيرا اعتبروا مروان واحد من العائله..
_________
في الساحل الشمالى
كانت نورين واقفه امام البحر وهي لا تفهم ما يحدث وتنظر للبحر بشرود وحزن وفجأه شعرت بيد تحيطها من الخلف وتقربها لصدره فشهقت بخوف ولكنها عرفت من يكون عندما إشتمت رائحة عطره ودق قلبها بشده فمن سيكون هو غير الصياد
فارس بحب وهدوء: أنا أسف يا أغلي حاجه في حياتي ..
نورين بدموع: ليه عملت فيا كده وانت قولتلي أنك مش فقدت الذاكره انا مش فاهمه حاجه ..
فارس بحب : أنا كنت بحميكي وهفهمك دلوقتي كل حاجه ..، ثم بضحك : بس ركزي معايا وحيات امك لإني مش هقدر أعيد كلامي ..، فضحكت نورين غصب عنها علي كلماته ..فأكمل فارس وشرح لها ما حدث
فلاش باك
خرج فارس من غرفة العمليات وذهب الي غرفه عاديه وقبل ان يذهب الدكتور ليقول للجميع أن فارس قد خرج من غرفة العمليات ذهب له مروان بسرعه
مروان بقلق:دكتور فارس بقي كويس ..
الدكتور : اه وهو هيفوق دلوقتي ..
مروان بحده: انا هدخله دلوقتي وانت مش تروح تقولهم انه خرج غير لما اقولك فاهم ..
الدكتور بخوف: حاضر فهمت ..
دخل مروان غرفة فارس فوجد فارس قد استيقظ
فارس بلهفه وتعب: مروان نورين كويسه ..
مروان بإبتسامه: أيوه كويسه متقلقش بس في حاجه لازم تعرفها دلوقتي ..
فارس بإستغراب: ايه هي ..
مروان : انا لقيت الورق ده في مكتب مارك والورق فيه معلومات كتير عن المافيا وبيقول ان في شحنه هتتسلم كمان يومين ده غير ان انا سمعت مارك بيتكلم مع بنت بالإيطالي اسمها تولين تقريبا وهي كانت بتقوله انها عايزه تدمرك يا فارس وطبعا كده هيبقي في خطر كبير عليك…
فارس بتفكير: الخطر مش عليا الخطر علي نورين..
مروان : طب هتعمل ايه ..
فارس بتفكير: انا جاتلي فكره وللأسف لازم انفذها..
مروان : طيب ايه هي الفكره ديه ..
فارس : انا همشي مع المافيا في خطتهم هعمل نفسي فاقد الذاكره من اليوم اللي شوفت فيه نورين وهنا تولين أكيد هتظهر..
مروان : ونورين كده هتتعب ..
فارس : للأسف مضطر وانا هحط جهاز تصنت في كل مكان في القصر عشان تولين وهنبقي متابعين مع بعض كل خطوه وفعلا ظهرت تولين وكان فارس يسمع كل مكالماتها مع رئيس المافيا وفي يوم سمع خطتها وهي تريد ان تاخد الورق من المكتب وتفعل مشكله لنورين وهنا قام فارس بالإتصال بمروان
فارس بحده: مروان نورين النهارده هتطلع منهاره من القصر ومش هتعرف مكان تروحه ..
مروان بإستغراب: ليه ..
فارس بحده: مش وقته المهم انك تبقي موجود بعربيتك بعد القصر بمسافة هتلاقي كاميرا مراقبه تولين هي اللي حطاها انت هتقف قدام الكاميرا بعربيتك في الوقت اللي نورين هتخرج فيه وتاخدها معاك في العربيه للشاليه بتاعي في الساحل واهم حاجه متغلطش قدام الكاميرا بالكلام فاهم ..
مروان بجديه : فاهم يا صياد ..
بعد ما انهي فارس المكالمه مع مروان قال فارس للجميع بأنه يريد النوم وبالفعل ذهب الي الطابق الأخير وقبل دخول غرفته نظر الي غرفة تولين ثم إلي غرفة نورين وقرر الدخول الي نورين
دخل فارس غرفة نورين وكانت هي نائمه فقام بتقبيل رأسها ثم قام بإحتضانها فإستيقظت هي .
نورين: فارس ..
فارس بسرعه: أيوه انا يا قلب فارس ..
نورين بحب: انت فاكرني..
فارس وهو يمسك يدها : انا اصلا ما فقدتش الذاكره نورين متزعليش مني علي اللي هيحصل أنا أسف المهم دلوقتي أن مهما يحصل متجيبيش سيرة اني دخلتلك او اني مش فقدت الذاكره ..
