رواية تحت حماية الفارس الفصل الحادي عشر 11 بقلم نوران جمال
رواية تحت حماية الفارس البارت الحادي عشر
رواية تحت حماية الفارس الجزء الحادي عشر
رواية تحت حماية الفارس الحلقة الحادية عشر
فلاش باك
تم فتح بوابه القصر لأن الكاميرات استطاعت تحديد وجه صاحب السياره وعرفت أنه تبع العائله ودخلت تلك السياره كان صاحب السياره يقود وهو يغني ويدندن ويقود بسرعه كبيره وفجأه رأي تلك الفتاه الغريبه بالنسبه له وكان سيخبطها بسيارته لولا استخدامه للفرامل بسرعه كبيره فتوقف امامها مباشره .
باك
قامت نورين بالصراخ بشده فهي كانت خائفه من تلك السياره وكانت تضع يديها علي وجهها حتي تخبئ عيونها. ، نزل صاحب السياره وذهب لنورين ثم وقف امامها .
صاحب السياره : يا انسه انتي كويسه …
ازالت نورين يديها من علي وجهها ونظرت له ..
نورين بغضب : انت ازاي تسوق العربيه بالطريقه ديه واضح أنك اعمي مش بتشوف ..
صاحب السياره بغضب وصوت مرتفع : لأ بشوف كويس انتي اللي ماشيه سرحانه ..
نورين بصوت مرتفع وغضب: مش تعلي صوتك عليا انت فاهم …
وفجأه وجدوا جميع من في القصر أمامهم
فلاش باك
في القصر
كان الجميع يتكلم وفجأه نزل فارس فهو قد استيقظ من نصف ساعة قام بأداء تمارينه وارتدي ملابسه ونزل لهم وهو غاضب.
فارس بغضب: انتوا ازاي تخلوا نورين في الدور بتاعي..
نوران : مش انت اللي جبتها امبارح …
فارس بغضب: يعني عشان انا اللي جبتها تحطوها في الدور بتاعي لأ والأوده اللي قدام اودتي علي طول انتوا بتهزروا وقبل أن يرد أي أحد سمع الجميع صوت صراخ نورين في الخارج فخرج الجميع بسرعه وكان يسبقهم فارس وآسر وعندما ذهبوا وجدوا نورين بتتخانق مع مروان وصوتهم مرتفع .
باك
الاء : ايه يا ولاد بتتخانقوا ليه …
نورين وهي تشاور علي مروان : الحيوان ده كان هيخبطني بالعربيه لأ ومش يعتذر يقوم مزعق ومعلي صوته عليه…
مروان وهو ينظر لها بغضب: أنا اعلي صوتي زي منا عايز …
ملك : مروان عيب كده …
مروان بغضب : مين ديه أصلا وازاي تدخل هنا …
جوري : ديه نورين كانت الدكتوره اللي انقذت فارس يوم ما اتصاب وعايشه معانا دلوقتي عشان وكانت ستكمل فقاطعها فارس
فارس : عشان عندها مشكله في الشقه بتاعتها ..
مروان بمكر: يعني عايشه في القصر ..
فارس بمكر اكبر: اه وفي الدور بتاعي ثم قام بشد نورين من يدها .
نورين بضيق : انت بتعمل ايه..
فارس بغضب وحده: مش عايز اسمع صوتك فاهمه…
لاحظت نورين غضب فارس كما أنها خافت من نبرة صوته فقررت السكوت. قام فارس بإدخالها القصر
فارس بحده وصوت منخفض: متتكلميش مع مروان ده تاني فاهمه …
نورين بغضب : وأنت مالك اتكلم أو مش اتكلم..
فارس بغضب: نورين اسمعي الكلام ومش تعصبيني عن كده …
نورين : هو فيه ايه ..
فارس بغضب وصوت مرتفع: اعملي اللي انتي عايزاه أنا غلطان اني بتكلم معاكي أصلا ثم ذهب إلي الخارج وقاد سيارته بعيدا …
أما باقي العائله كانوا منصدمين من حركه فارس بشد نورين بتلك الطريقه ولم يخرجهم من صمتهم سوي سماع صوت فارس ونورين المرتفع ولكنهم لم يستطيعوا تحديد ما يقولون سوي آخر جمله قالها فارس فذهبوا جميعا ليهدئوا الوضع ويفهموا ما يحدث وعند دخولهم وجدوا فارس يخرج بغضب شديد ويركب سيارته وقادها بعيدا أما نورين كانت مصدومه من خروجه المفاجئ أما آسر نظر إلي ما يحدث بغموض شديد..
كارما بهدوء: نورين هو في ايه …
نورين بغضب: ما فيش حاجه واحد مجنون اعمله ايه يعني ثم استدارت وذهبت إلي السلم ثم إلي غرفتها وقامت بإغلاق الباب .
