رواية بين عالمين الفصل الخامس 5 بقلم هنا محمد

رواية بين عالمين الفصل الخامس 5 بقلم هنا محمد

رواية بين عالمين الجزء الخامس

رواية بين عالمين البارت الخامس

رواية بين عالمين الحلقة الخامسة

فرح :الو ….

مفيش حد بيرد

فرح: الو

في الناحيه التانيه كرم كان بيبكي وحاطت ايده علي بؤه مانع اي صوت يخرج منه وقال كلمه واحده بس

«انا اسف»

فرح: اسف علي ايه حضرتك اكيد متصل برقم غلط. قفلت الخط و رجعت تاني تكمل عمل الكيكه

كرم كان حزين اوي تخيل نفسك قاعد في بيت قديم لوحدك مفيش حد معاك ولا حد عارفك معندكش صحاب ولا اهل حتي امه ماتت وسابته لوحده و البنت اللي بيحبها مش عارف تتقدملها عشان هو فقير و بتشتغل جرسون في مطعم…

ده ممكن يكون شعور ايه؟«ده شعور الوحده»

الشعور اللي يخليك تحس بضربات قلبك من هدوء المكان اللي حواليك مفيش حد معاك انت بس انت لوحدك هتعافر عشان حلمك حلم كرم هو فرح…. فرح وبس

و بيحاول يوصله

قال كرم لنفسه : انا لازم اشتغل شغل تاني ولما احوش فلوس حلوه هتقدملها مستحيل اسيبها تروح لغيري

قام يدور علي اوراقه وشهادته و حطهم قدامه وفضل يبصلهم بتركيز

بعد يومين عند فرح

فرح لكريم: احم لو سمحت يا بابا ممكن اخرج مع حور انهارده

كريم؛: ماشي يا فرح بس وترجعوا قبل ٦

فرح: تمام بس انا محتاجه فلوس عشان هنروح ناكل برا

كريم مسك محفظته ودالها ١٦٠ ج وقال: خدي ولو اتبقي حاجه خليها معاكي

فرح وهي بتحضنه: شكرا يا بابا

كريم وهو بيطبطب عليها: العفو يا حبيية بابا….

بتطلع من حضنه وبتروح تكلم حور

فرح: ازيك يا حور رجلك عامله ايه

حور: احسن بكتير اوي

فرح: يعني تقدري تخرجي معايا انهارده

حور: بجد…. باباكي وافق

فرح: اه وافق و يلا البسي عشان نروح نتغدا برا و هنرجع قبل ٦

حور: فوريره… سلام

فرح: سلام

بتقفل معاها وبتبدأ تلبس و تسرح شعرها و بعد نص ساعه بتسمع صوت الجرس فبتروح تفتح لحور

حور لصفا وكريم: ازيك حضرتك يا طنط ازي حضرتك يا عمو

صفا: ازيك يا حور واخبار رجلك ايه

حور وهي بترفع رجلها: فكيت الجبس خلاص

صفا:طب الحمد لله…. خلي بالك من فرح يا حور

فرح: ايه يا ماما ده… ده انا اللي هاخد بالي منها… انا الاعقل

صفا بضحك: ما هو واضح انك العقله

فرح وهي بتزق حور: طب يلا بقي نستأذن احنا… سلام

صفا: سلام

كريم بيقفل الباب وبيقول: طب يلا نحضر الغدا احنا بقي

صفا: يلا

عند حور و فرح

بيروحوا المطعم و بياكلوا و بيتصوروا كتير

حور لفرح: شوفي الولد اللي هناك ده…. شكله بيدور علي حد و ماسك في ايده اوراق كده ليه

فرح بتركيز: هتلاقيها مقابلة شغل ولا حاجه

حور: ممكن

بيروح كرم عند التربيزه وبيسلم و بيقول: ازي حضرتك انا كرم ال….. مبيكونش عايز ينطق اسم والده لكن بيقول: السيد

مساعد المدير: ازي حضرتك يا استاذ كرم اتفضل اقعد

كرم وهو بيديله الملف بتاعه: ده الملف بتاعي و دي الشهدات اللي اخدتها في كل المراحل… انا كنت مجتهد جدا في دراستي و اتمني تقبلوني

مساعد المدير وهو بيبص للورق وبيبتسم: واحنا لينا الشرف انك تشتغل معانا يا استاذ كرم

بيبتسم كرم و بيقول: شكرا جدا بجد حضرتك مش متخيل سعادتي

مساعد المدير: اتفضل كل الاكل جه

بيبدأو ياكلوا و كانت فرح مركزه معاه و بتبصله باستغراب

و بتفتكر الشخص اللي كلمها في التلفون وبتقول:مش معقول… ده نفس الصوت

بيلمح كرم فرح وبيشرأ و بيفضل يكح وهو بيبصلها

بيديله مساعد المدير ميه وبيقول: حضرتك كويس

كرم و هو بيداري وشه: اه انا كويس… قام وقال: عن اذنك رايح الحمام

بيقوم يروح الحمام و بيقلع السلسله و بيحطها في جيب البنطلون و بيغسل وشه وبيقول لنفسه وهو باصص في المرايه:متتوترش هي مش عارفه شكلك… اهدي

بباخد نفس عميق و بينشف وشه ب ايده و بيخرج

بعد ساعه

بتخرج حور و فرح و بيستأذن كرم من مساعد المدير انه يمشي و بيفضل ماشي وراهم

بيروحوا يشتروا ايس كريم و بيقعدوا ياكلوه علي جنينه بعد ما بيخلصوا و بيروحوا للبيت لكن فرح و حور بيحسوا بحاجه بتتحط علي مناخرهم بيفضلوا يصرخوا لحد ما بيغمي عليهم