نورين بإستغراب: ليه ..
فارس بحده : مفيش وقت يا نورين ..، ثم قام بإحتضانها مره أخيره وتركها وذهب أما نورين نظرت الي مكانه بإستغراب ثم شربت من المياه بجانبها ونامت علي الفور فكان فارس قد وضع في المياه نسبه صغيره من المنوم تجعلها تنام لمده صغيره وبعد مرور ساعتين استيقظت نورين فزعه علي دخول فارس وفتحه لخزانتها ووقوف تولين علي الباب وعندما وجد فارس الورق حدث ما حدث وقام بطرد نورين تحت صدمتها وهي لا تفهم ما يحدث فكانت تبكي وتصرخ فقط من ألم زراعها وبعد ما فارس قام بطردها ظلت تسير وهي تبكي حتي وجدت مروان امامها وذهبت معه وكل هذا تحت أنظار تولين حتي تطمئن انها ليست خطه من فارس ..
باك
فارس : فهمتي بقي..
نورين بصدمه: ده كله حصل وانا نايمه ومش عارفه حاجه …
فارس بسخريه: أنتي بتنامي كتير الصراحه ..
فقامت نورين بضرب فارس بيدها علي صدره بحده ولكن فارس لم يشعر بشئ فهي بالنسبه له كعصفوره صغيره أو كطفله فيدها صغيره للغايه ..،فضحك فارس عليها فحاولت هي الإبتعاد عنه بغضب ولكنه كان يمسك بها بقوه
فارس بهمس: مكانك في حضني يبقي مش تسيبيه..
نورين بحزن وعتاب : فارس انت عارف انا كنت ازاي بتخنق وبتألم لما الاقيك مش فاكرني انت عارف شعوري كان عامل ازاي وانا لاقياك داخل وجايب الزفته ديه وراك انت عارف شعوري كان ايه وانت بتقولي انتي مين انا معرفكيش.. ونزلت دموعها ..
فأدارها فارس له وقام بوضع يده علي وجنتها ومسح دموعها
فارس بحب: حتي ولو فقدت ذاكرتي وعقلي نسيكي ومش افتكرك قلبي عمره ما هينساكي لأنك مش في عقلي بس انتي في قلبي وفي عيوني انتي جوايا يا نورين لأنك انتي تبقي روحي فإزاي بعد ده كله تفتكري اني ممكن في يوم من الأيام انساكي انتي اللي قلبي دق ليها انا كنت شايف ان الحب مش ليا مش للصياد قلب الصياد ميعرفش يحب قابلت بنات كتير جدا ومافيش واحده كانت حتي بتلفت انتباهي بس لما شوفتك قلبي دق ليكي وإستسلم لعيونك وعشان كان دايما مطلوب مني احميكي فأنا مش بشوفك حبيبتي بس انتي حبيبتي وبنتي ومراتي وتيجي بعد ده كله تقوليلي اني نسيتك انا لو نسيت نفسي عمري ما هنساكي..، ثم قام بإحتضانها .
نورين وهي تحتضنه وتدفن رأسها في رقبته : حلو اوي القسم الجمهوري ده ههه ..
فارس ببعض من الحده: عندك كلمه حلوه ورومانسيه قوليها معندكيش يبقي تخرسي خالص ومتقطعيش عليا اللحظه الرومانسيه ديه ..، فضحكت نورين بشده ثم ابتعدت عنه قليلا ونظرت لعيونه وقالت: انت جيت يا فارس وغيرتلي حياتي من يوم ما شوفتك وحسيت بحاجه غريبه ناحيتك وبعدها عرفت انه الحب أنا لقيت في حضنك وفي عيونك الأمان اللي كنت بدور عليه من الأخر انا عشقتك يا فارس .. فإقترب منها فارس وقام بتقبيل رأسها..
نورين بإبتسامه : انا عايزه ارجع القصر ..
فارس بإستغراب: ليه ..
نورين: وحشوني اوي هناك ارجوك يا فارس قلبي ..
فارس بإبتسامه: امم فارس قلبي انتي بتسبتيني بقي ..
نورين بضحك: الحقيقه اه هههه … فضحكوا هما الإثنان وذهبوا الي القصر وفي الطريق كانت نورين تنظر لفارس بحب وإشتياق وفارس كان ينظر لها بعشق شديد وبعد مرور ساعتين وصلوا الي القصر ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تحت حماية الفارس)