نورين بغضب : غبي غبي ثم تذكرت والديها واكملت كل حاجه كانت ماشيه كويس من يوم موتكوا والدنيا مقفله في وشي حتي معتز اللي كنت بعتبره اخويا وسندي الدنيا بعدتنا عن بعض والمشاكل مش سايباني في حالي ثم وهي تبكي بشده وحشتوني وحشتوني اوي وفي ظل بكائها نامت ..
أما في الأسفل كان الجميع مصدومين مما يحدث فقاطع مروان صمتهم..
مروان : بس ليه يا جوري مش قولتيلي علي موضوع نورين ده ..
حمزه: وهي تقولك ليه اصلا…
فنظر سيف إلي حمزه فسكت حمزه ونظر إلي الجهه الأخري…
جوري : مش جت فرصه يا مروان كمان انت مش كنت فاضي فمش رضيت اتقل عليك…
مروان : خلاص يا حبي …
جوري : هتبات هنا النهارده …
مروان : اه هبات هنا بس هروح الفيلا بتاعتي هجيب لبس وهاجي…
جوري : تمام يا حبيبي …
خرج مروان ليأتي بملابسه أما الشباب كانوا ينظرون له بكره فهم لا يشعرون باللطف اتجاه مروان ..
وفجأه وجدوا فارس يدخل عليهم
فارس : راح فين ..
كرم : غار في داهيه .، فقام زين بنكزه ..
فنظرت لهم جوري بعتاب : مروان مشي يا فارس ” فجميعهم يخافون أن يقولوا له بأن مروان سوف يبات في القصر وليس فيلته ” فأومأ لهم فارس بمعني نعم وذهب إلي السلم وأثناء صعوده السلم ..
اسر : فارس مروان هيبات في القصر وعند تلك الكلمه توقف فارس عن الصعود واستدار لهم بغضب …
فارس بغضب: يعني إيه هيبات…
اسر بتنهيده : يعني هيبات ..
فكان فارس سيعترض ولكن قاطعه اسر
اسر : فارس عايزك في المكتب فذهب فارس مع والده إلي المكتب..
داخل المكتب
اسر بغضب: انت ازاي تتكلم كده بره انت نسيت ان جوري بتحبه….
فارس ببرود: هي عارفه ان مفيش حد هنا بيطيقه …
آسر وهو يجلس علي المكتب : والله ولا أنا بطيقه بس نعمل ايه ..
فارس بضحك : والله ما عارف ايه اللي عاجبها فيه ..
اسر وهو يضحك : يمكن ييجي يوم وتغير رأيها المهم عملت ايه في موضوع نورين …
فارس بمكر: علي اساس انك مش عارف اللي فيها…
فنظر له اسر ببرود …
فارس : أولا أنا عارف انك السبب في العربيه السوداء اللي الرجاله فيها خدروا نورين ثانيا عارف ان انت اللي كلمت اللواء يقولي علي الخطه اللي تخلي نورين في البيت بس صدقني يا قناص اللي في دماغك انت وماما مش هيحصل المهمه ديه تخلص ونقبض علي العصابه وبعد كده ترجع بيتها وكل حاجه ترجع زي ما كانت ودلوقتي عن اذنك يا قناص بس يا بابا زي ما انت القناص فأنا الصياد…، ثم خرج فارس وذهب إلي غرفته
اما في الداخل وقف اسر ونظر إلي مكان ابنه بفخر شديد فهو كان يعلم أن فارس سيعرف …، ثم فجأه تم فتح الباب وكانت نوران ..
نوران بقلق: اوعي يكون عرف ..
اسر بضحك: عرف كل حاجه…
نوران : وانا اللي قولت هعيش اللحظه وهدخل جوه الدور وقربهم من بعض بس هو عرف …
اسر بضحك: نوران هتفضلي مجنونه كده كتير يعني انتي مش عارفه ابنك …
نوران : المهم هنعمل ايه في مروان ده انا استغربت أنك وافقت أنه يبات…
اسر بمكر : بصي انا كنت هرفض بس واضح ان ده اللي هيقربهم من بعض مش احنا…
نوران بتفكير : ممكن رغم اني بحس انه وراه حاجه كفايا ان احنا مش شوفنا أهله لدلوقتي…
اسر : انا كمان عندي نفس الإحساس بس كله بوقته ..
اما في الخارج كانوا جميعا يتكلمون وفجأه وجدوا فارس ينادي حمزه ..
فارس : حمزه عايزك تروح شقة نورين تجيب اللاب توب وحاجاتها من هناك تمام ..
حمزه : تمام ..، ثم ذهب إلي الخارج وركب عربيته واتجه الي هناك ولا يعلم أن هناك سيحدث ما يغير رأيه وأشياء كثيره في الأحداث..
في الأعلي استيقظت نورين واعينها متورمه ثم سمعت صوت نوران وهي تنادي علي الجميع من أجل الغداء نزلت نورين وهي تفكر في شئ تنتقم به من فارس حتي جائت في بالها فكره ولكنها قررت تنفيذها في الصباح اليوم التالي
“فيا تري ماذا سيحدث ، انتظروا”
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تحت حماية الفارس)
شي حلو كملي كملي😍شكرا