رواية حكاية كفيفة الفصل الثاني 2 بقلم خوخة
رواية حكاية كفيفة الجزء الثاني
رواية حكاية كفيفة البارت الثاني
رواية حكاية كفيفة الحلقة الثانية
في يوم النتيجة كل العائلة اتجمعت عندنا علشان يعرفو انا جبت كام , وانا كنت متوترة وفي نفس الوقت خيفة من المستقبل , وبفكر هل مستوايا هيدخلني السن البحبها ولا ايه , الموقع حمل وطلعت جايبة ٨٨% , اتصدمت وعيطت كتير دا مش مستوايا , انا تعبت كتير السنة دي , وفي الآخر يكون مستوايا كده , دخلت اوضتي من غير ماتكلم , اعتزلت الناس كلها مفيش غير دموعي الكانت رفيقة ليا , وبعدها بفترة طلعت بعد مملمحي بهتت وعيني بقت حمرة من كتر العياط , محدش فكر يسالني مالك وكاني عار عليهم , رحنا عند عمي في يوم , لقيت كل ارايبي هناك , سلمت عليهم واعدت سكتة , لقيتهم بيقولولي هااا يا عشق هتعملي ايه , قلت هعمل ايه في ايه يعني , لقيتهم بيقولو في الجامعة يعني بالرغم ان الافضل كفايا تعليم لحد كده , رديت وتعب السنين الفاتت , لقيتهم ضحكو وقالو ملناش دعوة بالتعب المهم المجموع وانتي مجموعك مش حلو لدرجة انك تتكلمي وتناقشي , قالو لماما كلام زي السم , ومنه كفايا تعليم لحد كده وكفايا مصاريف على وحدة فشلة من الاول , ماما قالت هبقى اشوف الموضوع دا بعدين , وانا قعدة كنت بحاول اسيطر على دموعي على قدر الامكان , بس مقدرتش , عيطت وقلت بوجع , انتو ايه محدش مقدر تعبي ومجهودي دي ارادة ربنا لو مش عارفين , انا عملت العليا وذاكرت لكني وثقة ان دي حكمة من حكم ربنا , لقيتهم ضحكو بسخرية وقالو خلينا نشوف هتدخلي ايه يا ست عشق , انا اتصدمت بس مردتش , ماما استاذنت واخدتني ومشينا , وهي بتلوم فيا وقالت اني الكنت مقصرة في مذاكرتي , وزعقتلي كتير , مقلتش حاجة لاني حسة بيها وبوجعها , بس انا موجوعة اكتر دا حلمي الانهار يا ناس , دخلت اوضتي من سكات , والمرة دي حسيت بالاحباط من الجميع ومحدش هيشجعني , بس لقيت اني لازم اقوى وادخل الكلية واحقق حلمي حتى ولو كانت آداب , خرجت لماما وطلبت اننا نروح نقدم في آداب قسم فرنساوي , لقيتها بتقلي وانتي هتنفعي بقى في الفرنساوي دا , اتصدمت من طريقة التفكير , هي للدرجة دي شيفاني قليلة , قلتلها بثبات وبجدية ايوة هقدر , قالتلي اما نشوف , عرفة يا عشق ان مجبتيش درجات كويسة انا هتصرف معاكي , قلتلها تمام واستاذنت ودخلت اوضتي تاني , مانا مبقتش مهمة عند حد حتى ماما نفسها اتغيرت معايا , رحنا فعلا وقدمنا واتقبلت بس بعد معاناة الحمد لله , واحنا راجعين البيت لقيت جارتي بتسلم علينا وسالت ماما كنا فين ماما قالت انها كانت بتقدملي في الكلية , لقيتها بتقول بسماجة بتقدميلها ليه , سوري يعني هي مبتشفش مش هتستفاد حاجة بشهادتها , ولا هي مصاريف على الفاضي , زائد هي مش جيبة مجموع حلو يعني , لقيت ماما بتقولها اهو معاكي حق بس اعمل العليا اخلص ضميري من تعليمها وباقي زواجها , لقيت جارتي بتقول باستهزاء هي هتتجوز كمان , هي عرفة تعمل حاجة اصلا ولا بتمشي لوحدها , يا عيني عليها هتعنس وهتموت من غير جواز , اتفاجءت من كلامها وتفكيرها المحدود , ومن كلامها اني مش هتجوز مفكرتش في الموضوع دا بسراحة , بس رديت بسخرية حضرتك مش شيفة اني عادية زيكو والمجموع الحضرتك بتتكلمي عليه كتير اوي كان نفسهم يجيبوه بس معرفوش , وغير كده روحي شوفي بيوت الكفيفات وهتلاقيه اجمل واسعد بيت , ولو مش شيفة كل دا روحي لدكتور عيون احسن , ومش شيفة حضرتك انك بتدخلي في الميخصكيش , لقيتها اتحرجت جامد وسابتنا ومشيت , انا ايوة مش شيفاها لكني عرفت انها اتحرجت , عرفة اني غلطت لانها اكبر مني بس تعبت من كتر الكتمان , ابتسمت ابتسامة اني قدرت اخد حقي منها لكنها مدامتش , لقيت ماما ضربتني بالقلم اول مدخلنا البيت وقالتلي الظاهر اني دلعتك زيادة علشان تالي ادبك على الاكبر منك ولا معرفتش اربي , مش كفايا انك مبتشوفيش لا وكمان جيبة مجموع زي الزفت وبتتنططي علينا , ايه رايك ان مفيش كليات وريني هتعملي ايه , انهرت وقلتلها حرام عليكم ارحموني , مش ذنبي اني كفيفة ومش ذنبي اني مجبتش المجموع العيزاه , انتي كنتي شيفة انا اد ايه تعبت وذاكرت علشان ادخل السن بس هي مش خير ليا , اما عن كلامي فانا تعبت من الكتمان , وكنت فرحانة انك معايا وبتدعميني بس الظاهر كنت غلطانة وبحلم بس فقت على واقع مؤلم وحضرتك اتغيرتي معايا من بعد النتيجة ودا الصدمني ودهور نفسيتي اكتر مهي متدهورة , stop , اتوقعو رد والدت عشق ايه وهل هتكمل تعليم ولا كده خلاص , كل دا هنعرفه في البارت الجاي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حكاية كفيفة)
