رواية لأنك نبضي الفصل الثاني 2 بقلم جانا مبروك
رواية لأنك نبضي الجزء الثاني
رواية لأنك نبضي البارت الثاني
رواية لأنك نبضي الحلقة الثانية
وفجأه سمعت تكسير جامد بره فاتنهدت بحزن وبعدين طلعت عشان اشوف ايه اللي حصل المره دي بس اتفاجأت لما لقيت تميم مكسر كل حاجه قدامه وده عادي بيحصل كل مره بيتعب فيها لكن اللي صدمني اني لقيته مكسره كل الصور اللي متعلقه على الحيطه اللي بتجمعه بمراته وابنه ودي اول مره يعملها ولقيته قاعد على الأرض وحواليه دم كتير جريت عليه بسرعه
ان..انت كويس قلتها وانا متردده وخايفه جدا منه لان عصبيته في تعبه بتكون صعبه
رفع دماغه وبصلي بشر وعنيه كانت حمره من كتر الغضب وقالي بحده شديده
مالكيش دعوه بيا يلا اطلعي بره انا مش عايز مساعده من حد
قال كده وزقني فوقعت علي القزاز اللي كان في الأرض وأيدي اتعورت
فبصلي بشفقه ولسه هيتكلم لقيته بدأ يدوخ وبقي نن عنيه يطلع لفوق ويفضل البياض بس وفي اللحظه دي جريت عليه بسرعه حاولت اقومه بسرعه عشان ادخله جوه قبل ما يفقد وعيه خالص لاني بعدها بيبقي صعب عليا جدا اني انقله لانه بيكون تقيل اووي
فضلت سانداه وهو بيطوح وكان هيقع مني لكني سندته بسرعه ودخلته اوضة النوم ونيمته على السرير ولقيته فقد وعيه تماما ماحاولتش افوقه لانه لازم يفوق لوحده فضلت بصاله شويه ومدققه في ملامحه اللي بهتت من كتر التعب والسواد اللي محاوط عنيه اللي كانت اجمل عيون في الكون والحزن اللي كسر الضحكه اللي كانت دائما بتنور وشه وتخلي عنيه الخضرا تلمع من كتر السعاده فضلت بصاله شويه وبعدين اتنهدت بحزن وطلعت عشان انضف اللي حصل
وبعد ساعه ونص كنت خلصت كل حاجه وعملت كوبايه قهوه وطلعت اشربها في البلكونه وبعد شويه حسيت بحد واقف ورايا عرفت أن تميم فاق واكيد جاي يسالني ايه اللي حصل وزي ما توقعت سألني
ايه اللي حصل انا جرالي ايه وليه ايديا متعورين
سألني وهو بيبص باديه باستغراب
ولا حاجه تعبت شويه وكسرت ألفاظه فاتعورت منها
قولت كده وانا ببتسم بهدوء
فبصلي بحزن وسكت
انا هحضرلك الاكل زمانك جوعت وانا كمان هموت من الجوع
قلت كده وكنت خارجه من البلكونه لما وقفني صوته وهو بيقول
انا افتكرت حاجه
وقفت وضربات قلبي عليت والتوتر بأن عليا لكن حاولت اتماسك والتفت له وسألته افتكرت ايه
الحادثه
قالي كده وهو باين عليه الحزن والألم وبعدين كمل افتكرت الحادث لكن وبعدين سكت
سالته بهدوء لكن ايه
لكن الصوره ماكنتش واضحه ماقدرتش احدد شكل الوجوه فيها
بدأت تفتكر واحده واحده هتفتكر كل حاجه اهم حاجه متضغطش على نفسك
هو ممكن أسألك سؤال
قالها وهو متردد فردين عليه بابتسامه طبعا
هو انا كنت بحبها قوي كده
سألني وهو متوتر وبيبصلي وعنيه باين فيه أن هو مستني الاجابه
فابتسمت بحزن وقولتله
انتوا كنتوا بتعشقوا بعض
وبعدين ابتسمت وخرجت
حضرت الغدا وقعد اكل وبعدين قمنا وعملت له النسكافيه وطلعتهوله البلكونه ودخلت انضف المطبخ وبعد شويه كنت خلصت فطلعت ابص علي تميم لاني مش سمعه اي صوت بقالي فتره روحت عند البلكونه واتخضيت لما لقيت تميم واقع علي الارض وبيتشنج فجربت على الأوضه وحضرة الابره المهدئه وطلعت بسرعه روحت عنده وعافرت كتير عشان اقدر اديهالوا واخيرا قدرت اديهالوا وبدأ هو يهدأ وجسمه يسيب وبعد شويه شديته براحه ووديته عند الكنبه ورفعته عليها بصعوبه وبعدين رحت اتصلت بالدكتور النفسي
الو ايوه يا دكتور لوسمحت تميم تعبان قوي وبيتشنج انا عطيته ابره مهدئه بس ممكن حضرتك تيجي تبص عليه
:ــــــــ
: في انتظارك يا دكتور شكرا لحضرتك
قفلت مع الدكتور ورحت قعدت جمب تميم وفضلت ابص لملامحه ولقيت ايدي بتروح تلقائيا ليه وبتلمس كل ملامحه بحب وبدون وعي لقيتني ببوسه من جبينه بحنيه
وفجاه الجرس رن فانتبهت لنفسي وبعدت عنه بسرعه وروحت افتح ولقيته الدكتور
دخل الدكتور وكشف على تميم وقالي أن هو شايف تحسن وبعدين خرج وخرجت معاه علشان أوصله فسألني هاا افتكر ولا لسه
يعني افتكر حاجات بسيطه
قولتها وانا حزينه جدا على وضع تميم
فبصلي الدكتور وقالي
انا عايزه اقولك حاجه مهمه
اتفضل يا دكتور قولتها بانتباه لكلامه
فقال
اللي أنتي بتعمليه ده غلط ..غلط يا مدام يارا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لأنك نبضي)
