رواية تورط بها الفصل العاشر 10 بقلم إيمان
رواية تورط بها البارت العاشر
رواية تورط بها الجزء العاشر
رواية تورط بها الحلقة العاشرة
وما ان عاد الى المنزل حتى سألته والدته عن هادية وحالتها فأكد لها أنه دور برد وانها ستكون بخير ثم صعد على الفور الى حجرته لينام وما ان تمدد فى سريرة حتى تذكرها وهى فاقدة الوعى امامه
سبحان الله اللى يشوفعا وهى بتتنطط وتضحك وتجرى من هنا لهنا زى الاطفال مايشوفهاش وهى فاقدة الوعى وساكنه وساكته
هى عنان ما اتصلتش ليه دا فات ساعتين والدكتور قال ساعة وتفوق طب اتصل بيهم ولا اعمل ايه انا دلوقت ومالى قلقان اوى كده عليها
انا انام وحبقه اسأل عليها الصبح
صباح الخير يا أكرم مالك شكلك مش مظبوط
مانمتش طول الليل خاالص
ليه
معرفش كنت قلقان
صحيح انت مشيت بدرى ليه إمبارح
ابدا اصلى طلبت ورق من عبد اللطيف وقولتله يبعته مع هادية قالى إنها ماجتش فتصلت اعرف ماجتش ليه كلمتنى كلمتين والتلفون وقع منها
أه وانت عملت ايه
فقص عليه كل ما حدث
اظاهر إن هادية دى حتبقه حكايتها حكاية وغمز له بعينه
حكاية ايه ورواية ايه يا عامر
يعنى فى الاول قعدتها فى البيت وبعدين شغلتها فى الشركة ومهتم بغيابها وحضورها
فقاطعة بحزم : عامر ان كنت مهتم بهادية فده عشان هى يتيمه وملهاش حد وانت عارف بنت ولوحدها فى الزمن اللى احنا فيه ده ممكن يجرلها ايه وبعدين دى من سن عنان يعنى تعتبر اختى الصغيرة
أكرم أنا مقصدش حاجة وحشه لسمح الله أنا اقصد
عامر لا حلوة ولا وحشة ممكن نقفل الموضوع ده
لا بقه أنا سكت كتير ومش حقدر اسكت اكتر من كده أنت لازم تعيش حياتك وتشوف مستقبلك راجل فى سنك ومركزك المفروض يكون متجوز وله ست بيحبها وبتحبه
فصرخ أكرم به عامر مش عاوز كلام نهائى فى الموضوع ده انت صديق عمرى بلاش تخلينى أخسرك
فنظر له عامر بغضب ثم تركه وانصرف دون كلمه
عنان : حمدلله ع السلامه يا قمر
أجابت هادية على الصوت وهى تفتح عينيها بصعوبة الله يسلمك . ايه ده سندس وعنان هو فى أيه
سندس : وقعتى قلبنا فى رجلينا يا شيخة
هادية : ليه
عنان : مش فكرة انك كنتى بتكلمى ابيه أكرم واغمى عليكى ينهار مش فايت
سندس : ايه يا بنتى فى ايه مالك حتعيطى كده ليه
عنان : مش ابيه أكرم قالى اتصل اطمنه قبل ما يمشى وانا نسيت خالص دا حيطلع عينى
سندس : طب قومى قومى بسرعة اتصلى بيه بدل ما تتعلقى
وانفجرت هى وهادية فى الضحك
اضحكوا اضحكوا ماشى
وما ان خرجت عنان حتى مالت سندس على هادية قائلة بهمس حتى لا تسمعها عنان : أحييييببه يابت يا هادية هو ايه الراجل ده قال وانا اللى كنت بقول على صورته مز دى الحقيقة أجمل بكتييييييير طول بعرض بهيبة بوسامه يخربيتك ازاى فلت منك الراجل ده
هادية : خلاص ياختى مش شوفتيه اتفضليه يا حببتى الف هنا وشفا
فقالت سندس بطريقة مسرحية : ياااااريت ثم أكملت بمكر دا شكله مشغول بغيرى مشغول بيها أوى
هادية : هى مين دى ان شاء الله
وفى هذه اللحظة عادت اليهم عنان فتوقفوا عن الحديث ثم قالت هادية : هاا عمل فيكى أيه
عنان : الحمد لله شكله كان مشغول فحاجة مهمه اطمن انك بخير وقفل على طول
سندس : طب كويس اقوم بقه احضر الفطار