عند صفا و كريم

بتقطع صفا بطاطس و بتبص للساعه و بتلاقيها ٧

صفا:كريم اتصل ب فرح شوفها اتأخرت كده ليه

كريم وهو بيبص للساعه: اتأخرت جامد استني اتصل

بيروح يتصل علي فرح و بيلاقي تلفونها مغلق و بيتصل ب حور و بيلاقي تلفونها مغلق برضو

بيقلق و يقول لنفسه: يا رب لا

صفا بدموع: ايه… في ايه.. وقالت بصريخ: ما ترد

عند فرح و حور

بيجري كرم علي الشاب و بيضربه لحد ما بيقع يغمي عليه و بيجري علي فرح و بيقول: فرح انتي كويسه… فرح

فرح كانت لسه بتقاوم فاتحه عينيها و شافته و فجأه اتبدلت الصوره عند فرح لكرم وهو صغير

فرح بنوم: كرم

بيبرق كرم و بيقوم و بيبصلها بصدمه

فتح تلفونها و فتحه ببصمة ايدها و اتصل ب كريم

كريم وهو بيلبس بيلاقي تلفونه بيرن ف بتجري صفا عليه وهي بتعيط و بتقول: بنتي… فرح بتتصل

بيروح كريم يفتح الاسبيكر و بيقول: الو فرح

كرم: بنت حضرتك كانت هتتخطف احنا دلوقتي في شارع******

كريم: انا جاي حالا

صفا: استني البس واجي معاك

كريم: بسرعه

بيروحوا و يلاقوهم علي كنبه في نص الشارع و مغمي عليهم

كريم؛وهو بيضرب فرح علي خدها براحه: فرح…. فرح قومي…. بيهز في جسم حور و بيقول: حور…. حور

بعد وقت بيفوقوا وهما ماسكين راسهم بألم

فرح: ااه… ايه اللي حصل… احنا فين

بتحضنها صفا وهي بتعيط وبتقول: يا حبيبتي يا بنتي قلقتيني عليكي

فرح كانت مستغربه وقالت: هو في ايه

كريم: في حد اتصل بينا وقال انكم كنتم هتتخطفوا… هو فين صحيح… بيبص حواليه ولكن مش بيلاقي حد

فرح: حد مين انا مش فاكره حاجه غير اننا كنا مروحين البيت

بتبص فرح حواليها وبتقول: طب هو فين… لكنها بتلمح علي الارض نص السلسله بتاعت كرم علي الارض

بتقوم من علي الكنبه و بتوطي و تاخدها وهي مبرقه و مش مصدقه… قالت لنفسها: كرم

صفا باستغراب: كرم؟!!

بتفوق فرح من سرحانها و بتقول: ها… ولا حاجه

بتحط السلسله في الشنطه بتاعتها وبتقول: يلا نروح

كريم: يلا….. حور تعالي نوصلك

حور: ماشي يا عمو… شكرا

بيروحوا البيت بعد ما بيوصلوا حور بيتها و فرح بتخش اوضتها و بتفعد علي السرير و بتطلع السلسله من الشنطه و بتفضل تبص ليها و تفتكر ذكرايتهم وبتقول بدموع: معقول كرم رجع

بيخبط الباب و بتخش صفا و بتقول: ممكن اقعد معاكي شويه

فرح: اتفضلي

بتقعد صفا جمبها علي السرير و بتقول: مين كرم ده… هو ده نفسه ولد الحضانه

فرح هزت راسها وقالت: اه…. فاكره يا ماما السلسله اللي قولتلك اشتريهالي عشان اخد نصها لحور… انا بقي ادتها لكرم عشان كان مسافر…. لقتها واقعه انهارده علي الارض

سألت نفسي مية سؤال هو رجع ولا لأ هو عرفني ولا لأ طب هو لو عارفني مجاش يسلم عليا ليه.. طب ايه اللي هيرجعه بعد كل السنين دي.

اسأله كتير مبتروحش من بالي يا ماما مش عارفه اعمل ايه

صفا بابتسامة: متعمليش حاجه سيبي قدرك يمشي زي ما مكتوبلك و ان شاء الله هتلاقي اللي يسعدك

بتحضن فرح مامتها و تقول: شكرا يا ماما كلامك ده ريحني.. و انا بالنسبالي اتمني اللي الاقيه و يقدر يسعدني هو كرم

صفا وهي بتطبطب عليها: ان شاء الله يا قلبي… يلا يلا عشان تخشي تاخدي دش و تقعدي معانا بره عمتك جايه كمان شويه

فرح: ماما ممكن اسألك سؤال… هو انا كنت هتخطف ازاي

صفا:اسكتي ده انتي وقعتي قلبي ده لو كان جرالك حاجه كنت اروح فيها… بصي لقينا حد بيتصل بينا و بيقول انكم كنتم هتتخطفوا و…

فرح قاطعتها وقالت:استني…. الشخص ده كان صوته خشن شويه و مبحوح

صفا: اه

فرح فضلت ساكته شويه و بعدين فجأه برقت وقالت:يعني احتمال يكون نفس الشخص اللي اتصل بيا و شوفته انهارده في المطعم… لا لا لا اكيد لا

صفا: هو ايه اللي لا انتي بتكلمي نفسك… قومي يلا

فرح: حاضر

بعد وقت

بيرن جرس الباب و بيفتح كريم و بتخش ريتاج وهي معيطه و…..

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية بين عالمين)‏