رواية تورط بها الفصل التاسع 9 بقلم إيمان
رواية تورط بها البارت التاسع
رواية تورط بها الجزء التاسع
رواية تورط بها الحلقة التاسعة
أيه يا أبيه مش حتطلع معايا
لا مايصحش عشان عايشه لوحدها حستناكى هنا
كده طيب زى ما تحب
عنان حببتى وحشتينى وحشتينى وحشتينى.
وأنتى أكتر
تعالى أدخلى
ااالله بيتك حلو أوى يا هادية
دا ذوق ماما الله يرحمها بابا كان بيحب ذوقها أوى حتى لما عاشت معانا اللى ما تتسمى
فكررت عنان : اللى ما تتسمى وانفحرت ضاحكه
هو أنتى لسه كل حاجة بتموتك من الضحك كده
أنتى اللى كلامك بيضحكنى اعملك أيه المهم مالها اللى ما تتسمى استنى طبعا دى أنوار
طبعا هى لما اتجوزت بابا وفتحت الشقتين على بعض رفض انها تغير اى شىء هنا والحمد لله أنه عمل كده
الحمدلله المهم انتى عامله ايه
تمام الحمد لله استنى لما اجبلك حاجة تشربيها
وما أن تحركت للمطبخ حتى سمعت جرس الباب فذهبت لتفتح الباب لتجد صديقتها سندس
أيه ده دا اليوم انهاردة حلو أوى كل الحبايب هنا
سندس : حبايب ليه مين تانى هنا
هادية : تعالى تعالى لما أعرفك على عنان حتحبيها أوى
جذبت هادية سندس من يدها الى ان وصلت الى عنان فقالت : اتفضلى يا ستى دى سندس صديقة عمرى
عنان بابتسامه : اتشرفت بمعرفتك يا سندس هادية كلمتنى عنك كتير
فأكملت هادية : ودى بقه ياستى عنان اللى كلمتك عنها
سندس بابتسامه : اهلا وسهلا انا اللى اتشرفت بمعرفتك
يلا بقه اقعدوا كده اتعرفوا على بعض على مااجيب حاجة نشربها سوا
ظلت البنات يتحدثون سويا دون ان يشعروا بمرور الوقت الى أن سمعت عنان رنين هاتفها فأخرجته لتجد المتصل أكرم
أوووف دا أبيه أكرم أكيد عوزنى انزله
هادية : تنزليله فين
ماهو اللى موصلنى
ايه موصلك هنا بنفسه طب ومطلعش ليه
قالى مايصحش يطلع عشان انتى فى الشقة لوحدك
كده طيب
طب انا حنزله بقه ومبسوطة أوى انى اتعرفت عليكى ياسندس
سندس : انا مبسوطة اكتر منك
هادية : استنى حنزل معاكى
كده حتنزلى كده
ومالوا كده ما حلو اهو بلاش كلاكيع انتى واخوكى
ما ان جلست عنان بجوار أكرم فى سيارته حتى وبخها قائلا : مالسه بدرى يا هانم
ليتفاجأ بها تمد رأسها داخل السيارة قائلة : مساء الخير ازيك يا أكرم بيه
أيه ده أنتى نزله كده
يادى النيلة ومالوا كده دا بدل ما ترد السلام
فى أنسه فسنك تنزل من البيت بالبيجامه وعليها ميكى ماوس كمان
عادى مش هدوم سترانا وخلاص ولا أنت مش بتحب ميكى ماوس
اللهم طولك ياروح امشى اطلعى باللى انتى لبساه ده وانتى يا ست عنان سيباها تنزل كده
عنان : قولتلها ما يصحش يا أبيه هى اللى صممت
اه يا جبانه بتلبسينى فى الحيط
أيه حيط أنا حيط طب أمشى اطلعى فورا أحسنلك
طلعه الحق عليا انى نزلت عشان اسلم عليك
ألو ايه يا ست هادية مش الاجازة خلصت ورجعتى شغلك ماجتيش انهاردة ليه انتى بتيجى يوم وتغيبى يوم
اسفة اوى أصلى تعبانه
فقاطعها على الفور فى أيه مالك
اظاهر أخدت دور برد وو…..
هادية هادية الو
أغلق هاتفه على الفور واتصل بعنان
فى أيه يا ابيه
هادية كانت بتكلمنى فالتلفون وشكلها تعبانه ومش عارف التلفون وقع منها ولا ايه انتى معكيش مفتاح للشقه بتعتها
ابدا اه استنى مرة كانت قالت ان صحبتها سندس معاها مفتاح
طب تعرفى توصللها
ايوة كنت أخدت رقمها حتصل بيها واتأكد وارجع اكلمك
طب بسرعة وانا ححاول اتصل بيها تانى
ردى بقه ردى يا ترى حصلها ايه عنان اهى بتتصل أيوة يا عنان عملتى ايه
اتصلت بسندس وقالتلى انها معاها نسخة من المفتاح فعلا وحنزل دلوقت اخد عم فتحى يوصلنى عندها وحخدها ونروح لهادية فورا
طب بسرعة وانا حاخد دكتور واجيلكوا على هناك
أكرم بعصبية :اتا خرتوا ليه يا عنان
السكه كانت وقفه يلا بينا نطلعلها
اطلعوا انتوا الاول عنان بقولك ايه شوفيها لبسه أيه لحسن احنا لسه فالصيف فهمه
فهمه يا أبيه تعالى ياسندس نطلع احنا الاول
اكرم : ها يا دكتور كان مغمى عليها ليه
ابدا هى بس درجة حررتها مرتفعة جدا وهى السبب فى الاغماء ده على العموم أنا ادتها حقنه وساعة وان شاء الله الحرارة حتكون طبيعية وكتبتلها على شوية ادوية وياريت حد كمان يعملها كمدات
حاضر يا دكتور حنعملها كل شىء انا متشكر جدا ليك جدا
لاشكر على واجب يا أكرم بيه
أكرم بعد ان غادرهم الطبيب : ها يا بنات حتعملوا ايه
سندس : انا حقعد جنبها مش حسبها
عنان : ربنا يخليك يا أبيه ممكن أنا كمان اقعد معاها عشان اطمن عليها
خلاص يا عنان خليكى انهارده ثم توجه لسندس بالحديث وهو يقترب منها : حتعرفوا تخدوا بالكم منها يا أنسه سندس ولا اجيب ممرضة تقعد بيها
وما ان اقتري منها وركزت فى ملامحه وعينيه حتى تاهت تماما وشعرا انها قد غابت عن الوعى
انسه سندس انسه سندس
هه ايوة ايوة يا أكرم بيه فى حاجة
بقولك حتعرفوا تخدوا بالكم منها ولا اجيب ممرضة تقعد بيها
لاالا احنا حنعرف نهتم بيها كويس ما تقلقش
طب انا حنزل وابعتلكم الادوية اللى كتبها الدكتور عنان ابقى طمنينى عليها ووقت ما تفوق ابقى اتصلى طمنينى
حاضر يا أبيه
خدوا بالكم من نفسكم يا بنات وخلى بالكم من هادية
حاضر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تورط بها)