عنان بفرح : استنى انا حاجى احضره معاكى
هادية بفزع : بت يا سندس اديها الجبنه والزتون تحضرهم اى حاجة على النار اعمليها انتى دى يا ماما عندهم شغلين فى البيت
عنان : كده يا هادية طب مش فاكرة لما عملتلك بيض اومليت
ياختاااااااااااى ماهو انا عشان فاكرة بقول كده أنا اعرف ان البيض لونين أبيض وأصفر لكن الاسود ده كان اول مرة أشوفه على ايدك
أيه يا ست عنان بقالك يومين عند هادية مش كفاية كده
أصل يا ابيه
ولا اصل ولا فصل انهاردة حبعتلك فتحى يجيبك
حاضر يا أبيه
هادية : مالك يا بت قلبتى وشك كده ليه بعد ما كلمتى اخوك
حيبعت السواق ياخدنى
سندس : وانا كمان بعد لما ماما كلمت هادية واطمنت انها كويسه قالتلى ارجع البيت انا كمان
هادية : حلو اهو تسبولى هدومى اللى استوليتوا عليها انتوا الجوز
فقام الاتنان معا بحدفها بكل ما تطوله ايديهم قائلين : يا جبانه بقه احنا زعلنين عشان حنسيبك لوحدك وانتى زعلانه على هدومك
فقالت بصراخ من كثرة الضرب : بهزر بهزر معاكم يا جدعان
فى كلاكس عربية انا حطلع ابص ليكون عم فتحى وصل
هادية : طلع عم فتحى
عنان : لا دا أكرم هو اللى جه بنفسه
سندس دون شعور : المز
عنان مستفهمه : أيه
هادية بسرعة : لالا ما تخديش فى بالك دى هبلة وبتقول ساعات اى كلام
عنان : طب انا نزله عشان متأخرش عليه
هادية : طب استنى أنا عارفة أنه مش حيرضى يطلع أنا حنزل عشان اشكرة
عنان : تانى أنتى تانى وبالبيجامه برضو
بقولك ايه انا تعبانه ومش نقصاكى انتى واخوك
عنان محذرة : خليكى فاكرة انى قولتلك بلاش شاهدة يا سندس
سندس : شاهدة ياختى شاهدة
طب سلام يا سندس وسعيدة اوى بالوقت الجميل اللى قضيته معاكى احنا خلاص بقينا اصحاب
سندس : طبعا
اكرم : ايه يا ست عنان كل ده عشان تنزلى
مساء الخير يا اكرم بيه
انتى . انتى ايه اللى نزلك وانتى تعبانه وبرضو نزله بالبيجامه
هادية : نفسى مرة وحدة مرة وحدة بس تكلمنى بهدوء
هادية امشى اطلعى على فوق ولا بقولك ايه ما تيجى تقعدى عندنا اليومين الراحة اللى قال عليهم الدكتور
عنان : ايوة ايوة تعالى معانا عشان نكون مطمنين عليكى
هادية : ايه لالا مش حينفع
أكرم بجدية : مش حينفع ليه بدل ما تقعدى لوحدك هنا
عنان : ايوة سندس كمان مروحه
اكرم : كمان لا يبقه حتيجى معانا
هادية : ياجماعة بس
أكرم بحزم : مفيش بس اركبى
أيه اركب ايه والبنية اللى فوق دى
أكرم : خلاص اطلعى غيرى القرف ده وهاتى صحبتك وتعالى
هادية مكررة بضجر : غيرى القرف ده الله يسامحك يا شيخ
اكرم : بتقولى حاجة
انا لا دى عنان
عنان : والله ما اتكلمت يا أبيه
أكرم يلا اطلعى غيرى بسرعة وهاتى صحبتك نوصلها على سكتنا
وما ان عادت لسندس وأخبرتها حتى قالت بشهقة : ايه المز يوصلنى لبتنا دى كانت الحته بتعتنا كلها تقف على رجل لالا روحى انتى معاهم وانا حروح مع نفسى
لاااا ما انتى ما تعرفيش أكرم دا كلامه أمر قال حيوصلك يبقه حيوصلك
يابنتى أنا اصلا لو شوفته تانى واتكلم معايا أنا ممكن اروح فيها
يلا يا بت بلاش سهوكت بنات اجرى البسى وسبينى البس
كده طيب أمرى لله
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تورط بها)
