رواية بريئه في عالم الاشرار الفصل الثالث 3 بقلم علياء أسامة
رواية بريئه في عالم الاشرار الجزء الثالث
رواية بريئه في عالم الاشرار البارت الثالث
رواية بريئه في عالم الاشرار الحلقة الثالثة
ثائر حاول يتهجم عليها لكن فجأه بعد عنها وابتدى يبص ليها بشر
ثائر:ليه كده
ملك بدموع:أنت ال اضطرتنى أعمل كده
“ثائر غمض عيونه ووقع قدامها غرقان فى دمه”
ملك بشهقه وهى بتبص على السكينه ال فى ايديها:أنا عملت ايه.. أنا عملت ايه.. طب أهرب ولا أحاول انقذه ولا أعمل إيه فى الورطه دى
‘خرجت ملك بسرعه على بره لقت نادر وسالى فى وشها’
ملك:الحقونى يا جدعان زعيم المافيا بتاعكو باين ما*ت
نادر بخضه:ثائر
ملك:هو اسمه ثائر؟
“نادر وسالى دخلوا عنده بسرعه وشافوه واقع ومضروب بسكينه فى ضهره وملك واقفه بعيد خايفه”
سالى راحت عندها وضربتها بالقلم:عملتى فيه ايه يا مفتريه قتل*تيه
ملك وعيونها حمرا:وغلاوة أمك لأردهولك عشره بس مش دلوقتي
نادر:مش وقته منك ليها بسرعه يا سالى أطلبى الدكتور
سالى وهى بتجري على برا:حاضر حاضر
(سالى طلبت الدكتور وهو جه بسرعه ودخل على أوضة ثائر)
الدكتور بخضه:ايه دا المفروض يتنقل مستشفى دلوقتى حالا
نادر بعصبيه:مش ينفع مفيش زفت مستشفيات اتفضل عالجه بسرعه علشان لو جرا ليه حاجه أنا مش هرحمك
الدكتور بتوتر:طب اتفضلوا بره لو سمحتوا
*الكل خرج بره والدكتور ابتدى يعالجه وخيط الجرح ومن ستر ربنا مش كان عميق وبعد كده خرج*
ملك بلهفه:هاا يا دكتور هيعيش ولا اي
سالى:وأنت مالك أنت يا متخل*فه
ملك:بت أنت أنا مش هسكت ليكى كتير أنا مش خايفه عليه أنا خايفه على نفسي أصل لو ما*ت يتحسب عليا بنى آدم
نادر:بس أخرسو أنتم الاتنين.. ها يا دكتور ايه الأخبار
الدكتور بعمليه:الحمد لله جت بسيطه بس ياريت مش يتحرك الفتره الجايه كتير وحد يغير ليه على الجرح وياكل كويس وخلاص
نادر بهدؤ:تمام “نادر خرج الدكتور ورجع لملك تانى”
نادر بص لملك بشر
ملك:ايه يا عم بتبص ليا كده ليه
نادر بصراخ:يا عاااامر أنت يا زف*ت
“دخل واحد طويل وعريض”
عامر:ايوه يا نادر بيه
نادر شاور على ملك:تاخد البت دى ترميها تحت فى البدروم لحد ما البرنس يفوق علشان هتتعاقب عقاب جامد
ملك:أنت بتقول ايه يا عم أنت ما تصحى للكلام كده
‘قرب عامر منها وشدها على مكان ضلمه ورماها فيه وقفل عليها الباب وخرج’
ملك بصراخ:أنت يا ابنى أنا بخاف من الضلمه يا ابنااااى
“فضلت ملك تصرخ لحد ما تعبت وفقدت الوتى مكانها، لأنها عندها فوبيا من الضلمه”
*على الساعه ٢ بالليل فاق ثائر من النوم وافتكر كل حاجه، قام من على سريره وفجأه حس بوجع*
ثائر بعصبيه:اه يا ملك الك*لب والله لهطلع عينك علشان تبقى تتجرأى’ثائر فضل يدور عليها ومش لاقها وفكر انها هربت واتعصب جامد لأن خلاص العمليه قربت وهو عمل حسابه عليها’
ثائر بصوت عالى:ناااادر يا ناادر
“نادر خرج من أوضته وهو نايم وهكذا سالي”
سالى بنوم:حمد لله على سلامتك يا ثائر ايه ال قومك من على السرير
سائر بعصبيه:ملك فين يا نادر
سالى بغيره:وأنت مهتم بيها ليه
ثائر :مش تتدخلى أتت يا سالي
نادر:اهدى بس يا عم ملك هتلاقيها فى البدروم أنا حبستها هناك
“ثائر مش رد عليهم وخرج على البدروم”
سالى:شايف خايف عليها ازاى
نادر بسخريه:وأنت ايه ال مزعلك مش تقولى بتحبيه
سالى بتوتر:اه طبعا بحبه مش خطيبى
“نادر بص ليها باستحقار وسابها”
*عند ملك كانت بتفتكر ضرب جوز أمها ليها ولما كان بيحبسها فى الضلمه وكانت بترتعش وفجأه أنوار المكان اشتغلت فملك حطت ايديها على عيونها*
ثائر:أهلا بالقطه ال بتخربش
ملك فتحت عيونها:أنا زهقت بقا يا أخى أنت عايز مني ايه
ثائر:الحوار صغير احنا هنديكى شنطه فى اليوم ال هقولك عليه وهتروحى تديها لواحد وهتاخدى منه شنطه واحنا هنبقا مستنينك هتدينا الشنطه وهنتطلق صراحك شايفه الموضوع سهل ازاى
ملك:والشنطه دى هيبقا فيها ايه؟ وايه المقابل؟
ثائر:فيها ايه ميخصكيش المقابل إن احنا مش نقتك أمك مثلا
ملك بخضه:أمى!
ثائر ببرود:ومش بس كده وكمان هنخلصك من جابر وجوز أمك للأبد بتهيألى مفيش أحسن من كده
ملك بجمود:وأنا موافقه
ثائر:تعجبيني يا قطه… يلا اتفضلى قدامى
“ملك خرجت قدامه وثائر وهى خارجه مسكه من شعرها جامد”
ملك بوجع:اي فيه أي
ثائر بفحيح:اوعى تكونى فاكراني هعديلك ال عملتيه أنا فوته بمزاجى لكن صدقينى العمليه تخلص وهاخد حقى منك *وسبها*
“بعد ما دخلوا الفيلا”
ثائر:دى أوضتك. واه ما تحاوليش تتعبى نفسك ولا تفكرى انك تهربى لأنك مش هتقدرى تتطلعي من باب الفيلا عليها حراسه كبيره اوى وكمان أنت عارفه ان احنا نقدر نجيبك بسهوله
“ملك مش ردت عليه وسبته ودخلت أوضتها”*قبل الفجر ده ملك صحيت وبصت حواليها وراحت على فستانها خرجت منه موبايل صغير خالص مش كان باين**وبعد كده خرجت على بره ودخلت أوضة ثائر بالراحه واتأكدت انه نايم وخرجت لكن وهى خارجه سالي شافتها*
سالى:استنى عندك
ملك اتخضت:ايه عايزه ايه
سالي:كنت بتعملي ايه فى أوضة ثائر
ملك بلا مبالاه:هكون بعمل ايه يعنى مش بعمل حاجه
سالي:على فكره أنا وثائر بنحب بعض جدا ومش ممكن تاخديه مني أبدا
ملك:أول مره أقتنع بمقولة الطيور على أشكالها تقع.. يا حبيبتي بليه وأشربى مايته
“سالى بصت ليها بغيظ وطلعت على أوضتها وملك بصت ليها بترقب وخرجت على بره فى الجنينه”
ملك بصوت هادي:الو ايوه يا فندم كل شئ ماشي كويس
=احكيلي بالضبط ال حصل فالفتره ال قعدتى فيها هناك
ملك:……. وبس كده
=أنت متخ*لفه يا ملك وافرض كان جراله حاجه مش كنا هنعرف نقبض عليهم
ملك:امال كنت اسيبه يعني
=المهم ميعاد التسليم امتى
ملك:مش كان ينفع أبين انى مهتمه انى أعرف كان هيشك فيا
=اي جديد بلغيني بيه
ملك:تمام يا فندم
“ملك فصلت وقبل ما تلف تدخل سمعت صوت تعمير سلاح وراها و٠٠٠٠”
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بريئه في عالم الاشرار)
